Эфесянэнгэ 4:21 - Библия - Пэ Балтитко Романи чиб (Романэс) 2019

²¹ а тумэ́ шундлэ́ пал Лэ́стэ и гинэ́ пал Лэ́стэ, пал-дова́ со чачипэ́н исын дрэ Исусо́стэ Христосо́стэ.

Biblija - Pe Baltitko Romani čib (Romanes) 2019

²¹ a tumé šundlé pal Léste i giné pal Léste, pal-dová so čačipén isyn dre Isusóste Xristosóste.

Эфесянэнгэ 4:21 Referans Kwoze

1 Ian 5:20

Амэ джина́са, со Дэвлэ́скиро Чхаво́ явдя́ и дыя́ амэ́нгэ годы́, соб (кай) амэ тэ уджинас, кон исын чачуно́ Дэвэ́л, и соб (кай) амэ́нгэ тэ явас дро екхипэ́н чачунэ́ Дэвлэ́са, Лэ́скирэ Чхавэ́са, Исусо́са Христосо́са. Дава́ исын чачуно́ Дэвэ́л и ве́чно джиибэ́н.

Эфесянэнгэ 1:13

дрэ Лэ́стэ и тумэ́ адя́кэ-паць шундлэ́ чачуно́ лав, бахталы́ зан (звесь) пал тумаро́ зракхибэ́н, сыр тумэ́ упатя́ндынэ дрэ Лэ́стэ. Тумэ́ндэ исын якхи́тко (печать), саво́ сыс Свэнтонэ́ Духо́стыр, Савэс тумэ́ ґара́ ужакирдэ,

Колосянэнгэ 2:7

Явэ́н би кунипнаскирэ (тварда) дрэ Лэ́стэ и барьён пир патяибэ́н дрэ Лэ́стэ, сыр тумэн сыклякирдэ́, ячэ́нпэ дрэ патяибэ́н парикирибнаса.

Joannostir 14:17

дава́ исын Ду́хо (Фа́но) чачипна́скиро, Савэс свэ́то нашты́ тэ прилэл, пал-дова́ со ёв на дыкхэ́ла Лэс и на джинэ́ла; нэ тумэ́ Лэс джинэ́на, пал-дова́ со Ёв исын тумэ́нца и явэ́ла дрэ тумэ́ндэ.

2 Коринфянэнгэ 11:10

И пир Христосо́скиро чачипэ́н, саво́ исын дрэ ма́ндэ, мэ на́ пирияча́ва тэ шаравпэ сыр биловэнгиро дына́ри пир Ахаякирэ рига́.

2 Коринфянэнгэ 1:20

Ёв кэрэ́ла кэ ко́нцо/яго́ро (сполнинэлас) саро́, со Ёв ракирдя́. Пал-дова́ со Дэвлэ́скирэ дынэ́ лава́ сполнинэнапэ пир Лэ́скиро “нэ”, пир Лэ́стэ амэ ракираса “ами́нь” ваш Дэвлэ́скири сла́ва.

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

Joannostir 10:27

Мирэ́ бакрэ́ шунэ́на зан Мири́, и Мэ джино́м (джина́в) лэн, и ёнэ джа́на пал Ма́ндэ;

Joannostir 1:17

Пал-дова́ со Дэвэ́л дыя́ Зако́но пир Мойзастэ (Моисеёстэ), а бахталыпэ́н и чачипэ́н явнэ́ пир Исусо́стэ Христосо́стэ.

Luka 10:16

Кон шунэ́ла тумэн, одова́ шунэ́ла Ман, и кон на прилэ́ла тумэн, одова́ на прилэ́ла Ман; а кон на прилэ́ла Ман, одова́ на прилэ́ла Одолэ́с, Кон бичхадя́ Ман.”

Матфеё 17:5

Ке́ли ёв ишчо (инкэ́) ракирдя́, акэ, святло о́блоко чхакирдя лэн, и, акэ, зан облокостыр, сави́ ракирдя́: “Кадава́ исын Миро Дро́го Чхаво́, дрэ Савэ́стэ исын Мири́ ра́дыма, Лэс шунэ́н.”

Psalmy 45:4

Пхандэ трусця́л пэ́скири курта́ла кэ пэ́скири ґэро́й (бёдро), мурш баро́, пэ́скирэ слава́са и барэ́ вучэдырипнаса,

Римлянэнгэ 10:14

Нэ сыр сашты́ тэ прикхарэс Одолэ́с, дрэ Конэ́стэ ёнэ на упатя́ндынэ? И сыр лэ́нгэ тэ упатян дрэ Одолэ́стэ, пал Конэ́стэ ёнэ нисо́ на шундлэ́? И сыр ёнэ могинэ́на тэ шунэ́н, ко́ли нико́н на явэ́ла тэ пхэнэ́л лав лэ́нгэ?

Эфесянэнгэ 2:17

и ке́ли Христо́со явдя́, Ёв роспхэндя́ бахталы́ зан (звесь) пал рама́нё (миро) сарэ́нгэ тумэ́нгэ, на дыкхи́ пэ дова́, кон сыс Лэ́стыр дур ци пашы́л,

Колосянэнгэ 1:5

ваш наде́я, со ужакирэ́ла тумэн дро Болыбна́скиро Раё, пал со тумэ́ англэды́р шундлэ́ дрэ чачунэ́ лава́ бахталэ́ занятыр (звесятыр),

Колосянэнгэ 1:6

сави́ явдя́ и кэ тумэ́ и сави́ розджалапэ пир саро́ свэ́то и янэ́ла бахтякирибэ́н и барьёла, сыр и машки́р тумэ́ндэ, долэ́-паць дывэсэ́стыр, ке́ли тумэ́ шундлэ́ и уджиндлэ́ Дэвлэ́скиро бахталыпэ́н, саво́ исын дро чачипэ́н;