Дание́лё 9:3 - Библия - Пэ Балтитко Романи чиб (Романэс) 2019

³ И рискирдём мэ муй миро Ра́скэ-Дэвлэ́скэ патерьяса и мангипнаса дро посто и дро балытко гоно́ праскаса.

Biblija - Pe Baltitko Romani čib (Romanes) 2019

³ I riskirdjom me muj miro Ráske-Devléske patierjasa i mangipnasa dro posto i dro balytko gonó praskasa.

Дание́лё 9:3 Referans Kwoze

Ереме́ё 33:3

‘Кхар Ман Мирэ́ лавэ́са, и Мэ отпхэнава ту́кэ, и Мэ сыкава́ва ту́кэ барэ́ и гарадэ́ рэ́нды (де́лы), и савэ́ ту на джинэ́са!’

Ester 4:16

“Джа́, скэ́дэ сарэ́ Юдэ́н, савэ́ исын дрэ Сузы, и постинэн ваш ма́нгэ, и на хан и на пьен трин дывэса́, ни дывэсэ́, ни раты́, и мэ пэ́скирэ бутярнэнца адя́кэ-паць ява́ва тэ постинав, и коригэды́р (позжэ) мэ джа́ва кэ кра́ли, хоць дава́ исын проти зако́но, и ко́ли трэй явэ́ла тэ хасёвав, то хасёвава.”

Е́здра 9:5

Пэ бэльвэлякиро свэ́нто дыибэ́н мэ уштыём постостыр, и дрэ роскушны и́дя и шалниро, мэ пыём пэ чанга́ и диндькирдём мирэ́ васта́ кэ Рай Дэвэ́л, миро Дэвэ́л,

Е́здра 10:6

И ёнэ дынэ́ совла́х. И тэрдия́ пэ ґэра́ Е́здра анги́л Кхэр (Кхангири́) Дэвлэ́скиро, и гия́ дро кхэр Иохананоскиро, кон сыс Елияшывоскиро чхаво́. И ке́ли ёв сыс одо́й, ёв на хая, и на пия, пал-дова́ со ёв тугиндя ясвэ́нца пал одолэнгири банг, савэ́ сыс дро пле́но.

Е́здра 8:21

И пхэндём мэ зоралэ́с анги́л манушэ́ндэ, соб (кай) тэ постинас пашы́л рэка (лэнь) Агава, соб (кай) тэ тыкнякирас пэс дрэ амарэ́ илэ анги́л амарэ́ Дэвлэ́стэ, тэ вымангас Лэ́стыр бахтало́ дром амэ́нгэ и амарэ́ тыкнэнгэ, и ваш саро́ амаро́ миштыпэ́н.

Apostolengiri Butý 10:30

Корнилиё пхэндя́: “Штар дывэса́ палэ мэ постиндёмпэ кэ/жы́ко кадава́ моменто, дрэ дава́-паць часо мэ мангдёмпэ Дэвлэ́скэ дрэ миро кхэр, сыс еня́ (биекхэ́скиро дэш) мардэ́; и ґа́да, анги́л ма́ндэ тэрдия́ ману́ш дрэ зяиндлы и́дя,

Luka 2:37

Далэ́ пивлякэ (удовакэ) сыс охтодэша́ штар бэрш; ёй на джа́лас Кхангирья́тыр и дынариндя́ Дэвлэ́скэ постоса и мангипнаса Дэвлэ́скэ.

Ioil 2:12

“Палдава́ акана́”, – ракирэ́ла Рай Дэвэ́л, – “рисён кэ Мэ сарэ́ тумарэ́ илэ́стыр постоса, ровибнаса и тугаса?”

Ioil 1:13

Подпхандэнпэ жалобнонэ балытконэ гонэса, и ровэ́н зоралэ́с тумэ́, кон сан рашая́: тугинэ́н ровибнаса, тумэ́ кон кэрэ́ла Дэвлэ́скири буты́ анги́л алта́рё. Явэ́н, пасён сари́ рат, дрэ жалобна балытка гонэ́ тумэ́, кон кэрэ́ла буты́ мирэ́ Дэвлэ́скэ; пал-дова́ со буты́р на янэ́на свэ́нто дыибэ́н гивэстыр и тхадуно свэ́нто дыибэ́н дрэ Кхангири́ тумарэ́ Дэвлэ́скири.

Езэкилё 36:37

Адя́кэ ракирэ́ла Рай Дэвэ́л: “Акэ, ишчо (инкэ́) Мэ сыкава́ва Миро камлыпэн кэ Израилёскиро кхэр дрэ дова́, со кэра́ва адя́кэ, соб (кай) тэ явэ́л адя́кэ бут манушэ́н сыр пэ бакрэнгири стада.

Psalmy 35:13

Нэ ке́ли ёнэ сыс насвалэ, мэ со́мас уридо́ дро дзарано гоно́ праскаса (пеплоса); мэ тэлякирдём пэ́скиро ди постоса и миро мангипэ́н Дэвлэ́скэ рисия́ кэ миро ило́.

Дание́лё 6:10

О Дание́лё, хачи, ґалыи́, со сыс подчхиндло дасаво запхэныбэн, гия́ дро пэ́скиро кхэр; э фэнштра, хай, дрэ упратуны шту́ба сыс псирады (отпхэндлы) анги́л Ерусалимо, и ёв трин мо́лы дро дывэ́с бандгякирдя чанга́, и мангдя́пэ пэ́скирэ Дэвлэ́скэ, и бахтякирэлас Лэс, сыр кэрэ́лас ёв дава́ и анги́л дова́.

Ниеми́я 9:1

Пэ биш тэ шта́рто дывэ́с дро дава́ чхон скэдынэ́пэ сарэ́ чхавэ́ Израилёскирэ, савэ́ постынэна дрэ балы́тка гонэ́ (пеплоса) пэ шэро́.

Isajos 22:12

И Рай Дэвэ́л, Рай Дэвэ́л, болыбна́скирэ-янголэ́нгиро, кхарэ́ла кэ Пэ тумэн, соб (кай) тумэ́ тэ ровэ́н, тэ годлэн дро дава́ дывэ́с, соб (кай) тумэ́ тэ обчхинэн бала́, соб (кай) тэ обпхандэнпэ гонэса праскаса, саво́ урьена дрэ биба́хт.

Дание́лё 9:2

пэ пэ́рво бэрш лэ́скирэ кралипнаскиро, мэ-да, Дание́лё, ґалыём лылварьендыр чысло (гин) бэршуно, пал саво́ сыс лав Ра́скиро-Дэвлэ́скиро кэ проро́ко Ереме́ё, со пал эфтадэша́ бэрш Ерусалимо явэ́ла чхучо́ (пусто).

Дание́лё 9:4

И мангдёмпэ мэ Ра́скэ-Дэвлэ́скэ мирэ́скэ и откэравас мэ ило́ и ракиравас: “Манга́ва Ту́тыр, Раё Дэ́вла, баро́ и дивно кэ дар, Кон ракхэ́ла завето и ла́ска кодолэнца, савэ́ рикирэ́на Тут сыр Дро́гима дро ило́ и рикирэнапэ кэ припхэныбэна́ Тырэ́!

Дание́лё 9:20

И ке́ли мэ ракиравас и мангаваспэ, и откэравас ило́ пал мирэ́ грэ́хи и пал грэ́хи мирэ́ народоскирэ Израилёстыр, и пашлякиравас мангипэ́н миро анги́л Растэ-Дэвлэ́стэ мирэстэ пал свэ́нта бэ́рга мирэ́ Дэвлэ́скири;

Jona 3:5

И э мануша́ Ниневиятыр патяндынэ́ Дэвлэ́скэ, и ёнэ пхэндлэ́ сарэ́нгэ (обзанякирдэ) пал посто, и чхудэ́ пэ пэ́стэ жалобна балытка гонэ́, най барэдырэстыр кэ най тыкнэды́р ману́ш лэ́ндыр.

2 Kralip 12:16

И мангдя́пэ Дави́до Дэвлэ́скэ пал тыкнэмасэстэ, и постиндя Дави́до, и, екхджино́ сыс раты́, пасии пэ пхув.

Ióvo 42:6

Палдава́ мэ давапэ палэ мирэ́ лавэ́ндыр, мэ приджинава миро грэ́хо дро пра́хо и пра́ска.”

Матфеё 17:21

Кадава́ традэлапэ яври́ екхэ мангипнаса и постоса.”