Эфесянэнгэ 4:22 - Библия - Пэ Балтитко Романи чиб (Романэс) 2019

²² Мэкэ́н пэ́скиро пхурано́ джиибэ́н и на поддэнпэ грэхо́скэ, кэ саво́ злыджала грэхи́тко тырдыпэ́н;

Biblija - Pe Baltitko Romani čib (Romanes) 2019

²² Mekén péskiro phuranó džiibén i na poddenpe grehóske, ke savó zlydžala grehítko tyrdypén;

Эфесянэнгэ 4:22 Referans Kwoze

Римлянэнгэ 6:6

и амэ джина́са, со ману́ш, саво́ англэды́р сы́рбы дживдя́ дрэ амэ́ндэ, сыс примардо пэ трушу́л Лэ́са ваш дова́, соб (кай) амарэ́ грэхи́тка маса́ тэ хасякирэ́н пэ́скири зор ваш чорипэ́н, и соб (кай) амэ тэ на явас буты́р дына́рья грэхо́скэ.

Юдэ́нгэ 12:1

Пал-дова́ со трусця́л амэ́ндэ адя́кэ-паць исын ада́кицы бут якхи́тка/якхалэ́ (свидетели), явэ́н чхурдаса пэ́стыр любо ґа́мо пхарипнаса и грэ́хо, саво́ припхандэлапэ кэ амэ сыр фэлы́ (сетка) и ява́са со исын зор тэ вырикирас, ява́са тэ причхувас зор тэ джас пир амаро́ джиибнытко дром, саво́ исын анги́л амэ́ндэ;

Jakov 1:21

Ваш дава́ отчхувэн пэ́стыр сарэ́ ладжавэ кэ магирипэ́н рэ́нды и песьцёныма, савэ́ ишчо (инкэ́) ячнэ́пэ андрэ́ тумэ́ндэ и прилэ́н лав ковлэ́ илэ́са, саво́ мэкця́ корнё (рукх) дро тумаро́ ило́ и могинэ́ла тэ зракхэ́л тумэн.

Юдэ́нгэ 3:13

А подрикирэн екх екхэ́с со дывэ́с кэ/жы́ко дова́ часо, пака сашты́ тэ ракирэ́с “ададывэ́с”, соб (кай) грэ́хо тэ на хохавэ́л тумэн и тэ на отрискирэл тумаро́ ило́.

Titoske 3:3

Пал-дова́ со и амэ са́мас вари-ке́ли бигодякирэ, на кандыям и амэн; амэ са́мас писха́рья пэ́скирэ-масэнгирэ тырдыпнаскэ, амэ дживдям дро холы́ и зэвлыныпэ́н, древа́н бидыкхцям екх екхэ́с.

Эфесянэнгэ 4:25

Палдава́ мэкэ́н хохаибэ́н, кажно тумэ́ндыр тэ ракирэ́л чачипэ́н пэ́скирэ пашатунэ́скэ, пал-дова́ со амэ сам екхэ́ масэ́нгирэ паша́ екх екхэ́скэ.

1 Petr 4:3

Пал-дова́ со ухты́лла (до́си) дова́, со тумэ́ англэды́р кэрэ́нас, сыр На́юды, савэ́ камэ́на тэ кэрэ́н: ке́ли тумэ́ рикирдэ пэс дрэ на́гожа рэ́нды (де́лы), дро на́лачхо камибэн дрэ маса́, дро пибэ́н магирибнаса, дро дылыно́ хабэ́н и пибэ́н би меракиро, дро биладжакуно мангипэ́н идолэ́нгэ.

Эфесянэнгэ 4:17

Палдава́ мэ ракира́ва, и манга́ва анги́л Растэ – Дэвлэ́стэ, соб (кай) буты́р тумэ́ тэ на кэрэ́н, сыр кэрэ́на на́цыи пир пэ́скири кро́тко годы́,

2 Petr 2:13

ёнэ явэ́на тэ пирилыджан пхарипэ́н пал начачипэ́н, пал дова́ со ёнэ дживэ́на пхэрдэ́с пир пэ́скиро на́лачхо камибэн со дывэ́с. Ёнэ исын замакхнэ и домагирдэ мануша́; ёнэ залэнапэ битукоскиро пэ́скирэ хохаибнаса, ке́ли свэнкинэна пал сками́нд тумэ́нца;

1 Petr 1:18

джины́, со на рупэ́са ци сувнака́са, савэ́ усае́кх нанэ важнэдыр сарэ́стыр, тумэ́ сан выкиндлэ чхучэ́ (пустонэ) джиибнастыр, саво́ тумэ́ дорэснэ́ пэ́скирэ дадэндыр;

Колосянэнгэ 2:11

дро екхипэ́н Лэ́са тумэ́ са́нас обчхиндлэ́ на манушытконэ́ вастэ́нца, ке́ли лэнапэ криг грэхоскирэ лочакирэ маса́ обчхиныбнаса, а Христосо́скирэ-духо́скирэ обчхиныбнаса;

Pritčy 11:18

Фуй ману́ш кэрэ́ла дошвалы буты́, нэ одова́, кон росчхувэла чачипэ́н, дорэсэ́ла мишто́ мазу́ри (награда).

Ióvo 22:23

Ко́ли рискирэса ту пэ́скиро ило́ кэ Сарэзорья́киро Дэвэ́л, тэды нэвэ́стыр ту явэ́са баро́ ману́ш. Ко́ли дурьякирэса ту чорипэ́н пэ́скирэ вастэ́ндыр,

Эфесянэнгэ 2:3

амэ адя́кэ-паць сарэ́ вари-ке́ли и са́мас кадасавэ́ и дживдям пир на́лачхо лочакиро (плотякиро) тырдыпэ́н и кэрдя́м дова́, со амэ́нгэ подпхэнэла на́лачхо камибэн и со явэ́ла пэ годы́, и амэ са́мас пир бияныпэ́н сы́рбы чхавэ́, пэ конэ́стэ пэрэ́ла Дэвлэ́скири холы́, сыр и яви́р мануша́:

Авдиёс 1:3

Тыро́ пхутькирдо ило́ хохадя тут, кон дживэ́ла машки́р шчэ́ли пэ бэ́рги, конэ́скиро кхэр исын вучо́; ту, саво́ ракирэ́ла дро пэ́скиро ило́: ‘Кон счхурдэла тэлэ́ ман?’

2 Petr 2:7

и Ёв зракхця́ Лотос, саво́ сыс чачуно́ ману́ш и древа́н змэнчындло далэ́ нагожонэ рэндэ́ндыр, со кодолэ́ мануша́ кэрдэ́,

Ереме́ё 49:16

Трашаибэ́н тыро́ хохадя тумэн и пхутькирибэ́н тырэ́-илэ́скиро притырдынэ тут, саво́ дживэ́ла машки́р скалакирэ шчэлі, и саво́ залэла вучипэ́н бэргицэнгиро! Мэк ту кэрдя́н пэ́скири гня́зда (ку́фо) адя́кэ вучэ́с, сыр о́рло (ки́до), нэ Мэ и одотхы́р тырдава [счхурдава-р.с.] тут тэлэ́,” – ракирэ́ла Рай Дэвэ́л.

Galatenge 1:13

Тумэ́, хачи, шундлэ́ пал дова́, сыр мэ дживдём пир Юды́тко сыклякирибэ́н, сыр мэ пхагирдём ме́ра, ке́ли мэ традавас Дэвлэ́скирэ кхангирья́кирэ манушэ́н и причхудём зор тэ хасякира́в лэн;

1 Kralip 1:14

И пхэндя́ ла́кэ Илиё: “Кицык ту явэ́са маты? Просовпэ тырэ́ моля́тыр.”

Римлянэнгэ 7:11

пал-дова́ со грэ́хо пир запхэныбэн хохадя ман и мулякирдя́ лэ́са ман.

Jakov 1:26

Ко́ли вари-кон тумэ́ндыр гинэ́ла пэс, со ёв исын зорья́са патяибнаскиро, а на пхандэла пэ́скири чиб, ёв хохавэла кокоро́ пэс, и кадасавэскирэ-манушэскири строгима на трэй ни конэ́скэ.

Ереме́ё 17:9

Ило́ исын хоханэдыр сарэ́стыр и древа́н бибахтало́, кон сашты́ тэ джинэ́л лэс?

2 Коринфянэнгэ 11:3

Нэ мэ дарава, со, сыр сап хохадя Ева пэ́скирэ фротыма́са, адя́кэ-паць, соб (кай) и тумари́ годы́ тэ на пошкодинэлпэ и, соб (кай) тумэ́ тэ на отрисён простонэ патяибнастыр дрэ Христосо́стэ.

Эфесянэнгэ 4:31

Мэк кажно киркипэн, холы́, чинга́рд, и го́дла и налачхэ́ лава́ тэ отджан тумэ́ндыр кхэтанэ́ сарэ́ тумарэ́ фуипнаса.