Эфесянэнгэ 2:16 - Библия - Пэ Балтитко Романи чиб (Романэс) 2019

¹⁶ соб (кай) дуе́н (Юдэ́н и Наюдэн) дро екх маса́ тэ примиринэл Дэвлэ́са пир трушу́л, хасякири кажно вэргима пэ Лэ́стэ,

Biblija - Pe Baltitko Romani čib (Romanes) 2019

¹⁶ sob (kaj) dujén (Judén i Najuden) dro jekh masá te primirinel Devlésa pir trušúl, xasiakiri kažno vergima pe Léste,

Эфесянэнгэ 2:16 Referans Kwoze

Римлянэнгэ 5:10

Ко́ли англэды́р амэ са́мас вэ́рги Дэвлэ́скэ и какана́ амэ яця́м дро рама́нё (миро) Лэ́са пир Лэ́скирэ Чхавэ́скиро мэрибэ́н, тэды буты́р сарэ́стыр какана́, сыр амэ яця́м дро рама́нё, амэ надеинасапэ тэ зракхаспэ Лэ́скирэ джиибнаса.

Колосянэнгэ 2:14

Ёв отпарудя сыкляибнаса сарэ́ припхэныбэна́ Законо́стыр, со сыс чхиндлэ́ вастэ́са, савэ́ сыс проти амэ́ндэ, и Ёв укэдыя дава́ саро́, и примардя лэс кэ трушу́л;

Эфесянэнгэ 2:15

И Ёв Пэ́скирэ мэрибнаса пэ трушу́л парудя Законо́скирэ упхэныбэна́ сыклякирибнаса ваш дова́, соб (кай) дуендыр тэ кэрэ́л дрэ Кокорэ́ Пэ́стэ екхэ нэвонэ́ манушэ́с, и далэ́са тэ янэл манушэ́нгэ рама́нё (миро),

Galatenge 2:20

Мэ со́мас примардо пэ трушу́л Христосо́са, и мэ буты́р сы́рбы на джива́ва, нэ дава́ Христо́со дживэ́ла дрэ ма́ндэ; нэ дова́, со мэ джива́ва дрэ лоч (плоть), мэ джива́ва пир патяибэ́н дрэ Дэвлэ́скирэ Чхавэ́стэ, Савэ́скэ яцём дро́го мэ, и Саво́ отдыя́ Пэс пал ма́ндэ.

Римлянэнгэ 8:3

Пал-дова́ со, сыр Зако́но на могиндя́ тэ пиризорьякирэл манушэскири лоч, и хасякирдя́ пэ́скири зор, тэды Дэвэ́л бичхадя́ Пэ́скирэс Чхавэ́с, Саво́ сыс дрэ лоч (плоть), сыр грэхи́тко ману́ш, соб (кай) Ёв тэ явэ́л сыр свэ́нто дыибэ́н (жэ́ртва) пал грэ́хо и тэ сэндякирэ́л грэ́хо дрэ манушэ́стэ,

Римлянэнгэ 8:7

Пал-дова́ со лочакирэ-грэхоскирэ-манушэ́скиро тырдыпэ́н исын проти Дэвлэ́стэ: ёнэ ж на кандэ́на Дэвлэ́скиро Зако́но, и ёнэ на могинэ́на тэ кандэ́н;

Римлянэнгэ 6:6

и амэ джина́са, со ману́ш, саво́ англэды́р сы́рбы дживдя́ дрэ амэ́ндэ, сыс примардо пэ трушу́л Лэ́са ваш дова́, соб (кай) амарэ́ грэхи́тка маса́ тэ хасякирэ́н пэ́скири зор ваш чорипэ́н, и соб (кай) амэ тэ на явас буты́р дына́рья грэхо́скэ.

1 Коринфянэнгэ 10:17

Пал-дова́ со амэ сам бут, нэ амэ сам сы́рбы екх лабо маро́, сы́рбы екх маса́; пал-дова́ со исын екх лабо маро́, савэ́стыр амэ сарэ́ ла́са пэ́скирэ паша́.

Эфесянэнгэ 3:6

соб (кай) и Наюдэ́нгэ тэ явэ́н кхэтанэ́ Юдэнца дро Дэвлэ́скиро бахтякирибэ́н и, соб (кай) ёнэ тэ ячэн пашэ́нца екхэ масэ́ндыр, адя́кэ-паць и дыно́ лав отлыджалапэ лэ́нгэ, саво́ сыс дыно́ дро Исусо́стэ Христосо́стэ пир бахталы́ зан.

Эфесянэнгэ 4:4

Исын екх маса́ и екх Ду́хо (Фа́но), сыр исын и екх наде́я, кэ сави́ Дэвэ́л кхардя́ тумэн;

Колосянэнгэ 3:15

И мэк тэ явэ́л дрэ тумарэ́ илэ Дэвлэ́скиро рама́нё (миро), кэ саво́ тумэ́ са́нас кхардэ́ сыр паша́ Екхэ Масэндыр, парикирэ́н пал дава́.