Дание́лё 9:7 - Библия - Пэ Балтитко Романи чиб (Романэс) 2019

⁷ Ту́тэ, Раё, исын чачипэ́н, и амэ́ндэ пэ муя́ исын ладж; сыр акана́, кажнонэ́ Юдостэ, сыр Ерусалимо́скирэ джиибнаскирьендэ, и кэ саро́ Израилё, дрэ пашатунэндэ и дуранэндэ, дрэ сарэ́ тхэма, карик Ту традыян лэн пало́ лэ́нгиро отгиибэн, савэ́са ёнэ отгинэ́ Ту́тыр.

Biblija - Pe Baltitko Romani čib (Romanes) 2019

⁷ Túte, Rajo, isyn čačipén, i aménde pe muiá isyn ladž; syr akaná, kažnoné Judoste, syr Jerusalimóskire džiibnaskir'jende, i ke saró Izrailjo, dre pašatunende i duranende, dre saré thema, karik Tu tradyjan len paló léngiro otgiiben, savésa jone otginé Tútyr.

Дание́лё 9:7 Referans Kwoze

Дание́лё 9:14

Палдава́ приракхця о Рай Дэвэ́л кадасави би́да и бичхадя́ ла пэ амэ́ндэ; пал-дова́ со чачуно́ исын Рай Дэвэ́л амаро́ дро сарэ́ Лэ́скирэ рэ́нды, Савэ кэрэ́ла, нэ амэ на кандыям зан Лэ́скири.

Дание́лё 9:8

Раё Дэ́вла! Амэ́ндэ ладж исын пэ муя́, амарэ́ кралье́ндэ, амарэ́ тхагарьендэ и амарэ́ дадэндэ, пал-дова́ со амэ грэ́хо кэрдя́м анги́л Ту́тэ.

Ереме́ё 3:25

Амэ сам паштэ́ дрэ амари́ ладж, и амаро́ биладжаипэ́н чхакирдя амэн: пал-дова́ со амэ кэрдя́м грэ́хо проти Растэ-Дэвлэ́стэ, амарэ́ Дэвлэ́стэ: амэ и амарэ́ дада́, амарэ́ тырныпнастыр кэ ададывэ́с, и амэ на кандыям Ра́скирэ-Дэвлэ́скири, амарэ́-Дэвлэ́скири зан!”

Psalmy 44:15

Ту кэрдя́н амэ́ндыр сабнытко приме́ро (сыкаибэ́н) машки́р Наюды́тка на́цыи, мануша́ кунякирэна шэрэнца паш амэ́ндэ.

Яви́р Зако́но 4:27

и росчхурдэла тумэн Рай Дэвэ́л пир сарэ́ манушэ́ндэ тэ дживэ́н, и ячэ́напэ пэ на́бут машкира́л манушэ́ндэ, кэ савэ́ залыджала тумэн Рай Дэвэ́л.

Римлянэнгэ 6:21

Савэ лачхэ́ рэ́нды тумэ́ тэды кэрдэ́? Долэ́, савэ́ндыр тумэ́ какана́ кокорэ́ ладжана, пал-дова́ со лэ́нгиро ко́нцо (яго́ро) исыс мэрибэ́н.

Amoso 9:9

“Пал-дова́ со Мэ припхэнава, и Мэ росчхувава манушэ́н Израилёскирэ кхэрэ́стыр, машки́р сарэ́ на́цыи сы́рбы гив росчхувэлапэ дро поризэ́н (рошо́то); нэ и са́мо тыкнэды́р зя́рка на пэрэ́ла пэ пхув.

Езэкилё 36:31

Тэ́ньци пририпирэна тумэ́ пал захалэ тумарэ́ дрома́, пал налачхэ́ тумарэ́ рэ́нды, и явэ́ла джунгало́ (брытко) дро тумаро́ ило́ пал чорипэ́н и биладжакунэ́ рэ́нды, савэ́ тумэ́ кэрэ́нас.

Езэкилё 16:63

соб (кай) ту тэ рипирэс и тэ ладжас, соб (кай) нашты́ сыс ту́кэ лав тэ пхэнэ́с ладжатыр, ко́ли Мэ отмэка́ва ту́кэ саро́, со ту кэрдя́н”, – ракирэ́ла Рай Дэвэ́л, Дэвэ́л.

Ереме́ё 24:9

И Мэ здава лэн, соб (кай) лэн тэ традэ́н одори́к и палэ пир сарэ́ кралипэна́ пэ пхув пэ биба́хт, соб (кай) тэ обракирэн лэн сы́рбы припхэныбэ́н, соб (кай) тэ высан лэн сыр прокошыбэ́н (арман) пир сарэ́ штэ́ты, кэ савэ́ Мэ традыём лэн.

Ереме́ё 12:1

Чачуно́ сан Ту, Рай Дэвэ́л, ко́ли мэ ява́ва тэ лыджав миро рэ́ндо Ту́са, мэк мэ тэ ракира́в пал Тыро́ чачипэ́н. Со́скэ да злыднитконэ манушэ́нгэ удэлапэ кэ миштыпэ́н? Со́скэ исын куч одолэ́нгэ, савэ́ исын бикиибнарья [нахрата-р.с.]?

Isajos 45:16

Сарэ́ ёнэ явэ́на ладжакирдэ́; кхэтанэ́ лэ́нца джа́на ладжаса и одолэ́, кон кэрэ́ла и́долы.

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Psalmy 119:137

Ту сан чачипна́скиро, о Раё Дэ́вла, и Тырэ́ сэнды исын чачунэ́.

Psalmy 51:14

Дэ палэ ма́нгэ тэ радынавпэ, со Ту зракхэ́са ман, подрикир ман лачхэ́ духо́са.

Psalmy 51:4

Вымо́р (хала́в) ман сарэ́са мирэ́ чорипна́стыр и жужакир ман мирэ́ грэхостыр.

Ниеми́я 9:33

Дро саро́, со амэ́нца кэрдя́пэ, Ту сан чачуно (право), пал-дова́ со Ту кэрдэн пир чачипэ́н и амэ сам бангэ́.

Е́здра 9:13

И пало́ саро́ (после) дава́, со явдя́ пэ амэ́ндэ пал сарэ́ амарэ́ чорэ́ рэ́нды, и пал сари́ амари́ бари банг, дыкхи́, со Ту, Дэ́вла амаро́, сэндякирдян амэн на адя́кэ пхарэ́с, кицы́ амэ са́мас бангэ́, и Ту зракхця́н амэ́нгэ ада́кицы манушэ́н, –

Яви́р Зако́но 32:4

Ёв исын зоралы́ Твардыма; Лэ́скирэ рэ́нды исын бидошэнгирэ, и сарэ́ дрома́ Лэ́скирэ исын чачунэ́. Дэвэ́л исын чачуно́, и нанэ начачипэ́н дрэ Лэ́стэ; Ёв исын чачуно́ и патяибны́тко.

Е́здра 9:15

О, Раё Дэ́вла! Дэ́вла Израилёскиро, Ту сан чачипна́скиро! Ту ж ячкирдян амэн тэ джива́с, сыр дава́ исын кэ ададывэ́с. Акэ, амэ сам анги́л Ту́тэ амарэ́ чорипнаса; пал-дова́ со пал дова́ саро́ амэ́нгэ нашты́ тэ тэрдёвас анги́л Ту́тэ.”

Ереме́ё 23:6

Дрэ долэ́ дывэса́ Юдэ́я явэ́ла зракхны, и Израилё явэ́ла тэ дживэ́л би дара́киро. Ёв явэ́ла тэ кхарэлпэ: ‘Рай Дэвэ́л исын амаро́ Чачипэ́н.’

Ереме́ё 33:16

Дрэ долэ́ дывэса́ Юда зракхэ́лапэ, и Ерусалимо явэ́ла тэ дживэ́л би дара́киро. Акэ, исын лав, савэ́са ёв явэ́ла тэ кхарэлпэ: ‘Рай Дэвэ́л – амаро́ чачипэ́н.

Езэкилё 6:12

Кон исын дур, кодова́ мэрэ́ла мэрибнытконэ франсэндыр, а кон ячэ́лапэ, одова́ мэрэ́ла бокха́тыр. Адя́кэ Мэ выпхэрдякирава пэ лэ́ндэ Мири́ бари холы́.

Дание́лё 9:18

Причху́в, миро Дэ́вла, кан Тыро́ и шун, откэр Тырэ́ якха́ и дыкх пэ амарэ́ чхучипэна и пэ фо́ро, саво́ кхардо пир лав Тыро́; пал-дова́ со амэ кэдасам амарэ́ мангипэна анги́л Ту́тэ, амарэ́ чачунэ́ рэ́нды, нэ пир Тыри́ бари лачхэ́-илы́ткима.

Ереме́ё 4:17

Сы́рбы ракхибнаскирэ пэ фэ́лда, ёнэ сарэ́ обджана трусця́л Ерусалимо, пал-дова́ со дава́ фо́ро газдыя бу́нто пэ Ма́ндэ’, – пхэндя́ Рай Дэвэ́л.

Ереме́ё 7:19

Ци дава́ ёнэ Ман дукхавэна тэ холясовав?”, – ракирэ́ла Рай Дэвэ́л. “Ци дава́ ёнэ на кокорэ́ пэс дукхавэнас пэ нашукарипэн пэ́скэ?

Ереме́ё 32:32

пал саро́ чорипэ́н, со кэрдэ́ чхавэ́ Израилёстыр, и чхавэ́ Юдэя́тыр, со ёнэ дынэ́ яг Мирэ́ холякэ пэ лэ́ндэ: ёнэ, лэ́нгирэ кра́лья, лэ́нгирэ тхага́рья, лэ́нгирэ рашая́ и лэ́нгирэ проро́ки, мурша́ Юдэя́кирэ и джиибна́скирэ (жытели) Ерусалимо́скирэ.

Езэкилё 5:10

Пал дова́ дада́ явэ́на тэ хан машки́р ту́тэ чхавэ́н, а чхавэ́ явэ́на тэ хан дадэн. А Мэ ява́ва тэ сэндякирав тут, а тыро́ ячаибэ́н роспхурдава пир сарэ́ балваля.