Эфесянэнгэ 4:13 - Библия - Пэ Балтитко Романи чиб (Романэс) 2019

¹³ пака амэ сарэ́ ява́са дро екхипэ́н кэ екх патяибэ́н и амэ уджинаса Дэвлэ́скирэ Чхавэ́с, и амэ ячаса барэ́ (стала) мурша и доджаса кэ най сталэдыр (сама стала) Христосо́скирэ бэрша́;

Biblija - Pe Baltitko Romani čib (Romanes) 2019

¹³ paka ame saré javása dro jekhipén ke jekh patiaibén i ame udžinasa Devléskire Čhavés, i ame jačasa baré (stala) murša i dodžasa ke naj staledyr (sama stala) Xristosóskire beršá;

Эфесянэнгэ 4:13 Referans Kwoze

Колосянэнгэ 1:28

Савэскиро лав амэ роспхэнаса, амэ даса годы́ кажнонэ́ манушэ́скэ и сыклякираса кажнонэ́ джиныбнаскэ, соб (кай) амэ тэ чхувас кажнонэ́ сталонэ патяибнаскирэс дро екхипэ́н Христосо́са.

Joannostir 17:21

соб (кай) ёнэ тэ явэ́н сарэ́ сыр екх, сыр Ту, Да́до, сан дрэ Ма́ндэ, и Мэ сом дрэ Ту́тэ, адя́кэ-паць Мэ и ёнэ тэ явэ́н дрэ Амэ́ндэ, мэк тэ упатял свэ́то, со Ту бичхадян Ман.

Эфесянэнгэ 4:5

исын екх Рай Дэвэ́л, екх патяибэ́н, екх болдыипэн.

Эфесянэнгэ 4:3

тэ причхувэ́н зор тэ зракхэн екхипэ́н, саво́ Ду́хо (Фа́но) дэ́ла пир рама́нё (миро), со кхэтанякирэла тумэн.

2 Petr 3:18

а тэ барьён дро бахтякирибэ́н и тэ уджинэ́н фэды́р амарэ́ Рас-Дэвлэ́с, и Зракхибнарис (Спасителёс) Исусо́с Христосо́с. Тэ явэ́л Лэ́скэ сла́ва какана́ и пэ сарэ́ ве́ки. Ами́нь.

Колосянэнгэ 2:2

соб (кай) лэ́нгирэ илэ тэ явэ́н подрикирдэ, соб (кай) ёнэ тэ явэ́н кхэтанэ́ дрэ паты́в кэ яви́р мануша́ ваш кажно барвалыпэ́н, тэ уджинэ́н пхэрдэ́с Дэвлэ́скиро гарадо́ чачипэ́н пал Христосо́стэ,

Юдэ́нгэ 5:14

нэ стала мануша́ могинэ́на тэ хан чачуно́ хабэ́н, пал-дова́ со ёнэ высыклынэ джиибнастыр и пир годы́ тэ пхэнэ́н рознь, кай исын лачхипэ́н и кай исын фуипэ́н.

Filipiicenge 3:8

И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;

1 Коринфянэнгэ 14:20

Пшала́лэ! На явэ́н чхаворэ́нца пир пэ́скири годы́, а явэ́н чхаворэнца пэ холы́: нэ явэ́н барэ́ манушэ́нца дрэ пэ́скири годы́.

Эфесянэнгэ 1:23

Сави́ исын Лэ́скирэ маса́, Лэ́скиро пхэрдыпэн, Саво́ пхэрдякирэла Пэ́са саро́.

Apostolengiri Butý 4:32

Патяибнаскирэ мануша́ сыс кхэтанэ́ илэ́са и годя́са; и нико́н нисо́ пэ́скирэ миштыпна́стыр на гиндя пал пэ́скиро, а саро́, со лэ́ндэ сыс, сыс пэ сарэ́ндэ;

Заха́рия 14:9

И Рай Дэвэ́л явэ́ла кра́ли пир сари́ пхув; дро дова́ дывэ́с явэ́ла фэ́ни (екх) Рай Дэвэ́л, и лав Лэ́скиро-фэ́ни екх.

1 Ian 5:20

Амэ джина́са, со Дэвлэ́скиро Чхаво́ явдя́ и дыя́ амэ́нгэ годы́, соб (кай) амэ тэ уджинас, кон исын чачуно́ Дэвэ́л, и соб (кай) амэ́нгэ тэ явас дро екхипэ́н чачунэ́ Дэвлэ́са, Лэ́скирэ Чхавэ́са, Исусо́са Христосо́са. Дава́ исын чачуно́ Дэвэ́л и ве́чно джиибэ́н.

Софония 3:9

Тэ́ньци Мэ да́ва палэ манушэ́нгэ жужэ́ (чыста) ушта́ и годы́, соб (кай) ёнэ могинэ́нас тэ кхарэ́н лав Ра́скирэ-Дэвлэ́скиро, тэ дынаринэ́н Лэ́скэ дро екх псико́.

Эфесянэнгэ 4:12

соб (кай) тэ фэдырьякирэн Дэвлытконэ́ манушэ́н тэ роспхэнэ́н Дэвлэ́скиро лав тэ зоралякирэн Кхангири́, Сави́ исын Христосо́скирэ-духо́скирэ маса́;

Эфесянэнгэ 2:15

И Ёв Пэ́скирэ мэрибнаса пэ трушу́л парудя Законо́скирэ упхэныбэна́ сыклякирибнаса ваш дова́, соб (кай) дуендыр тэ кэрэ́л дрэ Кокорэ́ Пэ́стэ екхэ нэвонэ́ манушэ́с, и далэ́са тэ янэл манушэ́нгэ рама́нё (миро),

2 Коринфянэнгэ 4:6

Адава́ исын Дэвэ́л, Саво́ пхэндя́: “Тэ зяинэл дуд (свэ́то) цямлыпнастыр”, исын дова́-паць Дэвэ́л, Кон зачхудя дава́ дуд тэ зяинэл дро амаро́ ило́, соб (кай) амэ тэ ґалёвас Дэвлэ́скири ярко сла́ва, сави́ зяинэла Исусо́стыр Христосостыр.

1 Коринфянэнгэ 1:10

Мэ древа́н манга́ва тумэн, мирэ́ пшала́лэ, Исусо́скирэ Христосо́скирэ лавэ́са, амарэ́ Ра́скирэ-Дэвлэ́скирэ, тэ ракирэ́н екх, и тэ на явэ́л тумэ́ндэ ракирибэна екх проти явирэ́стэ, соб (кай) тумэ́ тэ явэ́н кхэтанэ́ дро екх ду́хо (фа́но) и дрэ екх годы́.

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Joannostir 16:3

Ёнэ явэ́на тэ кэрэ́н адя́кэ, пал-дова́ со адалэ́ мануша́ на джиндлэ́ ни Дадэ́с, ни Ман.

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Матфеё 11:27

Саро́ джиныбэ́н пал Пэ́стэ Дад Миро дыя́ Ма́нгэ, и нико́н сарэ́са на джинэ́ла Чхавэ́с апри́ч Дадэ́стэ и нико́н на джинэ́ла Дадэ́с апри́ч Чхавэ́стэ, и Ёв выкэдэ́ла одолэ́с, конэ́скэ Чхаво́ камэ́ла тэ откэрэл Дадэ́с.

Joannostir 1:16

Лэ́стэ саро́ сыс пхэрдо́ и пир Лэ́скиро пхэрдыпэн амэ сарэ́ дорэсцям екх бахталыпэ́н пал екх.

Joannostir 6:69

Амэ акана́ джина́са и патя́са, со Ту сан Христо́со, Свэ́нто Дэвлэ́скиро Чхаво́.”

1 Коринфянэнгэ 2:6

Нэ амэ ракираса пал годьварипэн машки́р бидошакирэ патяибнаскирэндэ, нэ на адя́кэ, сыр дава́ свэ́то гинэ́ла, ци, сыр тхэмэ́скирэ барыдыра́ далэ́ свэто́стыр ґалёна годьварипэн, савэ́ сыг кончынэнапэ.

Galatenge 4:19

мирэ́ чхаворэнца, ваш конэ́скэ мэ кэрдём буты́ дасавэ́ дукхэнца, со исын джувля́тэ, ке́ли ёй биянэ́ла тыкнорэс, пака дро тумаро́ джиибэ́н на явэ́ла бицяло́ Христосо́скиро бахтякирибэ́н:

Эфесянэнгэ 1:17

соб (кай) Дэвэ́л амарэ́ Ра́скирэ-Дэвлэ́скиро, Исусо́скиро Христосо́скиро, славу́тно Дад, тэ дэл тумэ́нгэ пир Ду́хо (Фа́но) годы́ и тэ сыкавэ́л, соб (кай) тумэ́ фэды́р тэ уджинэ́н Лэс,

Filipiicenge 3:10

соб (кай) тэ уджинав Лэс и Лэ́скирэ отджидякирибнаскири зор, и тэ явав кхэтанэ́ дрэ Лэ́скирэ мэ́ньки, и тэ мэрав, сыр Ёв.

2 Petr 1:4

савэ́нца Ёв дыя́ най барэды́р и дрогэдыр лав, соб (кай) пир дава́ тумэ́ тэ ячэн пашаса (пашэ́са) Дэвлытконэ́ духо́стыр и тэ джа́н криг Духо́скирэ хасибнастыр, саво́ джа́ла налачхэ́ мыслятыр дро свэ́то соб (кай) пир дава́ тумэ́ тэ дживэ́н сыр трэй Дэвлэ́скэ.