Эфесянэнгэ 6:10 - Библия - Пэ Балтитко Романи чиб (Романэс) 2019

¹⁰ И дро ко́нцо (дро яго́ро) мирэ́ пша́ла, мэ кама́м тэ пхэна́в тумэ́нгэ, явэ́н зоралэды́р дро екхипэ́н Ра́са-Дэвлэ́са и Лэ́скирэ барэ́ зорья́тыр.

Biblija - Pe Baltitko Romani čib (Romanes) 2019

¹⁰ I dro kónco (dro jagóro) miré pšála, me kamám te phenáv tuménge, javén zoraledýr dro jekhipén Rása-Devlésa i Léskire baré zorjátyr.

Эфесянэнгэ 6:10 Referans Kwoze

Filipiicenge 4:13

Мэ саро́ могина́ва тэ вырикирав зорья́са, сави́ Христо́со дэ́ла ма́нгэ.

Isajos 40:31

А одова́, конэ́стэ пэ Растэ-Дэвлэ́стэ исын наде́я, прилэ́на нэви́ зор, ґаздэ́на пхака́ (крылы), сыр киды (орлы), нашэ́на и на явэ́на кхинэ, праста́на и на кхинёна.

Isúso 1:9

Ѓа́да, Мэ ракира́ва ту́кэ: яв зорало́ и муршкано́, на дар и на страхадёв; пал-дова́ со ту́са Рай Дэвэ́л, тыро́ Дэвэ́л, исын усенде (везде), карик ту на джасас”.

1 Коринфянэнгэ 16:13

Ракхэ́нпэ, рикирэ́н патяибэ́н; явэ́н муршканэ́, явэ́н зоралэ́.

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;

Колосянэнгэ 1:11

соб (кай) Лэ́скири бари зор тэ дэл тумэ́нгэ и тэ кэрэ́л тумэн зоралэнца, волякирэнца и бахталэнца,

Эфесянэнгэ 1:19

и саво́ бимеракиро исын Лэ́скиро барипэ́н зоралыпнаскиро ваш амэ́нгэ, саво́ Ёв дэ́ла сарэ́ свэнтонэнгэ, савэ́ патя́на дро Лэ́скирэ-зоралыпнаскиро кэрибэн,

Эфесянэнгэ 3:16

мэк тэ дэл Дэвэ́л тумэ́нгэ пир Лэ́скирэ-славакиро барвалыпэ́н, тэ ячэн зоралэды́р Лэ́скирэ Духо́скирэ зорья́са дрэ андратунэ́ манушэ́стэ,

2 Ximaske 4:17

Нэ Рай Дэвэ́л сыс пашы́л ма́ндэ, Ёв дыя́ ма́нгэ зор, соб (кай) пир ма́ндэ тэ ячэ́л пхэныбэ́н пал Дэвлэ́стэ зоралэды́р и соб (кай) ман тэ шунэ́н сарэ́ мануша́, савэ́ исын На́юды, и соб (кай) ма́нгэ тэ зракхавпэ шчэрэ́скирэ (лево́скирэ) дандэндыр.

Isajos 40:28

Ци ту на джинэ́са, ци ту на шундя́н, со ве́чно исын Рай Дэвэ́л, Саво́ создыя́ пхув, николи на кхинёла, и на нашавэла зор, нэ ту на ґалёса Лэ́скири годы́.

2 Ximaske 2:1

Ми́ро чха́во, барьёв бутэды́р дро бахталыпэ́н, саво́ исын дыно́ амэ́нгэ дро екхипэ́н Исусо́са Христосо́са,

2 Паралипоменоно 15:7

Нэ тумэ́ зоралён, и мэк тэ на ячэн бизорья́кирэ тумарэ́ васта́, пал-дова́ со исын награда (мазу́ри) пал тумарэ́ рэ́нды.”

Agiejo 2:4

Нэ акана́ яв муршкано́, Зоровавеле,’ – ракирэ́ла Рай Дэвэ́л; яв муршкано́, Ешуае, Чхаво́ Ехозадакоскиро пэ́рво раша́й, и явэ́н муршканэ́, сарэ́ мануша́лэ далэ́ пхувья́тыр,’ – ракирэ́ла Рай Дэвэ́л и кэрэ́н бутя́, пал-дова́ со Мэ сом тумэ́нца,’ – ракирэ́ла янголэ́нгирэ-болыбна́скиро, Рай Дэвэ́л.

Psalmy 138:3

Ту отпхэндян ма́нгэ дро дывэ́с, ке́ли мэ дыём го́дла ясвэ́нца: Ту кэрдя́н муршканэдыр ман, ке́ли Ту дыя́н зор мирэ́ дескэ.

Filipiicenge 4:8

И акэ, пшала́лэ мирэ́, саро́, со исын чачуно́, со нанэ хохано́, со исын патяибны́тко, со исын жужо́, со исын мол тэ сыкавэ́л паты́в, со исын патывало, ко́ли исын вари-саво́ лачхипэ́н и вари-саво́ шарибэ́н, екх пал дава́ тумэ́ думинэн.

Заха́рия 8:13

И явэ́ла: сыр тумэ́, Юда́скиро кхэр и Израилёскиро кхэр, са́нас прокошлэ, машки́р Наюдытконэ́ на́цыи, адя́кэ Мэ зракха́ва тумэн, и тумэ́ явэ́на ваш явирэ́нгэ бахталэ́; на андыршан, мэк тэ явэ́н тумарэ́ васта́ зоралэ́!”

1 Паралипоменоно 28:10

Дыкх акана́, ке́ли Рай Дэвэ́л выкэдыя́ тут тэ кэрэ́с Кхэр ваш свэ́нто штэ́то, яв зоралэ́-волякиро (твардо) и кэр.

1 Kralip 23:16

И уштыя́ Ионафа́но, Саулоскиро чхаво́, и явдя́ кэ Дави́до дро вэш, и зоралякирдя лэс надеяса пэ Дэвлэ́стэ,

Заха́рия 8:9

Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Зоралякирэн тумэ́ васта́ тумарэ́, кон шунэ́ла акана́ лава́ далэ́ пророкэ́нгирэ вуштэндыр, савэ́ сыс пашы́л, сыр сыс кэрдо́ Кхэр (Кхангири́) янголэ́нгирэ-болыбна́скиро Ра́скирэ-Дэвлэ́скиро, соб (кай) тэ ґаздэлпэ Кхангири́.

Яви́р Зако́но 31:23

И припхэндя́ Рай Дэвэ́л Исусо́скэ (Ёхошуаскэ), Навиноскирэ чхавэ́скэ, и пхэндя́ лэ́скэ: “Яв зоралэ́-волякиро и муршкано́; пал-дова́ со ту залыджаса Израилёскирэ чхавэ́н пэ пхув, пал сави́ Мэ совлахадём лэ́нгэ, и Мэ ява́ва ту́са.”

1 Паралипоменоно 28:20

И пхэндя́ Дави́до пэ́скирэ чхавэ́скэ Соломоно́скэ: “Яв зоралэ́-волякиро (твардо) и муршкано́, и лэпэ пал рэ́ндо; на дар и на страхандёв, пал-дова́ со Рай Дэвэ́л, Дэвэ́л миро, явэ́ла ту́са; Ёв на отджала ту́тыр, и на ячкирэ́ла тут, пака ту кэрэ́са саро́ рэ́ндо, саво́ трэй ваш свэ́нто буты́ дро Ра́скирэ-Дэвлэ́скиро Кхэр.

2 Коринфянэнгэ 13:11

Палатуно́ лав, пшала́лэ: радынэ́нпэ, явэ́н бидоша́кирэ, подрикирэ́н екх екхэ́с, явэ́н екхэ́-годя́кирэ, явэ́н дро рама́нё (миро) екх екхэ́са.

1 Petr 3:8

Явэ́н дрэ екх годы́ екх екхэ́са, подэн васта́ екх екхэ́скэ дро пхарипэ́н, тангинэ́н (жалинэн) екх екхэ́с, сыр пша́ла, малынэнпэ (дружынэн) и явэ́н ковлэ́-илы́тка,

Filipiicenge 3:1

Какана́, пшала́лэ мирэ́, радынэ́нпэ дро екхипэ́н Ра́са-Дэвлэ́са: ма́нгэ нанэ пхаро́ тэ чхинав тумэ́нгэ пал дава́-паць, нэ ваш тумэ́нгэ дава́ исын сыкляибэн.

1 Petr 4:11

Ко́ли вари-саво́ ману́ш ракирэ́ла, мэк ёв тэ ракирэ́л Дэвлэ́скирэ лавэ́нца; одова́ кон дынаринэла, мэк ёв тэ дынаринэ́л пир зор, сави́ Дэвэ́л дэ́ла лэ́скэ, соб (кай) тэ барьякирэлпэ Дэвэ́л дро саро́ пир Исусо́стэ Христосо́стэ, Савэ́скэ тэ явэ́л сла́ва и зор пэ сарэ́ ве́ки. Ами́нь.

1 Ian 2:14

Мэ чхиндём тумэ́нгэ, дадолэ, пал-дова́ со тумэ́ уджиндлэ́ Одолэ́с, Кон исын усады (сак) англыпна́стыр [Дадэ́стэ-ю.о.]. Мэ чхиндём тумэ́нгэ, тэрнэ́ мануша́лэ, пал-дова́ со тумэ́ сан зоралэ́; и Дэвлэ́скиро лав ячэ́лапэ дрэ тумэ́ндэ и тумэ́ пиризорьякирдэ налачхэ́с.