Дание́лё 9:11 - Библия - Пэ Балтитко Романи чиб (Романэс) 2019

¹¹ И саро́ Израилё пхагирдя́ Зако́но Тыро́, и отрисия, соб (кай) тэ на кандэл зан Тыри́; и палдава́ вытхадыя пэ амэ́ндэ прокошыбэ́н и совла́х, савэ́ исын зачхиндлэ́ дро Мойза́скиро Зако́но, Дэвлыканэ дынарискиро, пал-дова́ со амэ кэрдя́м грэ́хо анги́л Ту́тэ.

Biblija - Pe Baltitko Romani čib (Romanes) 2019

¹¹ I saró Izrailjo phagirdiá Zakóno Tyró, i otrisija, sob (kaj) te na kandel zan Tyrí; i paldavá vythadyja pe aménde prokošybén i sovláh, savé isyn začhindlé dro Mojzáskiro Zakóno, Devlykane dynariskiro, pal-dová so ame kerdiám grého angíl Túte.

Дание́лё 9:11 Referans Kwoze

Ереме́ё 9:26

дро Еги́пто, и дрэ Юдэ́я и дро Едомо чхаворэ́н Амоностыр и Моавостыр, савэ́ндэ яго́ры (краи́) пэ балэнгирэ пе́йсы исын обчхиндлэ́ и савэ́ дживэ́на пэ чхучи́ пхув. Пал-дова́ со сарэ́ далэ́ Наюды́тка на́цыи исын наобчхиндлэ и, саро́ Израилёскирэ-кхэрэ́скирэ-манушэ́нгиро ило́ исын на обчхиндло.”

4 Kralip 22:16

‘Адя́кэ ракирэ́ла Рай Дэвэ́л: Мэ яна́ва холы́ пэ дава́ штэ́то и пэ лэ́скирэ манушэ́ндэ, – сарэ́ лылварьякирэ лава́, сави́ гиндя Юдэя́киро кра́ли.

Isajos 1:3

Гуру́в джинэ́ла пэ́скирэ хула́с, а о́сло (мега́ри) – пэ́скирэ-ра́скири шта́ла, нэ Израилё на джинэ́ла Ман, на ґалёла Миро народо.”

Isajos 43:28

Палдова́ Мэ раша́нгирэ барыдырэндыр пэ свэ́нто штэ́то залыём лэ́нгири буты́, и отдыём пэ хасибэ́н Яково́с, и отдыём Израилё, соб (кай) лэс тэ магирэ́н.

Ереме́ё 2:29

Со́скэ тумэ́ явэ́на тэ чингардэнпэ Ма́нца? Сарэ́ тумэ́ кэрдэ́ грэ́хо проти Ма́ндэ!’ – пхэндя́ Рай Дэвэ́л.

Ереме́ё 32:23

И ёнэ загинэ́ и ухтылдэ́ дая́ пхув, нэ ёнэ на кандынэ́ Тыри́ зан, и ёнэ на кэрдэ́ пир Тыро́ Зако́но. Ёнэ сарэ́са на кэрдэ́ нисо́ далэ́стыр, со Ту припхэндян лэ́нгэ тэ кэрэ́н. Палдава́ Ту и кэрдя́н адя́кэ, соб (кай) сари́ дая́ биба́хт тэ явэ́л пэ лэ́ндэ.

Ереме́ё 40:3

Акана́ Рай Дэвэ́л яндя́ дая́ биба́хт и кэрдя́ адя́кэ, сыр ёв пхэндя́. Пал-дова́ со тумарэ́ мануша́ кэрдэ́ грэ́хо анги́л Растэ-Дэвлэ́стэ и на кандынэ́ Лэ́скири зан, палдава́ дава́ саро́ кэрдя́пэ тумэ́нца.

Ереме́ё 44:23

Пал-дова́ со тумэ́ хачкирдэ́ дро́га смо́лы и пал-дова́ со тумэ́ кэрдэ́ грэ́хи проти Растэ-Дэвлэ́стэ, и тумэ́ на кандынэ́ зан Ра́скирэ-Дэвлэ́скири, и на кэрдэ́ пир Лэ́скиро Зако́но, ци пир Лэ́скирэ стату́ты, ци Лэ́скирэ упхэныбэна́, палдава́ дая́ бари биба́хт (би́да) кэрдя́пэ тумэ́нца, сыр дава́ исын кэ ададывэ́с.”

Дание́лё 9:5

Кэрдя́м грэ́хо амэ, бизаконытка рэ́нды, кэрасас бипатывалэс, кэрдя́м бу́нто и отгиям Тырэ́ припхэныбнастыр и Тырэ́ упхэныбнастыр,

Дание́лё 9:13

Сыр чхиндло́ исын дро Мойза́скиро Зако́но, адя́кэ сари́ кадая́ би́да мардя амэн; нэ амэ на мангдям дрэ па́тери (моли́тва) Рас-Дэвлэ́с амарэс, соб (кай) амэ́нгэ тэ рисёвас амарэ́ бизаконытконэ рэндэ́ндыр, и тэ ґалёвас чачипэ́н Тыро́.

Заха́рия 7:12

И ило́ пэ́скиро закэрдэ барэса, соб (кай) тэ на шунэ́н Зако́но и лава́, савэ́ бичхавэлас янголэ́нгирэ-болыбна́скиро Рай Дэвэ́л, Духо́са Пэскирэса пирда́л ґаратунэ́ пророкэ́ндэ; ваш дова́ и дорэсця́ лэн бари холы́ янголэ́нгирэ-болыбна́скирэ Ра́стыр-Дэвлэ́стыр.

Заха́рия 8:13

И явэ́ла: сыр тумэ́, Юда́скиро кхэр и Израилёскиро кхэр, са́нас прокошлэ, машки́р Наюдытконэ́ на́цыи, адя́кэ Мэ зракха́ва тумэн, и тумэ́ явэ́на ваш явирэ́нгэ бахталэ́; на андыршан, мэк тэ явэ́н тумарэ́ васта́ зоралэ́!”

Яви́р Зако́но 8:20

сыр мануша́, савэ́н Рай Дэвэ́л хасякирэ́ла тумарэ́ мо́стыр, адя́кэ хасёна и тумэ́ пал дова́, со тумэ́ на кандынэ́ Ра́скирэ-Дэвлэ́скирэ, тумарэ́ Дэвлэ́скири зан.

4 Kralip 18:12

Пал-дова́, со ёнэ на шундлэ́ пэ́скирэ Ра́скирэ-Дэвлэ́скири зан (глос), и пиригинэ́ Заве́то Лэ́скиро, саро́, со припхэндя́ лэ́нгэ Мо́йза (Моисеё), Ра́скирэ-Дэвлэ́скиро писха́ри; ёнэ и на шундлэ́, и на сполниндлэ.

Ереме́ё 6:19

Шун, пхув! Акэ Мэ яна́ва биба́хт (хасибэ́н) пэ адалэ́ манушэ́ндэ, и пэ дова́, со ёнэ придуминэна; пал-дова́ со ёнэ на шундлэ́ Мирэ́ лава́, и со ёнэ отпхэндэпэ Мирэ́ Законо́стыр.

Ереме́ё 16:11

Тэ́ньци ту пхэнэ́са лэ́нгэ: ‘Пал-дова́ со тумарэ́ дада́ ячкирдэ́ Ман, – дава́ Мэ, Рай Дэвэ́л, ракира́ва: ёнэ гинэ́ пал явирэ дэвлорэндэ и ишчо (инкэ́) тумэ́ дынэ́ паты́в лэ́нгэ, и тумэ́ ячкирдэ́ Ман, и на рикирдэ Миро Зако́но.

Ереме́ё 30:14

Сарэ́ тырэ́ дру́ги (мала́) бистырдэ пал ту́тэ; ёнэ на родэ́на тут. Мэ ж пэкадём тут вэргитконэ дабаса сыр биде́скири ка́ра пал баро́ тыро́ чорипэ́н, пал-дова́ со тырэ́ грэ́хи выбаринэ.

Ереме́ё 44:22

И Рай Дэвэ́л буты́р на дэ́лас ра́да тэ вырикирэл дава́ пир доя́ биба́хт, со тумэ́ кэрдэ́ и пир джунгалэ́ (брыдка) рэ́нды, со тумэ́ кэрдэ́. Палдава́ тумари́ пхув исын чхучи́, ди́во трашаса, прокошыбэ́н (арман), би манушэ́нгири, сыр дава́ исын кэ ададывэ́с.”

Заха́рия 1:6

Нэ лава́ Мирэ́ и стату́ты Мирэ́, савэ́ Мэ припхэндём Мирэ́ писхарье́нгэ пророкэнгэ, ци на догинэ́ ёнэ кэ дада́ тумарэ́? Нэ ёнэ рисёнас и ракирэ́нас: ‘Со задуминдя янголэ́нгиро-болыбна́скиро Рай Дэвэ́л тэ кэрэ́л амэ́нгэ пал амарэ́ дрома́ и амарэ́ бутя́, адя́кэ Ёв и кэрдя́ амэ́нгэ’.”