Эфесянэнгэ 4:15 - Библия - Пэ Балтитко Романи чиб (Романэс) 2019

¹⁵ а соб (кай) амэ́нгэ тэ рикирас чачипэ́н дрэ паты́в екх кэ екх, пир саро́ тэ барьёвас тэ зджас (тэ подджас) пэ Христосо́стэ, Саво́ исын Хула́й пэ саро́:

Biblija - Pe Baltitko Romani čib (Romanes) 2019

¹⁵ a sob (kaj) aménge te rikiras čačipén dre patýv jekh ke jekh, pir saró te barjovas te zdžas (te poddžas) pe Xristosóste, Savó isyn Xuláj pe saró:

Эфесянэнгэ 4:15 Referans Kwoze

1 Ian 3:18

Бияталэ, ява́са тэ дас паты́в на лавэ́са ци чиба́са, а рэндоса (делоса) и чачипна́са.

Эфесянэнгэ 4:25

Палдава́ мэкэ́н хохаибэ́н, кажно тумэ́ндыр тэ ракирэ́л чачипэ́н пэ́скирэ пашатунэ́скэ, пал-дова́ со амэ сам екхэ́ масэ́нгирэ паша́ екх екхэ́скэ.

Заха́рия 8:16

Акэ, бутя́, савэ́ тумэ́ сан бангэ́ тэ кэрэ́н: пхэнэ́н чачипэ́н екх екхэ́скэ, пиро́ чачипэ́н и рама́нё (миро) сэндякирэн кэ по́рта тумари́.

1 Petr 1:22

Сыр тумэ́ лынэ́ тэ кандэ́н чачипэ́н, тэды тумэ́ выжужакирдэ пэ́скирэ дия́ ваш чачуны́ пшалы́тко паты́в, палдава́ сыкавэ́н паты́в екх екхэ́скэ сарэ́ илэ́стыр.

2 Petr 3:18

а тэ барьён дро бахтякирибэ́н и тэ уджинэ́н фэды́р амарэ́ Рас-Дэвлэ́с, и Зракхибнарис (Спасителёс) Исусо́с Христосо́с. Тэ явэ́л Лэ́скэ сла́ва какана́ и пэ сарэ́ ве́ки. Ами́нь.

Эфесянэнгэ 2:21

Саво́ сы́рбы рикирла саро́ кхэр кхэтанэ́, барьёла дрэ свэ́нто кхангири́ Ра́скирэ-Дэвлэ́скири,

Эфесянэнгэ 1:22

и Дэвэ́л чхудя́ саро́ тэлэ́ тэл Исусо́скирэ ґэра́, и чхудя́ Лэ́скэ зор тэ явэ́л Шэрэ́ Хула́са пэ саро́, Шэралэса ваш Кхангири́.

1 Petr 2:2

а явэ́н тумэ́ сы́рбы бияты, савэ́ фэ́ни со бия́ндынэ, и тумэ́ тырдэнпэ кэ лавитко тхуд (Дэвлэ́скиро лав), соб (кай) тэ чалякирэнпэ лэ́са и тэ барьён кэ зракхибэ́н,

Римлянэнгэ 12:9

Мэк тэ явэ́л чачуны́ тумари́ пшалы́тко паты́в; рисён криг фуипнастыр и кэрэ́н лачхипэ́н:

Joannostir 1:47

Ису́со дыкхця́, со Нафанаило джа́ла кэ Ёв, и пхэндя́ пал лэ́стэ: “Ѓа́да, исын чачуно́ Израильтянино, саво́ исын би хохаибнаскиро.”

Эфесянэнгэ 5:23

пал-дова́ со ром исын хула́й ромнякэ, сыр и Христо́со исын Кхангирья́киро хула́й. Ёв исын Зракхибнари ваш Кхангири́ пир маса́ дро ду́хо (фа́но).

2 Коринфянэнгэ 4:2

Нэ амэ дурьёваса ґарадэ́ ладжаипнытконэ рэндэ́ндыр, амэ на мэндринаса, на пирикэраса Дэвлэ́скиро лав, а амэ ракираса чачипэ́н и сыкаваса пэс, сыр амэ сам, пэ манушы́тка якха́ анги́л Дэвлэ́стэ.

Psalmy 32:2

Бахтало́ исын ману́ш, конэ́скэ Рай Дэвэ́л на загинэла лэ́скиро фуипэ́н, конэ́стэ нанэ хараныпэ́н (жэ́лучо) пэ ило́.

Сэндарьенгири Лылвари́ 16:15

И пхэндя́ лэ́скэ Далида: “Сыр ту ракирэ́са: Ту сан дро́го ма́нгэ, а ило́ тыро́ нанэ ма́нца? Ѓа́да, ту трин мо́лы хохадян ман и на пхэндя́н ма́нгэ, дрэ со исын бари зор тыри́.”

2 Коринфянэнгэ 8:8

Мэ на ракира́ва дава́ сыр припхэныбэ́н, нэ пир илэ́скиро хачкирибэ́н кэ дава́ рэ́ндо, саво́ исын явирэ манушэ́ндэ, мэ пропатякирава, савэ́ чачунэ́ исын тумарэ́ ла́ска и паты́в.

Малахия 4:2

Нэ ваш тумэ́нгэ, кон дарэ́ла Мирэ́ лавэ́стыр, ґаздэ́лапэ Кхам чачипна́скиро, со явэ́ла тэ састякирэл лучэнца, и тумэ́ джа́на яври́ и тумэ́ явэ́на тэ ухтэн, кхэлындой, сы́рбы тхулэ целянты.

1 Коринфянэнгэ 11:3

Нэ мэ кама́м, соб (кай) тумэ́ тэ джинэ́н, со Христо́со исын Шэрало́ пэ сарэ́ муршэндэ, а ром исын шэрало́ пэ ромня́тэ, и Дэвэ́л Дад исын Шэрало́ пэ Христосо́стэ.

Эфесянэнгэ 1:4

Ёв выкэдыя́ амэн дрэ Лэ́стэ англэды́р, сыр создыя́ свэ́то, соб (кай) амэ тэ явас свэ́нта пир екхипэ́н Христосо́са и бидошакирэ анги́л Лэ́стэ пир паты́в кэ яви́р мануша́;