Biblia Todo Logo
Bib sou entènèt

- Piblisite -




Дание́лё 9:6 - Библия - Пэ Балтитко Романи чиб (Романэс) 2019

6 со кандасас писхарье́н Тырэ́н, э пророкэ́н, савэ́ Тырэ́ лавэ́стыр ракирдэ́ амарэ́ кральенгэ, и амарэ́ тхагарьенгэ, и амарэ́ дадэ́нгэ, и сарэ́ манушэ́нгэ долэ́ тхэмэстыр.

Gade chapit la Kopi

Biblija - Pe Baltitko Romani čib (Romanes) 2019

6 so kandasas pishar'jén Tyrén, e prorokén, savé Tyré lavéstyr rakirdé amaré kral'jenge, i amaré thagar'jenge, i amaré dadénge, i saré manušénge dolé themestyr.

Gade chapit la Kopi




Дание́лё 9:6
29 Referans Kwoze  

И амэ на кандыям зан Ра́скирэ-Дэвлэ́скири, амарэскири, соб (кай) тэ кэра́с пир Лэ́скирэ зако́ны, савэ́ Ёв дыя́ амэ́нгэ пир Лэ́скирэ дынарьендэ, пророкэ́ндэ.


Амарэ́ кра́лья, тхага́рья амарэ́, рашая́ и дада́ амарэ́ на дживдэ́ пир Зако́но и на шундлэ́ Тырэ́ припхэныбэна́ и пририпирибэна Тырэ́.


Амарэ́-дадэ́скирэ дывэсэ́ндыр кэ дава́ дывэ́с амэ́ндэ исын бари банг. Пал амаро́ чорипэ́н амэ, амарэ́ кра́лья, амарэ́ рашая́, пыям дрэ Кралье́нгирэ васта́ явирэ тхэмэндыр, кон тэл курта́ла, кон дро пле́но, конэ́с росчордэ, конэ́с ладжакирдэ́, сыр исын ададывэ́с.


со мануша́, савэ́ дживдэ́ кэ Ерусалимо и лэ́нгирэ барыдыра́, на уджиндлэ́ Исусо́с, ёнэ сэндиндлэ пхарэ́с Лэс и далэ́са-паць кэрдэ́ дова́, со ракирдэ́ проро́ки, далэ́ лава́ амэ гинаса кажно саватонэ́ (суботонэ́), сы́рбы сэндинаса Лэс.


Ерусалимэ! Ерусалимэ! Дро саво́ мулякирэнас пророкэ́н и шулякирэнас барэ́нца кодолэ́н, савэ́н бичхадэ́ кэ ту. Кицы́ мо́лы Мэ кама́м тэ скэдав чхаворэ́н тырэ́н, сыр чириклы скэдэ́ла чириклорэн тэл пхак и тумэ́ на камлэ́!


“Со касынэлапэ лав, со ту пхэндя́н амэ́нгэ Ра́скирэ-Дэвлэ́скирэ лавэ́стыр, амэ на ява́са тэ шунас дава́ лав ту́тыр!


пал-дова́ со ёнэ на шундлэ́ Мирэ́ лава́’, – ракирэ́ла Рай Дэвэ́л, – савэ́ Мэ пирипхэндём пир Мирэ́ писхарьендэ, Мирэ́ пророкэ́ндэ, пэ зло́ко (пэ ра́нко) бичхававас Мэ, нэ ёнэ на шундлэ́’, – ракирэ́ла Рай Дэвэ́л.


соб (кай) тэ причхувэ́н кан кэ Мирэ́ дынарьенгирэ, Мирэ́ пророкэ́нгирэ лава́, савэ́н Мэ бичхадём кэ тумэ́, пэ зло́ко (ра́нко) Мэ бичхававас, нэ тумэ́ на причхудэ кан;


И акана́, пал-дова́ со тумэ́ кэрдэ́ сарэ́ далэ́ бутя́, – пхэндя́ Рай Дэвэ́л, – и мэк Мэ и ракирдём тумэ́нгэ, сыр Мэ уштавас тася́рлэс (ра́нэс) пэ зло́ко (фра́нсо) и Мэ пхэндём, нэ тумэ́ на шундлэ́ Ман, и Мэ кхардём тумэн, нэ тумэ́ на отпхэндлэ́ Ма́нгэ:


Акана́, амаро́ Дэ́вла, Дэ́вла баро́, Саво́ исын, зорало́, трашало, Саво́ ракхэ́ла Завето и ла́ска! Мэк тэ на явэ́л набарипнаса сари́ мэнька, сави́ кэрдя́пэ амэ́нца, амарэ́ кральенца, тхагарьенца амарэнца, рашанца амарэнца, пророкэнца амарэнца и амарэ́ дадэ́нца и саро́ народо тыро́, дывэсэ́ндыр Асириякир кральендыр кэ ададывэсатуно дывэ́с.


И ракирдя́ Рай Дэвэ́л кэ Мана́сия и кэ лэ́скирэ мануша́; нэ ёнэ на шундлэ́.


Пал-дова́, со ёнэ на шундлэ́ пэ́скирэ Ра́скирэ-Дэвлэ́скири зан (глос), и пиригинэ́ Заве́то Лэ́скиро, саро́, со припхэндя́ лэ́нгэ Мо́йза (Моисеё), Ра́скирэ-Дэвлэ́скиро писха́ри; ёнэ и на шундлэ́, и на сполниндлэ.


И амарэ́ Растэ-Дэвлэ́стэ исын ла́ска, отмэкибэн грэхэнгиро, пал-дова́ со амэ са́мас бунтуи́тка проти Лэ́стэ.


Ужакири лэ́нгиро рисибэн кэ Ту, Ту учхакирдян бут бэ́рги и пририпирэсас лэ́нгэ Пэ́скирэ Духо́са пир пророкэ́ндэ, нэ ёнэ на шундлэ́. И ту пиридыян лэн тэ васта́ явирэ народэнгэ.


Нэ ёнэ на кандынэ́, и ёнэ на причхудэ кан тэ шунэ́н, нэ ёнэ дживдэ́ пир пэ́скири годы́, пир пэ́скирэ пхарэ́, бибахталэ́ илэ, и ёнэ рисинэ́ думэса, а на мо́са кэ Мэ.


Swiv nou:

Piblisite


Piblisite