Džiibén 1:11 - Библия - Пэ Балтитко Романи чиб (Романэс) 2019

¹¹ И пхэндя́ Дэвэ́л: “Мэк тэ барьякирэл пхув зэлэныбэн, чар, сави́ дэ́ла семи (вирингли); и кашт (дрэ́во), саво́ дэ́ла барьякирдо́ (пло́до) пир пэ́скиро ро́до, савэскирэ се́ми исын пэ пхув.” И яця́ адя́кэ.

Biblija - Pe Baltitko Romani čib (Romanes) 2019

¹¹ I phendiá Devél: “Mek te barjakirel phuv zelenyben, čar, saví déla siemi (viringli); i kašt (drévo), savó déla barjakirdó (plódo) pir péskiro ródo, saveskire siémi isyn pe phuv.” I jaciá adiáke.

Džiibén 1:11 Referans Kwoze

Юдэ́нгэ 6:7

Дэвэ́л бахтякирэ́ла дасави́ пхув, сави́ лэ́ла пани́ брышындэстыр и савья́тыр гив барьёла ваш одолэ́ манушэ́нгэ, кон кэрэ́ла буты́ пэ ла́тэ;

Psalmy 147:8

Кон учхакирдя́ болыбэ́н облокэ́нца, Кон кэдэла брышы́нд ваш пхув, Кон кэрэ́ла адя́кэ, со чар барьёла пэ бэ́рги.

Džiibén 1:29

И пхэндя́ Дэвэ́л: “А́кэ, Мэ дыём тумэ́нгэ кажно чар, сави́ дэ́ла семи (вирингли), со исын пэ пхув, и кажно кашт (дрэ́во), дро саво́ исын каштуно семё, саво́ дэ́ла барьякирдэ́ (пло́ды): дава́ явэ́ла хабэ́н тумэ́нгэ.

Džiibén 2:9

И Рай Дэвэ́л кэрдя́ адя́кэ, соб (кай) тэ барьёл пхувья́тыр кажно кашт (дрэ́во), шука́р ваш якха́ и лачхо́ ваш хабэ́н, и машкира́л у́нта сыс джиибнытко кашт, и кашт, саво́ дэ́ла джиныбэ́н пал фуипэ́н и лачхипэ́н.

Marko 4:28

А пхув кокори барьякирэ́ла. Анги́л сыкадёла ростко (шчуко), тэ́ньчи колосо, колосо пхэрдёла зяркаса.

Матфеё 6:30

Ко́ли ж дасаво урибэ́н Дэвэ́л дэ́ла фэлдытконэ чарьякэ, сави́ ададывэ́с исын, нэ атася́ явэ́ла чхурдыи дро бов, тэды со ж на фэды́р Ёв дэ́ла тумэ́нгэ урибэ́н, тумэ́ ж сан набарэ́ – патяибнаскирэ мануша́?

Ióvo 28:5

Дрэ пхув барьёла маро́, нэ пхув тэлэ́ исын сы́рбы пиририскирды яга́са.

Psalmy 1:3

И ёв явэ́ла сыр кашт (дрэ́во), со исын чхудо паш панигвалэ рэ́ки (лэня́), саво́ дэ́ла пэ́скири пхабай дро аплодоскиро уляго (пора). Лэ́скирэ патря (листы) ние́кхвар на зашутёна и саро́, со ёв тэ на кэрэ́л, явэ́ла тэ джал бахтяса.

Džiibén 2:5

И кажно фэлдытко хру́сто (кусто), саво́ англэды́р на сыс пэ пхув, и кажно фэлдытко чар, сави́ англэды́р на бария; пал-дова́ со Рай Дэвэ́л, Дэвэ́л англэды́р на бичхадя́ брышы́нд пэ пхув, и на сыс манушэ́с, соб (кай) тэ кэрэ́л буты́ пэ пхув;

Jakov 3:12

Пшала́лэ мирэ́, на могинэ́ла инжыритко кашт тэ биянэ́л маслины, ци винаградоскири рандь инжыро? Адя́кэ-паць и екхэ ґанынгатыр на могинэ́ла тэ тхадэл лондо и гудло́ пани́.

Матфеё 3:10

Акэ, ужэ товэр пашто́ исын пашы́л каштэскиро корнё (рукх): кажно кашт (дрэ́во), со на лыджа́ла лачхо́ барьякирдо́ (пло́до), чингирэна тэлэ́ и чхурдэна дрэ яг.

Ереме́ё 17:8

Пал-дова́ со ёв явэ́ла сыр дрэ́во, со исын почхудо пашы́л паня́, и саво́ роздзиндзькирдя пэ́скирэ ко́рни (рукха́) пашэ́ рэ́кица (лэнори́). И ёв на явэ́ла тэ дарэл, ке́ли явэ́ла хачкирибэ́н, нэ лэ́скири патри́н (листо) явэ́ла зэлэно, и лэ́скэ на явэ́ла трэй тэ дарэл дро шуко бэрш, адя́кэ-паць ёв на пириячэ́ла тэ дэл пхаба́.

Džiibén 2:16

И припхэндя́ Рай Дэвэ́л, Дэвэ́л манушэ́скэ, пхэни́: “Дрэ у́нта каштэ́стыр (дрэвостыр) ту явэ́са тэ хас;

1 Коринфянэнгэ 15:38

и Дэвэ́л дэ́ла ла́кэ форма, сыр Ёв Кокоро́ камэ́ла, и дрэ кажно зя́рка исын пэ́скири форма.

Džiibén 1:12

И барьякирдя пхув зэлэныбэн; чар, сави́ дэ́ла семё; и кашт (дрэ́во), саво́ дэ́ла барьякирдо́ (пло́до) пир пэ́скиро ро́до, савэскирэ семи исын пэ пхув. И дыкхця́ Дэвэ́л, со дава́ сыс шука́р.

Isajos 61:11

И сыр пхув барьякирэл пэ́скэ чарья́, сыр у́нта (садо) барьякирэ́ла дова́, со дрэ ла́кири пхув чхудэ́, адя́кэ и Рай Дэвэ́л сыкавэ́ла чачипэ́н и паты́в анги́л сарэ́ народы.