Дание́лё 9:5 - Библия - Пэ Балтитко Романи чиб (Романэс) 2019

⁵ Кэрдя́м грэ́хо амэ, бизаконытка рэ́нды, кэрасас бипатывалэс, кэрдя́м бу́нто и отгиям Тырэ́ припхэныбнастыр и Тырэ́ упхэныбнастыр,

Biblija - Pe Baltitko Romani čib (Romanes) 2019

⁵ Kerdiám grého ame, bizakonytka réndy, kerasas bipatyvales, kerdiám búnto i otgijam Tyré priphenybnastyr i Tyré uphenybnastyr,

Дание́лё 9:5 Referans Kwoze

Малахия 3:7

Нэ тумэ́ рисинэ́ криг Мирэ́ статутэндыр (уставэндыр) долэ́ дывэсэ́ндыр, ке́ли сыс тумарэ́ дада́, и тумэ́ на ракхнэ лэн. Рисён кэ Мэ, и Мэ рисёва́ва кэ тумэ́”, – ракирэ́ла янголэ́нгирэ-болыбна́скиро Рай Дэвэ́л. Нэ тумэ́ ракирэ́на: ‘Сыр амэ́нгэ тэ рисёвас?’

Дание́лё 9:11

И саро́ Израилё пхагирдя́ Зако́но Тыро́, и отрисия, соб (кай) тэ на кандэл зан Тыри́; и палдава́ вытхадыя пэ амэ́ндэ прокошыбэ́н и совла́х, савэ́ исын зачхиндлэ́ дро Мойза́скиро Зако́но, Дэвлыканэ дынарискиро, пал-дова́ со амэ кэрдя́м грэ́хо анги́л Ту́тэ.

Дание́лё 9:15

Акана́, Раё Дэ́вла амаро́, Саво́ лыджия́ Тырэ́ манушэ́н Египто́скирэ пхувья́тыр зоралэ́ вастэ́са и сыкави́ Тыри́ сла́ва, сыр ададывэ́с! Кэрдя́м грэ́хо амэ, кэрдя́м напатывалэс.

Psalmy 106:6

Амэ дадэ́нца кэрдя́м грэ́хи, амэ кэрдя́м чорипэ́н, амэ са́мас фуй мануша́.

Юдэ́нгэ 3:12

Пшала́лэ, дыкхэ́н, соб (кай) тэ на явэ́л пхутькирдо ило́ ни дрэ конэ́стэ тумэ́ндыр, саво́ на кандэ́ла Дэвлэ́с, соб (кай) тумэ́ тэ на отджан джидэ́ Дэвлэ́стыр.

Osija 1:2

Акэ, сыр Рай Дэвэ́л лыя́ тэ ракирэ́л пир Осия́стэ. И пхэндя́ Рай-Дэвэ́л Осияскэ: “Джа́, лэ пэ́скэ биладжакуня джувля́, и тэ явэ́н тырэ́ чхаворэ́ биладжакунэ́. Пал-дова́ со дая́ пхув древа́н кэрэ́ла биладжаипэ́н (марки), сыр лэ́нгирэ мануша́ дурьёна (отгинэ́) Ра́стыр-Дэвлэ́стыр.”

Езэкилё 6:9

И явэ́на тэ рипирэ́н пал Ма́нгэ кодолэ́, савэ́ ячэ́напэ джидэ́ машки́р народы, карик лэн традынэ. Пририпирна, ко́ли зачилавава лэ́нгиро биладжакиро ило́, со отпыя Ма́ндыр, и лэ́нгирэ якха́, савэ́ парувэнас Ма́нгэ анги́л и́долы. И ячэ́ла лэ́нгэ накуч дрэ лэ́нгирэ илэ пал дова́ чорипэ́н, саво́ ёнэ кэрэ́нас дрэ сарэ́ пэ́скрэ джунгалэ́ рэ́нды (де́лы).

Roiben 1:20

Дыкх, Раё Дэ́вла, сыр бари биба́хт пыя́ пэ ма́ндэ; миро ди исын дрэ траш, миро ило́ рискирдяпэ упрэ́ дрэ ма́ндэ, пал-дова́ со мэ кэравас дова́, со мэ камамас. Яврестыр какана́ курта́ла (мечо) чингирэла шэро́, нэ кхэрэ́ исын сы́рбы мэрибэ́н.

Ереме́ё 14:7

‘Раё Дэ́вла! Мэк амаро́ чорипэ́н тэ допхэнэл пэ амэ́ндэ, кэр вари-со Тырэ́ лавэ́стыр; пал-дова́ со амэ бут отпыям Ту́тыр – амэ кэрдя́м грэ́хи проти Ту́тэ.

Psalmy 18:21

Ёв отдыя́ палэ лачхипна́са пал миро чачипэ́н; Ёв бахтякирдя́ ман пал дова́, со мэ со́мас бибангипнаскиро.

Ереме́ё 3:25

Амэ сам паштэ́ дрэ амари́ ладж, и амаро́ биладжаипэ́н чхакирдя амэн: пал-дова́ со амэ кэрдя́м грэ́хо проти Растэ-Дэвлэ́стэ, амарэ́ Дэвлэ́стэ: амэ и амарэ́ дада́, амарэ́ тырныпнастыр кэ ададывэ́с, и амэ на кандыям Ра́скирэ-Дэвлэ́скири, амарэ́-Дэвлэ́скири зан!”

Isajos 59:13

Амэ парудям Ра́скэ-Дэвлэ́скэ и хохадям; отгиям амарэ́ Дэвлэ́стыр; амэ ракирасас хохаибэ́н и пал паруибэн; амарэ́ илэ́стыр выджа́нас хоханэ́ лава́.

Isajos 53:6

Сарэ́ амэ, сыр бакря́ псирасас, гиям кажно пэ́скирэ дромэ́са, и Рай Дэвэ́л чхудя́ пэ Лэ́стэ грэ́хи, савэ́ сарэ́ амэ кэрдя́м.

Psalmy 119:102

Мэ на рисиём криг Тырэ́ сэндостыр, пал-дова́ со Ту сыклякирдян ман.

Е́здра 9:6

и пхэндём мэ: “О миро Дэ́вла! Мэ ладжава и ма́нгэ нанэ муршкипэн тэ ґаздав миро муй кэ Ту, миро Дэ́вла; пал-дова́ со амаро́ чорипэ́н ґаздыя́пэ вучэды́р амарэ́ шэрэндыр, и амари́ банг бария кэ болыбэ́н.

Psalmy 119:176

Мэ гиём дрэ риг сыр бакри, сави́ нашадыя: придыкхпэ пашылэды́р кэ Тыро́ писха́ри; пал-дова́ со мэ на бистрава Тырэ́ припхэныбэна́.

Ереме́ё 44:3

пал лэ́нгирэ фуй рэ́нды, савэ́ ёнэ кэрдэ́, соб (кай) тэ дэн яг Мирэ́ холякэ пир дова́, со ёнэ псирдэ́ тэ хачкирэ́н дро́га смо́лы и тэ дынаринэ́н явирэ дэвлорэ́нгэ, савэ́н ёнэ на джиндлэ́, ни тумэ́, ни тумарэ́ дада́.

Roiben 1:18

Рай Дэвэ́л исын чачипна́скиро, пал-дова́ со да мэ кэрдём бу́нто пэ Лэ́скирэ припхэныбэна́. Шунэ́н, какана́, сарэ́ манушыпнаскирэ на́цыи, и, ґа́да, мэ пыём дро ду́хо (фа́но), а мэ, мирэ́ чхая́ и мирэ́ тырнэ мануша́ гинэ́ дро пле́но.

Roiben 3:42

Амэ кэрдя́м чорипэ́н и бу́нто: Ту на отмэкцян амари́ банг.

Дание́лё 9:9

И амарэ́ Растэ-Дэвлэ́стэ исын ла́ска, отмэкибэн грэхэнгиро, пал-дова́ со амэ са́мас бунтуи́тка проти Лэ́стэ.

4 Kralip 18:12

Пал-дова́, со ёнэ на шундлэ́ пэ́скирэ Ра́скирэ-Дэвлэ́скири зан (глос), и пиригинэ́ Заве́то Лэ́скиро, саро́, со припхэндя́ лэ́нгэ Мо́йза (Моисеё), Ра́скирэ-Дэвлэ́скиро писха́ри; ёнэ и на шундлэ́, и на сполниндлэ.

4 Kralip 21:15

Палдава́, со ёнэ кэрдэ́ фуипэ́н дрэ якха́ Мирэ́, и холякирдэ Ман долэ́ дывэсэ́стыр, сыр выгинэ́ лэ́нгирэ дада́ Египто́стыр, и кэ дава́ дывэ́с.”

Isajos 64:4

Пал-дова́ со николи мануша́ на шунэнас канэнца, и нисави́ якх на дыкхця́ явирэ́с дэвлорэс. Ту сан Екх Дэвэ́л, Саво́ бут кэрдя́ ваш одолэ́нгэ, конэ́стэ исын наде́я пэ Ту́тэ.

Ереме́ё 14:20

Раё Дэ́вла! Амэ приджинаса амаро́ фуипэ́н, и чорипэ́н, со кэрдэ́ амарэ́ дада́; пал-дова́ со амэ кэрдя́м грэ́хо проти Ту́тэ.

Ереме́ё 30:14

Сарэ́ тырэ́ дру́ги (мала́) бистырдэ пал ту́тэ; ёнэ на родэ́на тут. Мэ ж пэкадём тут вэргитконэ дабаса сыр биде́скири ка́ра пал баро́ тыро́ чорипэ́н, пал-дова́ со тырэ́ грэ́хи выбаринэ.

Езэкилё 5:6

А Ерусалимо кэрдя́ Мирэ́ припхэныбнэнца фуеды́р Наюдытконэ́ нацые́ндыр. Ёв кэрдя́ Мирэ́ закононэнца накучэдыр, со́са пхувья́, савэ́ исын пашы́л лэ́стэ. Ёнэ отпхэндлэпэ Мирэ́ упхэныбнэндыр, ёнэ на дживэ́нас пир Мирэ́ стату́ты.”