Эфесянэнгэ 5:5 - Библия - Пэ Балтитко Романи чиб (Романэс) 2019

⁵ Джинэ́н дова́, со ни екх биладжаипна́ри, ци магирдо́, ци бокхало́ кэ яви́р фуй рэ́нды (де́лы), саво́ исын сы́рбы идоло́скиро дына́ри (слуга), лэ́стэ на явэ́ла паш дро Христосо́скиро Дэвлэ́скиро кралипэ́н.

Biblija - Pe Baltitko Romani čib (Romanes) 2019

⁵ Džinén dová, so ni jekh biladžaipnári, ci magirdó, ci bokhaló ke javír fuj réndy (diély), savó isyn sýrby idolóskiro dynári (sluga), léste na javéla paš dro Xristosóskiro Devléskiro kralipén.

Эфесянэнгэ 5:5 Referans Kwoze

Galatenge 5:21

жалинэна лачхипэ́н явирэ́нгэ, пьена сыр матыбнарья, гулинэна бирипирибнаскирэс и бут яви́р; пал кадасавэндэ мэ пхэна́ва анги́л, сыр и ракирдём англэды́р, со, кон адя́кэ кэрэ́ла, на дорэсэ́ла паш дро Дэвлэ́скиро Кралипэ́н.

Sykadyipén 22:15

А яври́ пал фо́ро исын джукэла, човаханэ, и кон дживдя́ джувле́нца сыр ромня́са би сэвлакиро, замарибнарья, и кон мангдя́пэ идолэ́нгэ, и сарэ́ яви́р, конэ́скэ дава́ сыс пир ило́ тэ ракирэ́л хохаибэ́н.

Колосянэнгэ 3:5

Мулякирэ́н тумарэ́ налачхэ́ пхувитка рэ́нды: джиибэ́н дро блэ́ндо, магирипэ́н, тырдыпэ́н кэ грэ́хо, налачхэ́ мысли и зэвлыныпэ́н, саро́ дава́ исын дынарибэ́н идолэ́нгэ.

Эфесянэнгэ 5:3

Нэ биладжаипэ́н, ци яви́р вари-саво́ магирипэ́н, ци бокхалыпэн, мэк кадалэскэ тэ на явэ́л штэ́то машки́р тумэ́ндэ, сыр исын машки́р свэнтонэ́ндэ;

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

Galatenge 5:19

Ѓа́да, со кэрэ́на мануша́ пир лочакирэ камибэна: ёнэ кэрэ́на биладжаипэ́н, дживэ́на джувле́нца би сэвлакиро, лыджа́на пэс сыр мурдала́ (жывотна);

Юдэ́нгэ 13:4

Мэк тэ явэ́л романдуно́ (супру́жэско) джиибэ́н дрэ паты́в пир саро́, и чачипэ́н машки́р лэ́ндэ тэ на явэ́л магирдо́; Дэвэ́л явэ́ла тэ сэндякирэ́л биладжакунэ́ манушэ́н и манушэ́н, савэ́ дживэ́на джувле́нца сыр рома́ би совлакиро.

1 Ximaske 6:10

Пал-дова́ со зорало́ тырдыпэ́н кэ ловэ́-дава́ исын пэ́рво дром, со янэ́ла кажно фуипэ́н, исын бут мануша́, савэ́ пир бари ґалкима кэ ловэ́ отрисинэ патяибнастыр и отдынэ́ пэс пэ бари би́да.

1 Ximaske 6:17

Упхэн далэ́ свэто́скирэ барвалэнгэ, соб (кай) ёнэ тэ на ґаздэ́н пэс и тэ на патя́н дро пэ́скиро барвалыпэ́н, нэ фэды́р тэ патял дрэ джидэ́ Дэвлэ́стэ, Саво́ пхэрдэ́с дэ́ла саро́, со трэй ваш амари́ бахт,

Vygiiben 20:17

На тырдэпэ кэ тырэ́ пашатунэскиро кхэр; на причху́в ило́ кэ тырэ́-пашатунэскири ромны́, ни лэ́скирэ писхари́с, ни лэ́скирэ писхарица, ни лэ́скирэ гурувэ́с, ни лэ́скирэ осло́с, ничи́, со исын тырэ́ пашатунэстэ.”

Isúso 7:21

Машкира́л дорэсыбэ́н (добыча) екх шука́р Сенаароскири и́дя, и дуй шэла́ шэ́кели руп, и котэ́р (куско) сувнака́й вагаса дрэ пандждэша́ шэ́кели; дава́ ма́нгэ покамдяпэ, и мэ лыём дава́; и гада, ёв исын гарадо́ дрэ пхув машкира́л мири́ ша́тра, и руп тэл ла́тэ”.

Apostolengiri Butý 8:21

Нанэ ту́кэ паш и до́ля тэ кэрэ́с дова́, со амэ кэра́са, пал-дова́ со тыро́ ило́ исын на чачуно́ анги́л Дэвлэ́стэ.

Apostolengiri Butý 20:32

И какана́, мэ пиридава тумэн Дэвлэ́скэ и Лэ́скирэ бахтякирибнаскирэ лавэ́скэ, саво́ явэ́ла тэ зорьякирэл тумэн и дэ́ла джиибэ́н кхэтанэ́ свэнтонэнца.

Колосянэнгэ 1:13

Саво́ зракхця́ амэн камлыпнаскирэ (цямлыпнаскирэ) зорья́тыр и яндя́ дро Лэ́скирэ-Дрогонэ́ Чхавэ́скиро Кралипэ́н: