Эфесянэнгэ 3:4 - Библия - Пэ Балтитко Романи чиб (Романэс) 2019

⁴ тэды, ке́ли тумэ́ явэ́на тэ гинэн дава́, тумэ́ могинэ́нас тэ ґалён, со мэ джина́в Христосо́скирэ чораханыбэна,

Biblija - Pe Baltitko Romani čib (Romanes) 2019

⁴ tedy, kiéli tumé javéna te ginen davá, tumé moginénas te ĥaljon, so me džináv Xristosóskire čorahanybena,

Эфесянэнгэ 3:4 Referans Kwoze

Колосянэнгэ 4:3

мангэ́нпэ Дэвлэ́скэ кхэтанэ́ адя́кэ-паць пал амэ́ндэ, соб (кай) Дэвэ́л тэ псиравэл (тэ отпхандэл) амэ́нгэ вуда́р ваш лав тэ роспхэнас Христосо́скиро гарадо́ чачипэ́н, пал саво́ мэ сом бэшто́ дро штарибэ́н,

1 Коринфянэнгэ 4:1

Тэды мэк мануша́ тэ ґалён амэн сыр Христосо́скирэ дынарье́н и кхэритконэ́ барыдырэ́н пир Дэвлэ́скирэ чораханэ чачипэна́.

2 Коринфянэнгэ 11:6

И ко́ли миро ракирибэ́н исын нагожо, нэ ма́ндэ исын джиныбэ́н дро дова́, со мэ ракира́ва: тумэ́ ж кокорэ́ дыкхнэ́ дава́ пир саро́.

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Колосянэнгэ 2:2

соб (кай) лэ́нгирэ илэ тэ явэ́н подрикирдэ, соб (кай) ёнэ тэ явэ́н кхэтанэ́ дрэ паты́в кэ яви́р мануша́ ваш кажно барвалыпэ́н, тэ уджинэ́н пхэрдэ́с Дэвлэ́скиро гарадо́ чачипэ́н пал Христосо́стэ,

Эфесянэнгэ 6:19

адя́кэ-паць мангэ́нпэ Дэвлэ́скэ и пал ма́ндэ, соб (кай) ма́нгэ тэ явэ́н дынэ́ лава́, савэ́ трэй тэ ракира́в муршканэ́с гарадо́ чачипэ́н пал бахталы́ зан,

Эфесянэнгэ 5:32

Кадава́ гарадо́ чачипэ́н Свэнтонэ́ Чхиныбна́стыр исын баро́; мэ ракира́ва, со дава́ адя́кэ-паць отлыджалапэ кэ Христо́со, сыр и кэ Кхангири́.

Эфесянэнгэ 1:9

пир Пэ́скиро цэлё/рэс (чачипэ́н) Дэвэ́л отчхакирдя́ амэ́нгэ Лэ́скирэ-воля́киро чораханыбэн, саво́ Ёв ґарэдыр задуминдя тэ кэрэ́л пир Христосо́стэ,

Luka 8:10

Ёв пхэндя́: “Тумэ́нгэ исын дыно́ тэ джинэ́н чораханыбэн (гарадо́ чачипэ́н) пал Дэвлэ́скиро Кралипэ́н дро Болыбна́скиро Раё, нэ ваш явирэ манушэ́нгэ ракирлапэ примерэнца (сыкаибнэнца); ёнэ дыкхэ́на якхэ́нца, и на дыкхэ́на, ёнэ шунэ́на канэнца, и на ґалёна.”

1 Ximaske 3:9

ваш дова́, соб (кай) ёнэ тэ ракхэ́н сыкадо патяибнаскиро гарадо́ чачипэ́н жужэ́ патыва́са, саво́ сыс сыкадо.

1 Коринфянэнгэ 13:2

И ко́ли ма́ндэ исын тала́но тэ ангилпхэнав, и мэ джино́м сарэ́ чораханыбэна и ма́ндэ сыс джиныбэ́н и дасаво патяибэ́н, со мэ могинав тэ пирикхара́в (пиричхува́в) бэ́рги, а ма́ндэ нанэ пшалы́тко паты́в, тэды мэ сом нико́н.

Матфеё 13:11

И Ёв отпхэнэ́лас лэ́нгэ: “Тумэ́нгэ исын дыно́ тэ джинэ́н гарадо́ чачипэ́н пал Кралипэ́н дро Болыбна́скиро Раё, а лэ́нгэ на дыно́;

Римлянэнгэ 11:25

Палдава́ мэ на кама́м, пшала́лэ, тэ ячкирав тумэн дрэ наджиныбэн пал чораханыбэн, соб (кай) тумэ́ тэ на думинэн вучэ́с пал пэ́стэ, вари-савэ́ Юды ячнэ́ пхарэилытка и дава́ явэ́ла кэ одова́ часо, пака, кицы́ трэй Наюдэн, рисёна кэ Дэвэ́л;

Эфесянэнгэ 3:3

пал-дова́ со ма́нгэ отчхакирдяпэ чораханыбэн, пал со мэ англэды́р чхиндём на́бут тумэ́нгэ,

Эфесянэнгэ 3:9

И тэ роспхэнав сарэ́нгэ, пал дава́ чорахано кэрибэн, саво́ сыс чхакирдо векэндыр дрэ Дэвлэ́стэ, Саво́ саро́ кэрдя́ пир Исусо́стэ Христосо́стэ.

Колосянэнгэ 1:26

дава́ исын гарадо́ чачипэ́н, саво́ сыс наджиндло манушэ́нгэ сарэ́ родэндыр и векэндыр, нэ какана́ Дэвэ́л сыкадя́ Пэ́скирэ манушэ́нгэ;