Эфесянэнгэ 3:7 - Библия - Пэ Балтитко Романи чиб (Романэс) 2019

⁷ И мэ яцём дына́ри (служы́телё) ваш дая́ бахталы́ зан пир Дэвлэ́скиро бахтякирибэ́н, саво́ сыс дыно́ ма́нгэ Лэ́скирэ зорья́са.

Biblija - Pe Baltitko Romani čib (Romanes) 2019

⁷ I me jacjom dynári (služýtieljo) vaš daja bahtalý zan pir Devléskiro bahtiakiribén, savó sys dynó mánge Léskire zorjása.

Эфесянэнгэ 3:7 Referans Kwoze

Эфесянэнгэ 1:19

и саво́ бимеракиро исын Лэ́скиро барипэ́н зоралыпнаскиро ваш амэ́нгэ, саво́ Ёв дэ́ла сарэ́ свэнтонэнгэ, савэ́ патя́на дро Лэ́скирэ-зоралыпнаскиро кэрибэн,

Эфесянэнгэ 3:20

Нэ Одолэ́скэ, Конэ́скири зор исын дрэ амэ́ндэ, и сави́ могинэ́ла тэ кэрэ́л бутэды́р долэ́стыр, пал со амэ мангаса, ци амэ думинаса,

Эфесянэнгэ 3:2

Ко́ли тумэ́ шундлэ́ пал Дэвлэ́скирэ-бахтякирибнаскири буты́, сави́ сыс дыны́ ма́нгэ ваш тумэ́нгэ, сыр кхэритконэ́ барыдырэ́скэ,

2 Коринфянэнгэ 3:6

Саво́ дыя́ амэ́нгэ тала́но тэ служынас (тэ дынарина́с) роспхэныбна́са Нэвонэ́ Завето́скэ, нэ на маму́й (прямэс), сыр буква ракирэ́ла, а сыр Ду́хо (Фа́но); пал-дова́ со буква Законо́стыр янэ́ла мэрибэ́н, а Ду́хо (Фа́но) дэ́ла джиибэ́н.

Юдэ́нгэ 13:21

мэк тэ дэл Ёв зор тумэ́нгэ тэ кэрэ́н буты́ лачхэ́с, соб (кай) тэ кэрэ́н саро́ тумэ́ пир Лэ́скири во́ля. Мэк Ёв пир Исусо́стэ Христосо́стэ тэ кэрэ́л дова́ дрэ амэ́ндэ, со исын лачхо́ Лэ́скэ, Савэ́скэ тэ явэ́л сла́ва пэ сарэ́ ве́ки’. Ами́нь.

1 Фесалоникийцэнгэ 2:13

Палдава́ и амэ адя́кэ-паць ўса́ды (сак) парикираса Дэвлэ́скэ, со тумэ́ прилынэ́ Дэвлэ́скиро лав, саво́ амэ роспэндям, тумэ́ прилынэ́ лэс на сы́рбы манушэ́нгиро лав, нэ сыр Дэвлэ́скиро лав, пир чачипэ́н, саво́ кэрэ́ла буты́ дрэ тумэ́ндэ патяибнаскирэндэ.

Колосянэнгэ 1:29

Ваш дава́ и мэ адя́кэ-паць кэра́ва буты́ и кэра́ва Лэ́скирэ зорья́са, сави́ исын ма́ндэ Лэ́стыр, и сави́ кэрэ́ла буты́ дрэ ма́ндэ.

1 Коринфянэнгэ 15:10

Пир Дэвлэ́скиро бахталыпэ́н мэ сом адасаво́, сыр исын, и бахталыпэ́н, саво́ Ёв дыя́ ма́нгэ, на сыс ивья́; нэ мэ кэрдём буты́ буты́р лэ́ндыр сарэ́ндыр; нэ дава́ на адя́кэ сыс мири́ буты́, а сыр Дэвлэ́скиро бахталыпэ́н, со сыс ма́нца.

1 Коринфянэнгэ 3:5

Кон тэды исын Па́вли? Кон исын Аполосо? Ёнэ ж исын екх Дэвлэ́скирэ слу́ги (дына́рья), пир конэ́стэ тумэ́ упатя́ндынэ, сыр и дыя́ Дэвэ́л буты́ кажнонэ́скэ (сваконэскэ).

Римлянэнгэ 15:16

тэ явав Исусо́скирэ-Христосо́скиро дына́ри ваш Наюдэ́нгэ и сыр раша́скэ тэ сыклякирав Дэвлэ́скири бахталы́ зан, соб (кай) дава́ Наюдэнгиро свэ́нто дыибэ́н тэ янэл Дэвлэ́скэ ра́дыма и тэ явэ́л посвэнцындло Свэнтонэ́ Духо́са.

Римлянэнгэ 1:5

пир Лэ́стэ амэ дорэсцям (долыям) Дэвлэ́скиро бахталыпэ́н тэ явас Апостолэ́нца, соб (кай) дрэ Лэ́скиро лав тэ сыклякирас патяибна́скэ и кандыпна́скэ сарэ́ на́цыи,

Эфесянэнгэ 4:16

Лэ́стыр сарэ́ Духо́скирэ маса́ (Кхангири́) исын спхандлэ́ и кхэтанякирдэ́ машки́р пэ́стэ джидэ́ спхандыпнаса и пир дова́, со сарэ́ паша́ подрикирэна екх екхэ́с и кажно паш кэрэ́ла пэ́скири буты́, и сарэ́ маса́ барьёна и ячэ́напэ зоралэды́р пир паты́в кэ яви́р мануша́.

Эфесянэнгэ 3:8

Ма́нгэ, кон исын най тыкнэды́р сарэ́ дэвлытконэндыр, сыс дыно́ дава́ бахтякирибэ́н тэ роспхэнав Наюдэ́нгэ пал Христосо́скиро барвалыпэ́н, саво́ ние́кхвар на хасёла.

Galatenge 2:8

пал-дова́ со Дэвэ́л чхудя́ Пэ́скирэ зорья́са ман Апостолоса Наюдэ́нгэ, адя́кэ-паць сыр Пэтрис Апостолоса ваш Юдэ́нгэ,

2 Коринфянэнгэ 4:1

Ко́ли Дэвэ́л сыкадя́ Пэ́скиро лачхипэ́н кэ амэ и дыя́ дасави́ буты́ амэ́нгэ, тэды амэ на пэраса илэ́са.

Isajos 43:13

Англэды́р сарэ́стыр Мэ со́мас адасаво́, нико́н на зракхэ́ла Мирэ́ вастэ́стыр; Мэ кэра́ва, и кон дава́ отпарувэла?

Apostolengiri Butý 9:15

И Рай Дэвэ́л пхэндя́ лэ́скэ: “Джа́, пал-дова́ со Мэ выкэдыём лэс, соб (кай) ёв тэ лыджа́л Миро лав анги́л манушэ́ндэ Наюдэ́ндэ, и Израилёскирэ кралье́ндэ чхавэ́ндэ:

Римлянэнгэ 12:3

Палдава́ мэ ракира́ва кажнонэ́скэ тумэ́ндыр: на думинэн пал пэ́стэ бутэды́р, сыр трэй тэ думинэс; нэ думинэн годьварэс пир тумаро́ патяибэ́н, саво́ Дэвэ́л дыя́ кажнонэ́скэ тумэ́ндыр.