Эфесянэнгэ 2:4 - Библия - Пэ Балтитко Романи чиб (Романэс) 2019

⁴ нэ Дэвэ́л, Саво́ исын барвало́ тангипнаса, и Саво́ пир бари Пэ́скири ла́ска, савья́са Ёв притырдыя амэн,

Biblija - Pe Baltitko Romani čib (Romanes) 2019

⁴ ne Devél, Savó isyn barvaló tangipnasa, i Savó pir bari Péskiri láska, savjása Jov prityrdyja amen,

Эфесянэнгэ 2:4 Referans Kwoze

1 Petr 1:3

Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,

Эфесянэнгэ 1:7

дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;

Psalmy 86:15

Нэ Ту, о Раё Дэ́вла, сан лачхэ́-илэ́скиро Дэвэ́л, тангипнаскирэ и вырикирибнытко, Ту сан барвало́ пэ лачхэ́-илы́ткима и патяибэ́н.

Римлянэнгэ 5:8

нэ Дэвэ́л допхэнэ́ла Пэ́скирэ ласкаса кэ амэ, со Христо́со мыя́ пал амэ́ндэ, ке́ли амэ ишчо (инкэ́) са́мас грэхи́тка.

Эфесянэнгэ 2:7

соб (кай) тэ сыкавэ́л дрэ ве́ки, савэ́ анги́л явэ́на, най барэды́р барвалыпэ́н Пэ́скирэ бахтякирибнастыр пир тангипэ́н кэ амэ дрэ Христосо́стэ Исусо́стэ.

Psalmy 145:8

Рай Дэвэ́л исын лачхэдескиро (милосно) и тангипнаскиро и, Ёв насыг холясо́ла, и исын древа́н лачхэ́-илэ́скиро.

Римлянэнгэ 10:12

Пал-дова́ со нанэ нисаво́ выкэдыибэн машки́р Юдэ́ндэ и Элинэ́нгэ (Грекэ́нгэ/Баламэ́нгэ); пал-дова́ со екх Одова́-паць Дэвэ́л исын ваш сарэ́нгэ, и Саво́ бахтякирэ́ла барвалэс сарэ́н, кон прикхарэла Лэс.

1 Ximaske 1:14

Нэ бахталыпэ́н амарэ́ Ра́скиро-Дэвлэ́скиро сыс сыкадо кэ мэ дро саро́ ла́киро барвалыпэ́н, выкэдыибнаса и илэ́са дрэ Исусо́стэ Христосо́стэ.

Ереме́ё 31:3

Рай Дэвэ́л сыкадыя́ Израилёскэ, дурипнастыр, и пхэндя́: “Ту яця́н дро́го Ма́нгэ пэ сарэ́ ве́ки, палдава́ Мэ сыкадём ту́кэ тангипэ́н (ла́ска).”

Psalmy 86:5

Пал-дова́ со Ту, Раё Дэ́вла, сан лачхо́ и Ту камэ́са тэ примангэс: Ту сан барвало́ лачхэ́-илыткимаса сарэ́нгэ, кон прикхарэла Тут.

2 Ximaske 1:9

Ёв, Саво́ зракхця́ и кхардя́ амэн кэ свэ́нто джиибэ́н на пир амарэ́ рэ́нды, а пир Пэ́скири дума и бахталыпэ́н, саво́ сыс дыно́ амэ́нгэ пир Исусо́стэ Христосо́стэ анги́л, сыр свэ́то яця́,

Эфесянэнгэ 3:8

Ма́нгэ, кон исын най тыкнэды́р сарэ́ дэвлытконэндыр, сыс дыно́ дава́ бахтякирибэ́н тэ роспхэнав Наюдэ́нгэ пал Христосо́скиро барвалыпэ́н, саво́ ние́кхвар на хасёла.

Римлянэнгэ 9:23

соб (кай) ты сыкавэ́л Пэ́скиро барвалыпэ́н дрэ сла́ва тангипнаса пэ манушэ́ндэ, савэ́н Ёв выкэдыя́ ваш сла́ва,

Римлянэнгэ 2:4

Ци ту на гинэса Дэвлэ́скиро лачхипэ́н, вырикирибэн и ужакирибэ́н, и, хай, ту на ґалёса, со Дэвлэ́скэ трэй, соб (кай) ту тэ рискирэс пэ́скиро джиибэ́н кэ Ёв?

Ниеми́я 9:17

Ёнэ на закамлэ тэ поддэнпэ, на пририпирдэ ди́вы тырэ́, савэ́ ту кэрдя́н лэ́нца, и рикирдэ мэн упрэ́ и пир пэ́скири во́ля палэ чхудэ́ анги́л пэ́стэ шэралэс, соб (кай) тэ явэ́н писхарье́нца. Нэ Ту, сан Дэ́вла, Саво́ выкэдэ́ла тэ отмэкэ́л грэ́хи, Саво́ длэнгэс вырикирэ́ла, и Ту на ячкирдян лэн.

2 Фесалоникийцэнгэ 2:13

Нэ амэ́нгэ трэй, пшала́лэ, саро́ часо тэ парикирас Дэвлэ́скэ пал тумэ́ндэ, савэ́н Рай Дэвэ́л выкэдыя́, пал-дова́ со Ёв англэды́р выкэдыя́ тумэн ваш зракхибэ́н пир Духоскири зор и патяибэ́н дро чачипэ́н;

Luka 1:78

пал-дова́ со, сыр амаро́ Дэвэ́л тангинэла, и амэн сам дро́га Лэ́скэ, и зачхувэла кхам тэ уштэл вычипнастыр,

Jona 4:2

И ёв мангдя́пэ Ра́скэ-Дэвлэ́скэ и пхэндя́ ёв: “О Раё Дэ́вла! Саро́ дава́ на пир мирэ́ лава́, со мэ пхэндём, ке́ли мэ ишчо (инкэ́) со́мас пэ пэ́скири пхув? Палдава́ мэ и насцём вагэдыр (ґарэдыр) кэ Фарсисо: пал-дова́ со мэ на джиндём, со Ту сан лачхэ́-дескиро Дэвэ́л, Саво́ сыкавэ́ла ла́ска, Саво́ ле́нтэс холясо́ла и кэрэ́ла бут-бут лачхипэ́н, Кон жалинэла тэ кэрэ́л бэдыпэн.

Дание́лё 9:9

И амарэ́ Растэ-Дэвлэ́стэ исын ла́ска, отмэкибэн грэхэнгиро, пал-дова́ со амэ са́мас бунтуи́тка проти Лэ́стэ.

Psalmy 51:1

Хоро́скирэ Дирижоро́скэ. Давидо́скиро Пса́лмо,

Vygiiben 33:19

И пхэндя́ Рай Дэвэ́л: “Мэ лыджа́ва анги́л ту́тэ сари́ Мири́ сла́ва, и барьякирава анги́л ту́тэ лав Иегова (Яхва́), и конэ́с тэ примангэс, Мэ примангава, конэ́с тэ потангинэс – Мэ потангинава.”

Isajos 63:7

Пририпирава мэ лачхипэ́н Ра́скирэ-Дэвлэ́скиро и барипэ́н Ра́скирэ-Дэвлэ́скиро пал саро́, со Рай Дэвэ́л дыя́ амэ́нгэ, пририпирава баро́ бахталыпэ́н Лэ́скиро ваш кхэр Израилёскиро, саво́ Ёв кэрдя́ пир Лэ́скиро лачхипэ́н, пир Лэ́скиро баро́ кучипэ́н.