Ереме́ё 1:3 - Библия - Пэ Балтитко Романи чиб (Романэс) 2019

³ Рай Дэвэ́л адя́кэ-паць бичхадя́ Лэ́скиро лав дрэ дывэса́ Иоакимоскирэ (Якимоскирэ), кон сыс Ёсиякиро чхаво́ и Юдэя́киро кра́ли кэ/ жы́ко/ дэшупэрво бэрш, сыр Сэдэки́я, Ёсияскиро чхаво́ сыс кра́ли пир Юдэ́я анги́л дова́, сыр дро па́нджто чхон Ерусалимо́скирэ манушэ́н лыджинэ́ дро пле́но.

Biblija - Pe Baltitko Romani čib (Romanes) 2019

³ Raj Devél adiáke-pac' bičhadiá Léskiro lav dre dyvesá Ioakimoskire (Jakimoskire), kon sys Josijakiro čhavó i Judejákiro králi ke/ žýko/ dešupervo berš, syr Sedekíia, Josijaskiro čhavó sys králi pir Judéia angíl dová, syr dro pándžto čhon Jerusalimóskire manušén lydžiné dro pliéno.

Ереме́ё 1:3 Referans Kwoze

Ереме́ё 39:2

И дро дэшупэрво бэрш Сэдэкияскиро дро шта́рто чхон, пэ еня́то (биекхэ́скиро дэ́што) дывэ́с чхонэ́скиро, фо́ро лынэ́,

4 Kralip 23:34

И чхудя́ крали́са фарао́но Нехао Елиакимос, Иосия́скиро чхавэ́с, пэ штэ́то заме́ст Иосия́скиро, лэ́скирэ-дадэ́стэ, и парудя лэ́скиро лав пэ Иоакимостэ; Иоахазос лыя́ и отлыджия лэс дро Еги́пто, кай ёв и мыя́.

Заха́рия 8:19

Адя́кэ ракирэ́ла янголэ́нгирэ-болыбна́скиро Рай Дэвэ́л: Посто дро шта́рто чхон и посто дро па́нджто чхон, и посто дро эфта́то чхон и дро дэ́што, мэк тэ явэ́л ваш кхэр Юда́скиро радымакиро и бахтало́ свэ́нко; фэ́ни тумэ́ сан бангэ́ тэ рикирэ́н чачипэ́н и рама́нё.’

Заха́рия 7:5

“Пхэн сарэ́нгэ пхувья́кирэ манушэ́нгэ и рашангэ адя́кэ: ‘Ке́ли тумэ́ рикирэнас посто и ровэнас дро па́нджто и эфта́то чхон, и дава́ ужэ эфтадэша́ бэрш, – ци ваш Ма́нгэ тумэ́ рикирдэ посто? Ци ваш Ма́нгэ?

Ереме́ё 34:1

Акэ, лав, со сыс кэ Ереме́ё Ра́стыр-Дэвлэ́стыр, ке́ли о Навуходоносо́ро, кра́ли Вавилоно́скиро, и саро́ халадыбэ́н лэ́скиро, и сарэ́ кралипэна́ пэ пхув тэл лэ́скири зор, и сарэ́ мануша́, мардэ́пэ проти Ерусалимо, и проти сарэ́ лэ́скирэ фо́рья, и пхэндя́:

1 Паралипоменоно 3:15

Чхавэ́ Иосияскирэ сыс: англатуно́ чхаво́ Иоахазо, яви́р Иоакимо, три́то Сэдэки́я, шта́рто Селумо.

4 Kralip 24:17

И чхудя́ Вавилоно́скиро кра́ли Матфанияс крали́са, какэс Ехониияскирэс, пэ штэ́то лэ́скиро, и парудя лэ́скиро лав пэ Сэдэки́я.

Ереме́ё 1:4

И сыс кэ мэ, Еремеёскэ, лав Ра́стыр-Дэвлэ́стыр и пхэндя́:

Ереме́ё 35:1

Лав, саво́ сыс кэ Ереме́ё Ра́стыр-Дэвлэ́стыр дрэ Иоакимоскирэ дывэса́, чхавэ́скирэ Иосияскирэ (Ёсияскирэ), кон сыс кра́ли пир Юдэ́я, ракири́:

Ереме́ё 36:2

“Лэ сви́тко лылварьятыр, и зачхин пэ дава́ сви́тко сарэ́ лава́, со Мэ пхэндём ту́кэ пал Израилё, пал Юдастэ и пал Наюды́тка на́цыи, долэ́ дывэсэ́стыр, ке́ли Мэ лыём тэ ракира́в тумэ́нгэ: Иосияскирэ дывэсэ́ндыр кэ дава́ дывэ́с.