Эфесянэнгэ 2:12 - Библия - Пэ Балтитко Романи чиб (Романэс) 2019

¹² тумэ́ и са́нас дро дова́ часо би Христосо́скиро, тумэ́ на са́нас кхэтанэ́ Израилёскирэ манушэ́нца, тумэ́ндэ на сыс паш дро Завето, тумэ́ндэ на сыс лачхо́ ужакирибэ́н, тумэ́ са́нас би Дэвлэ́скиро дро свэ́то:

Biblija - Pe Baltitko Romani čib (Romanes) 2019

¹² tumé i sánas dro dová časo bi Xristosóskiro, tumé na sánas khetané Izrailjoskire manušénca, tuménde na sys paš dro Zavieto, tuménde na sys lačhó užakiribén, tumé sánas bi Devléskiro dro svéto:

Эфесянэнгэ 2:12 Referans Kwoze

Galatenge 4:8

А тэды, ґарэдыр (вагэдыр), ке́ли тумэ́ на джиндлэ́ Дэвлэ́с, тумэ́ са́нас писха́рья анги́л одолэ́ дэвлорэндэ, савэ́ сарэ́са нанэ натуралэ дэвэла́;

Колосянэнгэ 1:21

И тумэн, савэ́ са́нас вари-ке́ли дур Дэвлэ́стыр и вэ́рги Дэвлэ́скэ, ке́ли тырдыя тумэн тэ кэрэ́н бэдытка рэ́нды.

1 Petr 1:3

Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,

1 Фесалоникийцэнгэ 4:13

Пшала́лэ, мэ кама́м, соб (кай) тумэ́ тэ джинэ́н саро́ чачипэ́н, пал манушэ́ндэ, савэ́ мынэ́, соб (кай) тумэ́ на тугинэн, сыр яви́р мануша́, савэ́ндэ нанэ наде́я пал ве́чно джиибэ́н.

Эфесянэнгэ 4:18

лэ́нгири годы́ калыя, ёнэ хасякирдэ́ Дэвлэ́скиро джиибэ́н пир пэ́скиро биладжаипэ́н и холынакиро ило́,

Езэкилё 37:26

И буты́р Мэ кэра́ва лэ́нца раманёно (ми́рно) завето; ве́чно завето явэ́ла лэ́нца. Мэ да́ва лэ́нгэ лачхо́ джиибэ́н, адя́кэ, соб (кай) бут лэн тэ явэ́л, Мэ чхува́ва машки́р лэ́ндэ Миро свэ́нто штэ́то пэ сарэ́ бэрша́.

1 Фесалоникийцэнгэ 4:5

и тэ на поддэнпэ грэхитконэ́ тырдыпнаскэ, сыр дава́ кэрэ́на На́юды, савэ́ на джинэ́на Дэвлэ́с,

Joannostir 15:5

Мэ сом Кашт, нэ тумэ́ сан Мирэ́ рандя́ (вэ́тки): одова́, кон исын на́ дрэ Ма́ндэ, сыр и Мэ сом дрэ лэ́стэ, одова́ дэ́ла бут барьякирдэ́; пал-дова́ со би Миро тумэ́ на могинэ́на нисо́ тэ кэрэ́н.

Юдэ́нгэ 6:18

Дэвэ́л кэрдя́ адя́кэ пир дуй чачипэна́: Дэвэ́л на парувэла пхэндло́ лав и на хохавэла. Амэ́нгэ, савэ́ чхурдыямпэ кэ Ёв тэ ухтыласпэ пал наде́я, со сыс дыны́ амэ́нгэ, явэ́ла зорало́ подыно васт (помошш) тэ зракхаспэ.

Римлянэнгэ 9:8

Явирэ лавэ́нца, на сарэ́ кадалэ́ чхавэ́, савэ́ бияндлэ Авраамо́скирэ родо́стыр, исын Дэвлэ́скирэ чхавэ́: нэ кодолэ́ исын чхавэ́, пал савэ́ндэ Ёв дыя́ лав.

2 Паралипоменоно 15:3

Бут дывэса́ Израилё сыс би чачунэскиро Дэвлэ́скиро и би рашаскиро, саво́ сыклякирэлас, и би законоскиро;

1 Petr 3:15

а рикирэ́н дро ило́ Христосо́с сыр Свэнтыма и дэн паты́в Лэ́скэ, сыр Ра́скэ-Дэвлэ́скэ дрэ тумарэ́ илэ, уса́ды / сак (всегда) явэ́н скэдынэ́ тэ затэрдён лавэ́са, ке́ли вари-кон явэ́ла тэ пхучэл тумэ́ндыр пал тумари́ наде́я, нэ кэрэ́н дава́ ковлэ́ илэ́са и дара́са;

Apostolengiri Butý 28:20

Палдава́ мэ и кхардём тумэн, соб (кай) тэ дыкха́в и тэ ракира́в тумэ́нца; пал-дова́ со пал Израилёскири наде́я кадалэ́ зандирья́ (цэ́пи) исын пэ ма́ндэ ададывэ́с.”

Apostolengiri Butý 3:25

Тумэ́ сан пророкэ́нгирэ чхавэ́ и заветоскирэ, пал савэ́ндэ Дэвэ́л дыя́ лав тумарэ́ дадэ́нгэ; Ёв ракирдя́ Авраамо́скэ: ‘Сарэ́ мануша́ тырэ́ родо́стыр пэ пхув явэ́на бахтякирдэ Дэвлэ́стыр’.

Ереме́ё 17:13

Раё Дэ́вла! Ту́тыр ужакирэ́ла лачхипэ́н Израилё! Сарэ́, кон мэкнэ́ Ту́тыр, явэ́на ладжакирдэ́. Сарэ́, кон дуринэ (отгинэ́) Ту́тыр, явэ́на чхиндлэ́ пэ пхув. Пал-дова́ со ёнэ ячкирдэ́ Рас-Дэвлэ́с, Саво́ исын джидэ́-пане́скири ґаны́нг.

Džiibén 15:18

Дро дова́ дывэ́с Рай Дэвэ́л кэрдя́ заве́то Аврамоса, и пхэндя́: “Тырэ́-чхавэ́нгирэ чхавэ́нца Мэ да́ва дая́ пхув, Египто́скирэ рэка́тыр (лэня́тыр) кэ бари рэка (лэнь), рэка (лэнь) Евфрато,

1 Ian 3:3

И кажно ману́ш, конэ́стэ исын наде́я пэ Лэ́стэ, выжужакирэ́ла (вычыстинэла) пэс, пал-дова́ со Христо́со исын жужо́.

1 Petr 1:21

пир Лэ́стэ тумэ́ лынэ́ тэ патя́н дрэ Лэ́стэ, Саво́ отджидякирдя́ Лэс мулэ́ндыр и дыя́ сла́ва Лэ́скэ, соб (кай) тумэ́ндэ тэ явэ́л патяибэ́н и наде́я пэ Дэвлэ́стэ.

Юдэ́нгэ 11:34

мурдякирэнас барэ́-зорьякири яг, зракхэнаспэ курталакирэ войстрима́тыр (чолыпнастыр); лэ́нгиро бизорьякирибэн кэрдя́ лэн зоралэнца, ёнэ мардэ́пэ зоралэ́с пэ мэрибэ́н и вытрадэнас чужонэ́ халадэ́н, савэ́ явэ́нас марибна́са пэ лэ́ндэ явирэ ригэ́ндыр.

1 Ximaske 1:1

Павли́стыр, Исусо́скирэ-Христосо́скирэ Апостолостыр, савэ́с выкэдыя́ Дэвэ́л, амаро́ Зракхибнари (Спасителё) и Рай Дэвэ́л, Ису́со Христо́со, пэ савэ́стэ мэ надеинасапэ,

2 Фесалоникийцэнгэ 2:16

Мэк Кокоро́ амаро́ Рай Дэвэ́л, Ису́со Христо́со, и Дэвэ́л амаро́ Дад, Савэ́скэ яця́м дро́га амэ и дыя́ пир бахталыпэ́н ве́чно подрикирибэ́н и лачхи́ наде́я,

Колосянэнгэ 1:27

савэ́нгэ камдя́ Дэвэ́л тэ пиридэл джиныбэ́н, саво́ исын славакиро барвалыпэ́н машки́р Наюдэ́ндэ дро кадава́ гарадо́ чачипэ́н, саво́ исын Христо́со дрэ тумэ́ндэ, Ёв исын тумари́ наде́я дрэ сла́ва:

Колосянэнгэ 1:5

ваш наде́я, со ужакирэ́ла тумэн дро Болыбна́скиро Раё, пал со тумэ́ англэды́р шундлэ́ дрэ чачунэ́ лава́ бахталэ́ занятыр (звесятыр),

Joannostir 10:16

Исын Ма́ндэ и яви́р бакрэ́, савэ́ на далэ́ грэдатыр, и одолэ́н трэй Ма́нгэ тэ янав: и ёнэ явэ́на тэ шунэ́н Мири́ зан, и явэ́ла екх скэдыибэ́н и екх Чхупна́ри.

Joannostir 4:22

Тумэ́ на джинэ́на, конэ́скэ тумэ́ мангэ́напэ: нэ амэ джина́са, конэ́скэ мангасапэ, пал-дова́ со зракхибэ́н явэ́ла Юдэндыр.

Luka 1:72

и Ёв потангинэла (пожалинэла) амарэ́ дадэн и рипирэла Пэ́скиро Свэ́нто Завето.

Osija 3:4

Пал-дова́ со чхавэ́ Израилёскирэ ячэ́напэ бут дывэса́ би крали́скиро, би тхагари́скиро, би свэнтонэ́-дыибна́скиро, би обсвэнцындлэ́-стылбо́скиро, би эфодо́скиро, би терафимо́скиро.

Езэкилё 13:9

И явэ́ла Миро васт пэ далэ́ пророконэндэ, савэ́ дыкхэ́на дова́, со нисо́ на мол (чхучо́), и савэ́ ангилпхэнэна хохаибэ́н. Дрэ Мирэ́ манушэ́нгиро скэдыибэ́н ёнэ на явэ́на; дрэ Израилёскирэ-кхэрэ́скиро зачхиныбэн дрэ лылвари́ счхиныбнытко (списко) ёнэ на зачхинэнапэ, пэ Израилёскири пхув на заджа́на. И ёнэ ґалёна, со Мэ сом Рай Дэвэ́л, Дэвэ́л.

Ереме́ё 14:8

О, Ту сан одова́, Конэ́стыр Израилё ужакирэ́ла лачхипэ́н [зракхибэ́н-р.с.], Ту сан амаро́ Зракхибнари (Зракхибнаскиро) дрэ пхарэ́ дывэса́! Со́скэ Ту сан сы́рбы чу́жо ману́ш пэ амари́ пхув, ци сы́рбы традыпнаскиро (путнико), саво́ рисия́ пэ риг, соб (кай) тэ ячэ́лпэ пэ екх рат?

Isajos 45:20

Скэдэ́нпэ, явэ́н, подджан сарэ́, кон зракхцяпэ народо́стыр. Мэк тэ явэ́н одолэ́ дылынэ́ и бура, кон лыджа́ла каштуно идоло, кон мангэлапэ дэвлорэскэ, саво́ на зракхэ́ла.

Isajos 44:6

Адя́кэ ракирэ́ла Рай Дэвэ́л, Кра́ли Израилёскиро, Саво́ выкиндя лэс. Рай Дэвэ́л, болыбна́скирэ-янголэ́нгиро: “Мэ сом пэ́рво и Мэ сом палатуно́ (последнё), нанэ явирэ Дэвлэ́с, апри́ч (кроме) Ма́ндэ.

Е́здра 4:3

Нэ Зоровавелё и Ёхошуа́, и яви́р шэралэ́ пэ стрэ́чы /дадэнги́рэ-родэнгирэ (поколении) Израилёскирэ, пхэндлэ́ лэ́нгэ: “Тумэ́нгэ нанэ причына, соб (кай) амэ́нца кхэтанэ́ тэ кэра́с Кхэр (Кхангири́) ваш амарэ́ Дэвлэ́скэ, нэ амэ кокорэ́ явэ́са тэ кэра́с кхэр, Ра́скэ-Дэвлэ́скэ, Израилёскирэ Дэвлэ́скэ, сыр кра́ли Кира, кра́ли Персиякиро, припхэндя́ амэ́нгэ.”

Čysly 18:19

Кажно свэ́нто дыибэ́н ґаздыпнаса, саво́ Израилёскирэ чхавэ́ янэ́на Ра́скэ-Дэвлэ́скэ, Мэ отда́ва ту́кэ, и тырэ́ чхавэ́нгэ, и чхаенгэ тырэнгэ ту́са сыр упхэныбэ́н дро ве́ко, дава́ исын завето лондэскиро пэ ве́ки анги́л Растэ-Дэвлэ́стэ, саво́ сыс дыно́ ваш ту́кэ и родо́скэ тырэ́скэ ту́са.”

Isajos 61:5

Явэ́на мануша́ явирэ народо́стыр и явэ́на тэ чаравэн тумарэ́ кхэритконэ́ мурдалэ́н (ското); чхавэ́ лэ́нгирэ явэ́на тэ кэрэ́н буты́ пэ пхув и дрэ винагра́днико ваш тумэ́нгэ.

Isajos 14:1

Пашылэды́р исын лэ́скиро часо, на явэ́на тэ тырдэнпэ лэ́скирэ дывэса́, пал-дова́ со потангинэла Рай Дэвэ́л Яково́с, ишчо (инкэ́) явэ́ла пир ило́ Лэ́скэ Израилё, и Ёв дэ́ла, соб (кай) тэ дживэ́н ёнэ пэ Лэ́скири пхув, явэ́на кэ ёнэ явирэ-рига́тыр мануша́, припхандэнапэ кэ кхэр Яково́скиро.

Езэкилё 47:22

Роскэрэн (розделинэн) ла пиро́ жре́биё, соб (кай) тэ явэ́л дава́ тумаро́ мэкно́ миштыпэ́н явирэ – пхувьенгирэ манушэ́нгэ, савэ́ дживэ́на машки́р тумэ́ндэ, и савэ́ биянэна чхаворэ́н. Ёнэ исын бангэ́ тэ гинэнпэ машки́р Израилёскирэ чхавэ́ндэ сыр тумарэ́ мануша́, савэ́ дживэ́на, ёнэ заджа́на кхэтанэ́ тумэ́нца дрэ до́ля (бажын) машки́р Израилёскирэ ро́дыцы.

Apostolengiri Butý 2:39

Пал-дова́ со пал дава́ грэхэнгиро отмэкибэн ґара́ сыс дыно́ лав тумэ́нгэ, чхавэ́нгэ тумарэнгэ и сарэ́нгэ, адя́кэ-паць и одолэ́нгэ, кон дживэ́ла дур тумэ́ндыр, конэ́с кхарэ́ла кэ Пэ Рай Дэвэ́л амаро́.”

Эфесянэнгэ 2:19

Палдава́ тумэ́ на сан буты́р чу́жа, и тумэ́ на сан мануша́, савэ́ на ґара́ явнэ́, нэ тумэ́ сан пал екх Свэнтонэ́ манушэ́нца, и тумэ́ сан екх Дэвлэ́скири сэ́м΄я(ири́),

Юдэ́нгэ 8:6

Нэ какана́ Христо́со дорэсця́ фэдэды́р буты́ сыр Англатуно́ Раша́й, сави́ исын пэ бут фэдэды́р кадалэ́-раша́нгирэ бутя́тыр, адя́кэ-паць, сыр фэды́р исын и Завето, саво́ Ёв пиридыя Дэвлэ́стыр манушэ́нгэ, сыр Машкиратуно, пал-дова́ со дро Завето исын фэды́р дынэ́ дава́.

Vygiiben 12:45

ману́ш, саво́ явдя́ явирэ рига́тыр и лыно́ пэ буты́, нашты́ тэ хал ла.