Эфесянэнгэ 6:9 - Библия - Пэ Балтитко Романи чиб (Романэс) 2019

⁹ И тумэ́, хулая́лэ, адя́кэ-паць отлыджанпэ шука́р кэ пэ́скирэ писха́рья и на страхакирэн лэн, джинэ́н, со дро Болыбна́скиро Раё исын Хула́й ваш лэ́нгэ и ваш тумэ́нгэ и Ёв кутякирэла шэра́ (ра́внэс) сарэ́ манушэ́н.

Biblija - Pe Baltitko Romani čib (Romanes) 2019

⁹ I tumé, xulajale, adiáke-pac' otlydžanpe šukár ke péskire pishárja i na strahakiren len, džinén, so dro Bolybnáskiro Rajo isyn Xuláj vaš lénge i vaš tuménge i Jov kutiakirela šerá (rávnes) saré manušén.

Эфесянэнгэ 6:9 Referans Kwoze

Колосянэнгэ 3:25

Палдова́ со, кон кэрэ́ла фуипэ́н, дорэсэ́ла ка́ра пал фуипэ́н, со ёв кэрдя́, на дыкхи́ пэ дава́, кон адава́ ману́ш исын.

Apostolengiri Butý 10:34

Пэ́три лыя́ тэ ракирэ́л: “Какана́ мэ ґалёвава, со Дэвэ́л кутякирэла шэра́ (ра́внэс) сарэ́н манушэ́н;

Римлянэнгэ 2:11

Пал-дова́ со Дэвэ́л кутякирэла шэра́ (ра́внэс) сарэ́ манушэ́н.

Luka 6:31

Кэрэ́н дова́ явирэ́нгэ, со тумэ́ камэ́на, соб (кай) яви́р мануша́ тэ кэрэ́н тумэ́нгэ.

Матфеё 7:12

Кэрэ́н дова́ явирэ́нгэ, со тумэ́нгэ исын пир ило́, соб (кай) и яви́р тэ кэрэ́н тумэ́нгэ; Зако́но и проро́ки сыклякирэ́на дава́-паць.

Яви́р Зако́но 10:17

пал-дова́ со Рай Дэвэ́л, Дэвэ́л тумаро́, исын дэвлэнгиро Дэвэ́л, и Рай Баро́ барэ́-рангиро, Дэвэ́л баро́, зорало́ и дарано, Саво́ на дыкхэ́ла пэ муя́ и на лэ́ла да́ры,

Jakov 2:13

пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.

Jakov 2:8

Ко́ли тумэ́ сан патяибнытка крали́скирэ Законоскэ, саво́ исын чхиндло́ дро Свэ́нто Чхиныбэ́н: “Рикир сыр дро́гима дро ило́ манушэ́с, саво́ исын пашы́л ту́тэ, сыр кокоро́ пэс, тэды тумэ́ кэрэ́на миштэ́с.”

1 Коринфянэнгэ 1:2

Дэвлэ́скирэ кхангирьякэ, со исын дро Коринфо, сарэ́ свэнтонэ́ манушэ́нгэ, савэ́ исын прикхардэ тэ ячэн и тэ явэ́н Дэвлэ́скирэ манушэ́нца пир патяибэ́н дрэ Исусо́стэ Христосо́стэ; сарэ́нгэ, кон мангэлапэ Исусо́скирэ Христосо́скирэ лавэ́са пир сарэ́ штэ́ты, Саво́ исын лэ́нгиро и амаро́ Рай Дэвэ́л:

Joannostir 13:13

Тумэ́ Ман кхарэ́на “Сыклякирибна́скиро” и “Дэвэ́л”, и мишто́ кэрэ́на, пал-дова́ со Мэ адасаво́ и Сом.

Jakov 5:4

Ѓа́да, исын мазу́ри (награда), сави́ тумэ́ на доплэскирдэ бутярнэнгэ, савэ́ укэдэнас маро́ тумарэ́ фэлдатыр, далэ́ ловэ́ дэ́на ґодла ясвэ́нца и лэ́нгири го́дла догия́ кэ болыбна́скирэ-янголэ́нгиро Рай Дэвэ́л.

1 Коринфянэнгэ 7:22

Палдава́ писха́ри, савэ́с Рай Дэвэ́л кхардя́ кэ Пэ, исын во́льно ману́ш анги́л Растэ-Дэвлэ́стэ; адя́кэ-паць и во́льно ману́ш, савэ́с Рай Дэвэ́л кхардя́ кэ Пэ, исын Христосо́скиро писха́ри.

Матфеё 24:51

и росчингирэла хула́й лэс пэ паш и дэ́ла лэ́скэ дасаво тала́но, сыр дуе́муитконэнгэ: одо́й явэ́ла роибэ́н и дандэнгири скрежыма.

Матфеё 24:48

Нэ ко́ли адава́ фуй писха́ри пхэнэ́ла пэ́скэ: ‘Миро рай зарикирэлапэ’,

Матфеё 22:10

И гинэ́ пэ́скэ одолэ́ дына́рья пэ барэ́ дрома́ и скэдынэ́ сарэ́н, конэ́с латхнэ́: и чорэн и лачхэн; и бьявитко кхэр сыс пхэрдо́ манушэ́нца, савэ́ бэшэнас пашы́л.

Матфеё 22:8

Тэ́ньци ёв пхэндя́ дынарье́нгэ: ‘Бьявитко сками́нд исын скэдыно́, нэ савэ́н кхардэ́, на сыс мол;

Малахия 3:5

И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л.

Дание́лё 3:15

Акана́, ко́ли тумэ́ скэдынэ́ сан, сыр сыго тумэ́ шунэ́на зан рогоскири, свиролькакири, лутакири, гусленгири, псалтирьякири, цымбалэнгири и сарэ́ яви́р-музыкакири, тэ пэрэ́н тумэ́ тэлэ́, и тэ дэн тумэ́ паты́в сувнакунэ́ москэ, со мэ кэрдём. Мишто́. Нэ ко́ли тумэ́ на дэ́на паты́в, то тумэн екха́тыр (сра́зу) чхурдэна дро бов, росхачкирдо яга́са. И саво́ дэвэл жа зракхэ́ла тумэн мирэ́ вастэ́стыр?”

Дание́лё 3:6

и кон на пэрэ́ла тэлэ́, и на дэ́ла паты́в, то екха́тыр (сра́зу) явэ́ла чхурдыно́ дро бов, росхачкирдо яга́са.”

Isajos 47:6

Холясыём Мэ пэ Миро народо, хасякирдём Мирэ́ чхавэ́н, отдыём лэн дрэ тырэ́ васта́, Вавило́но, а ту на потангиндян лэн; пхуро́ ману́ш лыджия́ тыро́ пхарипэ́н.

Ekliesiastos 5:8

[9] И ко́фо (льґота) пхувья́тыр исын ваш сарэ́нгэ, и кра́ли кокоро́ джидёла фэлдатыр.

Psalmy 140:12

Мэк фуе́-чибало ману́ш тэ на зоралёл пэ пхув, мэк фуй мануша́ тэ ухтылэ́н нахратонэ (нахальнонэ) манушэ́н кэ са́мо хасибэ́н.

Ниеми́я 5:5

амэ́ндэ исын дасавэ́-паць маса́, савэ́ маса́ исын амарэ́ пшалэ́ндэ, и о чхавэ́ амарэ́ исын кадасавэ́-паць, сыр лэ́нгирэ чхавэ́ исын; акэ, амэ сам бангэ́ тэ отдас амарэн чхавэ́н и амарэн чхае́н дрэ писхарьендэ, и ада́кицы амарэ́ чхаендыр ужэ исын дрэ писхарима. Нанэ нисавэ ловэ́ тэ выкинэн лэн дрэ амарэ́ васта́; и фэ́лды амарэ́ и винаградники амарэ́ исын явирэндэ.”

1 Kralip 15:17

И пхэндя́ Самуи́ло: “Ци на барэса ту са́нас дро тырэ́ якха́, ке́ли кэрдянпэ шэралэса пэ Израилёскирэ ро́дыцы, и Рай Дэвэ́л помакхця тут крали́са пэ Израилё?

Левито 19:13

На притасав тырэ́ пашатунэс, и на лэ буты́р сыр трэй. Плэскирибэн бутярнэскэ нашты́ тэ ячкирэс кэ ра́нко (кэ зло́ко).

Ióvo 34:19

Дэвэ́л на прилэ́ла тхагарьенгири риг, адя́кэ-паць Ёв на гинэ́ла барвалэн вучэды́р чорорэндыр, пал-дова́ со Ёв создыя́ и екхэ́с и явирэ́с.

Колосянэнгэ 4:1

Раялэ, явэ́н чачунэ́ кэ писха́рья (рабы), рипирэ́н пал дова́, со и тумэ́ндэ исын Хула́й дро Болыбна́скиро Раё.