Эфесянэнгэ 2:14 - Библия - Пэ Балтитко Романи чиб (Романэс) 2019

¹⁴ Пал-дова́ со Ёв исын амаро́ рама́нё (миро), Саво́ кэрдя́ дуендыр екх и роскэдыя ва́нта, сави́ сыс тэрды машкира́л амэ́ндэ.

Biblija - Pe Baltitko Romani čib (Romanes) 2019

¹⁴ Pal-dová so Jov isyn amaró ramánjo (miro), Savó kerdiá dujendyr jekh i roskedyja vánta, saví sys terdy maškirál aménde.

Эфесянэнгэ 2:14 Referans Kwoze

Galatenge 3:28

Нанэ ни Юдос, ни Грекос; нанэ ни писхари́с, ни вольнонэ манушэ́с; нанэ ни муршэ́с, ни джувля́; пал-дова́ со тумэ́ сарэ́ сан екх дро екхипэ́н Исусо́са Христосо́са.

Колосянэнгэ 3:11

палдава́ нанэ буты́р ни Елинос (Баламэс), ни Юдос, ни обчхиныбэн, ни наобчхиныбэн, ни бэдонэ-нацыякирэ манушэ́с, ни Скифос, ни дынари́с, ни вольнонэ манушэ́с, нэ саро́ и дро саро́ исын Христо́со.

Колосянэнгэ 3:15

И мэк тэ явэ́л дрэ тумарэ́ илэ Дэвлэ́скиро рама́нё (миро), кэ саво́ тумэ́ са́нас кхардэ́ сыр паша́ Екхэ Масэндыр, парикирэ́н пал дава́.

Эфесянэнгэ 2:15

И Ёв Пэ́скирэ мэрибнаса пэ трушу́л парудя Законо́скирэ упхэныбэна́ сыклякирибнаса ваш дова́, соб (кай) дуендыр тэ кэрэ́л дрэ Кокорэ́ Пэ́стэ екхэ нэвонэ́ манушэ́с, и далэ́са тэ янэл манушэ́нгэ рама́нё (миро),

Колосянэнгэ 1:20

и соб (кай) пир Лэ́стэ тэ кэрэ́л рама́нё (миро) Пэ́са дро саро́, со исын пэ пхув, и дова́, со исын пэ болыбэ́н, Лэ́скирэ-Чхавэ́скирэ ратэ́са, саво́ Ёв прочхудя пэ трушу́л.

Колосянэнгэ 2:20

Ко́ли тумэ́ мынэ́ кхэтанэ́ Христосо́са ваш далэ́ свэто́скирэ-джиибнытка присыкляибэна, тэды со́скэ тумэ́ усае́кх адя́кэ-паць спхандэна пэс манушытконэ́ припхэныбнэнца?

Римлянэнгэ 5:1

И пал-дова́ со амэн приґалынэ пал чачунэндэ пир патяибэ́н, амэ́ндэ исын рама́нё (миро) Дэвлэ́са пир амарэ́ Растэ-Дэвлэ́стэ, Исусо́стэ Христосо́стэ,

Apostolengiri Butý 10:36

Ёв бичхадя́ лав Израилёскирэ чхавэ́нгэ, саво́ роспхэнэ́ла пал “рама́нё” пир Исусо́стэ Христосо́стэ, Ёв исын Рай Дэвэ́л пир саро́ свэ́то.

Apostolengiri Butý 10:28

И ёв пхэндя́ лэ́нгэ: “Тумэ́ джинэ́на, со пир амаро́ Зако́но нашты́ Юдоскэ тэ ракирэ́л Наюдэнца, ци тэ явэ́л кхэтанэ́ лэ́нца; нэ Дэвэ́л сыкадя́ ма́нгэ, тэ на кхарав ние́кхвар манушэ́с налачхэса ци нажужэса.

Юдэ́нгэ 13:20

Дэвэ́л, Саво́ дэ́ла рама́нё (миро), Саво́ отджидякирдя́ мулэ́ндыр амарэ́ Рас-Дэвлэ́с, Исусо́с Христосо́с, Барэ́ Чхупнарис пир рат вечнонэ Заветостыр,

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Joannostir 10:16

Исын Ма́ндэ и яви́р бакрэ́, савэ́ на далэ́ грэдатыр, и одолэ́н трэй Ма́нгэ тэ янав: и ёнэ явэ́на тэ шунэ́н Мири́ зан, и явэ́ла екх скэдыибэ́н и екх Чхупна́ри.

Luka 1:79

тэ свэнцынэл пэ одолэ́ндэ, савэ́ дживэ́на дро калыпэ́н (цямлыпэ́н) и дрэ дар мэрибна́стыр, соб (кай) тэ джа́н амарэ́ ґэра́ пир дром кэ рама́нё (миро).”

Mihiejo 5:5

И кадава́ Ману́ш янэ́ла рама́нё (миро). Ке́ли о Асирия́кирэ халадэ́ явэ́на пэ дая́ пхув, и ке́ли ёнэ лэ́на тэ штавэн пир амарэ́ фэлатиня́, тэ́ньчи амэ чхуваса анги́л лэ́ндэ эфта́ чхупнарьен (пастырьен), и охто́ тхагарьен (князьен) манушэнгирэн.

Юдэ́нгэ 7:2

и конэ́скэ Авраа́мо адя́кэ-паць отдыя́ дэ́што паш сарэ́стыр, пал-дова́ со лав Мелхисэдэко значынэ́ла “чачипна́скиро Кра́ли”, и пал-дова́ со ёв сыс Салимоскиро кра́ли, лэ́скиро лав адя́кэ-паць значынэ́ла “Раманёскиро (Мироскиро) Кра́ли”;

Эфесянэнгэ 4:16

Лэ́стыр сарэ́ Духо́скирэ маса́ (Кхангири́) исын спхандлэ́ и кхэтанякирдэ́ машки́р пэ́стэ джидэ́ спхандыпнаса и пир дова́, со сарэ́ паша́ подрикирэна екх екхэ́с и кажно паш кэрэ́ла пэ́скири буты́, и сарэ́ маса́ барьёна и ячэ́напэ зоралэды́р пир паты́в кэ яви́р мануша́.

Эфесянэнгэ 3:15

Савэ́стыр кажно ро́до дро Болыбна́скиро Раё и пэ пхув дорэсэ́ла пэ́скиро лав,

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Joannostir 11:52

И на пал екхэ адалэ́ манушэ́ндэ, нэ и ваш дова́, соб (кай) тэ скэдэ́н кхэтанэ́ сарэ́н Дэвлэскирэн чхавэ́н, савэ́ исын росчхурдынэ пир пхув.

Заха́рия 6:13

Ёв кэрэ́ла Кхангири́ Ра́скирэ-Дэвлэ́скири и прилэ́ла сла́ва, и лэ́ла тэ бэшэ́л сыр барыдыро́ пэ Пэ́скиро троно; явэ́ла и раша́й пэ Пэ́скиро троно, и лавэнгиро рама́нё (миро) явэ́ла машки́р дова́ и яви́р.

Ester 3:8

И пхэндя́ Ама́но Артаксерксоскэ, крали́скэ: ‘Исын екх мануша́, савэ́ росчхурдынэ и выбичхадэ машки́р манушэ́ндэ пир сарэ́ тырэ́-крали́скирэ провинцыи; и лэ́нгирэ зако́ны на зджанапэ сарэ́ манушытконэ́ законэнца, и крали́скирэ зако́ны ёнэ на сполнинэна; и крали́скэ нашты́ адя́кэ тэ ячкирэс лэн.

Эфесянэнгэ 2:17

и ке́ли Христо́со явдя́, Ёв роспхэндя́ бахталы́ зан (звесь) пал рама́нё (миро) сарэ́нгэ тумэ́нгэ, на дыкхи́ пэ дова́, кон сыс Лэ́стыр дур ци пашы́л,