Эфесянэнгэ 2:10 - Библия - Пэ Балтитко Романи чиб (Романэс) 2019

¹⁰ Пал-дова́ со амэ сам кадасавэ́, савэ́нца Дэвэ́л создыя́ амэн дро амаро́ екхипэ́н Исусо́са Христосо́са ваш дова́, соб (кай) амэ тэ кэра́с лачхэ́ рэ́нды, савэ́ Дэвэ́л ґарэдыр выкэдыя́ ваш амэ́нгэ.

Biblija - Pe Baltitko Romani čib (Romanes) 2019

¹⁰ Pal-dová so ame sam kadasavé, savénca Devél sozdyjá amen dro amaró jekhipén Isusósa Xristosósa vaš dová, sob (kaj) ame te kerás lačhé réndy, savé Devél ĥaredyr vykedyjá vaš aménge.

Эфесянэнгэ 2:10 Referans Kwoze

Filipiicenge 2:13

пал-дова́ со адава́ исын Дэвэ́л, Саво́ выкхарэла дрэ тумэ́ндэ во́ля и рэ́нды пир Пэ́скиро выкэдыибэн.

Колосянэнгэ 1:10

Соб (кай) тумэ́ тэ дживэ́н, сыр исын лачхо́ Дэвлэ́скэ, и дро саро́ тэ кэрэ́н кучэс Лэ́скэ, и тэ кэрэ́н лачхипэ́н дрэ сарэ́ рэ́нды и тэ уджинэс буты́р пал Дэвлэ́стэ,

Юдэ́нгэ 13:21

мэк тэ дэл Ёв зор тумэ́нгэ тэ кэрэ́н буты́ лачхэ́с, соб (кай) тэ кэрэ́н саро́ тумэ́ пир Лэ́скири во́ля. Мэк Ёв пир Исусо́стэ Христосо́стэ тэ кэрэ́л дова́ дрэ амэ́ндэ, со исын лачхо́ Лэ́скэ, Савэ́скэ тэ явэ́л сла́ва пэ сарэ́ ве́ки’. Ами́нь.

2 Коринфянэнгэ 5:17

Палдава́, кон исын дро екхипэ́н Христосо́са, кодова́ ячэ́лапэ сы́рбы нэво́ ману́ш: пхурано́ ду́хо (фа́но) лэ́стыр гия́, нэво́ загия́:

2 Коринфянэнгэ 9:8

Палдова́ со Дэвэ́л могинэ́ла тэ бахтякирэ́л тумэн ада́кицы дро саро́, соб (кай) тумэ́ндэ тэ ухтылэл (тэ явэ́л до́си) саро́, со трэй тумэ́нгэ, и упрэдыр далэ́стыр, соб (кай) тумэ́ тэ явэ́н скэдынэ́ пэ кажно лачхо́ рэ́ндо:

Эфесянэнгэ 4:24

и пирипарудён дрэ нэвонэ́ манушэ́стэ, савэ́с Дэвэ́л создыя́ пир Пэ́скиро дро патяибэ́н и свэ́нто чачипэ́н.

Filipiicenge 1:6

мэ патя́ва зоралэ́с дро дова́, со Дэвэ́л, Кон лыя́ тэ кэрэ́л дрэ тумэ́ндэ дава́ лачхо́ рэ́ндо, явэ́ла тэ кэрэ́л кэ/жы́ко дова́ Дывэ́с, ке́ли нэвэ́стыр явэ́ла Ису́со Христо́со:

2 Ximaske 3:17

Мэк Дэвлэ́скиро ману́ш тэ явэ́л скэдыно́, и тэ джинэ́л кэ кэрэ́л кажно лачхо́ рэ́ндо.

Эфесянэнгэ 4:1

Мэ, саво́ сом пхандло ману́ш пал Растэ – Дэвлэ́стэ, манга́ва тумэн тэ дживэ́н чачунэ́ (мольнонэ́) джиибнаса, савэ́са Дэвэ́л кхардя́ тумэн,

2 Ximaske 2:21

ко́ли вари-кон выжужакирэ́ла пэс кадалэ́ грэхэ́ндыр, ёв явэ́ла сыр чаро́, саво́ лэ́на ваш свэ́нко и саво́ трэй лэ́скирэ Ра́скэ пэ кажно лачхо́ рэ́ндо.

Psalmy 100:3

Джинэ́н, со Рай Дэвэ́л исын амаро́ Дэвэ́л! Ёв создыя́ амэн, нэ амэ на кокорэ́ пэ́стыр явдя́м пэ дава́ свэ́то; амэ сам Лэ́скирэ мануша́ и амэ сам бакрэ́ Лэ́скирэ ґуртостыр.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Isajos 43:21

Дава́ народо Мэ создыём ваш Пэ́скэ; ёв дэ́ла паты́в Ма́нгэ.

Эфесянэнгэ 1:4

Ёв выкэдыя́ амэн дрэ Лэ́стэ англэды́р, сыр создыя́ свэ́то, соб (кай) амэ тэ явас свэ́нта пир екхипэ́н Христосо́са и бидошакирэ анги́л Лэ́стэ пир паты́в кэ яви́р мануша́;

1 Ximaske 6:18

соб (кай) ёнэ тэ кэрэ́н лачхипэ́н, тэ барвалён лачхэ́ рэндэ́нца, тэ дэн васт илэ́стыр явирэ́нгэ тэ делинэнпэ пэ́скирэ барвалыпнаса явирэ манушэ́нца,

Titoske 3:14

и мэк амарэ́ мануша́ адя́кэ-паць тэ сыклён тэ кэрэ́н лачхэ́ рэ́нды, соб (кай) тэ сыклён тэ дэн ра́да пэ дава́, со трэй амэ́нгэ, соб (кай) лэ́нгиро джиибэ́н тэ на явэ́л чхучо́.

Юдэ́нгэ 10:24

явэ́н тэ дыкхас екх пэ екхэ́стэ, соб (кай) тэ сыкавэ́н паты́в екх екхэ́скэ и тэ кэрэ́н лачхипэ́н екх екхэ́скэ;

Titoske 3:8

Дава́ лав исын патяибны́тко, и мэ кама́м, соб (кай) ту тэ ракирэ́с пал дава́ сарэ́ зорья́са дро ду́хо (фа́но) ваш дова́, соб (кай) одолэ́, савэ́ упатя́ндынэ дрэ Дэвлэ́стэ, причхувэ́н зор тэ кэрэ́н лачхэ́ рэ́нды. Дава́ саро́ исын лачхипэ́н и трэй манушэ́нгэ.

Колосянэнгэ 3:10

Тумэ́ пирикэрдэ пэ́скиро пхурано́ джиибэ́н пэ нэво́, саво́ ячэ́лапэ нэво́ пир джиныбэ́н пал Кодолэстэ, Саво́ создыя́ лэс пир Пэ́скири патри́н (о́бразо);

Titoske 2:7

сыка́в пэс кокоро́ пир сарэ́ лачхэ́ рэ́нды, соб (кай) яви́р мануша́ тэ дыкхэ́н и адя́кэ-паць тэ кэрэ́н лачхипэ́н, сыкля́кир жужыпнаскэ дро ило́, патывалыпнаскэ;

1 Коринфянэнгэ 3:9

Пал-дова́ со амэ кхэтанэ́ кэра́са буты́ ваш Дэвлэ́скэ, а тумэ́, сан Дэвлэ́скири фэ́лда, Дэвлэ́скиро Кхэр.

1 Petr 2:12

и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.

Titoske 3:1

Пхэн ишчо (инкэ́) манушэ́нгэ пал дова́, соб (кай) ёнэ тэ кандэ́н ран и барыдырэ́н, и тэ явэ́н скэдынэ́ тэ кэрэ́н кажно лачхо́ рэ́ндо (де́ло);

1 Ian 2:6

Кон ракирэ́ла, со ёв дживэ́ла дро екхипэ́н Дэвлэ́са, кодолэ́скэ трэй адя́кэ-паць тэ дживэ́л сыр Христо́со дживдя́.

Psalmy 138:8

Рай Дэвэ́л кэрэ́ла адя́кэ, со мэ ява́ва бидошэ́нгиро: Тыри́ лачхэ́-илы́ткима, о Раё Дэ́вла, ячэ́лапэ пэ сарэ́ ве́ки; на мэк бутя́, со кэрдэ́ Тырэ́ васта́.

Isajos 29:23

Ко́ли дыкхэ́ла ёв пэ́стэ пэ́скирэ чхаворэ́н, савэ́н дыём Мэ лэ́скэ, ёнэ дэ́на паты́в Мирэ́ лавэ́скэ, дэ́на паты́в Свэнтонэ́ Израилёскирэ Дэвлэ́скэ, и ёнэ явэ́на тэ дарэ́н радыма́са Израилёскирэ Дэвлэ́стыр.

Матфеё 5:16

Адя́кэ мэк тэ свэнцынэл тумари́ яг анги́л манушэ́ндэ, соб (кай) ёнэ тэ дыкхэ́н тумарэ́ лачхэ́ рэ́нды и тэ славинэ́н Дадэ́с тумарэс Болыбнаскирэс.

Joannostir 3:21

Нэ одова́, кон дживэ́ла пир чачипэ́н, джа́ла кэ дуд, соб (кай) тэ явэ́н бицялэ лэ́скирэ рэ́нды, савэ́ ёв кэрэ́ла пир Дэвлэ́скиро лав.”

Psalmy 51:10

Дэ ма́нгэ, соб (кай) мэ тэ шунав ра́дыма и тэ явав лошало (весёло), соб (кай) тэ радынэ́нпэ мирэ́ кокалы́, савэ́ Ту пхагирдян.

2 Фесалоникийцэнгэ 2:17

тэ подрикирэ́л тумарэ́ илэ и тэ кэрэ́л зоралэды́р тумэн дро кажно лав и лачхо́ рэ́ндо.

Римлянэнгэ 8:29

Палдова́ со, конэ́с Ёв кокоро́ англэды́р выкэдыя́, одолэ́н и освэнцындя тэ кэрэ́н, соб (кай) ёнэ тэ подджан пэ Лэ́скирэ Чхавэ́стэ, адя́кэ, соб (кай) Ёв тэ явэ́л англатуно́ машки́р бутэндэ пшалэ́ндэ.

Apostolengiri Butý 9:31

И сыс рама́нё (миро) дрэ кхангирья пир сари́ Юдэ́я, Галиле́я и Сама́рия, ёнэ подрикирэнас пэс дро патяибэ́н и дара́ндынэ Дэвлэ́стыр пир Свэнтонэ́ Духоскиро тангипэ́н и подрикирибэ́н.

Ереме́ё 31:33

‘Акэ, исын Заве́то, саво́ Мэ счхувава Израилёскирэ кхэрэса и Юдэя́кирэ кхэрэса. Палэ долэ́ дывэса́’, – ракирэ́ла Рай Дэвэ́л’, – ‘Мэ чхува́ва Миро Зако́но андрэ́ лэ́ндэ и Мэ чхина́ва дава́ дро лэ́нгирэ илэ, и Мэ ява́ва лэ́нгиро Дэвэ́л, и ёнэ явэ́на Мирэ́ мануша́.

Isajos 60:21

Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

2 Коринфянэнгэ 5:5

Дава́ Дэвэ́л, Кон скэдыя́ амэн ваш дава́ парудыибэн и дыя́ адя́кэ-паць амэ́нгэ Пэ́скиро Ду́хо (Фа́но) сыр сымады́ (залого).

Isajos 44:21

Рипирэн дава́, и Израилё, тумэ́ сан Мирэ́ писха́рья. Мэ создыём тут, Израилё, ту сан Миро писха́ри, на бистыр пал Ма́ндэ.

1 Ximaske 5:25

Адя́кэ-паць и лачхэ́ рэ́нды исын бицялэ; ко́ли ёнэ нанэ дасавэ́, на могинэн тэ явэ́н ґарадэ́.

1 Ximaske 2:10

нэ соб (кай) ёнэ фэды́р тэ кэрэ́н лачхэ́ рэ́нды, савэ́ и трэй тэ кэрэ́л джувля́кэ, сави́ отдыя́ пэс Дэвлэ́скэ.

Яви́р Зако́но 5:33

нэ тумэ́ джа́н пир дова́ дром, пир саво́ ракирдя́ тэ джа́н тумэ́нгэ Рай Дэвэ́л, тумаро́ Дэвэ́л, соб (кай) тумэ́ тэ явэ́н джидэ́, и шука́р тэ явэ́л тумэ́нгэ, и тэ дживэ́н тумэ́ бут дывэса́ пэ доя́ пхув, сави́ явэ́ла тумари́.”

1 Ximaske 5:10

савья́ джинэ́на пир ла́кирэ лачхэ́ рэ́нды, ко́ли ёй выбарьякирдя лачхэнца пэ́скирэ чхавэ́н, ко́ли ёй прилэлас чужонэ́ манушэ́н, савэ́ндэ на сыс, кай тэ дживэ́н, мордя ґэра́ свэнтонэнгэ, и помогинэлас одолэ́нгэ, конэ́стэ сыс би́да, и ко́ли ёй какана́ кэрэ́ла дурэды́р лачхэ́ рэ́нды.

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

Apostolengiri Butý 9:36

Дрэ Иопия (Ёпия) сыс екх сыкляибны́тко джувлы́, савья́ кхардэ́ “Тавифа”, со значынэ́ла: “Серна.” Ёй усады (сак) кэрэ́лас лачхипэ́н и помогинэлас (дэ́лас васт) чорорэ́ манушэ́нгэ.

Isajos 61:3

Тэ пхэна́в одолэ́нгэ, кон исын бибахтало́ пэ Сио́но, со пра́хо запарувэлапэ шукаронэ укэдыибнаса; ровибэн радымакирэ (лошалэ́) елеёса; пхаро́ (смэнтно) ду́хо (фа́но) запарувэлапэ шукаронэ урибнаса и кхарна лэн зоралэ́ чачипна́са, Ра́скирэ-Дэвлэ́скирэ бутяса дрэ Лэ́скиро барипэ́н.

Isajos 19:25

сави́ бахтякирэ́ла Рай Дэвэ́л, болыбна́скирэ-янголэ́нгиро и пхэнэ́ла: “Бахтякирдо́ исын Миро народо – Египтя́ни, и Мирэ́ вастэнгиро рэ́ндо – Асирия, и Миро мэкно́ миштыпэ́н – Израилё.”

Psalmy 119:3

Ёнэ адя́кэ-паць на кэрэ́на начачипэ́н: ёнэ псирэ́на Лэ́скирэ дромэ́нца.

Psalmy 81:13

И Мэ ячкирдём лэн, соб (кай) ёнэ тэ дживэ́н пир пэ́скиро пхаро́ ило́, соб (кай) ёнэ тэ псирэ́н сыр лэ́нгэ думинэлапэ.

Galatenge 6:15

Пал-дова́ со, кон исын дро екхипэ́н Христосо́са, на значинэла нисо́: ни обчхиныбэн, ни наобчхиныбэн, а нэво́ ману́ш.

Римлянэнгэ 8:1

Тэды, нанэ какана́ нисаво́ обракирибэн ваш одолэ́нгэ, савэ́ дживэ́на дрэ Исусо́стэ Христосо́стэ на пир лоч (плоть), а пир Ду́хо (Фа́но).

Яви́р Зако́но 32:6

Ци адя́кэ, со тумэ́ отдэна палэ Ра́скэ-Дэвлэ́скэ, мануша́ дылынэ́ и бигодякирэ? Ци на Ёв исын Дад тыро́, Саво́ сыклякирдя́ тут, Саво́ создыя́ тут и чхудя́ тут?

Эфесянэнгэ 2:2

дрэ савэ́ тумэ́ англэды́р адя́кэ дживдэ́, пир дава́ свэтоскиро ве́ко, пир кхенингоскиро упхэныбэ́н, саво́ сыс хула́й дро фа́но (воздухо), пир ду́хо (фа́но), саво́ хулаинэла сарэ́нца, кон на кандэ́ла Дэвлэ́с:

Isajos 43:7

кажнонэс, кон кхарэ́лапэ Мирэ́ лавэ́са, конэ́с Мэ создыём ваш Миро барипэ́н, конэ́скэ Мэ дыём джиибэ́н.”

Эфесянэнгэ 1:1

Павли́стыр, Исусо́скирэ Христосо́скирэ Апостолостыр, савэ́с Кокоро́ Дэвэ́л выкэдыя́, Свэнтонэ́ манушэ́нгэ, савэ́ дживэ́на кэ Эфе́со, и патя́на дрэ Исусо́стэ Христосо́стэ:

Эфесянэнгэ 2:6

и Ёв отджидякирдя́ амэн пир амаро́ екхипэ́н Христосо́са и дыя́ амэ́нгэ штэ́то дро Болыбна́скиро Раё Исусо́са Христосо́са,

Эфесянэнгэ 2:13

нэ какана́ тумэ́ сан дро екхипэ́н Христосо́са Исусо́са, тумэ́, савэ́ ґарэдыр са́нас дур, ячнэ́ пашы́л, пир Христосо́скиро Рат, саво́ сыс прочхудо пал тумэ́ндэ.

Эфесянэнгэ 2:15

И Ёв Пэ́скирэ мэрибнаса пэ трушу́л парудя Законо́скирэ упхэныбэна́ сыклякирибнаса ваш дова́, соб (кай) дуендыр тэ кэрэ́л дрэ Кокорэ́ Пэ́стэ екхэ нэвонэ́ манушэ́с, и далэ́са тэ янэл манушэ́нгэ рама́нё (миро),