Эфесянэнгэ 4:25 - Библия - Пэ Балтитко Романи чиб (Романэс) 2019

²⁵ Палдава́ мэкэ́н хохаибэ́н, кажно тумэ́ндыр тэ ракирэ́л чачипэ́н пэ́скирэ пашатунэ́скэ, пал-дова́ со амэ сам екхэ́ масэ́нгирэ паша́ екх екхэ́скэ.

Biblija - Pe Baltitko Romani čib (Romanes) 2019

²⁵ Paldavá mekén xohaibén, kažno tuméndyr te rakirél čačipén péskire pašatunéske, pal-dová so ame sam jekhé maséngire pašá jekh jekhéske.

Эфесянэнгэ 4:25 Referans Kwoze

Колосянэнгэ 3:9

На хохавэн екх екхэ́скэ, пал-дова́ со тумэ́ отпхэндлэпэ пхуранэ́ пэ́скирэ джиибнастыр сарэ́ лэ́скирэ рэндэ́нца.

Заха́рия 8:16

Акэ, бутя́, савэ́ тумэ́ сан бангэ́ тэ кэрэ́н: пхэнэ́н чачипэ́н екх екхэ́скэ, пиро́ чачипэ́н и рама́нё (миро) сэндякирэн кэ по́рта тумари́.

Pritčy 12:22

Рай Дэвэ́л рикирлапэ дрэ риг хоханэ́ уштэндыр, нэ одолэ́ндыр, савэ́ кэрэ́на пир патяибэ́н, Ёв бахталёла.

Римлянэнгэ 12:5

адя́кэ-паць и амэ сарэ́ кхэтанэ́ сам сы́рбы екх маса́ дрэ Христосо́стэ, а ко́ли амэ на сам кхэтанэ́, тэды амэ сам паша́ екх екхэ́скэ.

Эфесянэнгэ 4:15

а соб (кай) амэ́нгэ тэ рикирас чачипэ́н дрэ паты́в екх кэ екх, пир саро́ тэ барьёвас тэ зджас (тэ подджас) пэ Христосо́стэ, Саво́ исын Хула́й пэ саро́:

Pritčy 12:17

Кон ракирэ́ла дова́, со ёв джинэ́ла, одова́ пхэнэ́ла чачипэ́н, нэ начачуно дудвало /якхи́тко (свидетелё) хохавэла.

Pritčy 8:7

Пал-дова́ со мирэ́-москиро талой (нёбо) пхэнэ́ла патяибэ́н, фуипэ́н исын джунгало́ (брыдко) уштэнгэ.

Pritčy 12:19

Патяибнытка лава́ явэ́на тэ рикирэнпэ ўса́ды (сак), нэ хоханы чиб пэ моменто.

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

Titoske 1:2

дава́ чачипэ́н дэ́ла наде́я пэ ве́чно джиибэ́н, пал саво́ Дэвэ́л дыя́ лав амэ́нгэ анги́л, сыр свэ́то сыс создыно́, а Дэвэ́л ние́кхвар на хохавэла,

1 Ximaske 4:2

кадава́ сыклякирибэ́н роспхэнэна дуемуитка хохаибнарья, савэ́ хасякирдэ́ сари́ ладж, сы́рбы вари-кон схачкирдя́ ла,

Левито 19:11

На чорэн, на ракирэ́н начачипэ́н, на хохавэн екх екхэ́с.

Sykadyipén 22:15

А яври́ пал фо́ро исын джукэла, човаханэ, и кон дживдя́ джувле́нца сыр ромня́са би сэвлакиро, замарибнарья, и кон мангдя́пэ идолэ́нгэ, и сарэ́ яви́р, конэ́скэ дава́ сыс пир ило́ тэ ракирэ́л хохаибэ́н.

1 Ximaske 1:10

савэ́ дживэ́на джувле́нца би сэвлакиро, савэ́ дживэ́на муршэнца сыр джувле́нца, савэ́ чорэна манушэ́н, савэ́ исын хохаибнарья, савэ́ совлахана хоханэ́с сыр якхи́тка.

2 Коринфянэнгэ 7:14

Пал-дова́ со ко́ли мэ шардём тумэн лэ́скэ, мэ на со́мас ладжакирдо́, нэ, сыр амэ пхэндям тумэ́нгэ саро́ чачипэ́н, тэды адя́кэ-паць и амаро́ шарибэ́н анги́л Титостэ сыс чачуно́:

Titoske 1:12

Екх лэ́ндыр лэ́нгиро проро́ко пхэндя́: “Критяни исын ўса́ды (сак) хоханю́ки, фуй, бу́са (дика) мурдала́ и кирнэ-масэнгирэ мануша́, савэ́ ханас, сыр на дрэ пэ́стэ.”

1 Коринфянэнгэ 10:17

Пал-дова́ со амэ сам бут, нэ амэ сам сы́рбы екх лабо маро́, сы́рбы екх маса́; пал-дова́ со исын екх лабо маро́, савэ́стыр амэ сарэ́ ла́са пэ́скирэ паша́.

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Заха́рия 8:19

Адя́кэ ракирэ́ла янголэ́нгирэ-болыбна́скиро Рай Дэвэ́л: Посто дро шта́рто чхон и посто дро па́нджто чхон, и посто дро эфта́то чхон и дро дэ́што, мэк тэ явэ́л ваш кхэр Юда́скиро радымакиро и бахтало́ свэ́нко; фэ́ни тумэ́ сан бангэ́ тэ рикирэ́н чачипэ́н и рама́нё.’

Osija 4:2

Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.

Isajos 63:8

Ёв пхэндя́: “Чачо́, ёнэ исын Мирэ́ чхаворэ́, савэ́ на хохавэна”, и Ёв сыс ваш лэ́нгэ Зракхибнариса.

Isajos 9:15

Пхуро́ и барвало́ – дава́ исын шэро́, а проро́ко – хохаибнари – дава́ исын пори.

Pritčy 21:6

Кон кэдэла кучипэ́н хоханэ́ чиба́са (чибьяса), одова́ исын сы́рбы сы́гно балва́л, сави́ родэ́ла мэрибэ́н.

Pritčy 6:17

пхутькирдэ́ якха́, хоханы чиб и васта́, со прочхувэна бибангипнаскиро рат;

Psalmy 119:29

Лэ криг ма́ндыр хохаибэ́н и сыка́в Тыри́ ла́ска пир Тыро́ Зако́но.

Psalmy 52:3

Со́скэ ту шарэсапэ фуипнаса, ту, муршари? Дэвлэ́скири лачхэ́-илы́ткима исын усады (сак) ма́нца пэ сарэ́ ве́ки.

Эфесянэнгэ 5:30

пал-дова́ со амэ сам паша́ Лэ́скирэ масэ́ндыр; амэ сам Лэ́скирэ лоча́тыр и Лэ́скирэ кокалэндыр.

3 Kralip 13:18

И пхэндя́ ёв лэ́скэ: “И мэ сом проро́ко адасаво́-паць, сыр ту сан, и Янго́ло ракирдя́ ма́нгэ Ра́скирэ-Дэвлэ́скирэ лавэ́са, и пхэндя́: ‘Ри́скир лэс кэ пэ дро кхэр; мэк ёв тэ похал маро́ и тэ выпьел пани́’”. – Ёв хохадя лэ́скэ.

Vygiiben 23:7

отджа хохаибнастыр, и на мулякир набангэс и саво́ исын чачипна́скиро; пал-дова́ со Мэ на чачакирава (на оправдынава), кон кэрэ́ла фуес.

Psalmy 15:2

Одова́, кон дживэ́ла би дошэнгиро, и саво́ исын чачипна́скиро илэ́стыр пир саро́, и ракирэ́ла чачипэ́н сарэ́нгэ.

Pritčy 24:28

На яв хохано́ якхи́тко (лжэсвидетелё) пэ пэ́скирэ пашатунэстэ би причынакиро, со́скэ тэ хохавэс пэ́скирэ уштэ́нца.

Эфесянэнгэ 4:22

Мэкэ́н пэ́скиро пхурано́ джиибэ́н и на поддэнпэ грэхо́скэ, кэ саво́ злыджала грэхи́тко тырдыпэ́н;

Эфесянэнгэ 4:31

Мэк кажно киркипэн, холы́, чинга́рд, и го́дла и налачхэ́ лава́ тэ отджан тумэ́ндыр кхэтанэ́ сарэ́ тумарэ́ фуипнаса.

Колосянэнгэ 3:8

Нэ какана́ тумэ́ мэкэ́н саро́: холякирибэ́н, мижэхипэн (ярось), обракирибэн, ладжаипнытка лава́ тэ на пхэнэ́н тумарэ́ ушта́.

Юдэ́нгэ 12:1

Пал-дова́ со трусця́л амэ́ндэ адя́кэ-паць исын ада́кицы бут якхи́тка/якхалэ́ (свидетели), явэ́н чхурдаса пэ́стыр любо ґа́мо пхарипнаса и грэ́хо, саво́ припхандэлапэ кэ амэ сыр фэлы́ (сетка) и ява́са со исын зор тэ вырикирас, ява́са тэ причхувас зор тэ джас пир амаро́ джиибнытко дром, саво́ исын анги́л амэ́ндэ;

Jakov 1:21

Ваш дава́ отчхувэн пэ́стыр сарэ́ ладжавэ кэ магирипэ́н рэ́нды и песьцёныма, савэ́ ишчо (инкэ́) ячнэ́пэ андрэ́ тумэ́ндэ и прилэ́н лав ковлэ́ илэ́са, саво́ мэкця́ корнё (рукх) дро тумаро́ ило́ и могинэ́ла тэ зракхэ́л тумэн.

1 Petr 2:1

Тэды мэкэ́н кажно холы́, фрэнтыма, дуемуиткима, зэвлыныпэ́н и кажна хоханэ́ лава́,

Сэндарьенгири Лылвари́ 16:11

Ёв пхэндя́ ла́кэ: “Ко́ли пхандэна ман нэвонэ́ шэлэнца, савэ́ на сыс дро рэ́ндо, тэды мэ кэравапэ бизорья́киро и ява́ва, сыр сарэ́ мануша́.”