Эфесянэнгэ 5:8 - Библия - Пэ Балтитко Романи чиб (Романэс) 2019

⁸ Вари-ке́ли тумэ́ са́нас дро калыпэ́н (тёмныма), а какана́ тумэ́ сан дуд дрэ Растэ-Дэвлэ́стэ: дживэ́н сыр дудэ́скирэ (свэто́скирэ) чхавэ́,

Biblija - Pe Baltitko Romani čib (Romanes) 2019

⁸ Vari-kiéli tumé sánas dro kalypén (tjomnyma), a kakaná tumé san dud dre Raste-Devléste: dživén syr dudéskire (svetóskire) čhavé,

Эфесянэнгэ 5:8 Referans Kwoze

Joannostir 8:12

Нэвэ́стыр Ису́со ракирдя́ манушэ́нца и пхэндя́ лэ́нгэ: “Мэ сом дуд дро дава́ свэ́то: одова́, кон джа́ла пал Ма́ндэ, на явэ́ла тэ псирэ́л дро калыпэ́н, а явэ́ла лэ́стэ джиибна́скиро дуд.”

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

Apostolengiri Butý 26:18

тэ отчхакирэс лэ́нгирэ якха́, соб (кай) ёнэ тэ рисён калыпна́стыр кэ дуд и налачхэскирэ зорья́тыр кэ Дэвэ́л, соб (кай) тэ явэ́н отмэкнэ грэ́хи лэ́нгирэ, и соб (кай) ёнэ адя́кэ-паць тэ явэ́н машки́р одолэ́ндэ, конэ́с Мэ кэрдём свэнтонэнца пир лэ́нгиро патяибэ́н дрэ Ма́ндэ.”

Колосянэнгэ 1:13

Саво́ зракхця́ амэн камлыпнаскирэ (цямлыпнаскирэ) зорья́тыр и яндя́ дро Лэ́скирэ-Дрогонэ́ Чхавэ́скиро Кралипэ́н:

Joannostir 12:46

Мэ явдём сыр дуд дро свэ́то, соб (кай) кажно, кон патя́ла дрэ Ма́ндэ, тэ на ячэ́лпэ дро калыпэ́н (цёмныма).

Эфесянэнгэ 4:18

лэ́нгири годы́ калыя, ёнэ хасякирдэ́ Дэвлэ́скиро джиибэ́н пир пэ́скиро биладжаипэ́н и холынакиро ило́,

Joannostir 12:36

Нэ пака дуд свэнцынэла тумэ́нгэ, патя́н дрэ дуд, и тумэ́ явэ́на дудэскирэ чхавэ́.” Далэ́ лавэ́нца Ису́со гия́ и нико́н на джиндя́, кай Ёв сыс.

Isajos 9:2

Народо, саво́ псирэ́ла дро калыпэ́н, явэ́ла тэ дыкхэ́л дуд; кэ одолэ́, кон дживэлас дрэ калыпэ́н (цёмныма) сыр мэрибэ́н, захачола дуд.

Эфесянэнгэ 2:2

дрэ савэ́ тумэ́ англэды́р адя́кэ дживдэ́, пир дава́ свэтоскиро ве́ко, пир кхенингоскиро упхэныбэ́н, саво́ сыс хула́й дро фа́но (воздухо), пир ду́хо (фа́но), саво́ хулаинэла сарэ́нца, кон на кандэ́ла Дэвлэ́с:

2 Коринфянэнгэ 4:6

Адава́ исын Дэвэ́л, Саво́ пхэндя́: “Тэ зяинэл дуд (свэ́то) цямлыпнастыр”, исын дова́-паць Дэвэ́л, Кон зачхудя дава́ дуд тэ зяинэл дро амаро́ ило́, соб (кай) амэ тэ ґалёвас Дэвлэ́скири ярко сла́ва, сави́ зяинэла Исусо́стыр Христосостыр.

Ереме́ё 13:16

Барьякирэ́н (славинэ́н) Рас-Дэвлэ́с, тумарэ́ Дэвлэ́с, анги́л дова́, сыр Ёв янэ́ла калыпэ́н (цёмныма), и анги́л дова́, сыр тумарэ́ ґэра́ обштавэнапэ (обстэмпинэнапэ) пир бэ́рги дрэ паш-калыпэ́н! И тумэ́ явэ́на тэ родэ́н дуд (свэ́то), нэ Ёв рискирэ́ла лэс дрэ мэрибнытко зэр (тень), и Ёв пирикэрэла лэс дрэ хор калыпэ́н.

Titoske 3:3

Пал-дова́ со и амэ са́мас вари-ке́ли бигодякирэ, на кандыям и амэн; амэ са́мас писха́рья пэ́скирэ-масэнгирэ тырдыпнаскэ, амэ дживдям дро холы́ и зэвлыныпэ́н, древа́н бидыкхцям екх екхэ́с.

Luka 16:8

И шардя ж рай пэ́скирэ начачунэ кхэрэ́скирэ барыдырэ́с, со ёв адя́кэ годьварэс кэрдя́. Пал-дава́ со мануша́, савэ́нгэ исын дро́го екх дава́ свэ́то, исын годэдыр манушэ́ндыр, савэ́нгэ исын дро́го духовно (фаноскиро) свэ́то.

Isajos 2:5

О, Яково́скиро кхэр! Явэ́н, ява́са тэ псирас дро Ра́скирэ-Дэвлэ́скиро дуд (свэ́то).

Эфесянэнгэ 6:12

пал-дова́ со амэ сам на проти манушэ́ндэ, а проти барыдырэндэ и свэто́скирэ тхагарье́ндэ (князьендэ), савэ́ хулаинэна пэ дава́ цямло́ (тё́мно) свэ́то, проти бэнгланэ́ ду́хи, савэ́ исын дро Болыбна́скиро свэ́то.

2 Коринфянэнгэ 3:18

Нэ амэ сарэ́ откэрдэ муе́нца сы́рбы дро гиндало (зеркало) пиридаса Ра́скирэ-Дэвлэ́скири сла́ва и парудёва́са дрэ Лэ́скири патри́н (о́бразо) екхэ́ слава́тыр дро яви́р пир Ду́хо (Фа́но), Саво́ джа́ла Ра́скирэ-Дэвлэ́скирэ, Духо́стыр.

Luka 1:79

тэ свэнцынэл пэ одолэ́ндэ, савэ́ дживэ́на дро калыпэ́н (цямлыпэ́н) и дрэ дар мэрибна́стыр, соб (кай) тэ джа́н амарэ́ ґэра́ пир дром кэ рама́нё (миро).”

2 Коринфянэнгэ 6:14

На кэрэ́н буты́ кхэтанэ́ напатяибнаскирэнца; пал-дова́ со саво́ исын кхэтаныпэн машки́р чачипэ́н и грэ́хо? Со исын кхэтанэ́ машки́р дуд (свэ́то) и калыпэ́н?

1 Коринфянэнгэ 1:30

Нэ адава́ Дэвэ́л чхудя́ тумэн дро кхэтаныпэн Исусо́са Христосо́са амарэса и Ёв кэрдя́ Христосо́с сыр амаро́ годыпэ́н, чачипэ́н; пал Лэ́стэ амэ яця́м Дэвлэ́скирэ свэнтонэ́ и вольнонэ манушэ́нца,

Римлянэнгэ 2:19

и ту сан твардо, со ту сан лыджаибнаскиро корорэнгэ и ту сан дуд ваш одолэ́ манушэ́нгэ, савэ́ псирэ́на дро калыпэ́н (цямлыпэ́н);

Joannostir 1:9

Дава́ сыс чачуно́ Дуд, Саво́ дэ́ла джиныбэ́н кажнонэ́ манушэ́скэ, саво́ явэ́ла пэ свэ́то (лот).

Матфеё 4:16

акэ, мануша́, савэ́ сыс бэштэ́ дро калыпэ́н, дыкхнэ́ баро́ дуд (свэ́то); и пэ одолэ́ндэ, савэ́ исын сы́рбы мулэ́, – пал-дова́ со ёнэ дживэ́на би Дэвлэ́скиро, засвэнцындя дуд.”

Isajos 49:9

соб (кай) тэ пхэнэ́с манушэ́нгэ дрэ бэшыбэн: ‘Выджа́н!’ – манушэ́нгэ, савэ́ исын дро калыпэ́н (цямлыпэ́н): ‘Сыкавэ́н пэс!’ Ёнэ пашы́л дром явэ́на тэ чаравэн, пир сарэ́ бэ́ргицы явэ́на лэ́нгирэ чаритка фэ́лды.

Galatenge 5:25

Ко́ли амэ дживаса пир Свэ́нто Ду́хо (Фа́но), амэ́нгэ трэй и тэ кэра́с пир Свэ́нто Ду́хо (Фа́но).

Римлянэнгэ 1:21

Ёнэ джиндлэ́ Дэвлэ́с, нэ ёнэ на славиндлэ Лэс, сыр Дэвлэ́с, и на парикирэнас Лэ́скэ: ёнэ ячнэ́ тэ кошэнпэ, ке́ли пириракирэнас, и лэ́нгирэ нагодьварэ илэ тасадынэ дро калыпэ́н:

Isajos 49:6

И Ёв пхэндя́: “Дава́ исын набаро́ рэ́ндо ваш Ту́кэ, со ту явэ́са Миро писха́ри, соб (кай) тэ дживэ́л ро́дыцо Яково́скиро, соб (кай) тэ рисёл ячаибэ́н Израилёскиро; нэ дава́ ишчо (инкэ́) нанэ саро́. Нэ кэра́ва Мэ Тут дудэса (свэтоса) ваш манушэ́нгэ, соб (кай) тэ джинэ́н Миро зракхибэ́н сарэ́ яго́ры (концы) пэ пхув.”

Isajos 42:16

И лыджа́ва Мэ корорэн долэ́ дромэ́са, саво́ ёнэ на джинэ́на; Мэ лыджа́ва лэн долэ́ дроморэнца, кай на псирэнас. Мэ пирикэрава калыпэ́н дро дуд (свэ́то) и бангэ́ дрома́ Мэ кэра́ва чачэ́ дромэ́нца; акэ, со Мэ кэра́ва ваш лэ́нгэ и Мэ на ячавава лэн.

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Apostolengiri Butý 17:30

Палдава́ Дэвэ́л промэкця дова́ часо, ке́ли амэ на джиндям чачипэ́н, а Дэвэ́л какана́ ракирэ́ла сарэ́ манушэ́нгэ пир саро́ свэ́то, соб (кай) ёнэ тэ рискирэ́н пэ́скиро джиибэ́н кэ Дэвэ́л,

Psalmy 74:20

На дэ рискирибна́скирэ мурдалэ́нгэ (зверенгэ) ди, а Тырэ́ манушэ́нгиро, Саво́ исын сы́рбы голумбица! На бистыр ние́кхвар джиибэ́н Тырэ́ притасадэ манушэ́нгиро.

Isajos 50:10

Кон тумэндэр дарэ́ла Ра́стыр-Дэвлэ́стыр, кандэ́ла Лэ́скирэ-Писхарискири (Рабоскири) зан? Кон псирэ́ла дро калыпэ́н (мрако) би дудэскиро (би свэтоскиро), мэк ёв тэ рикирэлпэ Ра́скирэ-Дэвлэ́скирэ лавэ́са, мэк ёв тэ чхувэ́л пэ́скиро ило́ дрэ пэ́скирэ Дэвлэ́стэ.

Матфеё 3:8

Кэрэ́н вари-со, соб (кай) тэ допхэнэн, со тумэ́ мэкнэ́ тэ кэрэ́н грэ́хи и рисинэ́ кэ Дэвэ́л.

Joannostir 12:35

Тэды Ису́со пхэндя́ лэ́нгэ: “Сарэ́са пэ на́бут часо дуд (свэ́то) исын тумэ́нца. Псирэ́н, пака исын дуд, соб (кай) тэ на чхакирэл тумэн калыпэ́н (цёмныма). Нэ одова́, кон псирэ́ла дро калыпэ́н, одова́ на джинэ́ла, карик ёв джа́ла.

Римлянэнгэ 13:12

Рат джа́ла криг сыг и дывэ́с ячэ́ла, палдава́ мэкаса калэ́ рэ́нды и урьясапэ дро парныпэн.

Колосянэнгэ 1:12

парикири́ Дадэ́скэ, Саво́ кхардя́ тумэн кэ дуд кхэтанэ́ сарэ́ свэнтонэ́ манушэ́нца,