Эфесянэнгэ 1:4 - Библия - Пэ Балтитко Романи чиб (Романэс) 2019

⁴ Ёв выкэдыя́ амэн дрэ Лэ́стэ англэды́р, сыр создыя́ свэ́то, соб (кай) амэ тэ явас свэ́нта пир екхипэ́н Христосо́са и бидошакирэ анги́л Лэ́стэ пир паты́в кэ яви́р мануша́;

Biblija - Pe Baltitko Romani čib (Romanes) 2019

⁴ Jov vykedyjá amen dre Léste angledýr, syr sozdyjá svéto, sob (kaj) ame te javas svénta pir jekhipén Xristosósa i bidošakire angíl Léste pir patýv ke javír manušá;

Эфесянэнгэ 1:4 Referans Kwoze

2 Ximaske 1:9

Ёв, Саво́ зракхця́ и кхардя́ амэн кэ свэ́нто джиибэ́н на пир амарэ́ рэ́нды, а пир Пэ́скири дума и бахталыпэ́н, саво́ сыс дыно́ амэ́нгэ пир Исусо́стэ Христосо́стэ анги́л, сыр свэ́то яця́,

Эфесянэнгэ 2:10

Пал-дова́ со амэ сам кадасавэ́, савэ́нца Дэвэ́л создыя́ амэн дро амаро́ екхипэ́н Исусо́са Христосо́са ваш дова́, соб (кай) амэ тэ кэра́с лачхэ́ рэ́нды, савэ́ Дэвэ́л ґарэдыр выкэдыя́ ваш амэ́нгэ.

Матфеё 25:34

Тэды пхэнэ́ла Кра́ли одолэ́нгэ, савэ́ исын пир чачи́ риг Лэ́стыр: ‘Явэ́н тумэ́, савэ́н Миро Дад бахтякирдя́, явэ́н и прилэ́н Кралипэ́н дро Болыбна́скиро Раё, саво́ Ёв скэдыя́ тумэ́нгэ анги́л, сыр Ёв создыя́ свэ́то.

Jakov 2:5

Шунэ́н, мирэ́ дро́га пшала́лэ: Ци на выкэдыя́ Дэвэ́л одолэ́ манушэ́н, савэ́ исын чорорэ́ дро дава́ свэ́то тэ кэрэ́л барвалэнца лэн дро патяибэ́н и кралипнаскирэ чхавэ́нца, пал саво́ Ёв дыя́ лав сарэ́ манушэ́нгэ, конэ́скэ дро́го исын Ёв?

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Sykadyipén 13:8

И сарэ́, кон дживэ́ла пэ пхув, явэ́на тэ клонинэнпэ патыва́са далэ́ рискирибна́скирэ мурдалэскэ, кон исын на зачхиндло́ дрэ джиибна́скири лылвари́, сави́ исын Свэнтонэ́ Бакрорэстэ, Саво́ сыс мулякирдо свэто́скирэ англыпна́стыр.

Joannostir 15:16

На тумэ́ выкэдынэ́ Ман, нэ дава́ Мэ тумэн выкэдыём, соб (кай) тумэ́ тэ джа́н и дэн барьякирдо́ и, соб (кай) барьякирдо́ тумаро́ тэ барьёл и тэды, пал со тумэ́ на помангэнас Мирэ́ Дадэ́с Мирэ́ лавэ́стыр, Ёв дэ́ла тумэ́нгэ.

1 Petr 1:2

пир Дэвлэ́скирэ-Дадэ́скиро задуминыбэн ваш дова́, соб (кай) тэ кандэ́н Исусо́с Христосо́с, Саво́ отмэкця́ грэ́хи Лэ́скирэ Духо́са, соб (кай) тумэ́ тэ явэ́н помакхнэ Лэ́скирэ Ратэ́са: мэк бахтякирибэ́н и рама́нё (миро) тэ явэ́н бут бут тумэ́нгэ.

1 Petr 1:20

Христо́со сыс выкэдыно англэды́р, сыр яця́ свэ́то и Саво́ явдя́ дро палатуно́ часо ваш тумэ́нгэ;

Колосянэнгэ 3:12

И палдава́ пирикэрэн пэс дрэ манушэ́ндэ, савэ́н Дэвэ́л выкэдыя́: явэ́н свэ́нта, дро́га, явэ́н тангипны́тка и лачхэ́-илытка, бишарибнаскирэ, ковлэ́-илы́тка, длугонэ вырикирибнаса;

Колосянэнгэ 1:22

Нэ какана́ Дэвэ́л кэрдя́ рама́нё (миро) тумэ́нца, ке́ли Христо́со Пэ́скирэ масэнгирэ лочаса прогия́ пир мэрибэ́н, соб (кай) тэ чхувэ́н тумэн анги́л Лэ́стэ свэнтонэнца, и бибангякирэнца и бидошакирэнца,

Эфесянэнгэ 5:27

соб (кай) Лэ́скэ тэ чхувэ́л анги́л Пэ́стэ Кхангири́ дро славно гожыма, дрэ сави́ нанэ ни саво́ макхипэн, ни сави́ дош, а соб (кай) ёй тэ явэ́л свэ́нто и бидошэнгири.

Sykadyipén 17:8

Рискирибна́скиро мурда́л, савэ́с ту дыкхця́н, сыс и буты́р нанэ лэс, и ёв выджа́ла люностыр (адостыр) и джа́ла пэ хасякирибэн. И мануша́, савэ́ дживэ́на пэ пхув, савэнгирэ лава́ нанэ зачхиндлэ́ дрэ джиибна́скири лылвари́ свэто́скирэ англыпна́стыр, явэ́на тэ дивинэнпэ, сыр дыкхэ́на, со рискирибна́скиро мурда́л сыс, и нанэ лэс, нэ ёв нэвэ́стыр явэ́ла.

Apostolengiri Butý 13:48

На́юды, ке́ли шундлэ́ дава́, радындлэпэ и славиндлэ Дэвлэ́скиро лав, и упатя́ндынэ сарэ́, савэ́ сыс выкэдынэ́ кэ ве́чно джиибэ́н;

Isajos 42:1

“Акэ исын Миро писха́ри, Конэ́с Мэ рикирава пал васт, Конэ́с Мэ выкэдыём, кэ Кон пасёла Миро ило́, Мэ чхува́ва пэ Лэ́стэ Миро ду́хо (фа́но), и Ёв пхэнэ́ла пал сэ́ндо кэ народы.

Joannostir 17:24

Да́до! Савэ́н Ту дыя́н Ма́нгэ, ёнэ ячнэ́ дро́га Ма́нгэ, соб (кай) ёнэ тэ явэ́н одо́й кхэтанэ́ Ма́нца, кай и Мэ; мэк ёнэ тэ дыкхэ́н Мири́ бари паты́в, сави́ Ту дыя́н Ма́нгэ, пал-дова́ со Ту́кэ Мэ яцём дро́го анги́л, сыр свэ́то сыс создыно́.

1 Фесалоникийцэнгэ 4:7

Дэвэ́л кхардя́ амэн на кэ нажужо джиибэ́н, нэ кэ чачуно́.

Filipiicenge 2:15

соб (кай) тумэ́нгэ ни дро со тэ на явэ́л банг и, соб (кай) тумэ́ тэ явэ́н жужэ́ (чыста) Дэвлэ́скирэ чхавэ́ и бидошакирэ машки́р манушэ́ндэ, савэ́ исын биладжаипнытка и розмэкнэ, кай тумэ́ зяинэна сыр чэргэня́ дро свэ́то,

2 Ximaske 2:19

Нэ усае́кх зорало́ чачыпнаскиро фунда́менто, со Дэвэ́л чхудя́ анги́л, исын тэрдо́, пэ лэ́стэ исын чхуды́ чэргэнори́ чхиндлэ́ лавэ́нца: “Рай Дэвэ́л джинэ́ла Пэскирэн манушэ́н, кажно, кон рипирэла Ра́скирэ-Дэвлэ́скиро лав, мэк тэ дурьёл начачипнастыр.”

Apostolengiri Butý 18:10

палдова́ со Мэ сом ту́са, и нико́н на кэрэ́ла ту́кэ чорипэ́н; Ма́ндэ исын бут чачунэ́ мануша́ дрэ дава́ фо́ро.”

Psalmy 135:4

Ёв выкэдыя́ Яково́с ваш Пэ́скэ, а Израилё сыр Пэ́скиро миштыпэ́н.

2 Ximaske 2:10

Палдава́ мэ саро́ вырикирава ваш манушэ́нгэ, савэ́н выкэдыя́ Дэвэ́л, соб (кай) и ёнэ тэ дорэсэн зракхибэ́н, саво́ явэ́ла пир Исусо́стэ Христосо́стэ вечнонэ слава́са.

Эфесянэнгэ 4:2

тэ явэ́н тумэ́ штыл (тиха) и кандыпны́тка и ковлэ́-илы́тка, тэ отлыджанпэ екх кэ екх длугонэ вырикирибнаса и патыва́са,

1 Коринфянэнгэ 1:8

Ёв адя́кэ-паць подрикирэ́ла тумаро́ зорало́ патяибэ́н кэ ко́нцо (кэ яго́ро), соб (кай) тумэ́ тэ явэ́н бидошакирэ дро дывэ́с, ке́ли амаро́ Рай Дэвэ́л, Ису́со Христо́со, явэ́ла яви́р мо́ло.

Матфеё 24:31

И бичхавэ́ла Ёв Пэ́скирэ Янголэн барэ́ рогоса (трубаса), и скэдэ́ла кхэтанэ́, конэ́с Ёв выкэдыя́, штарэ́ ригэ́ндыр и екхэ болыбнытконэ ягоро́стыр (краёстыр) кэ яви́р.

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Joannostir 10:16

Исын Ма́ндэ и яви́р бакрэ́, савэ́ на далэ́ грэдатыр, и одолэ́н трэй Ма́нгэ тэ янав: и ёнэ явэ́на тэ шунэ́н Мири́ зан, и явэ́ла екх скэдыибэ́н и екх Чхупна́ри.

1 Фесалоникийцэнгэ 3:12

Нэ мэк Рай Дэвэ́л тэ пхэрдякирэл тумаро́ ило́ екх кэ екх и кэ сарэ́ мануша́ ишчо (инкэ́) барэды́р ласкаса, сави́ амэ́ндэ исын кэ тумэ́,

Эфесянэнгэ 3:17

соб (кай) тэ дживэ́л Христо́со пир патяибэ́н дрэ тумарэ́ илэ, и соб (кай) тумэ́ тэ явэ́н зоралэ́ дрэ паты́в екх кэ екх,

Galatenge 5:13

Тумэ́, пшала́лэ, са́нас кхардэ́ тэ явэ́н вольна. Екх со, соб (кай) тумари́ вольныма тэ на дэл саштыпэн тэ кэрэ́н пир лочакирэ-налачхэ́ камибэна.

Римлянэнгэ 8:33

Кон могинэ́ла тэ бангякирэл одолэ́н, конэ́с Дэвэ́л выкэдыя́? Дэвэ́л приджинэла лэн чачунэнца:

Матфеё 24:24

Пал-дова́ со явэ́на хоханэ́ христосы, хоханэ́ проро́ки и ёнэ сыкавэ́на барэ́ ґертыка́ и кэрэ́на ди́вы, соб (кай) тэ хохавэн аж кодолэ́н, савэ́н Дэвэ́л выкэдыя́, ко́ли сашты́ явэ́ла.

Матфеё 24:22

И ко́ли далэ́ дывэса́ тэ на явэ́нас кроткэдыр, нико́н джидэндыр на зракхэласпэ; нэ ваш манушэ́нгэ, савэ́н Дэвэ́л выкэдыя́, явэ́на кроткэдыр далэ́ дывэса́.

1 Ian 4:16

И амэ уджиндям ла́ска и упатяндыям, сави́ ла́ска исын Дэвлэ́стэ кэ амэ. Дэвэ́л исын дрэ пшалы́тко паты́в кэ яви́р мануша́, и одова́ ману́ш, кон исын лачхо́ кэ яви́р, дживэ́ла дро екхипэ́н Дэвлэ́са и Дэвэ́л исын дро екхипэ́н лэ́са.

2 Petr 3:14

Палдава́, дро́га мирэ́, ко́ли ужакирэ́на тумэ́ саро́ дава́, причхувэ́н зор тэ явэ́н анги́л Лэ́стэ бибангякирэ и бидошэнгирэ и тэ явэ́н дро рама́нё;

Колосянэнгэ 2:2

соб (кай) лэ́нгирэ илэ тэ явэ́н подрикирдэ, соб (кай) ёнэ тэ явэ́н кхэтанэ́ дрэ паты́в кэ яви́р мануша́ ваш кажно барвалыпэ́н, тэ уджинэ́н пхэрдэ́с Дэвлэ́скиро гарадо́ чачипэ́н пал Христосо́стэ,

Galatenge 5:22

А пир Свэ́нто Ду́хо (Фа́но) мануша́ дживэ́на патыва́са кэ яви́р мануша́, радыма́са, спокойнымаса, длугонэ вырикирибнаса, лачхэ́-илыткимаса, лачхипна́са, чачипна́са;

Galatenge 5:6

Пал-дова́ со, ке́ли амэ сам дро екхипэ́н Исусо́са Христосо́са, ни обчхиныбэн, ни наобчхыныбэн на мол ничы́, а саро́ смысло исын дро патяибэ́н, саво́ сыкавэ́ла пэс пир паты́в кэ яви́р мануша́.

Apostolengiri Butý 15:18

Векостыр исын джиндлэ́ Дэвлэ́скэ сарэ́ Лэ́скирэ рэ́нды.

Левито 19:2

“Ра́кир сарэ́ скэдыибнаскэ Израилёскирэ чхавэ́нгирэ и пхэн лэ́нгэ: ‘Явэ́н свэ́нта, пал-дова́ со Мэ сом свэ́нто Рай Дэвэ́л, Дэвэ́л тумаро́.

Левито 20:7

Свэнцякирэн пэс и явэ́н свэ́нта, пал-дова́ со Мэ сом Рай Дэвэ́л, тумаро́ Дэвэ́л, и Мэ сом Свэ́нто.

2 Kralip 22:24

и мэ со́мас бидошакиро анги́л Лэ́стэ, и мэ ракхцёмпэ, соб (кай) тэ на кэра́в грэ́хо ма́нгэ.