Ереме́ё 1:14 - Библия - Пэ Балтитко Романи чиб (Романэс) 2019

¹⁴ Тэ́ньци пхэндя́ Рай Дэвэ́л ма́нгэ: “Паш-ратякирэ рига́тыр явэ́ла би́да, пэ сарэ́ манушэ́ндэ пэ пхув.”

Biblija - Pe Baltitko Romani čib (Romanes) 2019

¹⁴ Tén'ci phendiá Raj Devél mánge: “Paš-ratiakire rigátyr javéla bída, pe saré manušénde pe phuv.”

Ереме́ё 1:14 Referans Kwoze

Ереме́ё 10:22

Шунэ́н зан, сави́ дыя́ звесь: “Акэ, джа́ла баро́ ґлумо годлэнца паш-ратитконэ́ (севернонэ) рига́тыр, соб (кай) тэ чхучакирэл фо́рья дрэ Юдэ́я, и тэ кэрэ́л адя́кэ, соб (кай) одо́й шакалы тэ дживэ́н.

Ереме́ё 6:1

О, Вениамино́скирэ чхавэ́, кэдэнпэ тэ нашэ́н криг Ерусалимо́стыр! Пхурдэ́н дрэ ро́ги (трубы) дрэ Текуя и кэрэ́н яг, сыр сигнало дро Бэц-Хацэрэмо; бари биба́хт джа́ла паш-ратякирэ рига́тыр (северостыр) и бари би́да.

Ереме́ё 4:6

Ѓаздэн сцяго каринг Сио́но: нашэ́н, на ячэ́нпэ (на тэрдён). Пал-дова́ со Мэ яна́ва биба́хт паш-ратитконэ́ (шылалэ) рига́тыр и бари хась (баро́ хасибэ́н).

Isajos 41:25

Мэ ґаздыём лэс паш-ратитконэ́ (севернонэ) рига́тыр, и ёв явэ́ла, ёв явэ́ла тэ кхарэл Миро лав пэ ра́нко (пэ зло́ко), ке́ли кхам ґаздэ́лапэ, и ёв явэ́ла тэ тасавэл тхагарьен сы́рбы бла́та (растворо), сы́рбы пиритконэнгиро тасавэла ґлэя (глина).

Езэкилё 1:4

И мэ дыкхцём: акэ, рискирибнаскири балва́л джа́лас паш – ратятыр (северостыр), баро́ о́блоко, и яг ґаздэласпэ дрэ лэ́стэ, и дава́ зяинэласпэ пашы́л лэ́стэ.

Ереме́ё 50:41

Акэ, мануша́ джа́на паш-ратитконэ́ (севернонэ) рига́тыр, дая́ исын бари нацыя и бут кра́лья, савэ́ ґаздэ́напэ ягорэндыр (краендыр) пэ пхув.

Ереме́ё 50:9

Пал-дова́ со, акэ Мэ ґазда́ва и яна́ва пэ Вавило́но и кэдава кхэтанэ́ проти лэ́стэ барэ́ на́цыи паш-ратитконэ́ тхэмэстыр, и ёнэ явэ́на тэ кэдэнпэ тэ марэ́нпэ проти лэ́стэ, и ёнэ лэ́на Вавило́но. Лэ́нгирэ марибны́тка бустя́ (стре́лы) явэ́на сы́рбы одолэнгирэ, кон исын марибнаскирэ спе́цы, савэ́ на рисёна палэ ивья́ (дармэс).

Ереме́ё 46:20

“Еги́пто исын сы́рбы древа́н ґожо рэца (тёлка), нэ явэ́ла хасибэ́н, паш-ратитконэ́ рига́тыр явэ́ла,

Ереме́ё 31:8

Дыкхэ́н, Мэ яна́ва палэ лэн паш-ратитконэ́ тхэмэстыр, и Мэ скэда́ва лэн самонэ ягорэндыр пэ пхув. Машкир лэ́ндэ явэ́на: корори, и лангалы, пхари́ джувлы́, и джувлы́, савьякэ, трэй тэ биянэ́л-кхэтанэ́; баро́ скэдыибэ́н (сонмо) явэ́ла палэ [рисёла-р.с.] ада́й!

Ереме́ё 6:22

Халадэ́ (мануша́) паш-ратякирэ тхэмэстыр (северостыр) джа́на пэ Ерусалимо. И акэ, ракирэ́ла Рай Дэвэ́л: “Акэ, бари манушы́тко нацыя ґаздэ́лапэ дуратунэ́ ягорэндыр пэ пхув.

Isajos 14:31

Ров, по́рта (вра́ты)! Го́дла дэ, фо́ро! Роспэрэсапэ ту, сари́ пхув Филистимиякири, пал-дова́ со тхув джа́ла паш-ратитконэ́ (шылалэ) рига́тыр (северостыр), нико́н на ячэ́лапэ пэ лэ́нгирэ скэдыибэна.

Ереме́ё 11:17

Пал-дова́ со болыбна́скирэ-янголэ́нгиро, Рай Дэвэ́л, Саво́ чхудя́ дрэ пхув тут, выпхэндя розплэскирибэн пэ ту́тэ пал фуипэ́н (биба́хт), сави́ кэрдэ́ Израилёскирэ и Юдэя́кирэ кхэра́. Ёнэ кэрдэ́ дава́ пэ пэ́стэ и далэ́са ёнэ дукхадэ Ман кэ холы́, сыр ёнэ хачкирдэ́ дро́га смо́лы Ваалоскэ.”

Ереме́ё 47:2

Адя́кэ ракирэ́ла Рай Дэвэ́л: “Акэ, паня́ ґаздэ́напэ паш-ратитконэ́ (севернонэ) рига́тыр и ячэ́напэ сыр тасадыпнаскиро панинг; ёнэ зачхувэна пане́са пхув и саро́, со исын пэ ла́тэ: фо́рья, и одолэ́н, кон дживэ́на дрэ лэ́ндэ. Мануша́ явэ́на тэ ровэ́н, и сарэ́ джиибна́скирэ пэ пхув явэ́на тэ тугинэн (тэ ровэ́н) ясвэ́нца.

Езэкилё 24:3

Пхэн притча (сыкаибэ́н) кхэрэ́скэ, кай на кандэ́на никонэ́с, пхэн лэ́нгэ: ‘Адя́кэ ракирэ́ла Рай Дэвэ́л, Дэвэ́л: “Чхув пири́ (кака́ви), чхув, чхув одори́к пани́.

Ioil 2:20

И Мэ дурьякирава тумэ́ндыр халадыбэ́н паш-ратитконэ́ (севернонэ) рига́тыр, и Мэ традава лэн криг пэ бипанескири и чхучи́ пхув, лэ́нгирэ муенца тэ рисён кэ васточно мо́рё (дэрья́в), и лэ́нгирэ думэнца тэ рисён кэ пал-панитко (за́падно) мо́рё (дэрья́в). Лэ́нгири кхан явэ́ла тэ ґаздэлпэ, и джунгало́ (брыдко) кхандыпэн лэ́ндыр джа́ла упрэ́, пал-дова́ со ёнэ кэрдэ́ барэ́ ди́вы.

Заха́рия 6:6

Калэ́ граё одо́й выджа́на пэ риг паш-рати́тко (северно), и парнэ́ нашэ́на палэ лэ́ндэ, нэ сыва джа́на пэ риг паш-дывэсы́тко (южно).

Ереме́ё 25:9

акэ, Мэ бичхава́ва, и Мэ ла́ва сарэ́ сэм΄и (ирья́) паш-ратитконэ́ (севернонэ) рига́тыр’, – ракирэ́ла Рай Дэвэ́л, – ‘и Мэ бичхава́ва лэн кэ Навуходоносо́ро, кра́ли пир Вавило́но, Миро писха́ри, и Мэ яна́ва лэн проти дая́ пхув, и проти манушэ́ндэ, кон дживэ́ла пэ дая́ пхув, и проти сарэ́ далэ́ Наюды́тка на́цыи, савэ́ исын трусця́л, и Мэ сарэ́са хасякира́ва лэн, и Мэ кэра́ва адя́кэ, со мануша́ явэ́на тэ дивинэнпэ трашатыр (дара́тыр) пэ лэ́ндэ, тэ дэн шоля сабнаса и лэ́нгэ явэ́ла ве́чно хась/ хасибэ́н.