Эфесянэнгэ 4:1 - Библия - Пэ Балтитко Романи чиб (Романэс) 2019

¹ Мэ, саво́ сом пхандло ману́ш пал Растэ – Дэвлэ́стэ, манга́ва тумэн тэ дживэ́н чачунэ́ (мольнонэ́) джиибнаса, савэ́са Дэвэ́л кхардя́ тумэн,

Biblija - Pe Baltitko Romani čib (Romanes) 2019

¹ Me, savó som phandlo manúš pal Raste – Devléste, mangáva tumen te dživén čačuné (mol'noné) džiibnasa, savésa Devél khardiá tumen,

Эфесянэнгэ 4:1 Referans Kwoze

Колосянэнгэ 1:10

Соб (кай) тумэ́ тэ дживэ́н, сыр исын лачхо́ Дэвлэ́скэ, и дро саро́ тэ кэрэ́н кучэс Лэ́скэ, и тэ кэрэ́н лачхипэ́н дрэ сарэ́ рэ́нды и тэ уджинэс буты́р пал Дэвлэ́стэ,

Filipiicenge 1:27

Дживэ́н гожэс адя́кэ, соб (кай) тэ явэ́н лачхэ́ Христосо́скирэ – бахталэ́ занякэ (звесякэ), соб (кай) мэ, ке́ли ява́ва и дыкха́ва тумэн, ци на ява́ва, нэ соб (кай) тэ шунав тумэ́ндэ, со тумэ́ сан тэрдэ́ зоралэ́с дро екх ду́хо (фа́но), со тумэ́ марэнапэ кхэтанэ́ пал патяибэ́н дрэ бахталы́ зан (звесь),

1 Фесалоникийцэнгэ 2:12

соб (кай) тумэ́ тэ дживэ́н, сыр трэй Дэвлэ́скэ, Саво́ кхардя́ тумэн дрэ Лэ́скиро Кралипэ́н и сла́ва.

2 Petr 1:3

Дэвэ́л, Лэ́скирэ Дэвлэ́скирэ зорья́са дыя́ саро́ амэ́нгэ, со трэй ваш дэвлы́тко джиибэ́н, соб (кай) тэ уджинас Дэвлэ́с, Саво́ кхардя́ амэн кэ Пэ слава́са и лачхипна́са,

2 Ximaske 1:9

Ёв, Саво́ зракхця́ и кхардя́ амэн кэ свэ́нто джиибэ́н на пир амарэ́ рэ́нды, а пир Пэ́скири дума и бахталыпэ́н, саво́ сыс дыно́ амэ́нгэ пир Исусо́стэ Христосо́стэ анги́л, сыр свэ́то яця́,

1 Коринфянэнгэ 4:16

Палдава́ мэ манга́ва тумэн, тэ кэрэ́н адя́кэ, сыр мэ кэра́ва.

2 Фесалоникийцэнгэ 1:11

Ваш дава́ амэ саро́ часо и мангасапэ Дэвлэ́скэ пал тумэ́ндэ, соб (кай) амаро́ Дэвэ́л тэ кэрэ́л тумэн тэ явэ́н мол далэ́ джиибнаскэ, ваш саво́ Ёв прикхардя тумэн и тэ кэрэ́л Пэ́скирэ зорья́са пир Пэ́скири ла́ска кажно лачхо́ рэ́ндо пир патяибэ́н дрэ Лэ́стэ,

Эфесянэнгэ 4:17

Палдава́ мэ ракира́ва, и манга́ва анги́л Растэ – Дэвлэ́стэ, соб (кай) буты́р тумэ́ тэ на кэрэ́н, сыр кэрэ́на на́цыи пир пэ́скири кро́тко годы́,

Džiibén 17:1

Аврамоскэ сыс енядэша еня́ бэрш, и Рай Дэвэ́л сыкадыя́ Аврамоскэ и пхэндя́ лэ́скэ: “Мэ сом Сарэзорья́киро Рай Дэвэ́л; псир анги́л Ма́ндэ и яв бидошэ́нгиро;

Римлянэнгэ 12:1

Палдава́, пшала́лэ, мэ манга́ва тумэн Дэвлэ́скирэ тангипнаса, тэ отдэ́н пэс сарэ́са сыр свэ́нто джидо́ отдыибэ́н и саво́ трэй Дэвлэ́скэ ваш тумаро́ годьваро́ дынарибэ́н (служэние) Лэ́скэ годя́са и илэ́са.

Колосянэнгэ 2:6

Палдава́, сыр тумэ́ уджиндлэ́ Исусо́с Христосо́с сыр Рас-Дэвлэ́с, адя́кэ тумэ́ и дживэ́н дро екхипэ́н Лэ́са,

1 Petr 3:9

на отдэ́н палэ фуипнаса пал фуипэ́н, ци фуй ракирибнаса пал дова́, со ракирэ́на фуипэ́н пэ тумэ́ндэ: а пэ яви́р мангэ́нпэ Дэвлэ́скэ, пал-дова́ со тумэ́ са́нас кхардэ́, соб (кай) тэ дорэсэн Дэвлэ́скиро бахтякирибэ́н.

2 Коринфянэнгэ 6:1

Сыр амэ кэра́са буты́ кхэтанэ́ Дэвлэ́са, амэ манга́са тумэн тэ на бистрэн пал Дэвлэ́скиро бахталыпэ́н, со тумэ́ прилынэ́ лэс на ивья́ (на напра́снэс):

2 Ian 1:5

И какана́ Мэ древа́н манга́ва Тут, дро́го Ранори; ява́са тэ явас лачхэ́ екх кэ екх. Мэ чхина́ва дава́ на нэво́ припхэныбэ́н, а дава́ припхэныбэ́н сыс амэ́нгэ англыпна́стыр.

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;

1 Petr 2:11

Дро́га мирэ́! Мэ древа́н манга́ва тумэн, сыр манушэ́н, савэ́ наґара явнэ́ пэ дая́ пхув и савэ́ лодэна пир дава́ свэ́то: дурьён тумарэ́ лочакирэ камибнастыр, саво́ исын проти тумаро́ ди;

Юдэ́нгэ 13:21

мэк тэ дэл Ёв зор тумэ́нгэ тэ кэрэ́н буты́ лачхэ́с, соб (кай) тэ кэрэ́н саро́ тумэ́ пир Лэ́скири во́ля. Мэк Ёв пир Исусо́стэ Христосо́стэ тэ кэрэ́л дова́ дрэ амэ́ндэ, со исын лачхо́ Лэ́скэ, Савэ́скэ тэ явэ́л сла́ва пэ сарэ́ ве́ки’. Ами́нь.

Filipiicenge 3:14

мэ прастава кэ цэлё, кэ най вучэды́р паты́в, ваш сави́ Дэвэ́л кхардя́ ман пир Христосо́стэ Исусо́стэ.

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Эфесянэнгэ 4:4

Исын екх маса́ и екх Ду́хо (Фа́но), сыр исын и екх наде́я, кэ сави́ Дэвэ́л кхардя́ тумэн;

Эфесянэнгэ 3:1

Ваш дава́ мэ, Па́вли, сом Исусо́скиро Христосо́скиро ману́ш дро штарибэ́н ваш тумэ́нгэ, Наюдэ́нгэ.

Galatenge 4:12

Пшала́лэ! Мэ манга́ва тумэн, соб (кай) тумэ́ тэ явэ́н дасавэ́, сыр мэ сом, пал-дова́ со мэ сом дасаво, сыр тумэ́ сан: тумэ́ на кэрдэ́ ма́нгэ ни саво́ чорипэ́н.

Džiibén 5:24

И псирдя́ Енохо анги́л Дэвлэ́стэ; и на яця́ лэс, пал-дова́ со Дэвэ́л лыя́ лэс.

Юдэ́нгэ 3:1

Палдава́, пшала́лэ свэ́нта, савэ́н Дэвэ́л адя́кэ-паць прикхардя, дыкхэ́н пэ Исусо́стэ, Савэс Дэвэ́л бичхадя́ тэ явэ́л англатунэ́ Раша́са пир амаро́ патяибэ́н,

2 Коринфянэнгэ 10:1

А мэ, Па́вли, кокоро́, манга́ва тумэн пир напхувитко ковлыпэн Христосо́скиро, мэ, саво́ сом ковлэ́-илы́тко тумэ́нца, нэ саво́ сом муршкано́, ке́ли мэ на сом тумэ́нца;

Ереме́ё 38:20

Нэ Ереме́ё пхэндя́: “Ёнэ на выдэна тут. Шун, мэ манга́ва тут, зан Ра́скирэ-Дэвлэ́скири дро дова́, со мэ пхэна́ва ту́кэ, и тыро́ ди явэ́ла тэ дживэ́л.

Titoske 2:10

тэ на чорэн нисо́ пэ́скирэ хуландыр, а тэ сыкавэ́н лачхо́ патяибэ́н и тэ явэ́н патяибнытка дро саро́, мэк ёнэ тэ кэрэ́н адя́кэ, соб (кай) сарэ́ тэ кутякирэн амарэ́ Зракхибнарискирэ-Дэвлэ́скиро сыклякирибэ́н.

Колосянэнгэ 4:12

Пиридэла “рама́нё” тумэ́нгэ тумаро́ Епафрасо, Исусо́скирэ-Христосо́скиро писха́ри, саво́ саро́ часо мангэлапэ Дэвлэ́скэ зоралэ́с пал тумэ́ндэ, соб (кай) тумэ́ тэ явэ́н тварда и зоралэ́ дро патяибэ́н и тэ кэрэ́н саро́ пир Дэвлэ́скири во́ля.

2 Коринфянэнгэ 5:20

И амэ сам бичхадэ́ мануша́ Христосостыр сы́рбы Дэвэ́л ракирэ́ла Лэ́скиро лав пир амэ́ндэ, и амэ мангаса ваш Христосо́стэ: ячэ́нпэ рахмана (явэ́н кхэтанэ́) Дэвлэ́са.

Apostolengiri Butý 9:31

И сыс рама́нё (миро) дрэ кхангирья пир сари́ Юдэ́я, Галиле́я и Сама́рия, ёнэ подрикирэнас пэс дро патяибэ́н и дара́ндынэ Дэвлэ́стыр пир Свэнтонэ́ Духоскиро тангипэ́н и подрикирибэ́н.

Римлянэнгэ 11:29

Дэвлэ́скирэ таланы и Лэ́скиро прикхарибэн на парудёна.

Эфесянэнгэ 2:10

Пал-дова́ со амэ сам кадасавэ́, савэ́нца Дэвэ́л создыя́ амэн дро амаро́ екхипэ́н Исусо́са Христосо́са ваш дова́, соб (кай) амэ тэ кэра́с лачхэ́ рэ́нды, савэ́ Дэвэ́л ґарэдыр выкэдыя́ ваш амэ́нгэ.