Эфесянэнгэ 1:17 - Библия - Пэ Балтитко Романи чиб (Романэс) 2019

¹⁷ соб (кай) Дэвэ́л амарэ́ Ра́скирэ-Дэвлэ́скиро, Исусо́скиро Христосо́скиро, славу́тно Дад, тэ дэл тумэ́нгэ пир Ду́хо (Фа́но) годы́ и тэ сыкавэ́л, соб (кай) тумэ́ фэды́р тэ уджинэ́н Лэс,

Biblija - Pe Baltitko Romani čib (Romanes) 2019

¹⁷ sob (kaj) Devél amaré Ráskire-Devléskiro, Isusóskiro Xristosóskiro, slavútno Dad, te del tuménge pir Dúho (Fáno) godý i te sykavél, sob (kaj) tumé fedýr te udžinén Les,

Эфесянэнгэ 1:17 Referans Kwoze

Isajos 11:2

Явэ́ла чхудо пэ лэ́стэ Ра́скирэ-Дэвлэ́скиро Ду́хо (Фа́но), ду́хо, саво́ дэ́ла Дэвлэ́скири годы́ и годыпэ́н пхувитко; саво́ дэ́ла подпхэныбэн и зор, ду́хо пир джиныбэ́н и пир свэ́нто джиибэ́н.

Pritčy 2:5

то тэды ту ґалёса, со́скэ трэй тэ кутякирэс кэ дар Рас-Дэвлэ́с, и тэ уджинэс бутэды́р пал Дэвлэ́стэ.

2 Petr 1:3

Дэвэ́л, Лэ́скирэ Дэвлэ́скирэ зорья́са дыя́ саро́ амэ́нгэ, со трэй ваш дэвлы́тко джиибэ́н, соб (кай) тэ уджинас Дэвлэ́с, Саво́ кхардя́ амэн кэ Пэ слава́са и лачхипна́са,

2 Petr 3:18

а тэ барьён дро бахтякирибэ́н и тэ уджинэ́н фэды́р амарэ́ Рас-Дэвлэ́с, и Зракхибнарис (Спасителёс) Исусо́с Христосо́с. Тэ явэ́л Лэ́скэ сла́ва какана́ и пэ сарэ́ ве́ки. Ами́нь.

Эфесянэнгэ 1:3

Мэк тэ явэ́л бахтякирдо́ Дэвэ́л и Дад амарэ́ Дэвлэ́скиро Исусо́скиро Христосо́скиро, Саво́ бахтякирдя́ амэн дро екхипэ́н Христоса кажнонэ́ Духо́скирэ бахтякирибна́са дро Болыбна́скиро свэ́то

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Матфеё 11:27

Саро́ джиныбэ́н пал Пэ́стэ Дад Миро дыя́ Ма́нгэ, и нико́н сарэ́са на джинэ́ла Чхавэ́с апри́ч Дадэ́стэ и нико́н на джинэ́ла Дадэ́с апри́ч Чхавэ́стэ, и Ёв выкэдэ́ла одолэ́с, конэ́скэ Чхаво́ камэ́ла тэ откэрэл Дадэ́с.

1 Коринфянэнгэ 2:10

нэ Дэвэ́л откэрдя дава́ Пэ́скирэ Духо́са, пал-дова́ со Ду́хо (Фа́но) доджа́ла кэ саро́, аж кэ ду́мы Дэвлэ́скирэ, со исын ґарадэ́ манушытконэ́ годятыр.”

Ереме́ё 24:7

Тэ́ньци Мэ да́ва лэ́нгирэ илэскэ ла́ска тэ джинэ́л Ман, со Мэ сом Рай Дэвэ́л, и со ёнэ явэ́на Мирэ́ мануша́, и со Мэ ява́ва лэ́нгиро Дэвэ́л, пал-дова́ со ёнэ рисёна кэ Мэ сарэ́ илэ́стыр.

Эфесянэнгэ 3:5

савэ́ на сыс англэды́р джиндлэ́ ни екхэ́ манушытконэ́ родо́скэ адя́кэ, сыр ёнэ какана́ исын отчхакирдэ Лэ́скирэ Свэнтонэ́ Апостолэнгэ и пророкэнгэ пир Свэ́нто Ду́хо (Фа́но),

Joannostir 20:17

Ису́со ракирэ́ла: “На чилав Ман, пал-дова́ со Мэ на рисиём кэ Миро Дад; джа́ кэ Мирэ́ пша́ла и пхэн лэ́нгэ: “Мэ рисёва́ва кэ Миро Дад и тумаро́ Дад и кэ Миро Дэвэ́л и кэ тумаро́ Дэвэ́л”.”

Apostolengiri Butý 6:10

Адалэ́ мануша́ сыс бизорья́кирэ анги́л Духоскири зор и годы́, савья́са ракирдя́ Стехвано.

Матфеё 6:13

И на домэк амэн кэ чорипэ́н; нэ зра́кх амэн налачхэстыр; пал-дова́ со исын Тыро́ Кралипэ́н и зор и сла́ва пэ ве́ки. Ами́нь.’

Joannostir 14:26

Обрадыпнаскиро, Саво́ исын Ду́хо (Фа́но) Свэ́нто, Саво́ бичхавэ́ла Дад ваш Миро лав, высыклякирэла тумэн сарэскэ и саро́ чхувэ́ла дрэ тумари́ годы́, пал со Мэ ракирдём тумэ́нгэ.

2 Коринфянэнгэ 12:1

Ѓа́да, нанэ ни сави́ льго́та ма́нгэ тэ шаравпэ. Нэ мэ роспхэнава пал дыкхибэна и сыкадыипэна ма́нгэ Ра́стыр-Дэвлэ́стыр.

Luka 21:15

пал-дова́ со Мэ да́ва тумэ́нгэ лава́ и годы́, со тумарэ́ вэ́рги на змарэна тумэн дро лав, и ёнэ адя́кэ-паць на дэ́на ра́да (на змогинэна) тэ бангякирэн тумэн дро дова́, со тумэ́ отпхэнэна.

Psalmy 24:7

Псиравэн (откэрэн) буґлэс по́рты тэ явэ́н ґаздынэ́ ґаратунэ́ вудара́ дро Кхангири́. Славу́тно Кра́ли заджа́ла дрэ лэ́ндэ.

1 Коринфянэнгэ 12:8

Екхэ манушэ́скэ Ду́хо (Фа́но) дэ́ла тала́но тэ пхэнэ́л годьваро́ лав, и дава́-паць Ду́хо (Фа́но) дэ́ла явирэ манушэ́скэ тэ джинэ́л лав.

1 Коринфянэнгэ 2:8

ние́кх адалэ́ свэто́скирэ барэ́ рандыр на ґалыя́ дава́, пал-дова́ со, ко́ли ёнэ тэ ґалён, тэды ёнэ на примарэнас Рас-Дэвлэ́с, Саво́ исын пхэрдо́ слава́са,

Римлянэнгэ 15:6

соб (кай) тумэ́ сарэ́ кхэтанэ́ екхэ уштэ́нца тэ славинэ́н Дэвлэ́с и амарэ́ Ра́скирэ-Дэвлэ́скирэ Дадэ́с.

Joannostir 16:3

Ёнэ явэ́на тэ кэрэ́н адя́кэ, пал-дова́ со адалэ́ мануша́ на джиндлэ́ ни Дадэ́с, ни Ман.

Дание́лё 10:1

Пэ три́то бэрш о Кираскиро, Персытконэ Крали́скиро, сыс сыкадо чачипэ́н Даниелёскэ, савэ́с кхардэ́ пир лав Валтасаро; и чачуно́ сыс дава́ сыкадыипэн и древа́н зорало́. Ёв ґалыя́ дава́ чачипэ́н и уґалыя дыкхибэ́н.

Ереме́ё 31:34

И ёнэ буты́р на явэ́на тэ сыклякирэ́н, кажно ману́ш лэ́скирэ суседос (котарис), и кажно ману́ш лэ́скирэ пшалэ́с, ракири́: ‘Джинэ́н Рас-Дэвлэ́с’, – пал-дова́ со ёнэ джинэ́на Ман: най тыкнэстыр кэ най баро́’, – ракирэ́ла Рай Дэвэ́л. ‘Пал-дова́ со Мэ отмэка́ва лэ́нгиро чорипэ́н, и Мэ буты́р на ява́ва тэ рипирав лэ́нгиро грэ́хо.’

Joannostir 14:17

дава́ исын Ду́хо (Фа́но) чачипна́скиро, Савэс свэ́то нашты́ тэ прилэл, пал-дова́ со ёв на дыкхэ́ла Лэс и на джинэ́ла; нэ тумэ́ Лэс джинэ́на, пал-дова́ со Ёв исын тумэ́нца и явэ́ла дрэ тумэ́ндэ.

Матфеё 16:17

И Ису́со отпхэнэ́лас лэ́скэ и пхэндя́: “Бахтало́ ту сан, Си́моно Иониноскиро, пал-дова́ со на ману́ш, конэ́стэ исын рат и маса́, дыя́ дава́ чачипэ́н дрэ тыри́ годы́, нэ Миро Дад, Саво́ исын дро Болыбна́скиро Раё.

Матфеё 11:25

Дро до-паць часо, ке́ли Ису́со отпхэнэ́лас лэ́нгэ, пхэндя́ Ёв дурэды́р: “Мэ славинава Тут, Да́до, Рай Дэвэ́л Болыбна́скиро и пхувья́киро, со Ту ґарадян дава́ годьварэндыр и барэ́-годякирэндыр, и откэрдян дава́ бияторэнгэ;

Ереме́ё 9:24

нэ мэк ёв, кон барьякирэ́ла пэс, тэ шарэлпэ (тэ барьякирэл пэс) далэ́са, со ёв ґалёла и, со ёв джинэ́ла Ман; пал-дова́ со дава́ Мэ сом, Рай Дэвэ́л, Кон сыкавэ́ла дро́го ла́ска, чачуно́ сэ́ндо и чачипэ́н пэ пхув. Пал-дова́ со Мэ зоралэ́с радынавпэ сарэ́стыр далэ́стыр”, – ракирэ́ла Рай Дэвэ́л.

Ереме́ё 2:11

соб (кай) манушы́тко нацыя тэ парувэл пэ́скирэ дэвлэн, мэк ёнэ и на сыс дэвэла́? Нэ Мирэ́ мануша́ парудэ лэ́нгири сла́ва (Дэвлэ́скиро Барипэ́н) пэ и́долы, савэ́ндыр на сыс нисаво́ лачхипэ́н.

Psalmy 24:10

Кон исын Болыбна́скиро Кра́ли? Рай Дэвэ́л, Саво́ исын пэ болыбна́скирэ Янголэндэ, Ёв исын Болыбна́скиро Кра́ли. Сэ́ла.

Sykadyipén 7:12

и пхэнэнас: “Ами́нь! Мэк манушэ́нгиро шарибэ́н, и сла́ва, и годыпэ́н, и парикирибэн, и паты́в, и зоралыпэ́н, и зор тэ явэ́л амарэ́ Дэвлэ́скэ пэ сарэ́ ве́ки. Ами́нь.”

Titoske 1:1

Павли́стыр, Дэвлэ́скирэ писхаристыр и Исусо́скирэ Христосо́скирэ Апостолостыр. Мэ со́мас бичхадо́ тэ розлыджав манушэ́нгиро патяибэ́н, савэ́н Дэвэ́л выкэдыя́, и тэ янав лэн кэ чачипэ́н, соб (кай) ёнэ тэ дживэ́н дара́са анги́л Дэвлэ́стэ;

Дание́лё 5:11

Исын дро тыро́ кралипэ́н о мурш, савэ́стэ исын Ду́хо (Фа́но) свэнтонэ́ Дэвлэнгиро; дро дывэса́ тырэ́ дадэ́скирэ сыс латхно дрэ лэ́стэ дуд, годы́ и ґалыибэ́н, савэ́ сыс сыр дэвлы́тко годьварипэн, и о кра́ли Навуходоносо́ро, тыро́ дад, чхудя́ лэс барыдырэ́са пэ човаханэ-подпхэныбнаскирэндэ, пэ калэ́-магитконэндэ, пэ Халдеендэ, пэ човаханэндэ и пэ драбакирибнаскирэндэ пэ планеты,

1 Паралипоменоно 29:11

Тыро́, Раё Дэ́вла, райканыпэн, и зоралыпэ́н, и сла́ва, и збе́рдыма (побе́да), и саро́, со исын пэ болыбэ́н и пэ пхув, исын Тыро́; Тыро́, Дэ́вла, кралипэ́н, и Ту сан вучэды́р сарэ́стыр, сыр Баро́ Рай, Саво́ хулаинэла.

Jakov 2:1

Пшала́лэ мирэ́! Ко́ли тумэ́ндэ исын патяибэ́н дрэ Исусо́стэ Христосо́стэ славутнонэ Растэ-Дэвлэ́стэ, сэндинэ́н шэра́ (ра́внэс) сарэ́н:

1 Коринфянэнгэ 14:6

И, ґа́да, пша́ла, ко́ли мэ ява́ва кэ тумэ́ и ява́ва тэ ракира́в пэ наджиндлэ чиба́ (чибья́), саво́ лачхипэ́н явэ́ла тумэ́нгэ, ко́ли мэ на роспхэнава тумэ́нгэ сыкадыибэн Дэвлэ́стыр, ци джиныбэ́н, ци роспхэнава Дэвлэ́скиро лав/сыклякирибэ́н?

Luka 12:12

пал-дова́ со Свэ́нто Ду́хо (Фа́но) явэ́ла тэ сыклякирэ́л тумэн дрэ дова́-паць мардо́, со трэй тэ пхэнэ́н.

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Psalmy 29:3

Ра́скирэ-Дэвлэ́скири зан исын упра́л пэ паня́; Славу́тно Дэвэ́л грукинэла; Рай Дэвэ́л исын упра́л пэ вучэ́ паня́.

2 Ximaske 2:25

тэ сыклякирэ́л пал патяибэ́н ковлэ́ илэ́са одолэ́ манушэ́н, савэ́ исын проти лэ́скиро сыклякирибэ́н, пал-дова́ со дава́ сашты́ тэ явэ́л, со Дэвэ́л дэ́ла саштыпэн (возможность/ваканцыя) лэ́нгэ тэ приґалён лэ́нгирэ грэ́хи и тэ уджинэ́н чачипэ́н,

Римлянэнгэ 1:28

И пал-дова́, сыр ёнэ на камлэ́ тэ джинэ́н пал Дэвлэ́стэ, тэды Дэвэ́л и мэкця́ лэн, соб (кай) ёнэ тэ кэрэ́н пир налачхи годы́, нэ со лэ́нгэ камэлапэ;

Apostolengiri Butý 7:2

И ёв отпхэндя́: “Пшала́лэ мирэ́, дадолэ! Вышунэн ман. Славу́тно Дэвэ́л сыкадыя́ амарэ́ дадэ́скэ Авраамо́скэ дрэ Месопатамия анги́л лэ́скиро пиритрадыпэн дро Харано,

Vygiiben 28:3

И пхэн сарэ́нгэ годьварэ́ илэ́са, савэ́н Мэ пхэрдякирдём годэ́ духо́са (фаноса), соб (кай) ёнэ тэ кэрэ́н Аароно́скэ урибэна́ тэ высвэнцынэн лэс, соб (кай) ёв тэ явэ́л раша́й Ма́нгэ.

Ióvo 42:5

Мэ шундём пал ту́тэ, со фэ́ни яви́р мирэ́ кана́ шундлэ́ явирэ манушэ́ндыр, нэ акана́ мирэ́ якха́ дыкхэ́на тут.

Pritčy 18:15

Барэ́-годя́киро ило́ дорэсэ́ла джиныбэ́н, и годэ́-манушэ́скиро кан родэ́ла джиныбэ́н.

Эфесянэнгэ 4:13

пака амэ сарэ́ ява́са дро екхипэ́н кэ екх патяибэ́н и амэ уджинаса Дэвлэ́скирэ Чхавэ́с, и амэ ячаса барэ́ (стала) мурша и доджаса кэ най сталэдыр (сама стала) Христосо́скирэ бэрша́;

Filipiicenge 3:15

И ада́кицы, пэ кицы́ амэ́ндыр исын бидошакирэ мануша́, лэ́нгэ адя́кэ трэй тэ думинэн, а ко́ли тумэ́ пал дава́ пэ яви́р думинэ́на, то и дава́ Дэвэ́л отчхакирэла тумэ́нгэ.

Матфеё 20:33

Ёнэ ракирэ́на Лэ́скэ: “Раё Дэ́вла, соб (кай) тэ откэрэнпэ амарэ́ якха́”