Эфесянэнгэ 6:3 - Библия - Пэ Балтитко Романи чиб (Романэс) 2019

³ соб (кай) ту явэс бахтало́ и тэ дживэ́с ґара́ пэ пхув.

Biblija - Pe Baltitko Romani čib (Romanes) 2019

³ sob (kaj) tu javes bahtaló i te dživés ĥará pe phuv.

Эфесянэнгэ 6:3 Referans Kwoze

Яви́р Зако́но 5:16

Кандэ тырэ́ дадэ́с и тырья да, сыр ракирдя́ ту́кэ Рай Дэвэ́л, Дэвэ́л тыро́, соб (кай) тэ явэ́н ґара́ (длуга) тырэ́ джиибна́скирэ дывэса́, и, соб (кай) шука́р ту́кэ тэ явэ́л пэ доя́ пхув, сави́ Рай Дэвэ́л, Дэвэ́л тыро́, дэ́ла ту́кэ.

Яви́р Зако́но 4:40

и ракх Лэ́скирэ упхэныбэна́ и Лэ́скирэ припхэныбэна́, савэ́ мэ ракира́ва акана́ ту́кэ, соб (кай) шука́р тэ явэ́л ту́кэ и тырэ́ чхавэ́нгэ пало́ (после) ту́тэ, и, соб (кай) ту бут часо (цы́ро) тэ явэс пэ доя́ пхув, сави́ Рай Дэвэ́л, тыро́ Дэвэ́л, дэ́ла ту́кэ пэ саро́ джиибэ́н.”

Яви́р Зако́но 12:28

Шун и кэр саро́ пир сарэ́ далэ́ лава́, савэ́ мэ припхэнава ту́кэ, соб (кай) шука́р тэ явэ́л ту́кэ и тырэ́ чхавэ́нгэ пало́ (после) ту́тэ дро ве́ко, ко́ли явэ́са тэ кэрэ́с, со исын лачхо́ и чачуно́ анги́л Ра́скирэ-Дэвлэ́скирэ, тырэ́ Дэвлэ́скирэ якха́.

Яви́р Зако́но 12:25

На ха лэс, соб (кай) шука́р тэ явэ́л ту́кэ и тырэ́ чхавэ́нгэ пало́ (после) ту́тэ, ко́ли ту явэ́са тэ кэрэ́с чачипэ́н анги́л Ра́скирэ-Дэвлэ́скирэ якха́.

Яви́р Зако́но 6:3

И палдава́ шун, Израилё, и причху́в зор тэ кэрэ́с дава́, соб (кай) ту́кэ тэ явэ́л мишто́, и соб (кай) тумэ́ тэ явэ́н древа́н (збит) бут, сыр Рай Дэвэ́л, тырэ́-дадэ́нгиро Дэвэ́л ракирдя́ ту́кэ, со Ёв дэ́ла ту́кэ пхув, тхадэ́ла тхуд и авги́н (мэда).

Яви́р Зако́но 22:7

мэк да, а чхаворэ́н лэ пэ́скэ, соб (кай) ту́кэ тэ явэ́л мишто́, и соб (кай) тэ явэ́н длуга тырэ́ джиибна́скирэ дывэса́.

Ереме́ё 42:6

Соб (кай) тэ на явэ́л: лачхо́ ци биба́хт, амэ ява́са тэ шунас зан Ра́скирэ-Дэвлэ́скири, амарэ́ Дэвлэ́скири, кэ Кон амэ бичхадям тут, соб (кай) тэ явэ́л саро́ мишто́ амэ́нца, ке́ли амэ ява́са тэ кандас зан Ра́скирэ-Дэвлэ́скири, амарэ́ Дэвлэ́скири.”

Isajos 3:10

Пхэнэ́н дэвлытконэ́ манушэ́скэ: куч лэ́скэ, ёв прилэ́ла барьякирдэ́ (пло́ды) пэ́скирэ рэндостыр.

Ruta 3:1

И пхэндя́ ла́кэ Ноэминь, ла́кири сасуй: “Мри чхая́, ци тэ на породэс ту́кэ пэ́скэ штэ́то, соб ту́кэ тэ явэ́л шука́р?”

Яви́р Зако́но 6:18

кэр чачипэ́н и лачхипэ́н анги́л Ра́скирэ-Дэвлэ́скирэ якха́, соб (кай) шука́р тэ явэ́л ту́кэ, и соб (кай) ту тэ заджас и тэ хулаинэс лачхэ́ пхувья́са, сави́ Рай Дэвэ́л совлахадя́ тэ дэл тырэ́ дадэ́нгэ,

Яви́р Зако́но 5:33

нэ тумэ́ джа́н пир дова́ дром, пир саво́ ракирдя́ тэ джа́н тумэ́нгэ Рай Дэвэ́л, тумаро́ Дэвэ́л, соб (кай) тумэ́ тэ явэ́н джидэ́, и шука́р тэ явэ́л тумэ́нгэ, и тэ дживэ́н тумэ́ бут дывэса́ пэ доя́ пхув, сави́ явэ́ла тумари́.”

Ереме́ё 35:7

И тумэ́ на чхувэ́н кхэра́, и на почхувэн гив дрэ пхув, на розлыджан винаграды́тко бар, и тэ на явэ́л тумэ́ндэ нисо́ далэ́стыр, нэ тумэ́ явэ́на тэ дживэ́н сарэ́ пэ́скирэ дывэса́ дрэ ша́тры, соб (кай) тумэ́нгэ тэ дживэ́н бут дывэса́ пэ пхув, пэ сави́ тумэ́ явэ́на тэ лодэн.”

Эфесянэнгэ 6:2

“Кутя́кир (дэ паты́в) пэ́скирэс дадэ́с и да”, дава́ исын англатуно́ запхэныбэн дынэ́ лавэ́са,

Эфесянэнгэ 6:4

И тумэ́, дада́, на хан пэ́скирэ чхаворэ́н, нэ барьякирэ́н лэн пир Ра́скирэ-Дэвлэ́скиро сыклякирибэ́н и приракхибэн.