Ереме́ё 10:3 - Библия - Пэ Балтитко Романи чиб (Романэс) 2019

³ Пал-дова́ со далэ́ манушы́тка стату́ты нисо́ нанэ мол. Акэ, екх ману́ш вычингирэла кашт дро вэш, скаминдарискирэ васта́ обкэрэна лэс товэрэса.

Biblija - Pe Baltitko Romani čib (Romanes) 2019

³ Pal-dová so dalé manušýtka statúty nisó nane mol. Ake, jekh manúš vyčingirela kašt dro veš, skamindariskire vastá obkerena les toveresa.

Ереме́ё 10:3 Referans Kwoze

Левито 18:30

Палдава́ ракхэ́н Мирэ́ упхэныбэна́, соб (кай) тумэ́ тэ на кэрэ́н пир джунгалэ́ присыкляибэна, пир савэ́ кэрдэ́ мануша́, савэ́ сыс вагэдыр тумэ́ндыр, и соб (кай) тумэ́нгэ тэ на магирэнпэ. Мэ сом Рай Дэвэ́л, Дэвэ́л тумаро́.’”

1 Petr 1:18

джины́, со на рупэ́са ци сувнака́са, савэ́ усае́кх нанэ важнэдыр сарэ́стыр, тумэ́ сан выкиндлэ чхучэ́ (пустонэ) джиибнастыр, саво́ тумэ́ дорэснэ́ пэ́скирэ дадэндыр;

Римлянэнгэ 1:21

Ёнэ джиндлэ́ Дэвлэ́с, нэ ёнэ на славиндлэ Лэс, сыр Дэвлэ́с, и на парикирэнас Лэ́скэ: ёнэ ячнэ́ тэ кошэнпэ, ке́ли пириракирэнас, и лэ́нгирэ нагодьварэ илэ тасадынэ дро калыпэ́н:

Ереме́ё 10:8

Ёнэ исын со кэ екх бигодякирэ и дылынинька, лэ́нгиро сыклякирибэ́н исын чхучо́, соб (кай) тэ дэн паты́в каштэнгэ.

Матфеё 6:7

Ке́ли ту мангэсапэ, на ра́кир бут лава́, сыр На́юды, савэ́ думинэ́на, со лэн ушунэна пал лэ́нгирэ длэнгэ мангипэна.

Isajos 45:20

Скэдэ́нпэ, явэ́н, подджан сарэ́, кон зракхцяпэ народо́стыр. Мэк тэ явэ́н одолэ́ дылынэ́ и бура, кон лыджа́ла каштуно идоло, кон мангэлапэ дэвлорэскэ, саво́ на зракхэ́ла.

Ереме́ё 2:5

Адя́кэ ракирэ́ла Рай Дэвэ́л: ‘Саво́ чорипэ́н тумарэ́ дада́ латхнэ́ дрэ Ма́ндэ, со ёнэ дуринэ Ма́ндыр, со ёнэ гинэ́ пал хартытка и́долы, и со ёнэ кокорэ́ ячнэ́ хартытка (суетна)?

Apostolengiri Butý 19:26

и тумэ́ ж дыкхэ́на и шунэ́на, со на дрэ екх Ефесия, а адя́кэ-паць пир сари́ Асия, сыр адава́ Па́вли патякирдя и отрискирдя бутэ́ манушэ́н дро пэ́скиро патяибэ́н и со дэвэла́, савэ́ кэрдэ́ манушы́тка васта́, исын на дэвэла́.

Psalmy 115:4

[12] Нэ лэ́нгирэ и́долы (хоханэ́ дэвлорэ́) исын рупэ́стыр и сувнака́стыр, савэ́ манушэ́нгирэ васта́ кэрдэ́:

Ереме́ё 1:16

И Мэ выпхэнава Миро пхаро́-сэндякирибэн пэ лэ́ндэ пал саро́ лэ́нгиро фуипэ́н, пал-дова́ со ёнэ ячкирдэ́ Ман, и ёнэ тхувлякирдэ дро́га смо́лы явирэ дэвлорорэнгэ, и ёнэ дынэ́ паты́в идолэ́нгэ, со кэрдэ́ лэ́нгирэ васта́.

Ереме́ё 14:22

Ци исын машки́р Наюды́тка и́долы одолэ́, савэ́ дэ́на брышы́нд? Ци могинэ́ла (сашты́) кокоро́ болыбэ́н тэ дэл барэ́ панинга́? Ци дава́ нанэ Рай Дэвэ́л, амаро́ Дэвэ́л? Палдава́ амэ ява́са тэ ужакирас Тут, пал-дова́ со Ту кэрдя́н саро́ дава́.

Ереме́ё 16:19

Раё Дэ́вла! Ту сан миро зоралыпэ́н и мири́ тва́рдыма, и пал Ту́тэ Мэ гарадёвава дрэ трашанэ (даракунэ) дывэса́, кэ Ту явэ́на бут мануша́ сарэ́ ягорэндыр (краендыр) пэ пхув и пхэнэ́на: “Амарэ́ дада́, чачэс, дорэснэ́ (долынэ) мэкно́ миштыпэ́н, саво́ исын хохано́ и хартытко (никчэмно), и лэ́стыр нанэ ни саво́ лачхипэ́н.