Дание́лё 9:12 - Библия - Пэ Балтитко Романи чиб (Романэс) 2019

¹² И Ту пхэрдякирдян Пэ́скирэ лава́, савэ́ Ту ракирдян пэ амэ́ндэ, и пэ амарэ́ сэндарьендэ, савэ́ сэндякирэнас амэн, бичхави пэ амэ́ндэ бари би́да, сави́ на сыс тэл болыбэ́н, и сави́ кэрдя́пэ пэ Ерусалимо.

Biblija - Pe Baltitko Romani čib (Romanes) 2019

¹² I Tu pherdiakirdian Péskire lavá, savé Tu rakirdian pe aménde, i pe amaré sendar'jende, savé sendiakirenas amen, bičhavi pe aménde bari bída, saví na sys tel bolybén, i saví kerdiápe pe Jerusalimo.

Дание́лё 9:12 Referans Kwoze

Езэкилё 5:9

И Мэ кэра́ва ту́са дова́, со Мэ николи на кэравас, и со буты́р Мэ на ява́ва тэ кэра́в пал сарэ́ тырэ́ джунгалэ́ (брыдка) рэ́нды.

Roiben 1:12

“Сарэ́нгэ тумэ́нгэ дава́ нисо́, кон джа́ла пэ́скэ (накхэла) маму́й! Ѓа́да, дыкхэ́н: ци исын ишчо (инкэ́) вари-конэ́стэ дасави́ дукх сыр ма́ндэ – со пыя́ пэ ма́ндэ, – савья́са Рай Дэвэ́л притасадя ман дро дывэ́с, ке́ли Ёв холя́сыя зоралэ́с.

Isajos 44:26

Мэ, Дэвэ́л, Саво́ дэ́ла зор лавэ́скэ, со пхэндя́ Миро писха́ри, Саво́ кэрэ́ла пир лава́, со пхэнэ́на бичхадэ́ мануша́ Лэ́скэ, Саво́ ракирэ́ла кэ Ерусалимо: “Явэ́на тэ дживэ́н дрэ ту́тэ”, – и кэ фо́рья Юда́скирэ: “Тумэ́ на явэ́на буты́р роспхагирдэ́, Тумэ́ явэ́на нэвэ́стыр чхудэ́, и Мэ нэвякирава тумарэ́ руи́ны.”

Roiben 2:17

Рай Дэвэ́л кэрдя́ дова́, со Ёв придуминдя: Ёв выпхэрдякирдя Пэ́скиро лав, со Ёв припхэндя́ дрэ ґаратунэ́ дывэса́. Ёв чхурдыя́ тэлэ́ Ерусалимо, и Ёв на потангиндя, Ёв кэрдя́ адя́кэ, соб (кай) тыро́ вэ́рго древа́н тэ радынэ́лпэ тырэ́ бибахтятыр, Ёв барьякирдя зор тырэ́ намалэнгэ.

Roiben 2:13

Со́са ма́нгэ тэ раманякирав тут? Со́са ма́нгэ тэ поровнинав тут, Ерусалимо́скири чхай? Со́са тэ ровнякирав тут, соб (кай) ма́нгэ тэ дав лачхо́ лав ту́кэ, патывалы́ тэрны́ джувлы́, чхай Сионо́стыр? Пал-дова́, со тыро́ бэдыпэн росчхудяпэ буґлэс сыр мо́рё (дэрья́в), кон могинэ́ла тэ састякирэл тут?

Ióvo 12:17

Ёв лыджа́ла годы́-дыибнаскирэн тэ кэрэ́н доша, Ёв кэрэ́ла сэндарьен дылынэнца.

Римлянэнгэ 15:8

Палдава́ мэ ракира́ва, со Ису́со Христо́со яця́ дына́ри (слу́га) обчхиндлэнгэ ваш Дэвлэ́скиро чачипэ́н, соб (кай) Лэ́скэ тэ сполнинэл дыно́ лав, саво́ Ёв дыя́ дадэ́нгэ;

Luka 21:22

пал-дова́ со дава́ явэ́ла ка́ра пэ манушэ́ндэ дрэ долэ́ дывэса́, соб (кай) тэ сполнинэ́лпэ, со исын чхиндло́ дро Свэ́нто Чхиныбэ́н.

Marko 13:19

Тэды явэ́ла дасави́ пхари́ би́да, сави́ на сыс свэто́скирэ англыпна́стыр, саво́ Дэвэ́л кэрдя́, кэ ададывэ́с, и со буты́р на явэ́ла ние́кхвар.

Матфеё 24:21

пал-дова́ со тэды явэ́ла дасави́ биба́хт, сави́ на сыс свэто́скирэ англыпна́стыр, и со буты́р на явэ́ла ние́кхвар;

Матфеё 5:18

Чачэс, Мэ ракира́ва тумэ́нгэ: пака на явэ́ла ко́нцо (яго́ро) болыбнаскэ и пхувьякэ, ни екх тыкны буквица ни чэрта буквакири на отлэлапэ Законо́стыр анги́л, сыр Зако́но тэ кэрэ́лпэ.

Заха́рия 1:8

“Дыкхцём (дыём) сунэ́ мэ раты́: акэ, мурш уклисто пэ лолэ́ грэстэ исын тэрдо́ машки́р мирты, савэ́ исын на́бут палэдыр, нэ пал лэ́стэ граё лолэ́, сыва и парнэ́.

Заха́рия 1:6

Нэ лава́ Мирэ́ и стату́ты Мирэ́, савэ́ Мэ припхэндём Мирэ́ писхарье́нгэ пророкэнгэ, ци на догинэ́ ёнэ кэ дада́ тумарэ́? Нэ ёнэ рисёнас и ракирэ́нас: ‘Со задуминдя янголэ́нгиро-болыбна́скиро Рай Дэвэ́л тэ кэрэ́л амэ́нгэ пал амарэ́ дрома́ и амарэ́ бутя́, адя́кэ Ёв и кэрдя́ амэ́нгэ’.”

Amoso 3:2

“Тумэ́ сан екх кхэри́тко ро́до сарэ́ родэндыр пэ пхув, савэ́скэ Мэ кэрдём паты́в, палдава́ Мэ пхарэ́с сэндякирава тумэн пал саро́ тумаро́ чорипэ́н.”

Ioil 2:2

явэ́ла дава́ дывэ́с кало́ и тугитко, хмуры́тко дывэ́с ґэнстонэ калыпнаса (цямлыпнаса), сыр о́блоки пэ зло́ко (пэ ра́нко) розджанапэ палэ бэ́рги, адя́кэ-паць и явэ́на мануша́, барэ́ и зоралэ́, савэ́ на сыс векэндыр: и кадасавэ́-паць буты́р на явэ́на ние́кхвар пал лэ́ндэ машки́р манушэ́нгирэ ро́ды.

Езэкилё 13:6

Ёнэ дыкхнэ́ дыкхибэ́н, со на мол, ангилпхэндлэ хохаибэ́н, ракири́: “Рай Дэвэ́л, Дэвэ́л пхэндя́”, – а Рай Дэвэ́л, Дэвэ́л на бичхавэлас лэн; нэ ёнэ дэ́на дума пэ́скэ, со пхэрдякирэлапэ лав.

Roiben 4:6

Пхаро́-сэндякирибэн пал чорипэ́н, со кэрдэ́ мирэ́-манушэ́нгирэ чхая́, исын зоралэды́р пхарэ́-сэндякирибнастыр, со дорэснэ́ пал Содомоскиро грэ́хо. Дова́ фо́ро сыс радо тэлэ́ пал екх мэнта (минута) адя́кэ, со ние́кх на дыя́ ра́да тэ подэл васт.

Pritčy 8:16

Ма́нца тхага́рья рикирэ́на зор, и барэ́ раё, и сарэ́ сэнда́рья пэ пхув.

Psalmy 148:11

кра́лья пэ пхув и сарэ́ мануша́, тхага́рья и сарэ́ сэнда́рья пэ пхув.

Psalmy 2:10

И какана́, кралья́лэ, явэ́н годьварэ́, сыклён, тумэ́ сан сэнда́рья пэ пхув.

3 Kralip 3:9

Дэ Тырэ́ писхари́скэ ило́ годьваро́, соб (кай) мэ тэ сэндинякирав манушэ́н Тырэ́н и тэ розґалёвав, со исын лачхипэ́н, и со исын чорипэ́н; пал-дова́ со кон могинэ́ла тэ сэндякирэ́л адалэ́ дакицы бут Тырэ́ манушэ́н?”

Ереме́ё 30:7

Пэ биба́хт (бари би́да), явэ́ла баро́ дава́ дывэ́с, со буты́р дасаво нанэ и на явэ́ла, И адя́кэ-паць явэ́ла пхаро́ Яково́скэ, нэ ёв явэ́ла зракхно;

Ереме́ё 32:23

И ёнэ загинэ́ и ухтылдэ́ дая́ пхув, нэ ёнэ на кандынэ́ Тыри́ зан, и ёнэ на кэрдэ́ пир Тыро́ Зако́но. Ёнэ сарэ́са на кэрдэ́ нисо́ далэ́стыр, со Ту припхэндян лэ́нгэ тэ кэрэ́н. Палдава́ Ту и кэрдя́н адя́кэ, соб (кай) сари́ дая́ биба́хт тэ явэ́л пэ лэ́ндэ.

Ереме́ё 39:16

“Джа́ и пхэн Авдемелехоскэ (Эве́д-Мелехоскэ), Эфиопляниноскэ: ‘Адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: ‘Акэ, Мэ яна́ва Мирэ́ лава́ пэ дава́ фо́ро ваш траш (дар), а на ваш лачхипэ́н, и ёнэ кэрэ́напэ дро чачипэ́н дро дова́ дывэ́с анги́л ту́тэ!

Ереме́ё 44:23

Пал-дова́ со тумэ́ хачкирдэ́ дро́га смо́лы и пал-дова́ со тумэ́ кэрдэ́ грэ́хи проти Растэ-Дэвлэ́стэ, и тумэ́ на кандынэ́ зан Ра́скирэ-Дэвлэ́скири, и на кэрдэ́ пир Лэ́скиро Зако́но, ци пир Лэ́скирэ стату́ты, ци Лэ́скирэ упхэныбэна́, палдава́ дая́ бари биба́хт (би́да) кэрдя́пэ тумэ́нца, сыр дава́ исын кэ ададывэ́с.”

Дание́лё 12:1

И уштэ́ла дро долэ́ дывэса́ о Миха, тхага́ри баро́, кон явэ́ла тэрдо́ пал чхавэ́ндэ тырэ́ народо́стыр; и явэ́ла часо пхаро́, саво́ на сыс долэ́ дывэсэ́ндыр, сыр явнэ́ мануша́ пэ свэ́то кэ/жы́ко акана́; нэ зракхэнапэ дро дова́ часо сарэ́ мануша́ тырэ́ народо́стыр, конэ́с латхэ́на дрэ лылвари́.

Заха́рия 7:12

И ило́ пэ́скиро закэрдэ барэса, соб (кай) тэ на шунэ́н Зако́но и лава́, савэ́ бичхавэлас янголэ́нгирэ-болыбна́скиро Рай Дэвэ́л, Духо́са Пэскирэса пирда́л ґаратунэ́ пророкэ́ндэ; ваш дова́ и дорэсця́ лэн бари холы́ янголэ́нгирэ-болыбна́скирэ Ра́стыр-Дэвлэ́стыр.

4 Kralip 22:16

‘Адя́кэ ракирэ́ла Рай Дэвэ́л: Мэ яна́ва холы́ пэ дава́ штэ́то и пэ лэ́скирэ манушэ́ндэ, – сарэ́ лылварьякирэ лава́, сави́ гиндя Юдэя́киро кра́ли.

Isajos 43:28

Палдова́ Мэ раша́нгирэ барыдырэндыр пэ свэ́нто штэ́то залыём лэ́нгири буты́, и отдыём пэ хасибэ́н Яково́с, и отдыём Израилё, соб (кай) лэс тэ магирэ́н.