Дание́лё 9:10 - Библия - Пэ Балтитко Романи чиб (Романэс) 2019

¹⁰ И амэ на кандыям зан Ра́скирэ-Дэвлэ́скири, амарэскири, соб (кай) тэ кэра́с пир Лэ́скирэ зако́ны, савэ́ Ёв дыя́ амэ́нгэ пир Лэ́скирэ дынарьендэ, пророкэ́ндэ.

Biblija - Pe Baltitko Romani čib (Romanes) 2019

¹⁰ I ame na kandyjam zan Ráskire-Devléskiri, amareskiri, sob (kaj) te kerás pir Léskire zakóny, savé Jov dyjá aménge pir Léskire dynar'jende, prorokénde.

Дание́лё 9:10 Referans Kwoze

Дание́лё 9:6

со кандасас писхарье́н Тырэ́н, э пророкэ́н, савэ́ Тырэ́ лавэ́стыр ракирдэ́ амарэ́ кральенгэ, и амарэ́ тхагарьенгэ, и амарэ́ дадэ́нгэ, и сарэ́ манушэ́нгэ долэ́ тхэмэстыр.

4 Kralip 18:12

Пал-дова́, со ёнэ на шундлэ́ пэ́скирэ Ра́скирэ-Дэвлэ́скири зан (глос), и пиригинэ́ Заве́то Лэ́скиро, саро́, со припхэндя́ лэ́нгэ Мо́йза (Моисеё), Ра́скирэ-Дэвлэ́скиро писха́ри; ёнэ и на шундлэ́, и на сполниндлэ.

Юдэ́нгэ 1:1

Дэвэ́л на е́кхвар и пир саро́ ґары́м-ґара́ (ва́го) ракирдя́ амарэ́ прададэнгэ пир пророкэ́ндэ,

Ереме́ё 32:23

И ёнэ загинэ́ и ухтылдэ́ дая́ пхув, нэ ёнэ на кандынэ́ Тыри́ зан, и ёнэ на кэрдэ́ пир Тыро́ Зако́но. Ёнэ сарэ́са на кэрдэ́ нисо́ далэ́стыр, со Ту припхэндян лэ́нгэ тэ кэрэ́н. Палдава́ Ту и кэрдя́н адя́кэ, соб (кай) сари́ дая́ биба́хт тэ явэ́л пэ лэ́ндэ.

Ереме́ё 16:11

Тэ́ньци ту пхэнэ́са лэ́нгэ: ‘Пал-дова́ со тумарэ́ дада́ ячкирдэ́ Ман, – дава́ Мэ, Рай Дэвэ́л, ракира́ва: ёнэ гинэ́ пал явирэ дэвлорэндэ и ишчо (инкэ́) тумэ́ дынэ́ паты́в лэ́нгэ, и тумэ́ ячкирдэ́ Ман, и на рикирдэ Миро Зако́но.