Ереме́ё 10:12 - Библия - Пэ Балтитко Романи чиб (Романэс) 2019

¹² Ёв создыя́ пхув Пэ́скирэ зорья́са, и Ёв чхудя́ свэ́то Пэ́скирэ годыпнаса, и Ёв роздиньдькирдя (ростырдыя) болыбэ́н Пэ́скирэ годя́са.

Biblija - Pe Baltitko Romani čib (Romanes) 2019

¹² Jov sozdyjá phuv Péskire zorjása, i Jov čhudiá svéto Péskire godypnasa, i Jov rozdin'd'kirdia (rostyrdyja) bolybén Péskire godiása.

Ереме́ё 10:12 Referans Kwoze

Ióvo 9:8

Дэвэ́л Кокоро́ чхудя́ болыбэ́н, и Ёв штавэла пир вучэ́-морёскирэ (дэрьявэ́скирэ) валны:

Džiibén 1:1

Англэды́р сарэ́стыр Дэвэ́л создыя́ болыбэ́н и пхув.

Pritčy 3:19

Рай Дэвэ́л Пэ́скирэ годыпнаса создыя́ пхув, Ёв Пэ́скирэ ґалыибнаса создыя́ болыбэ́н.

Isajos 40:22

Ёв исын Одова́, Кон бэшэ́ла упра́л пэ крэнглыпэн пхувья́киро и пэ манушэ́ндэ, савэ́ пэ пхув дживэ́на, и, савэ́ исын сыр кирмэ анги́л Лэ́стэ. Ёв протырдыя́ болыбэ́н, сыр сано похтан, чхудя́ лэн сыр ша́тра.

Колосянэнгэ 1:16

пир Лэ́стэ Дэвэ́л создыя́ саро́ пэ болыбэ́н и пэ пхув, саро́, со исын дыцьло (бицяло́) и дова́, со нанэ дыцьло, ци троны, кай кра́лья исын бэштэ́, ци кхенинги, ци барэ́ рая, ци свэтоскиро зоралыпэ́н; саро́ пир Лэ́стэ и ваш Лэ́скэ исын создыно́.

Joannostir 1:3

Саро́, со исын, яця́ пир Лэ́стэ, и би Лэ́скиро саро́ со исын, на явэ́лас.

Psalmy 24:2

Пал-дова́ со Ёв чхудя́ пхувья́киро фунда́менто, пэ хор мо́ри (дэрьява́) и чхудя́ дава́-паць пэ паня́.

Заха́рия 12:1

Ангилпхэныбэ́н Ра́стыр-Дэвлэ́стыр пало́ Израилё. Адя́кэ ракирэ́ла Рай-Дэвэ́л, Саво́ розбуґлякирдя болыбэ́н, Саво́ кэрдя́ пхув и дыя́ манушэ́скэ ди андрэ́ лэ́стэ, ракирэ́ла:

Ереме́ё 32:17

“О Раё Дэ́вла, Раё Дэвлалэ! Акэ, Ту создыян болыбэ́н и пхув Пэ́скирэ барэ́ зорья́са и Пэ́скирэ вытырдынэ псикэса, ваш Ту́кэ нисо́ нанэ пхаро́!

Ереме́ё 10:13

Ке́ли Ёв пхэнэ́ла Пэ́скирэ заня́са, тэды пэ болыбэ́н шуминэна паня́: и Ёв кэрэ́ла адя́кэ, со о́блоки пане́са ґаздэ́напэ ягорэндыр пэ пхув; ёв кэрэ́ла блискави́цы машки́р брышы́нд, и ёв лыджа́ла анги́л балва́л Лэ́скирэ кучонэ́-пиральендыр.

Isajos 49:8

Адя́кэ ракирэ́ла Рай Дэвэ́л: “Дрэ лачхэ́ дывэса́ Мэ тут шундём; дро дывэ́с, ко́ли исын зракхибэ́н, Мэ подрикирдём Тут. Мэ ява́ва тэ ракхав Тут, кэра́ва Ту́тыр завето ваш манушэ́нгэ, соб (кай) пхув тэ отджидякирэс; соб (кай) тэ отлэс палэ росчордо мэкно́ миштыпэ́н, тэ рискирэс ла (пхув) прилыибнаскирэнгэ (наследникэнгэ);

Isajos 48:13

Миро васт создыя́ пхув; Миро чачо́ (право) васт протырдыя́ болыбэ́н; ко́ли Мэ кхара́ва лэн, то ёнэ кхэтанэ́ явэ́на.

Isajos 45:18

Адя́кэ ракирэ́ла Рай Дэвэ́л, Саво́ создыя́ болыбэ́н; Ёв – Дэвэ́л, Саво́ счхудя пхув и дыя́ зор ла́кэ; на ивья́ (напра́снэс) счхудя ла, а соб (кай) тэ дживэ́н пэ ла́тэ; Мэ сом Рай Дэвэ́л и явирэ́с нанэ.

Isajos 45:12

Мэ создыём пхув и манушэ́с пэ ла́тэ; Мэ – Мирэ́ васта́ протырдынэ болыбэ́н и Мэ дыём припхэныбэ́н кэ сарэ́ болыбны́тка чэргэня́ (болыбнытко халадыбэ́н).

Isajos 44:24

Адя́кэ ракирэ́ла Рай Дэвэ́л, Саво́ выкиндя тут, и Саво́ создыя́ тут дрэ дакири лочови́: “Мэ сом Рай Дэвэ́л, Саво́ создыя́ саро́, Мэ екхджино́ протырдыём болыбэ́н и Пэ́скирэ зорья́са росчхудём пхув.

Isajos 42:5

Адя́кэ ракирэ́ла Рай Дэвэ́л, Саво́ создыя́ болыбэ́н и штэ́ты лэ́нгирэ, Саво́ создыя́ пхув ла́кирэ джиибнаса, Саво́ дэ́ла, соб (кай) тэ дживэ́л ла́киро народо, Саво́ дэ́ла ду́хо (фа́но) одолэ́нгэ, кон пир пхув псирэ́ла.

Psalmy 104:24

О, Раё Дэ́вла, кицы́ бут Ту создыян! Ту кэрдя́н лэн сарэ́н барэ́ годыпнаса, а пхув исын пхэрды́ Тырэ́ барвалыпнэнца.

Psalmy 33:6

Болыбэ́н сыс создыно́ Ра́скирэ-Дэвлэ́скирэ лавэ́стыр, болыбна́скиро свэ́то сыс создыно́ пхурдыпнаса Лэ́скирэ мо́стыр.

Pritčy 30:4

Кон ґаздыя́пэ пэ болыбэ́н и гия́ тэлэ́? Кон скэдыя́ балва́л дрэ Пэ́скирэ бурныка (жмени)? Кон учхакирдя́ паня́ идяса? Кон зачхудя пхувья́кирэ яго́ры (краи́)? Саво́ исын Лэ́скиро лав; и саво́ исын Лэ́скирэ-Чхавэ́скиро лав, ко́ли ту джинэ́са?

Psalmy 119:90

Тыро́ патяибэ́н пириджала екхэ родо́стыр кэ яви́р: Ту зачхудян пхув и ёй усады (сак) ячэ́лапэ адя́кэ.

Psalmy 78:69

И Ёв ґаздыя́ Пэ́скиро Свэ́нто Штэ́то вучэ́с сыр бэ́рги, сыр пхув, сави́ Ёв зачхудя пэ сарэ́ ве́ки.

Ióvo 26:7

Дэвэ́л роздиндькирэла паш-ратякири риг пир чхучэ́ штэ́ты; Ёв ублавэла пхув пэ нисо́.

Psalmy 104:2

Ту сан учхакирдо дудэса (свэтоса) сыр урибнаса, Ту росчхудян трусця́л (кругом) болыбэ́н сыр шатракирэ рига́.

Psalmy 93:1

Рай Дэвэ́л кралинэла, Ёв уридя пэ Пэ́стэ райканы сла́ва: Рай Дэвэ́л уридяпэ и подпхандяпэ зоралыпнаса и Ёв зачхудя свэ́то, Саво́ на тринскирлапэ.

Džiibén 2:5

И кажно фэлдытко хру́сто (кусто), саво́ англэды́р на сыс пэ пхув, и кажно фэлдытко чар, сави́ англэды́р на бария; пал-дова́ со Рай Дэвэ́л, Дэвэ́л англэды́р на бичхадя́ брышы́нд пэ пхув, и на сыс манушэ́с, соб (кай) тэ кэрэ́л буты́ пэ пхув;

Ióvo 37:18

Ци ту Лэ́са росчхудян пир рига́ о́блоки, со исын зоралэ́ сыр вычхудо ґиндало?

Isajos 37:16

“Раё Дэ́вла, болыбна́скирэ-янголэ́нгиро, Дэвэ́л Израилёскиро, Саво́ исын бэшто́ пэ херувимы! Ту сан екх Дэвэ́л пэ сарэ́ пхувитка кралипэна́, Ту создыян пхув и болыбэ́н.

Ереме́ё 10:16

Яковоскири до́ля нанэ кадасави сыр лэ́нгири, пал-дова́, со Ёв, Кон создыя́ саро́, и Кон выкэдыя́ Израилё сыр Лэ́скиро миштыпэ́н, исын болыбна́скирэ-янголэ́нгиро Рай Дэвэ́л и дава́ исын Лэ́скиро лав.

Ереме́ё 27:5

Мэ кэрдём пхув, создыём манушэ́с и мурдалэ́н, савэ́ исын пир сари́ пхув Мирэ́ барэ́ зорья́са и Мирэ́ выдиндзькирдэ псикэса, и Мэ отда́ва дава́ кодолэ́скэ, кон исын лачхо́ Ма́нгэ.

1 Паралипоменоно 16:26

Пал-дова́ со сарэ́ манушэ́нгирэ дэвлорэ́ исын нисо́; а Рай Дэвэ́л создыя́ болыбэ́н.

Psalmy 65:7

Ту чхудя́н бэ́рги Пэ́скирэ зорья́са, Ту подпхандянпэ Пэ́скирэ зоралыпнаса;

Ереме́ё 14:22

Ци исын машки́р Наюды́тка и́долы одолэ́, савэ́ дэ́на брышы́нд? Ци могинэ́ла (сашты́) кокоро́ болыбэ́н тэ дэл барэ́ панинга́? Ци дава́ нанэ Рай Дэвэ́л, амаро́ Дэвэ́л? Палдава́ амэ ява́са тэ ужакирас Тут, пал-дова́ со Ту кэрдя́н саро́ дава́.