Biblia Todo Logo
Bib sou entènèt

- Piblisite -




Эфесянэнгэ 1:18 - Библия - Пэ Балтитко Романи чиб (Романэс) 2019

18 и соб (кай) Дэвэ́л тэ ковлякирэл тумарэ́ илэ и тэ отчхакирэл тумэ́нгэ якха́, соб (кай) тумэ́ тэ уджинэ́н дова́ лачхо́ ужакирибэ́н, кэ саво́ Ёв тумэн кхардя́, и саво́ барвало́ исын мэкно́ миштыпэ́н пир дыно́ лав, Лэ́скирэ славакиро, ваш свэнтонэнгэ,

Gade chapit la Kopi

Biblija - Pe Baltitko Romani čib (Romanes) 2019

18 i sob (kaj) Devél te kovliakirel tumaré ile i te otčhakirel tuménge jakhá, sob (kaj) tumé te udžinén dová lačhó užakiribén, ke savó Jov tumen khardiá, i savó barvaló isyn meknó mištypén pir dynó lav, Léskire slavakiro, vaš sventonenge,

Gade chapit la Kopi




Эфесянэнгэ 1:18
49 Referans Kwoze  

тэ отчхакирэс лэ́нгирэ якха́, соб (кай) ёнэ тэ рисён калыпна́стыр кэ дуд и налачхэскирэ зорья́тыр кэ Дэвэ́л, соб (кай) тэ явэ́н отмэкнэ грэ́хи лэ́нгирэ, и соб (кай) ёнэ адя́кэ-паць тэ явэ́н машки́р одолэ́ндэ, конэ́с Мэ кэрдём свэнтонэнца пир лэ́нгиро патяибэ́н дрэ Ма́ндэ.”


Адава́ исын Дэвэ́л, Саво́ пхэндя́: “Тэ зяинэл дуд (свэ́то) цямлыпнастыр”, исын дова́-паць Дэвэ́л, Кон зачхудя дава́ дуд тэ зяинэл дро амаро́ ило́, соб (кай) амэ тэ ґалёвас Дэвлэ́скири ярко сла́ва, сави́ зяинэла Исусо́стыр Христосостыр.


Тэды Ёв дыя́ лэ́нгэ годы́ тэ ґалёл Свэ́нто Чхиныбэ́н,


дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;


Вари-ке́ли тумэ́ са́нас дро калыпэ́н (тёмныма), а какана́ тумэ́ сан дуд дрэ Растэ-Дэвлэ́стэ: дживэ́н сыр дудэ́скирэ (свэто́скирэ) чхавэ́,


мэк тэ дэл Дэвэ́л тумэ́нгэ пир Лэ́скирэ-славакиро барвалыпэ́н, тэ ячэн зоралэды́р Лэ́скирэ Духо́скирэ зорья́са дрэ андратунэ́ манушэ́стэ,


Исын екх маса́ и екх Ду́хо (Фа́но), сыр исын и екх наде́я, кэ сави́ Дэвэ́л кхардя́ тумэн;


Отпхандэ мирэ́ якха́ и мэ ява́ва тэ дыкха́в ди́вна рэ́нды Тырэ́ Законо́стыр.


соб (кай) Дэвэ́л тэ приґалёл амэн чачунэнца пир Пэ́скиро бахталыпэ́н тэ ячас Лэ́скирэ чхавэ́нца дро ве́чно джиибэ́н, ваш саво́ амэ́ндэ исын наде́я.


соб (кай) тэ откэрэс якха́ корорэнгэ, соб (кай) тэ вылыджас пэ во́ля одолэ́н, кон дрэ наволя исын бэшто́, а одолэ́н, кон исын бэшто́ дро калыпэ́н, Мэ вылыджава лэ́нгирэ бэшыбнастыр.


Ваш дава́ амэ саро́ часо и мангасапэ Дэвлэ́скэ пал тумэ́ндэ, соб (кай) амаро́ Дэвэ́л тэ кэрэ́л тумэн тэ явэ́н мол далэ́ джиибнаскэ, ваш саво́ Ёв прикхардя тумэн и тэ кэрэ́л Пэ́скирэ зорья́са пир Пэ́скири ла́ска кажно лачхо́ рэ́ндо пир патяибэ́н дрэ Лэ́стэ,


Мэ, саво́ сом пхандло ману́ш пал Растэ – Дэвлэ́стэ, манга́ва тумэн тэ дживэ́н чачунэ́ (мольнонэ́) джиибнаса, савэ́са Дэвэ́л кхардя́ тумэн,


Пал-дова́ со наковло яця́ далэ́-народоскиро ило́, пхарэ́с лэ́нгэ тэ шунэ́н закэрдэ якхэ́нца, и на дыкхэ́на якхэ́нца, и на шунэ́на канэнца, и на ґалёна илэ́са, и на обрисёна, соб (кай) Мэ тэ высастякирав лэн.”


Марпэ пал лачхо́ патяибэ́н и ве́чно джиибэ́н, кэ саво́ тут Дэвэ́л кхардя́, и пал саво́ ту патывалэс приґалыян анги́л бутэ́ якхитконэндэ (свидетелендэ).


Дыя́ тумэ́нгэ Рай Дэвэ́л соибнытко, закэрдя тумарэ́ якха́, проро́ки, закэрдя тумарэ́ шэрэ́, джиныбнарья (маги).


Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;


пир екхипэ́н Лэ́са и амэ яця́м Дэвлэ́скирэ манушэ́нца пир Лэ́скири мысля, ке́ли Ёв выкэдыя́ амэн и Саво́ кэрэ́ла саро́ дро свэ́то пир Пэ́скири во́ля самонэ англыпна́стыр,


Пририпирэн тумарэ́ пэ́рва дывэса́, ке́ли тумэ́ уджиндлэ́ и патяндынэ́ дрэ Христосо́стэ, тумэ́ са́нас зоралэ́ пир ду́хо (фа́но) дрэ пхарэ́ мэ́ньки;


соб (кай) тумэ́ тэ дживэ́н, сыр трэй Дэвлэ́скэ, Саво́ кхардя́ тумэн дрэ Лэ́скиро Кралипэ́н и сла́ва.


пал-дова́ со лэ́ндэ, напатяибнаскирэндэ, дава́ свэтоскиро хохано́ дэвлоро штылякирдя лэ́нгири годы́, соб (кай) ёнэ тэ на дыкхэ́н дуд (свэ́то) и тэ на ґалён роспхэныбэн пал бахталы́ зан (звесь) пал Христососкири ярко сла́ва, а Христо́со исын Дэвлэ́скири патри́н (о́бразо).


И якха́ одолэнгирэ, кон дыкхэ́ла, на закэрнапэ, и кана́ одолэнгирэ, кон шунэ́ла, явэ́на тэ шунэ́н.


и тэ ужакирас лачхи́ наде́я, ке́ли явэ́ла баро́ Дэвэ́л слава́са и амаро́ Зракхибнари, Ису́со Христо́со,


Мэк Кокоро́ амаро́ Рай Дэвэ́л, Ису́со Христо́со, и Дэвэ́л амаро́ Дад, Савэ́скэ яця́м дро́га амэ и дыя́ пир бахталыпэ́н ве́чно подрикирибэ́н и лачхи́ наде́я,


Нэ амэ, савэ́ сам дывэсэскирэ чхавэ́, ява́са тэ явас пэ стрэ́га, и ява́са тэ урьявас пэ пэ́стэ бронь патяибнастыр и патыватыр и, сыр шлёмо урьяваса пэ шэро́ лачхо́ ужакирибэ́н пал зракхибэ́н;


Ма́нгэ, кон исын най тыкнэды́р сарэ́ дэвлытконэндыр, сыс дыно́ дава́ бахтякирибэ́н тэ роспхэнав Наюдэ́нгэ пал Христосо́скиро барвалыпэ́н, саво́ ние́кхвар на хасёла.


пал-дова́ со адалэ́ манушэ́нгиро ило́ кашталыя, и ёнэ шунэ́на фуес пэ́скирэ канэнца и якха́ пэ́скирэ закэрдэ, соб (кай) тэ на дыкхэ́н якхэ́нца, и тэ на шунэ́н канэнца, и тэ на ґалён илэ́са, и тэ на рисён кэ Мэ, соб (кай) Мэ тэ высастякирав лэн.’


на отдэ́н палэ фуипнаса пал фуипэ́н, ци фуй ракирибнаса пал дова́, со ракирэ́на фуипэ́н пэ тумэ́ндэ: а пэ яви́р мангэ́нпэ Дэвлэ́скэ, пал-дова́ со тумэ́ са́нас кхардэ́, соб (кай) тэ дорэсэн Дэвлэ́скиро бахтякирибэ́н.


Дава́ на могинэ́ла (шашты) тэ явэ́л ваш одолэ́нгэ, конэ́скэ сыс роспхэндло чачипэ́н пал Дэвлэ́стэ, и савэ́ уджиндлэ́ Болыбна́скиро тала́но (да́ро), и дорэснэ́ (долынэ) пэ́скири паш явирэ манушэ́нца Свэнтонэ́ Духо́стыр;


И мэк тэ явэ́л дрэ тумарэ́ илэ Дэвлэ́скиро рама́нё (миро), кэ саво́ тумэ́ са́нас кхардэ́ сыр паша́ Екхэ Масэндыр, парикирэ́н пал дава́.


ко́ли тумэ́ сан зоралэ́ дро ду́хо (фа́но) тэ дживэ́н пир патяибэ́н и на отджана дрэ наде́я бахталэ́ занятыр (звесятыр), сави́ тумэ́ шундлэ́, и сави́ роспхэнэлапэ пир саро́ джидо́, со сыс создыно́ тэл болыбэ́н, сави́ Мэ, Па́вли, лыём тэ роспхэнав.


ваш наде́я, со ужакирэ́ла тумэн дро Болыбна́скиро Раё, пал со тумэ́ англэды́р шундлэ́ дрэ чачунэ́ лава́ бахталэ́ занятыр (звесятыр),


тумэ́ и са́нас дро дова́ часо би Христосо́скиро, тумэ́ на са́нас кхэтанэ́ Израилёскирэ манушэ́нца, тумэ́ндэ на сыс паш дро Завето, тумэ́ндэ на сыс лачхо́ ужакирибэ́н, тумэ́ са́нас би Дэвлэ́скиро дро свэ́то:


Пал-дова́ со амэ пир Свэ́нто Ду́хо (Фа́но) ужакираса зоралэ́с, ке́ли Дэвэ́л приджиндя амэн чачунэнца пир патяибэ́н.


Дро дова́ дывэ́с кашукэ мануша́ шунэ́на лава́ лылварьятыр, корорэнгирэ якха́ лэ́на тэ дыкхэ́н.


Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,


И сыс екх джувлы́, савья́ кхардэ́ Лидия, ёй бикнэлас лоло́ тхан (материя) дрэ Фиатира, ада́я джувлы́ сыс дэвлы́тко, и Дэвэ́л отчхакирдя́ ла́киро ило́ тэ ґалёл, со ракирдя́ Па́вли.


мэ прастава кэ цэлё, кэ най вучэды́р паты́в, ваш сави́ Дэвэ́л кхардя́ ман пир Христосо́стэ Исусо́стэ.


Мэ шундём пал ту́тэ, со фэ́ни яви́р мирэ́ кана́ шундлэ́ явирэ манушэ́ндыр, нэ акана́ мирэ́ якха́ дыкхэ́на тут.


Явэ́ла чхудо пэ лэ́стэ Ра́скирэ-Дэвлэ́скиро Ду́хо (Фа́но), ду́хо, саво́ дэ́ла Дэвлэ́скири годы́ и годыпэ́н пхувитко; саво́ дэ́ла подпхэныбэн и зор, ду́хо пир джиныбэ́н и пир свэ́нто джиибэ́н.


Нэ ке́ли Ису́со выджа́лас дро дром, кэ Ёв подпрастандыя ману́ш, пыя́ пэ чанга́ анги́л Лэ́стэ и пхуця́: “Дро́го Сыклякирибна́скиро! Со ма́нгэ тэ кэра́в, соб (кай) тэ дорэсав паш дро ве́чно джиибэ́н?”


Ци ту на гинэса Дэвлэ́скиро лачхипэ́н, вырикирибэн и ужакирибэ́н, и, хай, ту на ґалёса, со Дэвлэ́скэ трэй, соб (кай) ту тэ рискирэс пэ́скиро джиибэ́н кэ Ёв?


Дэвлэ́скирэ таланы и Лэ́скиро прикхарибэн на парудёна.


парикири́ Дадэ́скэ, Саво́ кхардя́ тумэн кэ дуд кхэтанэ́ сарэ́ свэнтонэ́ манушэ́нца,


савэ́нгэ камдя́ Дэвэ́л тэ пиридэл джиныбэ́н, саво́ исын славакиро барвалыпэ́н машки́р Наюдэ́ндэ дро кадава́ гарадо́ чачипэ́н, саво́ исын Христо́со дрэ тумэ́ндэ, Ёв исын тумари́ наде́я дрэ сла́ва:


соб (кай) лэ́нгирэ илэ тэ явэ́н подрикирдэ, соб (кай) ёнэ тэ явэ́н кхэтанэ́ дрэ паты́в кэ яви́р мануша́ ваш кажно барвалыпэ́н, тэ уджинэ́н пхэрдэ́с Дэвлэ́скиро гарадо́ чачипэ́н пал Христосо́стэ,


Swiv nou:

Piblisite


Piblisite