Džiibén 4:4 - Библия - Пэ Балтитко Романи чиб (Романэс) 2019

⁴ И Авелё адя́кэ-паць яндя́ пэ́скирэ пэрвонэ́ бияныпнытконэ ґуртостыр и лэ́нгирэ чэкэнэстыр (тукостыр). Рай Дэвэ́л сыкадя́ паты́в Авелёскэ пэ лэ́скиро да́ро.

Biblija - Pe Baltitko Romani čib (Romanes) 2019

⁴ I Avieljo adiáke-pac' jandiá péskire pervoné bijanypnytkone ĥurtostyr i léngire čekenestyr (tukostyr). Raj Devél sykadiá patýv Avieljoske pe léskiro dáro.

Džiibén 4:4 Referans Kwoze

Юдэ́нгэ 11:4

Патяибна́са Авелё яндя́ Дэвлэ́скэ фэдэды́р свэ́нто дыибэ́н, сыр Каино; пир патяибэ́н ёв дорэсця́ допхэныбэ́н Дэвлэ́стыр, со ёв исын чачуно́ ману́ш, ке́ли Дэвэ́л ракирдя́ пал лэ́скиро свэ́нто дыибэ́н и пир Пэ́скиро патяибэ́н, сыр и англэды́р, Авелё ракирэ́ла амэ́нгэ, мэк ёв ужэ мыя́.

Pritčy 3:9

Дэ паты́в Ра́скэ-Дэвлэ́скэ сарэ́ тырэ́ миштыпна́стыр, и пэрвонэ́ барьякирдэндыр (плодэндыр), со ту́тэ выбарьёна;

Vygiiben 13:12

отдэ́ Ра́скэ-Дэвлэ́скэ саро́, со откэрэла лочови́ (утроба); и саро́ англатуно́ тыкно́ кхэритконэ́ мурдалэ́ндыр (ското́стыр), саво́ явэ́ла ту́тэ, муршканэ́ родо́стыр, Ра́скэ-Дэвлэ́скэ,

Čysly 18:17

нэ пал пэрвонэ́ тыкнорэстэ гурумнендыр [гурувэндыр-р.с.], и пал пэрвонэстэ бакрэ́ндыр, и пал пэрвонэстэ бузнэндыр, на лэ выкиныбэ́н: ёнэ исын свэ́нта; лэ́нгирэ ратэ́са обчхув алта́рё, и ада́й лэн хачкир сыр свэ́нто дыибэ́н, дро гудло́ тхув, лачхо́ Ра́скэ-Дэвлэ́скэ;

Юдэ́нгэ 9:22

И на́бут со на саро́ жужакирэлапэ грэхостыр ратэ́са, и би ратэскиро прочхуибэн на отмэкэлапэ грэ́хо.

Psalmy 20:3

Мэк Ёв тэ бичхавэл ту́кэ зор Лэ́скирэ Свэнтонэ́ Штэто́стыр и тэ подрикирэ́л тут Сионоскирэ Бэрга́тыр.

2 Паралипоменоно 7:1

Ке́ли кончындя Соломо́но дая́ па́тери, то гия́ тэлэ́ яг болыбна́стыр и накхадя (проглыниндя) цэ́ло схачкирибэ́н и свэ́нта дыибэна́ Ра́скэ-Дэвлэ́скэ, и сла́ва Ра́скирэ-Дэвлэ́скири пхэрдякирдя́ кхэр.

1 Паралипоменоно 21:26

И кэрдя́ одо́й Дави́до алта́рё Ра́скэ-Дэвлэ́скэ, и вычхудя́ цэ́ло схачкирибэ́н и мирна (раманёна) свэ́нта дыибэна́ Ра́скэ-Дэвлэ́скэ; и кхардя́ Рас-Дэвлэ́с, и Ёв шундя́ лэс, бичхадя́ яг болыбна́стыр пэ цэлонэ́-схачкирибнаскиро алта́рё.

3 Kralip 18:38

И спыя тэлэ́ яг Ра́скирэ-Дэвлэ́скири, и похая цэ́ло схачкирибэ́н, и кашта́ и бара́, и пра́хо, и накхадя пани́, саво́ сыс дрэ рово (хохо́й).

Левито 9:24

И выгия́ яг Ра́стыр-Дэвлэ́стыр и схачкирдя́ пэ цэлонэ́-схачкирибнаскиро алта́рё и чэкэ́н; и дыкхнэ́ сарэ́ мануша́, и дынэ́ го́дла радыма́тыр, и пынэ́ пэ пэ́скирэ муя́.

Džiibén 15:17

Ке́ли бэсця́ кхам, и яця́ калыпэ́н, ґа́да, тхув (дымо) сыс бовэстыр и яга чибакирэ прогинэ́ машкира́л росчингирдэ котэра́ мурдалэнгирэ.

Sykadyipén 13:8

И сарэ́, кон дживэ́ла пэ пхув, явэ́на тэ клонинэнпэ патыва́са далэ́ рискирибна́скирэ мурдалэскэ, кон исын на зачхиндло́ дрэ джиибна́скири лылвари́, сави́ исын Свэнтонэ́ Бакрорэстэ, Саво́ сыс мулякирдо свэто́скирэ англыпна́стыр.

Сэндарьенгири Лылвари́ 6:21

Ра́скирэ-Дэвлэ́скиро Янго́ло, ґаздыи кхинынгоскирэ-дэстэскиро яго́ро, саво́ сыс дро лэ́скиро васт, лыяпэ пал мас и опресноки; и Ра́скирэ-Дэвлэ́скиро Янго́ло счхакирдяпэ лэ́скирэ якхэ́ндыр.

Čysly 18:12

Саро́ фэдыршонэ алеёстыр и саро́ фэдыршонэ винаградостыр и марэстыр, лэ́нгирэ пэ́рва барьякирдэ́ (пло́ды), савэ́ ёнэ янэ́на Ра́скэ-Дэвлэ́скэ, Мэ дыём лэн ту́кэ.

Čysly 16:35

И выгия́ яг Ра́стыр-Дэвлэ́стыр и хая одолэ́н дуйшэла́ пандждэша́ муршэ́н, савэ́ яндлэ́ гудлэ́ смо́лы (фимиа́мо).

3 Kralip 18:24

И кхарэ́н тумэ́ лав тумарэ́ дэвлорэскиро, а мэ кхара́ва лав Ра́скирэ-Дэвлэ́скиро, мирэ́ Дэвлэ́скиро. Одова́ исын Дэвэ́л, Саво́ отпхэнэ́ла яга́са.” И отпхэндлэ́ сарэ́ мануша́ и пхэндлэ́: “Мишто́.”

Džiibén 4:3

Сыр прогия́ вари-саво́ часо, Каино яндя́ пхувья́кирэ барьякирдэ́ (пло́ды) сыр да́ро Ра́скэ-Дэвлэ́скэ.

Čysly 16:15

Мо́йза древа́н холя́сыя, и пхэндя́ Ра́скэ-Дэвлэ́скэ: “На ри́скир Тырэ́ якха́ пэ лэ́нгиро яныбэ́н. Мэ на лыём лэ́ндыр ни екхэ осло́с, и на кэрдём фуипэ́н ниекхэскэ лэ́ндыр.”

1 Kralip 15:22

И отпхэндя́ Самуи́ло: “Нау́што цэ́ло схачкирибэ́н и свэ́нта яныбэна́ Ра́скирэ-Дэвлэ́скирэ пэ ада́кицы исын дро́га Ра́скэ-Дэвлэ́скэ сыр тэ кандэс Ра́скирэ-Дэвлэ́скири зан? Кандыпэн исын фэды́р свэнтонэ́ яныбнастыр и тэ пришунэспэ кэ Рай Дэвэ́л исын фэды́р бакрэскирэ масэстыр;

Ekliesiastos 4:4

И мэ дыкхцём, со пал кажно пхари́ буты́ и кажно рангири буты́, ману́ш зэвлынэла явирэ манушэ́скэ. Дава́ исын адя́кэ-паць харныпэ́н и сы́рбы тэ традэспэ пал балва́л.