Ереме́ё 1:19 - Библия - Пэ Балтитко Романи чиб (Романэс) 2019

¹⁹ И ёнэ явэ́на тэ марэ́нпэ ту́са, нэ ёнэ на пиризорькирэна тут, пал-дова́ со Мэ сом ту́са, – пхэндя́ Рай Дэвэ́л, – соб (кай) тэ ракхав тут.”

Biblija - Pe Baltitko Romani čib (Romanes) 2019

¹⁹ I jone javéna te marénpe túsa, ne jone na pirizor'kirena tut, pal-dová so Me som túsa, – phendiá Raj Devél, – sob (kaj) te rakhav tut.”

Ереме́ё 1:19 Referans Kwoze

Isúso 1:9

Ѓа́да, Мэ ракира́ва ту́кэ: яв зорало́ и муршкано́, на дар и на страхадёв; пал-дова́ со ту́са Рай Дэвэ́л, тыро́ Дэвэ́л, исын усенде (везде), карик ту на джасас”.

Ереме́ё 1:8

На дар лэ́ндыр, пал-дова́ со Мэ сом ту́са тэ ракхав тут”, – пхэндя́ Рай Дэвэ́л.

Ереме́ё 20:11

Нэ Ту, Раё Дэ́вла, сан зоралыпнаскиро и трашано (би дара́киро), и Ту сан пэ мири́ риг; палдава́ вэ́рги, савэ́ традэ́на ман, обштавэнапэ, и ёнэ на лэ́на упралыпэ́н пэ ма́ндэ: ёнэ явэ́на ладжакирдэ́, пал-дова́ со лэ́нгирэ планы на удэнапэ лэ́нгэ кэ миштыпэ́н [енэ кэрдэ́ нагодьварэс, ладж явэ́ла лэ́нгэ пэ саро́ ве́ко и ние́кхвар на бистрэлапэ-р.с.],

Psalmy 129:2

“Ёнэ притасавэнас ман мирэ́ тэрныпнастыр бут мо́лы, нэ ёнэ на лынэ́ упралыпэ́н пэ ма́ндэ.

Ереме́ё 11:19

Нэ мэ со́мас сыр рахмано бакроро́, савэ́с лыджинэ́ тэ чхинэн; и мэ на джиндём, со ёнэ придуминдлэ фуипэ́н (биба́хт) пэ ма́ндэ, ракири́: “Явэ́н, хасякираса кашт лэ́скирэ пхабэнца, и явэ́н, чингираса дава́ кашт криг джидэ́ пхувья́тыр, соб (кай) буты́р тэ на рипирэ́н лэ́скиро лав.”

Apostolengiri Butý 26:17

Мэ зракха́ва тут – манушэ́нгирэ вастэ́ндыр и Наюдэндыр, кэ савэ́ Мэ какана́ бичхава́ва тут,

Čysly 14:9

екх, соб (кай) проти Растэ-Дэвлэ́стэ тумэ́ тэ на ґаздэ́нпэ, и на дарэ́н адалэ́-пхувья́кирэ манушэ́ндыр; пал-дова́ со ёнэ доячэнапэ амэ́нгэ пэ хабэ́н, тэ затэрдён пал лэ́ндэ нанэ конэ́скэ; а амэ́нца исын Рай Дэвэ́л, на дарэ́н лэ́ндыр.”

Ереме́ё 1:18

Пал-дова́ со Мэ, акэ, кэрдём ту́тыр сы́рбы зоралякирдо фо́ро, сы́рбы саструно сты́лбо, сы́рбы бронзытка ва́нты проти сари́ пхув, проти Юдэя́кирэ кралье́ндэ, проти тхагарьендэ, проти рашандэ, проти кадалэ́ пхувья́кирэ манушэ́ндэ.

Ереме́ё 2:1

И сыс кэ мэ, Ра́скирэ-Дэвлэ́скиро лав, и пхэндя́:

Ереме́ё 30:11

Пал-дова́ со Мэ сом ту́са’, – ракирэ́ла Рай Дэвэ́л, – соб (кай) тэ зракхав тут, мэк Мэ хасякира́ва сарэ́са сарэ́ Наюды́тка на́цыи, машки́р савэ́ндэ Мэ чхудём тэ дживэ́с тут. Нэ Мэ на хасякира́ва сарэ́са тут, нэ Мэ ява́ва тэ пирисыклякирав тут пир чачипэ́н, и Мэ на домэкава, соб (кай) ту, тэ на джас пэ́скэ сарэ́са би сэндякирибнаскиро.’

Ереме́ё 42:11

На дарэ́н Вавилоно́скирэ крали́стыр, савэ́стыр тумэ́ дарэ́на, на дарэ́н лэ́стыр’, – ракирэ́ла Рай Дэвэ́л, – пал-дова́ со Мэ сом тумэ́нца тэ зракхав тумэн и тэ выракхав тумэн лэ́скирэ вастэ́стыр.

Ереме́ё 46:28

На дар, Миро писха́ри, Яково’, – ракирэ́ла Рай Дэвэ́л, – ‘Мэ сом ту́са; пал-дова́ со Мэ хасякира́ва сарэ́ на́цыи, кэ савэ́ Мэ традыём тут; нэ Мэ на хасякира́ва тут, нэ Мэ пирисыклякирава тут пир ме́ра, и Мэ сароекх на мэкава тут би сэндоскиро.”

Дание́лё 3:25

Пэ кадава́ ёв раки́рла: “Акэ, мэ дыкха́ва штарэн наспхандлэн муршэ́н, савэ́ псирна машкира́л яг, нанэ лэ́нгэ дош; э мина штартонэскири подджа́ла сыр Дэвликанэ Чхавэскири.”

Ереме́ё 11:21

Палдава́ адя́кэ ракирэ́ла Рай Дэвэ́л пал муршэндэ Анатотостыр [Анафофостыр-р.с.], савэ́ камэ́на тэ мулякирэ́н ман, пхэни́ (ракири́): “Ту буты́р на ангилпхэн Ра́скирэ-Дэвлэ́скирэ лавэ́стыр, соб (кай) ту́кэ тэ на мэрэс амарэ́ вастэ́стыр.”

Ереме́ё 18:18

Тэ́ньци ёнэ пхэндлэ́: “Явэ́н, придуминаса вари-саво́ плано пэ Еремеёстэ; пал-дова́ со Зако́но на отпэрэла рашастыр ци годо́ лав манушэ́ндыр ци лав пророкостыр. Явэ́н, замараса чиба́са лэс, и мэк нико́н амэ́ндыр тэ на пришунэлпэ кэ лэ́скирэ лава́.”

Ереме́ё 20:10

Пал-дова́ со Мэ шундём, сыр бут розлыджана бэдо сла́ва: ‘Траш исын пэ кажно риг’: ‘Мэк ёв пхэнэ́ла вари-со’, – ёнэ ракирэ́на, – и амэ здаса (пхукаваса) лэс.’ Сарэ́, кон сыс сы́рбы пэ мири́ риг, дыкхэ́на цямкэс, соб (кай) мэ тэ обштававпэ, и пхэнэ́на: ‘Амэ, хачи, затырдаса лэс, тэ́ньчи амэ ла́са упралыпэ́н пэ лэ́стэ, и амэ отхаса (отдаса) палэ лэ́скэ (кушаса холы́ пэ лэ́стэ!)’”

Ереме́ё 26:8

И яця́ адя́кэ: ке́ли Ереме́ё кончындя (пирияця́) тэ ракирэ́л саро́, со Рай Дэвэ́л припхэндя́ лэ́скэ тэ пхэнэ́л сарэ́ манушэ́нгэ, тэды рашая́, и проро́ки, и сарэ́ яви́р мануша́ ухтылдэ́ лэс, ракири́: “Ту, чачэс, мэрэ́са [банго́ тэ мэрэс-р.с.]!

Ереме́ё 39:17

Нэ Мэ зракха́ва тут дро дова́ дывэ́с,’ – ракирэ́ла Рай Дэвэ́л, – ‘и тут на выдэна дрэ васта́ манушэ́нгирэ, конэ́стыр ту дарэса.