Эфесянэнгэ 5:2 - Библия - Пэ Балтитко Романи чиб (Романэс) 2019

² дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Biblija - Pe Baltitko Romani čib (Romanes) 2019

² dživén dre patýv ke javír manušá, syr i Xristóso sykadiá patýv aménge i otdyjá Pes pal aménde, syr gudló khandypen i svénto dyibén, savó isyn lačhó Devléske.

Эфесянэнгэ 5:2 Referans Kwoze

Joannostir 13:34

Мэ да́ва тумэ́нгэ нэво́ припхэныбэ́н: явэ́н дро́га екх ваш екхэ́скэ; сыр Ма́нгэ, адя́кэ-паць и тумэ́ явэ́н дро́га екх ваш екхэ́скэ.

Galatenge 2:20

Мэ со́мас примардо пэ трушу́л Христосо́са, и мэ буты́р сы́рбы на джива́ва, нэ дава́ Христо́со дживэ́ла дрэ ма́ндэ; нэ дова́, со мэ джива́ва дрэ лоч (плоть), мэ джива́ва пир патяибэ́н дрэ Дэвлэ́скирэ Чхавэ́стэ, Савэ́скэ яцём дро́го мэ, и Саво́ отдыя́ Пэс пал ма́ндэ.

Колосянэнгэ 3:14

Кэ саро́ дава́ дочхувэн паты́в кэ яви́р мануша́, сави́ исын фунда́менто ваш чачуно́ сарэнгиро кхэтанякирибэн.

2 Коринфянэнгэ 2:15

Пал-дова́ со амэ сам сы́рбы гудло́ тхув (дымо), со Христо́со янэ́ла Дэвлэ́скэ ваш одолэ́нгэ, савэ́ исын зракхнэ́ и ваш одолэ́нгэ, савэ́ хасёна;

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

1 Коринфянэнгэ 16:14

Мэк саро́ тэ кэрэ́лпэ тумэ́ндэ ласка́са и патыва́са.

Матфеё 20:28

адя́кэ сыр Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́л, нэ соб (кай) Ёв тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

1 Petr 4:8

а буты́р сарэ́стыр сыкавэ́н паты́в екх екхэ́скэ сарэ́ илэ́стыр, пал-дова́ со паты́в зачхакирэла бут грэ́хи;

2 Коринфянэнгэ 8:9

Тумэ́ джинэ́на бахталыпэ́н амарэ́ Ра́стыр-Дэвлэ́стыр, саво́ исын Исусо́скиро Христосо́скиро, Саво́ сыс барвало́, нэ яця́ чороро́, соб (кай) тумэ́ тэ явэ́н барвалэ́ Лэ́скирэ чорорипнастыр.

1 Ian 3:16

Амэ уджинаса пшалы́тко паты́в дро дава́, со Христо́со отдыя́ Пэ́скиро джиибэ́н пал амэ́ндэ; и амэ сам бангэ́ тэ отдас пэ́скиро джиибэ́н пал пшалэ́ндэ.

Džiibén 8:21

И сунгадя Рай Дэвэ́л гудло́ тхув (дымо) и пхэндя́ Рай Дэвэ́л дро Пэ́скиро ило́: “Мэ на ява́ва буты́р тэ прокошав пал пхув манушэ́с, пал-дова́ со манушэ́скиро ило́ исын тэ кэрэ́л фуипэ́н лэ́скирэ тэрныпнастыр: и буты́р Мэ на ява́ва тэ хасякира́в саро́, со исын джидо́, сыр Мэ кэрдём.

Sykadyipén 1:5

и Исусо́стыр Христосостыр, Саво́ исын патяибны́тко Якхи́тко (Свидетелё), Саво́ исын Пэ́рво, кон уштыя́ мулэ́ндыр и Саво́ исын Барыдыро́ пэ кралье́ндэ пир пхув. Лэ́скэ, Савэ́скэ яця́м дро́га амэ, Ёв отмэкця́ амарэ́ грэ́хи Пэ́скирэ ратэ́са,

Юдэ́нгэ 9:26

тэды Христосо́скэ трэиндя́ тэ мэнчынэлпэ кажно мо́ло, сыр свэ́то сыс создыно́. Нэ какана́, е́кхвар пэ векоскиро ко́нцо (яго́ро), Ёв сыкадя́ Пэс и отдыя́ Пэс сыр свэ́нто дыибэ́н, соб (кай) тэ отпарувэл грэ́хи.

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

1 Ximaske 2:6

Саво́ отдыя́ Кокоро́ Пэс, сыр выкиныбэ́н пал сарэ́ манушэ́ндэ, Ёв сыс Дэвлэ́скиро допхэныбэ́н свэтоскэ, саво́ сыс дыно́ дро пэ́скиро часо;

Эфесянэнгэ 4:15

а соб (кай) амэ́нгэ тэ рикирас чачипэ́н дрэ паты́в екх кэ екх, пир саро́ тэ барьёвас тэ зджас (тэ подджас) пэ Христосо́стэ, Саво́ исын Хула́й пэ саро́:

1 Ian 3:23

А припхэныбэ́н Лэ́скиро исын дасаво: соб (кай) амэ тэ патяс дро лав Лэ́скирэ-Чхавэ́скирэ, Исусо́скирэ Христосо́скиро, и соб (кай) тэ дас паты́в екх екхэ́скэ, сыр Ёв припхэндя́ амэ́нгэ.

1 Ximaske 4:12

Мэк ние́кх тэ на дыкхэ́л вучипна́стыр пэ ту́тэ пал тыро́ тэрныпэн; нэ сыка́в пэс дэвлытконэса патяибнаскирэнгэ дро лав, дро джиибэ́н, дрэ паты́в кэ яви́р мануша́, дро ду́хо (фа́но), дро патяибэ́н, дрэ жужыма.

1 Фесалоникийцэнгэ 4:9

Мэ гинава, со пал пшалэнгири паты́в на трэй тумэ́нгэ буты́р тэ чхинав, пал-дова́ со Дэвэ́л сыклякирдя́ тумэн кокорэн тэ сыкавэ́н паты́в екх екхэ́скэ.

Эфесянэнгэ 4:2

тэ явэ́н тумэ́ штыл (тиха) и кандыпны́тка и ковлэ́-илы́тка, тэ отлыджанпэ екх кэ екх длугонэ вырикирибнаса и патыва́са,

Эфесянэнгэ 3:17

соб (кай) тэ дживэ́л Христо́со пир патяибэ́н дрэ тумарэ́ илэ, и соб (кай) тумэ́ тэ явэ́н зоралэ́ дрэ паты́в екх кэ екх,

Galatenge 1:4

Саво́ отдыя́ Пэс Кокоро́ пал амарэ́ грэ́хи, соб (кай) тэ зракхэ́л амэн далэ́ хоханэ́ свэто́стыр пир Дэвлэ́скирэ-Дадэ́скири во́ля,

Левито 1:17

и пхагирэ́ла ла (чирикля́) дрэ ла́кирэ пхака́ (крылы), на отлыи лэн, и схачкирэ́ла ла раша́й пэ алта́рё, пэ кашта́, савэ́ исын пэ яг: дава́ исын цэ́ло схачкирибэ́н, свэ́нто дыибэ́н, гудло́ тхув, Ра́скэ-Дэвлэ́скэ.

Левито 1:13

а паша́ андрыпнастыр (букорэ) и ґэра́ выморэла пане́са, и саро́ янэ́ла раша́й, и пэ алта́рё схачкирэ́ла, дава́ исын цэ́ло схачкирибэ́н, свэ́нто дыибэ́н (жэ́ртва), гудло́ тхув, Ра́скэ-Дэвлэ́скэ.

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

Юдэ́нгэ 9:23

Трэиндя́, соб (кай) дова́, со сыс создыно́ пэ пхув пир болыбна́скири патри́н (о́бразо), адя́кэ тэ жужакирэлпэ, а дова́, со исын Болыбна́скиро чачунэ́с, трэбинэла фэды́р свэ́нта дыибэна́, сыр кодолэ́.

Эфесянэнгэ 3:19

и тэ ґалён, со исын барэды́р сарэ́стыр пэ свэ́то Христососкири ла́ска ваш дова́, соб (кай) Дэвэ́л тэ явэ́л сарэ́ пэ́скирэ пхэрдыпнаса дро тумаро́ джиибэ́н.

Римлянэнгэ 8:3

Пал-дова́ со, сыр Зако́но на могиндя́ тэ пиризорьякирэл манушэскири лоч, и хасякирдя́ пэ́скири зор, тэды Дэвэ́л бичхадя́ Пэ́скирэс Чхавэ́с, Саво́ сыс дрэ лоч (плоть), сыр грэхи́тко ману́ш, соб (кай) Ёв тэ явэ́л сыр свэ́нто дыибэ́н (жэ́ртва) пал грэ́хо и тэ сэндякирэ́л грэ́хо дрэ манушэ́стэ,

Amoso 5:21

Мэ бидыкхава, Мэ дыкха́ва вучипна́са пэ тумарэ́ свэнкитка дывэса́, и Мэ на сунгава (на сунгавава) гудло́ кхандыпэн (парфуны), со ячэ́ла тумэ́ндэ пэ скэдыибэна.

Левито 1:9

а свэнтонэ́ дыибнаскирэ паша́ андрыпнастыр (букорэ) и ла́кирэ ґэра́ выморэла ёв пане́са, и схачкирэ́ла раша́й саро́ пэ алта́рё: дава́ исын цэ́ло схачкирибэ́н, свэ́нто дыибэ́н, гудло́ тхув Ра́скэ-Дэвлэ́скэ.

Эфесянэнгэ 5:25

Мурша́лэ, сыкавэ́н паты́в пэ́скирэ ромне́нгэ адя́кэ, сыр Христо́со сыкадя́ паты́в Кхангирьякэ и отдыя́ Пэс пэ мэрибэ́н пал ла́тэ,

1 Коринфянэнгэ 5:7

Палдава́ выжужакирэн пхуранэ́-грэхоскири рошчына, соб (кай) тумэ́ тэ явэ́н нэвонэ́ хумэрэса, пал-дова́ со тумэ́ ж сан жужо́ хумэр, би рошчынакиро, пал-дова́ со амаро́ Христо́со, Патрадитко Бакроро́, сыс мулякирдо сыр свэ́нто дыибэ́н пал амэ́ндэ.

Римлянэнгэ 4:25

Саво́ сыс здыно пал амарэ́ грэ́хи и Саво́ отджидыя́, соб (кай) тэ приджинэл амэн чачунэнца бангипнастыр анги́л Дэвлэ́стэ.

Joannostir 6:51

Мэ сом джидо́ маро́, саво́ явдя́ болыбна́стыр; кон явэ́ла тэ хал Миро маро́, одолэ́ манушэ́скэ дэ́лапэ ве́чно джиибэ́н; маро́, саво́ Мэ да́ва, исын Мири́ лоч (маса́), савэ́ Мэ отда́ва, соб (кай) свэ́то тэ дживэ́л.”

Римлянэнгэ 8:37

Нэ саро́ дава́ амэ пиризорьякираса Одолэскирэ зорья́са, Конэ́скэ адя́кэ древа́н амэ яця́м дро́га.

Левито 3:16

и схачкирэ́ла лэн раша́й пэ алта́рё: дава́ исын ягакиро маро́, гудло́ тхув, Ра́скэ-Дэвлэ́скэ; а саро́ чэкэ́н Ра́скэ-Дэвлэ́скэ.

Vygiiben 29:18

и схачкир сарэ́ бакрэ́с пэ алта́рё. Дава́ исын цэ́ло схачкирибэ́н Ра́скэ-Дэвлэ́скэ, гудло́ тхув, свэ́нто дыибэ́н, Ра́скэ-Дэвлэ́скэ.

Vygiiben 29:25

и лэ дава́ лэ́нгирэ вастэ́ндыр, и хачкир сарэ́са пэ алта́рё цэлонэ́ схачкирибнаса сыр гудло́ тхув анги́л Растэ-Дэвлэ́стэ: дава́ исын свэ́нто дыибэ́н (жэ́ртва) Ра́скэ-Дэвлэ́скэ.

Римлянэнгэ 15:16

тэ явав Исусо́скирэ-Христосо́скиро дына́ри ваш Наюдэ́нгэ и сыр раша́скэ тэ сыклякирав Дэвлэ́скири бахталы́ зан, соб (кай) дава́ Наюдэнгиро свэ́нто дыибэ́н тэ янэл Дэвлэ́скэ ра́дыма и тэ явэ́л посвэнцындло Свэнтонэ́ Духо́са.

2 Коринфянэнгэ 2:14

Нэ парик Дэвлэ́скэ, Саво́ ўса́ды (сак) лыджа́ла вучэ́с амэн дро екхипэ́н Христосо́са и пиридэла пир амэ́ндэ джиныбэ́н пал Христосо́стэ, саво́ амэ сунгаса (сунгаваса) сыр гудло́ кхандыпэн.

Эфесянэнгэ 1:4

Ёв выкэдыя́ амэн дрэ Лэ́стэ англэды́р, сыр создыя́ свэ́то, соб (кай) амэ тэ явас свэ́нта пир екхипэ́н Христосо́са и бидошакирэ анги́л Лэ́стэ пир паты́в кэ яви́р мануша́;

Эфесянэнгэ 5:15

И палдава́ ракхэ́н лачхэ́с, дживэ́н на сыр бигодякирэ, нэ сыр годьварэ́ мануша́.

Filipiicenge 4:18

Мэ дорэсцём буты́р, сыр ма́нгэ трэй, мэ сом радо, ке́ли дорэсцём Епафодитостыр саро́, со тумэ́ бичхадэ́ ма́нгэ сы́рбы гудло́ аромато, сыр дро́го свэ́нто дыибэ́н, саво́ исын лачхо́ Дэвлэ́скэ.

Юдэ́нгэ 8:3

Кажно раша́й исын чхудо ваш дова́, соб (кай) тэ янэл свэ́нто дыибэ́н и да́ро, пал-дова́ со трэиндя́, соб (кай) и кадалэ́ Рашастэ тэ явэ́л вари-со тэ янэл.

Čysly 7:21

екхэ телянтос, екхэ бакрэ́с, екхэ́с екхэ-бэршытконэ бакрорэс, ваш цэ́ло схачкирибэ́н,

Яви́р Зако́но 27:6

цэлонэ́ барэндыр кэр алта́рё Ра́скэ-Дэвлэ́скэ, Дэвлэ́скэ тырэ́скэ, и ян пэ лэ́стэ цэ́ло схачкирибэ́н Ра́скэ-Дэвлэ́скэ, Дэвлэ́скэ тырэ́скэ,