Эфесянэнгэ 6:1 - Библия - Пэ Балтитко Романи чиб (Романэс) 2019

¹ Чхавора́лэ, кандэ́н пэскирэн дадэн, савэ́ исын Ра́стыр-Дэвлэ́стыр, пал-дова́ со дро дава́ исын чачипэ́н.

Biblija - Pe Baltitko Romani čib (Romanes) 2019

¹ Čhavorále, kandén peskiren daden, savé isyn Rástyr-Devléstyr, pal-dová so dro davá isyn čačipén.

Эфесянэнгэ 6:1 Referans Kwoze

Pritčy 23:22

Шун пэ́скирэ дадэ́с, конэ́стыр ту латхянпэ, и на дыкх вучипна́стыр пэ пэ́скирэ датэ, ке́ли ёй явэ́ла пхури.

Pritčy 6:20

Миро чхаво́! Рикирпэ зоралэ́с кэ тырэ́-дадэ́скиро припхэныбэ́н, на мэк дова́, ваш со дай сыклякирэ́ла тут:

Pritčy 1:8

Шун, ми́ро чхаво́, со тыро́ дад упхэнэла и на прилэ́ би патывакиро (на стэлякир) дова́, пал со дай сыклякирэ́ла;

Яви́р Зако́но 21:18

Ко́ли вари-конэ́стэ явэ́ла чхаво́ накандуно и бунтяритко, саво́ на шунэ́ла, со ракирэ́ла лэ́скиро дад и дай лэ́скэ, и ёнэ сыклякирдэ́ кэ дукха́ лэс, нэ ёв на шунэ́ла лэн,

Левито 19:3

Дар кажно (сва́ко) ману́ш пэ́скирэ датыр и пэ́скирэ дадэ́стыр, и ракхэ́н Мирэ́ са́ваты (суботы). Мэ сом Рай Дэвэ́л, тумаро́ Дэвэ́л.

1 Ximaske 5:4

ко́ли вари-савьятэ пивлятэ исын чхавэ́ ци ўнуки, то мэк ёнэ англэды́р тэ сыклён тэ сыкавэ́н дэвлыткима кэ пэ́скири сэ́м΄я (ири́) и кэ дада́, дава́ исын лачхо́ Дэвлэ́скэ.

Римлянэнгэ 12:2

На дживэ́н адя́кэ, сыр адалэ́-векоскирэ мануша́ дживэ́на, нэ парувэн пэс, нэвякирэн тумари́ годы́, соб (кай) тумэ́нгэ тэ джинэ́н, со Дэвлэ́скири во́ля исын лачхи́, бидошэнгири и чачуны́.

Pritčy 30:17

Манушэ́стэ, кон просала дадэ́с, и кон салапэ холямэс, соб (кай) тэ на кандэл пэ́скирэ да, то лэ́скэ кораки, со исын пэ до́ло, выхана лэ́скирэ якха́, и тэрнэ́ орлы (кидорэ) схана лэн сарэ́са.

Римлянэнгэ 7:12

Палдава́ Зако́но исын свэ́нто, и запхэныбэн исын свэ́нто, и чачуно́ и лачхо́.

Luka 2:51

И Ису́со гия́ лэ́нца и явдя́ дро Назарето, и Ёв зоралэ́с кандэлас лэн. А Лэ́скири Дай рипирдя сарэ́ кадалэ́ лава́ дро Пэ́скиро ило́.

Ióvo 33:27

Ёв явэ́ла тэ дыкхэ́л пэ явирэ манушэ́ндэ, и тэ ракирэ́л: “Мэ кэрдём грэ́хи, и мэ пиририскирдём чачипэ́н. И мэ на дорэсцём даб палэ.

1 Petr 2:13

Кандэ́н кажнонэ́ ран манушэ́ндыр ваш Ра́скэ-Дэвлэ́скэ: ци крали́с сыр най упратунэдыр зорьякэ,

Osija 14:9

Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’

Pritčy 30:11

Исын ро́до, саво́ прокошэла дадэ́с, и на шарэла пэ́скирэ да.

Džiibén 28:7

и сыр Яково кандыя́ пэ́скирэ дадэ́с и да, то гия́ дрэ Месопотамия.

Psalmy 19:8

Ра́скирэ-Дэвлэ́скиро Зако́но исын бидошэ́нгиро, со дэ́ла зор дескэ. Ра́скирэ-Дэвлэ́скиро допхэныбэ́н исын чачуно́, со дэ́ла годы́ одолэ́скэ, конэ́скэ дава́ трэй.

Ester 2:20

Эстэ́ра уса́ на ракирдя́ пал пэ́скиро ро́до и пал пэ́скирэ манушэ́ндэ, сыр припхэндя́ ла́кэ Мардохе́ё; а лав Мардохеёскиро Эстэ́ра кэрэ́лас кэ ко́нцо (кэ яго́ро) и акана́ адя́кэ-паць, сыр и тэды, ке́ли ёй бария кэ как.

1 Коринфянэнгэ 15:58

Адя́кэ, мирэ́ дро́га пшала́лэ, явэ́н зоралэ́ дро ду́хо (фа́но) тумаро́, на кунинэнпэ, усады (сак) (всегда) кэрэ́н миштэ́с Ра́скирэ Дэвлэ́скири буты́, пал-дова́ со тумэ́ джинэ́на, со тумари́ буты́ на ивья́ (напра́снэс).

Римлянэнгэ 16:2

соб (кай) тумэ́ тэ прилэ́н ла сыр Дэвлэ́скирья манушня́, сыр трэй тэ прилэс свэнтонэн, и помогинэн ла́кэ, дрэ со ёй явэ́ла тэ мангэ́л тумэн, пал-дова́ со ёй кокори помогинэлас бутэнгэ, адя́кэ-паць и ма́нгэ.

Psalmy 119:75

Мэ джино́м (джина́в), о Раё Дэ́вла, со Тыро́ сэ́ндо исын чачуно́, и со Ту тасадян ман пир Тыро́ чачипэ́н.

Džiibén 37:13

И пхэндя́ Израилё Ёза́скэ: “Ци на чаравэна пша́ла тырэ́ дро Сихемо? Джа́, мэ бичхава́ва тут кэ ёнэ.” Ёв отпхэндя́ лэ́скэ: “Ѓа́да, мэ сом.”

Ереме́ё 35:14

Лава́ Ионадавоскирэ (чхавэ́скирэ Рэхавоскирэ), со ёв припхэндя́ пэ́скирэ чхавэ́нгэ – тэ на пьен мол (вино) выпхэрдякирэнапэ (сполнинэнапэ), и кэ ададывэ́с ёнэ на пье́на, и ёнэ кандэ́на припхэныбэна́ лэ́нгирэ дадэнги́рэ. Нэ сароекх (усае́кх) со Мэ и ракирдём тумэ́нгэ тася́рлэс (ра́нэс) злокостыр (ранкостыр), нэ тумэ́ на кандынэ́ Ман.

Ниеми́я 9:13

Ту явдя́н пэ бэ́рга Синаё и ракирдян лэ́нца болыбна́стыр и дыя́н лэ́нгэ чачунэ́ сэнды, патяибнытка зако́ны, лачхэ́ упхэныбэна́ и припхэныбэна́.

1 Kralip 17:20

И уштыя́ Дави́до тася́рлэс (ра́нэс) пэ зло́ко (ранкоса) и допатяндыя бакрэ́н ракхибнарискэ, и, лыя́ ноша, гия́, сыр припхэндя́ лэ́скэ Есе́ё, и явдя́ кэ табороскиро багажо (обозо), ке́ли халадэ́ сыс вылыджинэ́ дро рядо и годла́са скэдэнаспэ пэ марибэ́н.

Psalmy 119:128

Палдава́ мэ гиндём Тырэ́ упхэныбэна́ пир саро́, сыр най чачунэдыр: мэ бидыкхава какана́ начачуно дром.

Ruta 3:5

Рута пхэндя́ ла́кэ: “Кэра́ва саро́, со ту пхэндя́н ма́нгэ.”

Ереме́ё 35:8

Адя́кэ амэ кандыям зан Ионадавоскири (чхавэскири Рэхавоскири), амарэ́-дадэ́скири дро саро́, со ёв припхэндя́ шылалэс (стрэнгэс) амэ́нгэ: тэ на пьяс мол дрэ амарэ́ сарэ́ дывэса́: – амэ, амарэ́ ромня́, амарэ́ чхавэ́ ци амарэ́ чхая́,

Ереме́ё 35:18

И пхэндя́ Ереме́ё кхэрэ́скэ (чэкарьякэ) Рехавитоскирэскэ: “Адя́кэ ракирэ́ла Рай Дэвэ́л, болыбна́скирэ-янголэ́нгиро, Дэвэ́л Израилёскиро: ‘Пал-дова́ со тумэ́ шундлэ́ припхэныбэ́н Ионадавоскиро (тумарэ́-дадэ́скиро), и тумэ́ ракхнэ (рикирдэпэ кэ сарэ́ лэ́скирэ упхэныбэна́) и кэрдэ́ саро́, со ёв припхэндя́ тумэ́нгэ,

Džiibén 48:12

И лыджия́ лэн криг Ёза лэ́скирэ чангэндыр, и кэрдя́ шэрэ́са лэ́скэ кэ пхув.

Džiibén 50:12

И кэрдэ́ Яково́скирэ чхавэ́ лэ́са, сыр ёв ракирдя́ лэ́нгэ;