Ереме́ё 1:10 - Библия - Пэ Балтитко Романи чиб (Романэс) 2019

¹⁰ Дыкх! Мэ чхудём тут ададывэ́с сыр барыдырэ́с пэ манушы́тка на́цыи и пэ кралипэна́: тэ рискирэс криг корне́нца (рукхэ́нца), тэ пхагирэс кэ пхув, тэ розмарэс пэ котэра́, и тэ чхурдэс тэлэ́; тэ ґаздэс кхэра́, и тэ почхувэс гив дрэ пхув.”

Biblija - Pe Baltitko Romani čib (Romanes) 2019

¹⁰ Dykh! Me čhudjom tut adadyvés syr barydyrés pe manušýtka nácyi i pe kralipená: te riskires krig korniénca (rukhénca), te phagires ke phuv, te rozmares pe koterá, i te čhurdes telé; te ĥazdes kherá, i te počhuves giv dre phuv.”

Ереме́ё 1:10 Referans Kwoze

Ереме́ё 31:28

И явэ́ла адя́кэ: сыр кучэс Мэ дыкхцём Пал лэ́ндэ, соб (кай) тэ вырискирав лэн, и тэ пхагирав лэн и тэ пиририскирав лэн и тэ хасякира́в лэн и тэ притасавав; акана́ адя́кэ-паць Мэ ява́ва тэ дыкха́в ракхунэс (ракхибнаса) пал лэ́ндэ, соб (кай) тэ обчхував лэ́нгиро джиибэ́н, и тэ почхував лэн пэ пхув’, – ракирэ́ла Рай Дэвэ́л.

Езэкилё 36:36

И ґалёна Наюды́тка на́цыи (народы), савэ́ дживэ́на пашы́л тумэ́ндэ, со Мэ, Рай Дэвэ́л, ґазда́ва роспхагирдо, Мэ барьякирава пэ чхучо́ штэ́то, Мэ, Рай Дэвэ́л, пхэндём и кэрдём.

Ереме́ё 24:6

И Мэ ява́ва тэ дыкха́в пал лэ́ндэ ваш лэ́нгиро лачхипэ́н, и Мэ яна́ва палэ лэн пэ дая́ пхув, и Мэ ґазда́ва лэн, и Мэ на ява́ва тэ пхагирав (тэ тэлякирав) лэн кэ пхув, и Мэ на вырискирава лэн.

Amoso 9:11

Дро дова́ дывэ́с Мэ нэвэ́стыр ґазда́ва ша́тра Давидоскири, со пыя́. И Мэ закэрава пхагирдэ́ штэ́ты, и Мэ чхува́ва нэвэ́стыр саро́ дрэ ла́тэ, сыр сыс дрэ ґаратунэ́ дывэса́;

Amoso 3:7

Чачо́, Рай Дэвэ́л на кэрэ́ла нисо́ анги́л дова́, сыр Ёв сыкавэ́ла дова́, со Ёв придуминдя, Лэ́скирэ писхарье́нгэ, пророкэнгэ.

Заха́рия 1:6

Нэ лава́ Мирэ́ и стату́ты Мирэ́, савэ́ Мэ припхэндём Мирэ́ писхарье́нгэ пророкэнгэ, ци на догинэ́ ёнэ кэ дада́ тумарэ́? Нэ ёнэ рисёнас и ракирэ́нас: ‘Со задуминдя янголэ́нгиро-болыбна́скиро Рай Дэвэ́л тэ кэрэ́л амэ́нгэ пал амарэ́ дрома́ и амарэ́ бутя́, адя́кэ Ёв и кэрдя́ амэ́нгэ’.”

Езэкилё 32:18

“Манушэ́скиро чхава! Заров пал Египто́скиро народо, чхурдэ лэс, лэс и славутнонэ-народэнгирэ чхае́н дрэ хор штэ́ты тэл пхув/одова́ свэ́то кхэтанэ́ одолэнца, кон скэдыяпэ тэ мэрэ́л, кон джа́ла дрэ маґила.

Езэкилё 43:3

Дава́ дыкхибэ́н сыс дасаво-паць, сыр мэ дыкхцём, ко́ли Мэ явавас тэ пхэна́в, со хасёла фо́ро, и дыкхибэна сыс сы́рбы долэ́ дыкхибэна, савэ́ Мэ дыкхцём пашы́л рэка (лэнь) Ховар. Мэ пыём мо́са пэ пхув.

3 Kralip 19:17

Кон нашэла Азаилоскирэ куртала́тыр, одолэ́с мулякирэ́ла Ииу́ё, а кон зракхэ́лапэ Ииуёскирэ куртала́тыр, одолэ́с мулякирэ́ла о Елисеё.

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

Ереме́ё 1:5

“Анги́л дова́, сыр Мэ создыём тут дрэ да́кирэ маса́, Мэ выкэдыём тут. Анги́л дова́, сыр ту явдя́н пэ свэ́то, Мэ высвэнцындём тут. И Мэ чхудём тут сыр пророко́с ваш Наюдэ́нгэ.”

Ереме́ё 25:13

И Мэ яна́ва пэ дая́ пхув сарэ́ Мирэ́ лава́, со Мэ выпхэндём пэ лэ́ндэ, – саро́ дава́ исын чхиндло́ дрэ дая́ лылвари́, сави́ Ереме́ё ангилпхэнэлас пал сарэ́ на́цыи.

Ереме́ё 31:40

И саро́ до́ло, кай исын паштэ́ тру́пы и пепло, и сарэ́ фэ́лды аж кэ сы́гно рэ́кица (лэнори́) Кедроно, кэ вэнгло дрэ Грэнгири по́рта пэ чачи́ риг, – саро́ явэ́ла свэ́нто Ра́скэ-Дэвлэ́скэ: фо́ро ние́кхвар буты́р на явэ́ла рискирдо ци чхурдыно́ дрэ руи́ны.”

Ереме́ё 36:2

“Лэ сви́тко лылварьятыр, и зачхин пэ дава́ сви́тко сарэ́ лава́, со Мэ пхэндём ту́кэ пал Израилё, пал Юдастэ и пал Наюды́тка на́цыи, долэ́ дывэсэ́стыр, ке́ли Мэ лыём тэ ракира́в тумэ́нгэ: Иосияскирэ дывэсэ́ндыр кэ дава́ дывэ́с.

Ереме́ё 44:27

Акэ, Мэ ява́ва тэ дыкха́в пэ тумэ́ндэ кэ биба́хт, а на ваш лачхипэ́н: сарэ́ мануша́ Юдэя́тыр, савэ́ исын пэ пхув Юдэякири явэ́на тэ хасён куртала́тыр, и барэ́ бокха́тыр анги́л дова́, сыр явэ́ла ко́нцо (яго́ро) лэ́нгэ.

Ереме́ё 45:4

Нэ ту пхэн Варухоскэ адя́кэ: “Адя́кэ ракирэ́ла Рай Дэвэ́л: ‘Акэ, со Мэ чхудём, дова́ Мэ пхагирава тэлэ́, и со Мэ почхудём дрэ пхув, дова́ Мэ вырискирава, – дава́ исын сари́ дая́ пхув.’

Езэкилё 21:19

“Ту, манушэ́скиро чхава, кэр адя́кэ, со исын сы́рбы дуй дрома́, кай трэй тэ джал Вавилоно́скирэ-крали́скирэ курталакэ; трэй, соб (кай) дуй дрома́ тэ выджа́н екхэ пхувья́тыр; кэр шпэ́ра (знако) [васт-р.с.] пашы́л дрома́, савэ́ джа́на дрэ фо́рья.

Езэкилё 23:36

И пхэндя́ ма́нгэ Рай Дэвэ́л, Дэвэ́л: “Манушэ́скиро чхава! Камэ́са ту тэ сэндякирэс Огола и Оголива? Пирипхэн лэ́нгэ лэ́нгиро джунгалыпэ́н (брыткима).

Osija 6:5

Палдава́ Мэ вычингиравас лэн пир пророкэ́ндэ, Мэ мулякиравас лэн Мирэ́ лавэ́нца; и Миро сэ́ндо пэ лэ́ндэ явэ́ла сы́рбы дуд (свэ́то), со ґаздэ́лапэ.

Ekliesiastos 3:3

часо тэ мулякирэ́н, и часо тэ састякирэн; часо тэ пхагирэн тэлэ́, и часо тэ ґаздэ́н кхэр;