Džiibén 26:3 - Библия - Пэ Балтитко Романи чиб (Романэс) 2019

³ Псир пир сари́ пхув, и Мэ ява́ва ту́са, и бахтякирава тут, пал-дова́ со ту́кэ и тырэ́ родо́скэ Мэ да́ва сари́ дая́ пхув, и Мэ рикирава совла́х, савья́са Мэ совлахадём Авраамо́скэ, тырэ́ дадэ́скэ;

Biblija - Pe Baltitko Romani čib (Romanes) 2019

³ Psir pir sarí phuv, i Me javáva túsa, i bahtiakirava tut, pal-dová so túke i tyré rodóske Me dáva sarí daja phuv, i Me rikirava sovláh, savjása Me sovlahadjom Avraamóske, tyré dadéske;

Džiibén 26:3 Referans Kwoze

Džiibén 28:15

и ґа́да, Мэ сом ту́са, и Мэ зракха́ва тут, кай бы ту тэ на явэс, карик бы ту тэ на джас; и Мэ рискира́ва тут пэ дая́ пхув, Мэ на ячкирава тут, пака Мэ кэра́ва саро́ пир дова́, со Мэ ту́кэ пхэндём.”

Psalmy 105:9

савэ́ Ёв дыя́ Авраамо́скэ, и пал савэ́ Ёв дыя́ совла́х Исакоскэ,

Džiibén 20:1

Авраа́мо гия́ одотхы́р пэ паш-дывэ́с (юго), и лыя́ тэ дживэ́л машки́р Кадесо и Суро; и вари-кицы́ дывэса́ сыс дро Гераро.

Džiibén 17:8

и Мэ да́ва ту́кэ и тырэ́-чхавэ́нгирэ родо́скэ пало́ ту́тэ Мэ да́ва дая́ пхув, пир сави́ ту псирэса, сари́ Ханаано́скири пхув, сыр тыро́ миштыпэ́н пэ ве́ко; и Мэ ява́ва лэ́нгиро Дэвэ́л.”

Džiibén 15:18

Дро дова́ дывэ́с Рай Дэвэ́л кэрдя́ заве́то Аврамоса, и пхэндя́: “Тырэ́-чхавэ́нгирэ чхавэ́нца Мэ да́ва дая́ пхув, Египто́скирэ рэка́тыр (лэня́тыр) кэ бари рэка (лэнь), рэка (лэнь) Евфрато,

Džiibén 13:17

ушты́, джа́ пир дая́ пхув дрэ ла́киро длэнгипэ́н и буґлыпэ́н, пал-дова́ со Мэ да́ва ла ту́кэ.”

Džiibén 13:15

пал-дова́ со сари́ пхув, сави́ ту дыкхэ́са, Мэ да́ва ту́кэ и тырэ́ родо́скэ пэ ве́ки,

Džiibén 12:7

И Дэвэ́л сыкадыя́ Аврамоскэ, и пхэндя́: “Дая́ пхув Мэ да́ва тырэ́ родо́скэ, саво́ явэ́ла анги́л.” И ёв кэрдя́ алта́рё одо́й Ра́скэ-Дэвлэ́скэ, Саво́ сыкадыя́ лэ́скэ.

Юдэ́нгэ 11:9

Патяибна́са ёв лыя́ тэ лодэл сыр явирэ – ригакиро ману́ш пир пхув, пал сави́ Дэвэ́л дыя́ лав лэ́скэ; и ёв дживдя́ шатрэ́нца Исаакоса и Яковоса, савэ́нгэ адя́кэ-паць сыс дыно́ лав тэ дорэсэн паш кхэтанэ́;

Filipiicenge 4:9

Саро́, со тумэ́ высыклынэ, и со прилынэ́ и шундлэ́, ци со тумэ́ дыкхнэ́ дрэ ма́ндэ, дова́ и кэрэ́н, и Дэвлэ́скиро рама́нё (миро) явэ́ла тумэ́нца.

Isajos 43:5

На дар, дыкх, Мэ сом ту́са; вастоко́стыр Мэ яна́ва тыро́ кхэри́тко ро́до, западостыр скэда́ва тут.

Isajos 43:2

Ко́ли ту явэ́са тэ пириджас пир пани́, Мэ сом ту́са; ци пир рэ́ки (лэня́) – ёнэ тут на тасадякирэна; подджаса кэ яг – ёй тут на схачкирла.

Psalmy 32:8

Мэ, Рай Дэвэ́л, ява́ва тэ сыклякирав тут чачипнаскэ и сыкава́ва дром, савэ́са трэй ту́кэ тэ джас. Мэ да́ва годыпэ́н ту́кэ, Мири́ якх явэ́ла пэ ту́тэ.

Džiibén 39:21

Нэ Рай Дэвэ́л сыс Ёзаса, и дыя́ кэ ёв тангипэ́н, и дыя́ лэ́скэ ла́ска дрэ якха́ бэшыбнаскирэ барыдыр (фандари́скэ).

Džiibén 39:2

И сыс Рай Дэвэ́л Ёзаса: ёв сыс бахтало́ дрэ рэ́нды (де́лы), и дживдя́ дро пэ́скирэ-хуласкиро Египтяниноскиро кхэр.

Džiibén 26:14

Лэ́стэ сыс бут ґурты, тыкнэ́ мурдалэ́н и табуны барэ́ кхэритконэ́ мурдалэ́н, и древа́н бут фэ́лды тэ почхувэн гив, и Филистимля́ни лынэ́ лэ́скэ тэ дэн якхало (тэ завидынэн).

Džiibén 26:12

И почхувэлас зя́рка дро доя́ пхув Исаа́ко, и дро дова́ бэрш ёв дорэсця́ гив дрэ шэл мо́лы буты́р: адя́кэ бахтякирдя́ лэс Рай Дэвэ́л.

Юдэ́нгэ 6:17

Палдава́ Дэвэ́л выкэдыя́ зоралэды́р тэ сыкавэ́л Пэ́скири напаруибны́тко во́ля тэ кэрэ́л кэ ко́нцо (кэ яго́ро) лав, со Ёв дыя́ одолэ́ манушэ́нгэ, савэ́ прилынэ́ Лэ́скиро пхэндло́ лав, и Ёв допхэндя совлахаса.

Mihiejo 7:20

Ту сыкавэса чачипэ́н Яково́скэ, и ла́ска Авраамо́скэ (Абрамоскэ), пал со Ту совлахадян амарэ́ дадэ́нгэ дрэ дывэса́ ґаратунэ́.

Psalmy 39:12

Ту сыклякири и дэ́са кара (хась) и сыкавэса банг манушэнтэ пал лэ́нгиро чорипэ́н, Ту хасякирэса, сыр моль дова́, со ёв камэ́ла; чачо́, кажно ману́ш исын сыр балвалитко пхурдыпэн. Сэ́ла.

Džiibén 25:11

Пало́ (после) Авраамо́скиро мэрибэ́н Дэвэ́л бахтякирдя́ Исаакос, лэ́скирэ чхавэ́с. Исаа́ко дживдя́ пашы́л Беэр-лахай-рои.

Džiibén 26:24

И дрэ доя́ рат сыкадыя́ лэ́скэ Рай Дэвэ́л, и пхэндя́: “Мэ сом Дэвэ́л, тырэ́-дадэ́скиро Аврамоскиро; на андырша, пал-дова́ со Мэ сом ту́са; и Мэ бахтякирава тут, и Мэ кэра́ва тырэ́-чхавэ́нгиро ро́до, ваш Авраамо́скэ, Мирэ́ писхари́скэ.”

Džiibén 28:13

И ґа́да, Рай Дэвэ́л сыс тэрдо́ пэ ла́тэ и ракирэ́лас: “Мэ сом Рай Дэвэ́л (Яхва́), Дэвэ́л Авраамо́скиро, тырэ́-дадэ́скиро, и Исаакоскиро Дэвэ́л. Пхув, пэ сави́ ту сан пашто́, Мэ да́ва ту́кэ и тырэ́-чхавэ́нгирэ родо́скэ;

Džiibén 31:3

И Рай Дэвэ́л пхэндя́ Яково́скэ: “Рисёв пэ тырэ́-дадэнгири пхув, кай ту бияндыян; и Мэ ява́ва ту́са.”

Džiibén 35:12

пхув, сави́ Мэ дыём Авраамо́скэ и Исаако́скэ, Мэ да́ва ту́кэ, и тырэ́-чхавэ́нгирэ родо́скэ Мэ да́ва дая́ пхув.”

Džiibén 48:21

И пхэндя́ Израилё Ёза́скэ: “Ѓа́да, мэ мэра́ва: и Дэвэ́л явэ́ла тумэ́нца, и рискирэ́ла тумэн палэ пэ тумарэ́-дадэнгири пхув;

Džiibén 50:24

И пхэндя́ Ёза пэ́скирэ пшалэ́нгэ: “Мэ мэра́ва, нэ Дэвэ́л явэ́ла тэ помогинэл, и вылыджала тумэн далэ́ пхувья́тыр пэ пхув, пал сави́ Ёв совлахадя́ Авраамо́скэ, Исаако́скэ и Яково́скэ.”

Vygiiben 6:4

и Мэ чхудём завето Миро лэ́нца, соб (кай) лэ́нгэ тэ дав Ханаанэнгири пхув, пэ сави́ ёнэ дживдэ́.

Vygiiben 6:8

и Мэ залыджава тумэн пэ доя́ пхув, пал сави́ Мэ ґаздыём Миро васт, совлахадём тэ дав ла Авраамо́скэ, Исаако́скэ и Яково́скэ, и Мэ да́ва ла тумэ́нгэ пэ саро́ тумарэ́-родоскиро джиибэ́н. Мэ сом Рай Дэвэ́л.’”

Яви́р Зако́но 1:8

Ѓа́да, Мэ да́ва тумэ́нгэ дая́ пхув, джа́н, лэн дро маёнко пхув, сави́ совлахаса Рай Дэвэ́л дыя́ лав тэ дэл тумарэ́ дадэ́нгэ Авраамо́скэ, Исаако́скэ и Яково́скэ, лэ́нгэ и лэ́нгирэ родо́скэ.

Яви́р Зако́но 34:4

И пхэндя́ лэ́скэ Рай Дэвэ́л: “Ѓа́да, исын пхув, пал сави́ мэ совлахадём Авраамо́скэ, Исаако́скэ и Яково́скэ, ракири́: ‘Родоскэ тырэ́скэ Мэ да́ва ла’; Мэ дыём ту́кэ тэ дыкхэ́с ла якхэ́нца тырэнца, нэ пэ ла́тэ ту на заджаса.”

1 Паралипоменоно 16:16

Дова́, пал со Ёв доракирдяпэ Авраамоса, и дрэ со Ёв совлахадя́ Исаако́скэ,

Džiibén 17:19

И пхэндя́ Дэвэ́л: “Чачэс, Са́рра, тыри́ ромны́, биянэ́ла ту́кэ чхавэ́с, и ту дэ́са лэ́скэ лав: Исаа́ко (Ицхако); и чхува́ва Мэ Миро Завето лэ́са пэ ве́ко, и лэ́скирэ родоса коригэды́р (позжэды́р) лэ́стыр.

Vygiiben 2:24

И шундя́ Дэвэ́л лэ́нгирэ мэ́ньки, и пририпирдя Дэвэ́л Пэ́скиро завето (доракирибэ́н) Авраамоса, Исаакоса и Яковоса.

Vygiiben 3:12

И пхэндя́ Дэвэ́л: “Мэ ява́ва ту́са, и, ґа́да, ту́кэ явэ́ла допхэныбэ́н, со Мэ бичхадём тут: ке́ли ту вылыджаса Египто́стыр манушэ́н, то тумэ́ кэрэ́н мангипэ́н Дэвлэ́скэ пэ дая́ бэ́рга.”

Vygiiben 6:7

и Мэ прилава тумэн Пэ́скэ сыр манушэ́н и Мэ ява́ва тумэ́нгэ Дэвлэ́са, и тумэ́ уджинэна, со Мэ сом Рай Дэвэ́л, Дэвэ́л тумаро́, вылыджии тумэн Египто́скирэ дынарибнастыр;

Čysly 23:19

Дэвэ́л исын на ману́ш, соб (кай) Лэ́скэ тэ хохавэ́л, и Ёв на Манушэ́скиро чхаво́, соб (кай) Лэ́скэ тэ парувэлпэ. Ци Ёв пхэнэ́ла, и на скэрэла? Явэ́ла тэ ракирэ́л, и на кэрэ́ла кэ ко́нцо/кэ яго́ро (на сполнинэла)?

Psalmy 105:8

Ёв усады (сак) рипирэла Пэ́скиро Зако́но, лава́, савэ́ Ёв припхэндя́ барэнгэ (тысёнцэнгэ) родэ́нгэ,