Эфесянэнгэ 4:9 - Библия - Пэ Балтитко Романи чиб (Романэс) 2019

⁹ нэ дова́, со Ёв “ґаздыя́пэ”, нау́што значынэ́ла на дова́, со Ёв англэды́р гия́ тэлэ́ дрэ люноскирэ (адоскирэ)-пхувья́кирэ паша́.

Biblija - Pe Baltitko Romani čib (Romanes) 2019

⁹ ne dová, so Jov “ĥazdyjápe”, naúšto značynéla na dová, so Jov angledýr gijá telé dre liunoskire (adoskire)-phuvjákire pašá.

Эфесянэнгэ 4:9 Referans Kwoze

Joannostir 3:13

Нико́н на сыс пэ болыбэ́н апри́ч Одолэ́стэ, кон гия́ тэлэ́ болыбна́стыр, дава́ исын Чхаво́ Манушэ́скиро, Саво́ дживэ́ла дро Болыбна́скиро Раё.

Матфеё 12:40

Адя́кэ, сыр Иона сыс дро китоскиро пэр трин дывэса́, адя́кэ-паць явэ́ла Чхаво́ Манушэ́скиро дро пхувья́киро хорипэ́н трин дывэса́ и трин ратя.

Joannostir 6:33

Пал-дова́ со Дэвлэ́скиро маро́ исын Одова́, Саво́ явэ́ла (джа́ла тэлэ́) болыбна́стыр и дэ́ла джиибэ́н свэтоскэ.”

Pritčy 30:4

Кон ґаздыя́пэ пэ болыбэ́н и гия́ тэлэ́? Кон скэдыя́ балва́л дрэ Пэ́скирэ бурныка (жмени)? Кон учхакирдя́ паня́ идяса? Кон зачхудя пхувья́кирэ яго́ры (краи́)? Саво́ исын Лэ́скиро лав; и саво́ исын Лэ́скирэ-Чхавэ́скиро лав, ко́ли ту джинэ́са?

Psalmy 63:9

Миро ди прияця кэ Ту, а Тыро́ чачо́ васт подрикирэ́ла ман.

Юдэ́нгэ 2:9

нэ амэ дыкхаса Исусо́с, Савэс Дэвэ́л на́бут тыкнякирдя анги́л Янголэндэ, и Саво́ исын прославиндло и кутякирдо, пал-дова́ со Ёв пиридживдя мэ́ньки и мэрибэ́н; Ёв пиридживдя мэрибэ́н пал сарэ́ манушэ́ндэ пир Дэвлэ́скиро бахталыпэ́н.

Joannostir 20:17

Ису́со ракирэ́ла: “На чилав Ман, пал-дова́ со Мэ на рисиём кэ Миро Дад; джа́ кэ Мирэ́ пша́ла и пхэн лэ́нгэ: “Мэ рисёва́ва кэ Миро Дад и тумаро́ Дад и кэ Миро Дэвэ́л и кэ тумаро́ Дэвэ́л”.”

Psalmy 8:5

то со исын о ману́ш, пал савэ́стэ Ту дыкхэ́са? И чхаво́ манушэ́скиро, со Ту дыкхэсапэ лэ́са?

Džiibén 11:5

И гия́ тэлэ́ Рай Дэвэ́л тэ дыкхэ́л фо́ро и вучарды́ (башня), сави́ кэрдэ́ манушэ́нгирэ чхавэ́.

Юдэ́нгэ 2:7

Ту лэс на́бут тыкнякирдян анги́л Янголэндэ, ту прославиндян и кутякирдян лэс, Ту чхудя́н хула́са лэс пэ дова́, со Тырэ́ васта́ кэрдэ́,

Joannostir 8:14

Ису́со отпхэндя́ лэ́нгэ: “Ко́ли Мэ Кокоро́ пал Пэ́стэ допхэнава, то Мирэ́ лава́ исын чачунэ́, пал-дова́ со Мэ джино́м, каты́р Мэ явдём и карик Мэ джа́ва; а тумэ́ на джинэ́на, каты́р Мэ явдём и карик Мэ джа́ва.

Joannostir 6:62

Нэ со явэ́ла, ке́ли тумэ́ явэ́на тэ дыкхэ́н, сыр Чхаво́ Манушэ́скиро ґаздэ́лапэ одори́к, кай Ёв сыс англэды́р?

Joannostir 6:58

Кадава́ исын маро́, саво́ явдя́ болыбна́стыр, ёв исын на дасаво, сыр маро́, саво́ ханэ́ тумарэ́ дада́ и мынэ́: нэ одова́, кон ха́ла дава́ маро́, явэ́ла тэ дживэ́л ве́чнэс.”

Joannostir 6:51

Мэ сом джидо́ маро́, саво́ явдя́ болыбна́стыр; кон явэ́ла тэ хал Миро маро́, одолэ́ манушэ́скэ дэ́лапэ ве́чно джиибэ́н; маро́, саво́ Мэ да́ва, исын Мири́ лоч (маса́), савэ́ Мэ отда́ва, соб (кай) свэ́то тэ дживэ́л.”

Joannostir 6:41

Э Юды ракирдэ́ холямэс пэ Лэ́стэ пал дова́, со Ёв пхэндя́: “Мэ сом маро́, саво́ явдя́ болыбна́стыр.”

Joannostir 6:38

Пал-дова́ со Мэ явдём болыбна́стыр на ваш дава́, соб (кай) тэ кэра́в дова́, со Мэ кокоро́ кама́м, нэ, соб (кай) тэ кэра́в пир Мирэ́-Дадэ́скири во́ля, Саво́ бичхадя́ Ман.

Isajos 44:23

Мэк тэ радынэ́лпэ кэ багаипэн болыбэ́н, пал-дова́ со Рай Дэвэ́л кэрдя́ дава́! Мэк тэ годлэл пхувитко хорипэ́н, мэк тэ шуминэн бахтятыр бэ́рги, вэш, сарэ́ кашта́ дро вэш, пал-дова́ со Рай Дэвэ́л выкиндя Яково́с, Ёв ґаздэ́ла Пэ́скири паты́в дро Израилё.

Psalmy 139:15

Мирэ́ кокалы́ на сыс ґарадэ́ Ту́тыр, ке́ли мэ бариём тэ явав пэ свэ́то дро гарадо́ штэ́то, и ке́ли ман кхувэнас дро екхипэ́н дро хор штэ́то.

Vygiiben 19:20

И згия Рай Дэвэ́л пэ бэ́рга Синаё, пэ бэрга́киро вучипэ́н, и кхардя́ Рай Дэвэ́л Мойза́с пэ бэрга́киро вучипэ́н, и гия́ Мо́йза.

Езэкилё 31:14

Ваш дова́, соб (кай) нисавэ кашта́ пашы́л пани́ тэ на пхутёнас, со выбаринэ ёнэ дасавэ́ барэ́, на ґаздэнас пэ́скиро упралыпэ́н барэ́ сэнкицэндыр, соб (кай) на тырдэнаспэ кэ ёнэ, пал-дова́ со ёнэ исын дасавэ́ барэ́ кашта́, савэ́ пьена пани́; сарэ́ ёнэ мэрэ́на, джа́на пэ́скэ пэ дова́ свэ́то кхэтанэ́ манушэ́скирэ чхавэ́нца, савэ́ мынэ́.”