Эфесянэнгэ 6:12 - Библия - Пэ Балтитко Романи чиб (Романэс) 2019

¹² пал-дова́ со амэ сам на проти манушэ́ндэ, а проти барыдырэндэ и свэто́скирэ тхагарье́ндэ (князьендэ), савэ́ хулаинэна пэ дава́ цямло́ (тё́мно) свэ́то, проти бэнгланэ́ ду́хи, савэ́ исын дро Болыбна́скиро свэ́то.

Biblija - Pe Baltitko Romani čib (Romanes) 2019

¹² pal-dová so ame sam na proti manušénde, a proti barydyrende i svetóskire thagar'jénde (kniaz'jende), savé xulainena pe davá ciamló (tjómno) svéto, proti benglané dúhi, savé isyn dro Bolybnáskiro svéto.

Эфесянэнгэ 6:12 Referans Kwoze

Колосянэнгэ 1:13

Саво́ зракхця́ амэн камлыпнаскирэ (цямлыпнаскирэ) зорья́тыр и яндя́ дро Лэ́скирэ-Дрогонэ́ Чхавэ́скиро Кралипэ́н:

2 Коринфянэнгэ 4:4

пал-дова́ со лэ́ндэ, напатяибнаскирэндэ, дава́ свэтоскиро хохано́ дэвлоро штылякирдя лэ́нгири годы́, соб (кай) ёнэ тэ на дыкхэ́н дуд (свэ́то) и тэ на ґалён роспхэныбэн пал бахталы́ зан (звесь) пал Христососкири ярко сла́ва, а Христо́со исын Дэвлэ́скири патри́н (о́бразо).

Эфесянэнгэ 2:2

дрэ савэ́ тумэ́ англэды́р адя́кэ дживдэ́, пир дава́ свэтоскиро ве́ко, пир кхенингоскиро упхэныбэ́н, саво́ сыс хула́й дро фа́но (воздухо), пир ду́хо (фа́но), саво́ хулаинэла сарэ́нца, кон на кандэ́ла Дэвлэ́с:

Колосянэнгэ 2:15

Христо́со откэдыя зор барэ́ рандыр и свэто́скирэ зоралыпнастыр и отдыя́ лэн пэ манушы́тко ладж, и трушулэскирэ зорья́са лыя́ зор пэ лэ́ндэ.

Apostolengiri Butý 26:18

тэ отчхакирэс лэ́нгирэ якха́, соб (кай) ёнэ тэ рисён калыпна́стыр кэ дуд и налачхэскирэ зорья́тыр кэ Дэвэ́л, соб (кай) тэ явэ́н отмэкнэ грэ́хи лэ́нгирэ, и соб (кай) ёнэ адя́кэ-паць тэ явэ́н машки́р одолэ́ндэ, конэ́с Мэ кэрдём свэнтонэнца пир лэ́нгиро патяибэ́н дрэ Ма́ндэ.”

Эфесянэнгэ 1:21

вучэды́р барэ́ рандыр, сарэ́ зорьендыр и кажнонэ́ зорья́тыр дро дава́ свэ́то и кажнонэ́ лавэ́стыр, со исын на екх дро дава́ ве́ко, нэ и дро ве́ко, саво́ анги́л явэ́ла;

Римлянэнгэ 8:38

И мэ миштэ́с джино́м, со ни мэрибэ́н, ни джиибэ́н, ни Янго́лы, ни англыпына, ни дова́, со исын какана́, ни дова́, со явэ́ла анги́л;

Эфесянэнгэ 3:10

Соб (кай) какана́ тэ явэ́л джиндлы пир Кхангири́ барыдырэ́нгэ и хула́нгэ дро Болыбна́скиро Раё бари Дэвлэ́скири годы́,

Эфесянэнгэ 1:3

Мэк тэ явэ́л бахтякирдо́ Дэвэ́л и Дад амарэ́ Дэвлэ́скиро Исусо́скиро Христосо́скиро, Саво́ бахтякирдя́ амэн дро екхипэ́н Христоса кажнонэ́ Духо́скирэ бахтякирибна́са дро Болыбна́скиро свэ́то

1 Коринфянэнгэ 15:50

Нэ мэ пхэна́ва тумэ́нгэ, пшала́лэ, дова́, со исын лоча́тыр и ратэ́стыр, на заджа́ла дро Дэвлэ́скиро Кралипэ́н дро Болыбна́скиро Раё; и амарэ́ маса́, савэ́ кирнёна, на явэ́на тэ дживэ́н ве́чнэс.

1 Petr 3:22

Саво́ ґаздыя́пэ дро Болыбна́скиро Раё и исын пир чачо́ васт Дэвлэ́стыр, и Лэ́скэ дынаринэна сарэ́ Янго́лы, Лэ́стэ исын сарэ́ правы и сарэ́ зорья.

Юдэ́нгэ 12:1

Пал-дова́ со трусця́л амэ́ндэ адя́кэ-паць исын ада́кицы бут якхи́тка/якхалэ́ (свидетели), явэ́н чхурдаса пэ́стыр любо ґа́мо пхарипнаса и грэ́хо, саво́ припхандэлапэ кэ амэ сыр фэлы́ (сетка) и ява́са со исын зор тэ вырикирас, ява́са тэ причхувас зор тэ джас пир амаро́ джиибнытко дром, саво́ исын анги́л амэ́ндэ;

Joannostir 14:30

Мэ какана́ на ява́ва бут тэ ракира́в тумэ́нца, пал-дова́ со джа́ла далэ́-свэтоскиро хула́й, нэ ёв исын на хула́й пэ Ма́ндэ.

Joannostir 12:31

какана́ явдя́ сэ́ндо кадалэ́ свэтоскэ; и Кра́ли адалэ́ свэтоскиро явэ́ла традыно яври́;

Joannostir 16:11

пал сэ́ндо, со кадалэ́ свэтоскиро кра́ли явэ́ла сэндиндло.

Ióvo 2:2

И пхэндя́ Рай Дэвэ́л налачхэскэ: “Каты́р ту явдя́н? И на́лачхо отпхэндя́ Ра́скэ-Дэвлэ́скэ и пхэндя́: “Мэ псирдём одори́к и палэ пир пхув и штадём пир пхув упрэ́ и тэлэ́.”

Luka 22:53

Ке́ли Мэ со́мас со дывэ́с тумэ́нца дрэ Кхангири́, тэды тумэ́ наґаздынэ васта́ пэ Ма́ндэ; а какана́ – тумаро́ мардо́ (шту́нда) явдя́ и налачхи зор лэ́ла тэ хулаинэ́л дро калыпэ́н (цямлыпэ́н).”

Luka 13:24

“Спробинэн зоралэ́с тэ заджа́н пир цясно вуда́р, пал-дова́ со бут мануша́, Мэ пхэна́ва тумэ́нгэ, явэ́на тэ родэ́н, соб (кай) тэ заджа́н андрэ́, и ёнэ на дэ́на ра́да (змогинэна).

2 Ximaske 2:5

И ко́ли адя́кэ-паць вари-кон и лэ́лапэ тэ марэ́лпэ дрэ атлетика, усае́кх ёв на выбашавэла (на выкхэлэла) вя́нка, ко́ли ёв явэ́ла тэ кэрэ́л на пир упхэныбэ́н.

Матфеё 16:17

И Ису́со отпхэнэ́лас лэ́скэ и пхэндя́: “Бахтало́ ту сан, Си́моно Иониноскиро, пал-дова́ со на ману́ш, конэ́стэ исын рат и маса́, дыя́ дава́ чачипэ́н дрэ тыри́ годы́, нэ Миро Дад, Саво́ исын дро Болыбна́скиро Раё.

Юдэ́нгэ 12:4

Тумэ́ ишчо (инкэ́) на мардэ́пэ кэ рат, ке́ли тумэ́ са́нас тэрдэ́ проти грэ́хо.

Galatenge 1:16

и откэрдя Пэ́скирэ Чхавэ́с дрэ ма́ндэ, соб (кай) мэ могинавас тэ роспхэнав бахталы́ зан Наюдэ́нгэ, и тэды мэ на лыём тэ радинавпэ манушэ́нца,

Marko 4:19

нэ кажно дывэсы́тко кошыбэ́н, хохаибэ́н пал барвалыпэ́н, яви́р мысли пэ ило́ явэ́на и мурдякирэна дрэ лэ́ндэ лав и кэрэ́на лэс бибарьякирдонэскирэса.

2 Коринфянэнгэ 11:14

И дава́ нанэ баро́ ди́во, пал-дова́ со на́лачхо кокоро́ выдэла пэс пал Янголостэ дудэ́стыр (свэто́стыр).