Džiibén 1:1 - Библия - Пэ Балтитко Романи чиб (Романэс) 2019

¹ Англэды́р сарэ́стыр Дэвэ́л создыя́ болыбэ́н и пхув.

Biblija - Pe Baltitko Romani čib (Romanes) 2019

¹ Angledýr saréstyr Devél sozdyjá bolybén i phuv.

Džiibén 1:1 Referans Kwoze

Юдэ́нгэ 11:3

Екхэ́ патяибна́са амэ ґалёваса, со саро́ свэ́то исын создыно́ Дэвлэ́скирэ лавэ́са, и со саро́, со амэ дыкхаса, сыс кэрдо́ долэ́стыр, со нанэ бицяло́.

Isajos 45:18

Адя́кэ ракирэ́ла Рай Дэвэ́л, Саво́ создыя́ болыбэ́н; Ёв – Дэвэ́л, Саво́ счхудя пхув и дыя́ зор ла́кэ; на ивья́ (напра́снэс) счхудя ла, а соб (кай) тэ дживэ́н пэ ла́тэ; Мэ сом Рай Дэвэ́л и явирэ́с нанэ.

Sykadyipén 4:11

“Амаро́ Рай Дэвэ́л и Дэвэ́л! Ту сан мол тэ прилэс сла́ва, паты́в и зор, пал-дова́ со Ту создыян саро́ и пир Тыри́ во́ля саро́ сыс создыно́ и дживэ́ла.”

Юдэ́нгэ 1:10

И ишчо (инкэ́) пхэндя́ Ёв пал Чхавэ́стэ: “Ту, Раё Дэ́вла, англэды́р сарэ́стыр создыян пхув, и болыбэ́н, дава́ кэрдэ́ васта́ Тырэ́.

Isajos 42:5

Адя́кэ ракирэ́ла Рай Дэвэ́л, Саво́ создыя́ болыбэ́н и штэ́ты лэ́нгирэ, Саво́ создыя́ пхув ла́кирэ джиибнаса, Саво́ дэ́ла, соб (кай) тэ дживэ́л ла́киро народо, Саво́ дэ́ла ду́хо (фа́но) одолэ́нгэ, кон пир пхув псирэ́ла.

Vygiiben 20:11

пал-дова́ со пал шов дывэса́ создыя́ Рай Дэвэ́л болыбэ́н и пхув, мо́рё (дэрья́в) и саро́, со исын дрэ лэ́ндэ, а пэ эфта́то дывэ́с откхиныя; пал-дова́ со Рай Дэвэ́л бахтякирдя́ дывэ́с са́вато и освэнцындя лэс.

Ióvo 38:4

Кай са́нас ту, сыр мэ зачхувавас пхув? Пхэн Ма́нгэ, ко́ли ту сан барэ́-годя́киро?

Apostolengiri Butý 17:24

Дэвэ́л, Саво́ создыя́ свэ́то и саро́, со исын дрэ лэ́стэ, Ёв, Саво́ исын Дэвэ́л болыбнаскэ и пхувьякэ; Ёв на дживэ́ла дрэ кхангирья, савэ́ кэрдэ́ манушы́тка васта́.

2 Petr 3:5

Кадасавэ́ мануша́ думинэна и сы́рбы на джинэ́на дова́, со ґара́ Дэвэ́л припхэндя́ и кэрдэ́пэ болыбэ́н и пхув пане́стыр и пане́са,

Ниеми́я 9:6

Ту, Раё Дэ́вла, сан Екх, Ту создыян болыбэ́н, болыбэ́н пэ болыбэ́н и халадэ́н лэнгирэн, пхув и саро́, со исын пэ ла́тэ, мо́рё (дэрья́в) и саро́, со исын дрэ лэ́стэ, и Ту дэ́са джиибэ́н далэскэ сарэскэ и болыбны́тка халадыбэна дэ́на паты́в Ту́кэ.

Isajos 44:24

Адя́кэ ракирэ́ла Рай Дэвэ́л, Саво́ выкиндя тут, и Саво́ создыя́ тут дрэ дакири лочови́: “Мэ сом Рай Дэвэ́л, Саво́ создыя́ саро́, Мэ екхджино́ протырдыём болыбэ́н и Пэ́скирэ зорья́са росчхудём пхув.

Ереме́ё 32:17

“О Раё Дэ́вла, Раё Дэвлалэ! Акэ, Ту создыян болыбэ́н и пхув Пэ́скирэ барэ́ зорья́са и Пэ́скирэ вытырдынэ псикэса, ваш Ту́кэ нисо́ нанэ пхаро́!

Ереме́ё 51:15

Ёв создыя́ пхув Лэ́скирэ заня́са (глосаса), и Ёв чхудя́ свэ́то Лэ́скирэ годыпнаса, и Ёв роздзиньдзькирдя (ростырдыя) болыбэ́н Лэ́скирэ годя́са.

Psalmy 33:9

Ке́ли Ёв пхэндя́, и саро́ кэрдя́пэ; ёв дыя́ припхэныбэ́н и саро́ яця́.

Pritčy 3:19

Рай Дэвэ́л Пэ́скирэ годыпнаса создыя́ пхув, Ёв Пэ́скирэ ґалыибнаса создыя́ болыбэ́н.

Sykadyipén 14:7

Ёв пхэндя́ зоралэ́ заня́са: “Дарэ́н Дэвлэ́стыр, выпхэнэн сла́ва Лэ́скэ! Лэ́скиро мардо́ (шту́нда) тэ сэндякирэ́л явдя́. Поклонинэнпэ патыва́са Одолэ́скэ, Кон создыя́ болыбэ́н и пхув, и мо́рё (дэрья́в) и пане́нгирэ ґанынгорья́.”

Psalmy 115:15

[23] Рай Дэвэ́л, Кон создыя́ болыбэ́н и пхув, бахтякирэ́ла тут.

Apostolengiri Butý 14:15

ракири́: “Мануша́лэ! Со тумэ́ кэрэ́на? Амэ сам дасавэ́-паць мануша́, сыр и тумэ́, и роспхэнаса бахталы́ зан тумэ́нгэ, и амэ камаса, соб (кай) тумэ́ тэ мэкэ́н кадалэ́ хоханэ́ и́долы и тэ прилэ́н джидэ́ Дэвлэ́с, Саво́ создыя́ болыбэ́н и пхув и пани́, и саро́, со исын дрэ лэ́ндэ;

Psalmy 136:5

Лэ́скэ, Кон создыя́ годыпнаса болыбэ́н, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки;

Ереме́ё 10:12

Ёв создыя́ пхув Пэ́скирэ зорья́са, и Ёв чхудя́ свэ́то Пэ́скирэ годыпнаса, и Ёв роздиньдькирдя (ростырдыя) болыбэ́н Пэ́скирэ годя́са.

1 Коринфянэнгэ 8:6

нэ амэ́ндэ ж исын екх Дэвэ́л Дад, Саво́ создыя́ саро́ и ваш Савэ́скэ амэ дживаса; и исын екх Рай Дэвэ́л, Ису́со Христо́со, пир Савэ́стэ саро́ яця́ и пир Савэ́стэ амэ дживаса.

Psalmy 8:3

Чхаворэ́ и тыкнэмасорэ багана шарибэ́н Ту́кэ, соб (кай) тэ джинэ́н вэ́рги, со Ту пхандэса чиб вэргоскэ и одолэ́скэ, кон исын холынакиро.

Psalmy 102:25

Мэ пхэндём: “Миро Дэ́вла! На закэ́дэ ман джиибнастыр акана́, пака мэ на сом пхуро́. О, Раё Дэ́вла! Сарэ́ ро́ды дыкхэ́на, со Ту ве́чнэс дживэса.

Юдэ́нгэ 3:4

Пал-дова́ со кажно кхэр вари-саво́ ману́ш чхувэ́ла, а Кодова́, Кон чхудя́ саро́, исын Дэвэ́л.

Psalmy 124:8

Дава́ исын Рай Дэвэ́л, Кон помогинэ́ла амэ́нгэ, Саво́ создыя́ болыбэ́н и пхув.

Юдэ́нгэ 1:2

а дрэ далэ́ палатунэ́ (последня) дывэса́ Ёв ракирдя́ амэ́нгэ пир Пэ́скирэ Чхавэ́стэ, Савэс чхудя́ хула́са тэ прилэл Лэ́стыр саро́, и пир Савэ́стэ Ёв создыя́ свэ́то (лот):

Pritčy 16:4

Рай Дэвэ́л кэрдя́ саро́ ваш Пэ́скиро задуминыбэн; и, аж фуе́ манушэ́с ваш хасибны́тко дывэ́с.

Psalmy 33:6

Болыбэ́н сыс создыно́ Ра́скирэ-Дэвлэ́скирэ лавэ́стыр, болыбна́скиро свэ́то сыс создыно́ пхурдыпнаса Лэ́скирэ мо́стыр.

Psalmy 121:2

Рай Дэвэ́л помогинэ́ла ма́нгэ, Саво́ создыя́ болыбэ́н и пхув.

Заха́рия 12:1

Ангилпхэныбэ́н Ра́стыр-Дэвлэ́стыр пало́ Израилё. Адя́кэ ракирэ́ла Рай-Дэвэ́л, Саво́ розбуґлякирдя болыбэ́н, Саво́ кэрдя́ пхув и дыя́ манушэ́скэ ди андрэ́ лэ́стэ, ракирэ́ла:

Isajos 40:28

Ци ту на джинэ́са, ци ту на шундя́н, со ве́чно исын Рай Дэвэ́л, Саво́ создыя́ пхув, николи на кхинёла, и на нашавэла зор, нэ ту на ґалёса Лэ́скири годы́.

Psalmy 104:24

О, Раё Дэ́вла, кицы́ бут Ту создыян! Ту кэрдя́н лэн сарэ́н барэ́ годыпнаса, а пхув исын пхэрды́ Тырэ́ барвалыпнэнца.

Psalmy 96:5

Пал-дова́ со явирэ-нацыенгирэ дэвлорэ́ исын хоханэ́ и́долы, а Рай Дэвэ́л создыя́ болыбэ́н.

Sykadyipén 10:6

и совлахадя́ Одолэса, Кон дживэ́ла пэ сарэ́ ве́ки, Саво́ создыя́ болыбэ́н и дова́, со исын дро Болыбна́скиро Раё, и пхув и дова́, со исын пэ пхув; и мо́рё (дэрья́в) и дова́, со исын дро мо́рё (дэрья́в). И пхэндя́ дава́ Янго́ло, со буты́р на явэ́ла тэ отчхувэлпэ дывэ́с,

Римлянэнгэ 11:36

Пал-дова́ со саро́ джа́ла Лэ́стыр и пир Лэ́стэ и ваш Лэ́скэ. Мэк тэ явэ́л сла́ва Лэ́скэ дрэ ве́ки! Ами́нь.

Apostolengiri Butý 4:24

И ке́ли ёнэ вышундлэ пал саро́ дава́, тэды лынэ́ тэ мангэ́нпэ зоралэ́ заня́са сарэ́ кхэтанэ́ Дэвлэ́скэ и пхэндлэ́: “Раё Дэ́вла! Ту сан Хула́й пэ сарэ́ндэ, Ту, Саво́ создыян болыбэ́н и пхув и паня́ и саро́, со исын дрэ лэ́ндэ:

Psalmy 90:2

О, Раё Дэ́вла! Ту са́нас усады (сак) амэ́нгэ сыр амаро́ кхэр ваш сарэ́ ро́ды!

Isajos 51:16

Мэ чхува́ва андрэ́ Мирэ́ лава́ дрэ тырэ́ ушта́, зэрьяса (тенёса) Пэ́скирэ вастэ́стыр Мэ учхакирава тут, соб (кай) тэ кэра́в болыбэ́н, и тэ дав зор пхувьякэ, и тэ пхэна́в кэ Сио́но: ‘Ту сан Миро народо.’”

Isajos 37:16

“Раё Дэ́вла, болыбна́скирэ-янголэ́нгиро, Дэвэ́л Израилёскиро, Саво́ исын бэшто́ пэ херувимы! Ту сан екх Дэвэ́л пэ сарэ́ пхувитка кралипэна́, Ту создыян пхув и болыбэ́н.

Psalmy 146:6

Ёв создыя́ болыбэ́н и пхув, мо́ри (дэрьява́) и саро́, со исын дрэ лэ́ндэ. Ёв усады (сак) рикирэ́ла патяибэ́н.

Psalmy 134:3

Рай Дэвэ́л, Саво́ создыя́ болыбэ́н и пхув, тэ бахтякирэ́л тумэн Сионо́стыр.

Sykadyipén 22:13

Мэ сом Альфа и Омега, Пэ́рво и Палатуно́, Англыпэ́н и Ко́нцо (Яго́ро).

1 Ian 1:1

Пал дова́, со сыс англыпна́стыр, пал дова́, со амэ шундя́м, со дыкхцям пэ́скирэ якхэ́нца, со амэ роздыкхасас, и со чилавэнас амарэ́ васта́, дова́ и амэ пхэнасас пал Джиибна́скиро лав, –

Marko 13:19

Тэды явэ́ла дасави́ пхари́ би́да, сави́ на сыс свэто́скирэ англыпна́стыр, саво́ Дэвэ́л кэрдя́, кэ ададывэ́с, и со буты́р на явэ́ла ние́кхвар.

Isajos 40:26

Ѓаздэн тумарэ́ якха́ кэ вучо́ болыбэ́н и подыкхэн? Кон лэс создыя́? Кон вылыджала Пэ́скирэ чэргэня́ и гинэ́ла лэн? Сарэ́ чэргэня́ Ёв кхарэ́ла пир лав, ничи́ на хасёла Лэ́стэ, пал-дова́ со исын лэ́стэ бари зор и зоралыпэ́н.

Psalmy 104:30

Ту бичхавэса Тыро́ ду́хо (фа́но) и ёнэ создэнапэ, и Ту кэрэ́са адя́кэ, со Ту нэвякирэса джиибэ́н пэ пхув.

1 Паралипоменоно 16:26

Пал-дова́ со сарэ́ манушэ́нгирэ дэвлорэ́ исын нисо́; а Рай Дэвэ́л создыя́ болыбэ́н.

Sykadyipén 21:6

И Ёв пхэндя́ ма́нгэ: “Кэрдя́пэ кэ ко́нцо (яго́ро) (сполниндяпэ). Мэ сом Альфа и Омега, Англыпэ́н и Ко́нцо (Яго́ро). Одолэ́скэ, конэ́стэ исын смэга (жажда), Мэ да́ва тэ пьел джиибна́скирэ-панё́скирэ ґанынгорьятыр би ловэнгиро.

Эфесянэнгэ 3:9

И тэ роспхэнав сарэ́нгэ, пал дава́ чорахано кэрибэн, саво́ сыс чхакирдо векэндыр дрэ Дэвлэ́стэ, Саво́ саро́ кэрдя́ пир Исусо́стэ Христосо́стэ.

Isajos 51:13

Кон ту сан, ко́ли бистрэса Рас-Дэвлэ́с, Саво́ тут создыя́, Саво́ протырдыя́ болыбэ́н и дыя́ джиибэ́н пхувьякэ? Кажно дывэ́с ту дарэса тырэ́-вэргоскирэ холя́тыр, адя́кэ, сы́рбы вэ́рго исын пашы́л ту́тэ, саво́ камэ́ла тэ хасякирэ́л тут. Нэ кай исын лэ́скири холы́?

Isajos 65:17

Акэ, Мэ кэра́ва нэво́ болыбэ́н и нэви́ пхув; пал доя́ пхув болыбнаса, савэ́ сыс англэды́р вагэдыр (ґарэдыр) буты́р на пририпирна.

Sykadyipén 3:14

И чхин Янголоскэ Лаодикиякирэ кхангирья́тыр: “Дава́ ракирэ́ла “Ами́нь”, патяибны́тко и чачуно́ Якхи́тко, Саво́ исын англыпэ́н сарэскэ, со́стыр Дэвэ́л создыя́ свэ́то:

Ióvo 26:13

Пэ́скирэ духо́са Ёв вышукарьякирэла болыбэ́н и Лэ́скиро васт прокурдя сыгнонэ сапэс.

Ekliesiastos 12:1

И ри́пир тырэ́ Создыибнаскирэс дрэ тырэ́ тэрныпнаскирэ дывэса́ анги́л дова́, сыр явэ́на пхарэ́ дывэса́ кэ пхурипэн, и сыр явэ́на дасавэ́ бэрша́, со ту пхэнэ́са пал лэ́ндэ: “Ма́ндэ нанэ лош (весёлыма) лэ́ндыр.”

Матфеё 11:25

Дро до-паць часо, ке́ли Ису́со отпхэнэ́лас лэ́нгэ, пхэндя́ Ёв дурэды́р: “Мэ славинава Тут, Да́до, Рай Дэвэ́л Болыбна́скиро и пхувья́киро, со Ту ґарадян дава́ годьварэндыр и барэ́-годякирэндыр, и откэрдян дава́ бияторэнгэ;

Vygiiben 31:18

И ке́ли Дэвэ́л пирияця́ тэ ракирэ́л Мойзаса пэ бэ́рга Синаё, Ёв дыя́ лэ́скэ дуй таблицы (скрижа́ли) досыкаибна́са (откровенияса), барунэ́ скрижа́ли, пэ савэ́ чхиндло́ сыс Дэвлэ́скирэ ангуштэса.

Ióvo 9:8

Дэвэ́л Кокоро́ чхудя́ болыбэ́н, и Ёв штавэла пир вучэ́-морёскирэ (дэрьявэ́скирэ) валны:

Isajos 40:21

Ци тумэ́ на джинэ́на? Ци тумэ́ на шундлэ́? Ци на ракирэ́нас тумэ́нгэ англэды́р сарэ́стыр, ци на ґалынэ́ тумэ́ пхувья́кирэ создыибнастыр?

4 Kralip 19:15

И мангдя́пэ Езэки́я анги́л Растэ-Дэвлэ́стэ, и ракирдя́: “Раё Дэ́вла, Дэвэ́л Израилёскиро, Саво́ исын бэшто́ пэ херувимы! Ту сан е́кх Дэвэ́л пэ сарэ́ пхувья́кирэ кралипэна́, Ту создыян болыбэ́н и пхув.

2 Паралипоменоно 2:11

И отпхэндя́ Хирамо, кра́ли Тиростыр, лылэса, саво́ бичхадя́ кэ Соломо́но: “Пир ла́ска кэ мануша́ Лэ́скирэ, Рай Дэвэ́л чхудя́ тут крали́са пэ лэ́ндэ.”

Psalmy 8:4

Ке́ли мэ дыкха́ва болыбэ́н, со Ту создыян, чхон и чэргэня́, со Ту чхудя́н,