Эфесянэнгэ 4:5 - Библия - Пэ Балтитко Романи чиб (Романэс) 2019

⁵ исын екх Рай Дэвэ́л, екх патяибэ́н, екх болдыипэн.

Biblija - Pe Baltitko Romani čib (Romanes) 2019

⁵ isyn jekh Raj Devél, jekh patiaibén, jekh boldyipen.

Эфесянэнгэ 4:5 Referans Kwoze

1 Коринфянэнгэ 8:6

нэ амэ́ндэ ж исын екх Дэвэ́л Дад, Саво́ создыя́ саро́ и ваш Савэ́скэ амэ дживаса; и исын екх Рай Дэвэ́л, Ису́со Христо́со, пир Савэ́стэ саро́ яця́ и пир Савэ́стэ амэ дживаса.

1 Коринфянэнгэ 12:13

Пал-дова́ со амэ болдямпэ екхэ Духо́са дро екх маса́, – Юды ци Гре́ки (Баламэ́), – писха́рья ци вольна мануша́, и сарэ́нгэ амэ́нгэ сыс дыно́ тэ прилас екх Ду́хо (Фа́но).

1 Petr 3:21

дава́ пани́ исын сы́рбы копия долэ́скэ, ке́ли амэ боласапэ и со зракхэ́ла амэн. Дава́ нанэ мэлалэ́-лоча́киро обморибэн, а тумэ́ дэ́на лав лачхэ́ патыва́са Дэвлэ́скэ пир Исусо́скирэ-Христосо́скиро отджидыипэн,

Римлянэнгэ 3:30

пал-дова́ со исын екх Дэвэ́л, Саво́ приджинэла чачунэнца одолэ́н, кон кэрдя́ обчхиныбэн пир патяибэ́н и кодолэ́н, савэ́ патя́на, нэ савэ́ исын наобчиндлэ.

Матфеё 28:19

Палдава́ джа́н, сыклякирэ́н сарэ́ на́цыи, болэн лэн дро лав Дадэ́скиро, Чхавэ́скиро и Свэнтонэ́ Духоскиро (Фаноскиро);

1 Коринфянэнгэ 1:13

со ци роспыяпэ Христо́со пэ групы? Ци Па́вли сыс примардо пэ трушу́л пал тумэ́ндэ? Ци тумэ́ болдэпэ дро Павли́скиро лав?

Juda 1:3

Дро́га мирэ́! Мэ камдём хачкирдэ́ илэ́са тэ чхинав тумэ́нгэ пал амаро́ кхэтано зракхибэ́н, мэ гиндём, со трэиндя́ тэ чхинав тумэ́нгэ, соб (кай) тэ подрикирав тумэн тэ тэрдён пал патяибэ́н, саво́ е́кхвар и ваш сарэ́нгэ Дэвэ́л дыя́ свэнтонэ́ манушэ́нгэ.

2 Коринфянэнгэ 11:4

Пал-дова́ со, ко́ли вари-кон яви́р, чачэс, явэ́лас кэ тумэ́ и роспхэнэлас пал сы́рбы явирэ́ Христо́стэ, конэ́с амэ на роспхэндям, ци ко́ли тумэ́ прилынэ́ яви́р Ду́хо (Фа́но), Савэс тумэ́ ґарыдыр на прилэнас; и тумэ́ прилэнас яви́р бахталы́ зан (звесь), сави́ тумэ́ ґарэдыр на приджинэнас, – дыкхэ́н: сыр тумэ́ локхэс прилэнас дасавэ́ манушэ́с!

Заха́рия 14:9

И Рай Дэвэ́л явэ́ла кра́ли пир сари́ пхув; дро дова́ дывэ́с явэ́ла фэ́ни (екх) Рай Дэвэ́л, и лав Лэ́скиро-фэ́ни екх.

Filipiicenge 2:11

и, соб (кай) кажно чиб тэ ракирэ́л, со Рай Дэвэ́л, Ису́со Христо́со, исын Рай Дэвэ́л ваш Дэвлэ́скирэ-Дадэ́скири сла́ва.

Эфесянэнгэ 4:13

пака амэ сарэ́ ява́са дро екхипэ́н кэ екх патяибэ́н и амэ уджинаса Дэвлэ́скирэ Чхавэ́с, и амэ ячаса барэ́ (стала) мурша и доджаса кэ най сталэдыр (сама стала) Христосо́скирэ бэрша́;

Galatenge 5:6

Пал-дова́ со, ке́ли амэ сам дро екхипэ́н Исусо́са Христосо́са, ни обчхиныбэн, ни наобчхыныбэн на мол ничы́, а саро́ смысло исын дро патяибэ́н, саво́ сыкавэ́ла пэс пир паты́в кэ яви́р мануша́.

1 Коринфянэнгэ 12:5

исын ра́зна служэ́нии (дынарибэна́) Дэвлэ́скэ, а исын екх Рай Дэвэ́л;

1 Коринфянэнгэ 1:2

Дэвлэ́скирэ кхангирьякэ, со исын дро Коринфо, сарэ́ свэнтонэ́ манушэ́нгэ, савэ́ исын прикхардэ тэ ячэн и тэ явэ́н Дэвлэ́скирэ манушэ́нца пир патяибэ́н дрэ Исусо́стэ Христосо́стэ; сарэ́нгэ, кон мангэлапэ Исусо́скирэ Христосо́скирэ лавэ́са пир сарэ́ штэ́ты, Саво́ исын лэ́нгиро и амаро́ Рай Дэвэ́л:

Juda 1:20

Нэ тумэ́, мирэ́ дро́га, барьён дро пэ́скиро свэ́нто патяибэ́н, мангэ́нпэ Дэвлэ́скэ Свэнтонэ́ Духо́са,

Юдэ́нгэ 13:7

Рипирэн пэ́скирэ сыклякирибнарьен (наставникэн), савэ́ лыджинэ́ тумэн и сыклякирдэ́ тумэн Дэвлэ́скирэ лавэ́скэ, дыкхэ́н пэ лэ́нгиро джиибэ́н кэ ко́нцо (кэ яго́ро); явэ́н дасавэ́-паць дро патяибэ́н, сыр ёнэ исын.

Юдэ́нгэ 6:6

и савэ́ мэкнэ́ тэ патя́н; кадасавэн манушэ́н нашты́ нэвэ́стыр тэ сыклякирас, соб (кай) ёнэ тэ рискирэ́н пэ́скиро джиибэ́н кэ Дэвэ́л, пал-дова́ со ёнэ сы́рбы нэвэ́стыр примарэна кэ трушу́л Дэвлэ́скирэ Чхавэ́с и отдэна Лэс пэ сабэн манушэ́нгэ.

Titoske 1:4

Титоскэ, мирэ́ чачунэ́ чхавэ́скэ пир патяибэ́н, саво́ сыс екх кхэтанэ́ ма́нца, тэ явэ́л бахталыпэ́н ла́ска и рама́нё Дэвлэ́стыр – Дадэ́стыр и Ра́стыр-Дэвлэ́стыр, Исусо́стыр Христосостыр амарэ́ Зракхибнаристыр.

Titoske 1:1

Павли́стыр, Дэвлэ́скирэ писхаристыр и Исусо́скирэ Христосо́скирэ Апостолостыр. Мэ со́мас бичхадо́ тэ розлыджав манушэ́нгиро патяибэ́н, савэ́н Дэвэ́л выкэдыя́, и тэ янав лэн кэ чачипэ́н, соб (кай) ёнэ тэ дживэ́н дара́са анги́л Дэвлэ́стэ;

Filipiicenge 3:8

И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;

Apostolengiri Butý 10:36

Ёв бичхадя́ лав Израилёскирэ чхавэ́нгэ, саво́ роспхэнэ́ла пал “рама́нё” пир Исусо́стэ Христосо́стэ, Ёв исын Рай Дэвэ́л пир саро́ свэ́то.

Apostolengiri Butý 2:36

И палдава́ джин миштэ́с, саро́ кхэр Израилёскиро, со Дэвэ́л кэрдя́ Кадалэ́ Исусо́са, Ра́са-Дэвлэ́са и Христосо́са, Савэс тумэ́ примардэ пэ трушу́л.”

2 Petr 1:1

Симоностыр Пэтристыр, Исусо́скирэ Христосо́скирэ писхаристыр и Апостолостыр, сарэ́ манушэ́нгэ, кон прилыя́ дасаво-паць дро́го патяибэ́н кхэтанэ́ амэ́нца пир чачипэ́н амарэ́ Дэвлэ́скиро и Зракхибнарискиро, Исусо́скирэ Христосо́скиро,

Jakov 2:18

Нэ вари-кон пхэнэ́ла тумэ́ндыр: “Ту́тэ исын патяибэ́н, а ма́ндэ исын рэ́нды (де́лы).” Сыка́в ма́нгэ тыро́ патяибэ́н би рэндэнгиро, а мэ сыкава́ва миро патяибэ́н мирэ́ рэндэ́ндыр.