Ереме́ё 1:13 - Библия - Пэ Балтитко Романи чиб (Романэс) 2019

¹³ И сыс кэ мэ Ра́скирэ-Дэвлэ́скиро лав яви́р мо́ло, и пхэндя́: “Со дыкхэ́са ту?” Мэ отпхэндём: “Мэ дыкха́ва кака́ви (котло), со кэрадёла, и со сы́рбы рисёла пэ паш-ратякири (северно) риг.

Biblija - Pe Baltitko Romani čib (Romanes) 2019

¹³ I sys ke me Ráskire-Devléskiro lav javír mólo, i phendiá: “So dykhésa tu?” Me otphendjom: “Me dykháva kakávi (kotlo), so keradjola, i so sýrby risjola pe paš-ratiakiri (sievierno) rig.

Ереме́ё 1:13 Referans Kwoze

Езэкилё 11:7

Палдава́ адя́кэ ракирэ́ла Рай Дэвэ́л, Дэвэ́л: ‘Тумарэ́ замардэ́ мануша́, савэ́н тумэ́ чхудэ́, исын маса́, и кадаво фо́ро исын кака́ви, нэ Мэ яна́ва тумэн криг далэ́-форо́скирэ машкиралыпнастыр.

Езэкилё 11:3

И ракирэ́на: Ишчо дур. Ява́са тэ кэра́с кхэра́, ёв исын кака́ви (котло), амэ сам мас.

Заха́рия 4:2

И пхэндя́ ёв ма́нгэ: “Со ту дыкхэ́са?” И отпхэнавас мэ: дыкха́ва момолы́тко (свети́льнико) саро́ сувнака́стыр и тахтаёро (чашэчка) ваш маслинитко дзэт упра́л лэ́стэ, и эфта́ момолэнгирэ (лампады) пэ лэ́стэ, и пэ эфта́ трубкицы кэ момолэнгирэ, савэ́ исын упра́л лэ́стэ;

Džiibén 41:32

А дова́, со суно́ дыкхця́ фарао́но дуй мо́лы, дава́ исын, со дава́ Дэвлэ́скиро лав исын чачуно́, и со сыг Дэвэ́л кэрэ́ла дава́.

Ереме́ё 24:3

И пхуця́ ма́ндыр Рай Дэвэ́л: “Со дыкхэ́са ту, Ереме́ё?” И отпхэндём мэ: “Инжыритка му́ри.” Лачхэ́ му́ри исын древа́н лачхэ́, налачхэ́ му́ри исын дасавэ́ биба́хт, со лэн нашты́ тэ хас.”

Isajos 55:11

адя́кэ и лав Миро, саво́ выджа́ла Мирэ́ уштэндыр, – ёв на рисёла кэ Мэ палэ нисоса, нэ кэрэ́ла дова́, со Ма́нгэ трэй пир Мири́ во́ля, и кэрэ́ла дова́, ваш со Мэ бичхадём лэс.

Езэкилё 12:28

Палдава́ пхэн лэ́нгэ: ‘Адя́кэ ракирэ́ла Рай Дэвэ́л, Дэвэ́л: ние́кх Мирэ́ лавэ́ндыр на явэ́ла парудо буты́р, нэ лав, саво́ Мэ пхэна́ва, пхэрдякирэлапэ,” – ракирэ́ла Рай Дэвэ́л, Дэвэ́л.

Amoso 8:2

И Ёв пхэндя́: “Амосо! Со дыкхэ́са ту?” И пхэндём мэ: “Кхудо лынаитконэ (спялонэ) барьякирдэнца.” Тэ́ньци пхэндя́ Рай Дэвэ́л ма́нгэ: “Ко́нцо (яго́ро) явдя́ пэ Мирэ́ манушэ́ндэ Израилёстыр; и Мэ буты́р на отмэкав банг лэ́нгэ.