Дание́лё 8:8 - Библия - Пэ Балтитко Романи чиб (Романэс) 2019

⁸ Палдава́ кадава́ бузно розбарияпэ; нэ ке́ли ёв зоралыя, тэды пхадия баро́ шынг, и пэ лэ́скиро штэ́то выгинэ́ штар шынга́, савэ́ сыс обрисинэ пэ штар балваля болыбны́тка.

Biblija - Pe Baltitko Romani čib (Romanes) 2019

⁸ Paldavá kadavá buzno rozbarijape; ne kiéli jov zoralyja, tedy phadija baró šyng, i pe léskiro štéto vyginé štar šyngá, savé sys obrisine pe štar balvalia bolybnýtka.

Дание́лё 8:8 Referans Kwoze

Дание́лё 7:2

Лыи тэ пхэнэ́л, о Дание́лё ракирдя́: “Дыкха́вас мэ дро миро суно́, акэ, штар болыбны́тка балваля мардэ́пэ пэ баро́ мо́рё (дэрья́в),

Sykadyipén 7:1

Пало́ дава́ мэ дыкхцём штарэ́ Янголэн, Савэ сыс тэрдэ́ пэ штар вэ́нглы пэ пхув и рикирэнас штар балваля, соб (кай) тэ на пхурдэл ни сави́ балва́л ни пир пхув, ни пир мо́рё (дэрья́в), ни пир вари-саво́ кашт (дрэ́во).

Дание́лё 8:22

а пало́ дова́ шынг, саво́ пхадия, выгинэ́ штар шынга́-дава́ исын штар кралипэна́, со уштэна адалэ́ манушытконэ́ нацыя́тыр (народо́стыр), нэ нанэ лэ́скирэ зорья́са.

Дание́лё 8:5

И сыр мэ придыкхаваспэ кэ дава́, и, акэ, западнонэ рига́тыр джа́лас бузно (козло) пир сари́ пхув, на чилави пхув; адалэ́ бузнэстэ (козлостэ) сыс дыкхно шынг машки́р лэ́скирэ якха́.

Дание́лё 5:20

Нэ ке́ли лэ́скиро ило́ яця́ барикано и ду́хо (фа́но) лэ́скиро кашталыя пхутькирибнаса, ёв сыс чхурдыно́ тэлэ́ крали́скирэ скаминдэстыр, и лэ́скиро барипэ́н сыс лыно́ лэ́стыр.

2 Паралипоменоно 26:16

Нэ ке́ли ёв кэрдя́пэ зорало́, то запхутия лэ́скиро ило́ пэ лэ́скиро хасибэ́н, и ёв кэрдя́пэ злыдариса анги́л Растэ-Дэвлэ́стэ, Дэвлэ́стэ пэскирэстэ; пал-дова́ со ёв загия́ дрэ Кхангири́ Ра́скирэ-Дэвлэ́скири, соб (кай) тэ хачкирэл фимиа́мо пэ алта́рё кадиласа.

Marko 13:27

И тэды бичхавэ́ла Ёв Пэ́скирэ Янголэн и скэдэ́ла кхэтанэ́, конэ́с Ёв выкэдыя́ штарэ́ ригэ́ндыр, пхувья́кирэ ягоро́стыр (краёстыр) кэ Болыбна́скиро яго́ро.

Матфеё 24:31

И бичхавэ́ла Ёв Пэ́скирэ Янголэн барэ́ рогоса (трубаса), и скэдэ́ла кхэтанэ́, конэ́с Ёв выкэдыя́, штарэ́ ригэ́ндыр и екхэ болыбнытконэ ягоро́стыр (краёстыр) кэ яви́р.

Дание́лё 11:4

Нэ ке́ли ёв уштэ́ла, то кралипэ́н лэ́скиро роспэрэлапэ и роскэрэлапэ пэ штар болыбны́тка балваля, никонэ́скэ лэскрэ сэмэнца́кэ на пириджала дова́ кралипэ́н, и кадасавэ́ зорья́са, савья́са ёв хулаинэлас; хасёла кралипэ́н лэ́скиро и дорэсэлапэ явирэ́нгэ, апри́ч кодолэндэ.

Дание́лё 7:6

Пало́ дава́ дыкха́вас мэ, акэ, ишчо (инкэ́) рискирибна́скиро мурда́л, сыр леопардо [барсо-р.с.], пэ думо лэ́стэ сыс штар чириклытка пхака́, и сыс штар шэрэ́ мурдалэ́стэ адалэстэ, и кадалэ́ мурдалэскэ сыс дыно́ баро́ право.

Дание́лё 4:31

[34] Пэ ко́нцо (яго́ро) кодолэ́-паць дывэсэнгирэ, мэ, о Навуходоносо́ро, ґаздыём мирэ́ якха́ пэ болыбэ́н, и мири́ годы́ рисия́ кэ мэ; бахтякирдёмас мэ Най Вучэдырэскирэс, шардём и мэ давас паты́в лэ́скэ, Савэскиро райканыпэн исын ве́чно, и Савэскиро кралипэ́н – родо́стыр дро ро́до.

Езэкилё 28:9

Пхэнэса ци ту тэды тырэ́ мулякирибнаскирэскэ: ‘Мэ сом дэвэл’, – ко́ли дрэ лэ́скиро васт, кон мулякирэ́ла, тут ту явэ́са сыр ману́ш, а на сыр дэвэл?

Езэкилё 16:7

Мэ убарьякирдём тут, Израилё адя́кэ бут, сыр бут исын фэлды́тка чарья́. Ту выбариян, яця́н бари, яця́н древа́н шука́р барэ́ чхаса, бала́ ту́тэ выбаринэ, нэ ту са́нас нанги, научхакирды.

Ереме́ё 5:27

Лэ́нгирэ кхэра́ исын пхэрдэ́ хохаибнаса и ёнэ исын сыр клетка, со исын пхэрды́ чирикле́нца; палдава́ ёнэ ячнэ́ барэ́ и ёнэ розбарвалынэ.

Ester 9:4

Пал-дова́ со Мардохе́ё барэ́ манушэ́са яця́ дрэ крали́скири фэлатин, и мавлы́н (малва) пал лэ́стэ псирдя́ пир сарэ́ провинцыи, адя́кэ сыр дава́ ману́ш, Мардохе́ё, ґаздэласпэ вучэ́с и вучэ́с.

Яви́р Зако́но 31:20

пал-дова́ со Мэ залыджава лэн пэ пхув, сыр Мэ совлахадём лэ́нгирэ дадэ́нгэ, кай тхадэ́ла тхуд и авги́н, и ёнэ явэ́на тэ хан и тэ чалён, и явэ́на тхулэ, и ёнэ джа́на кэ яви́р дэвлорэ́, и явэ́на тэ дынаринэ́н лэ́нгэ, а Ман мэкэ́на и пхагирэна Миро завето.

Ереме́ё 49:36

Мэ яна́ва штар балваля штарэ́ ягорэндыр пэ болыбэ́н, и Мэ росчхувава тэ дживэ́н лэн пир сарэ́ далэ́ балваля; и на явэ́ла ние́кх нацыя, кэ сави́, соб (кай) тэ на явэ́н бикхэрэскирэ Еламостыр.

Дание́лё 8:7

И дыкха́вас мэ, сыр ёв бузно (козло), гия́ пашылэды́р кэ бакро, росхолясыя пэ лэ́стэ и пэкадя́ бакрэ́с; и пхагирдя́ лэ́скэ дуй шынга́: и на сыс зор бакрэстэ тэ тэрдёл проти лэ́стэ, и ёв (бузно) радя лэс пэ пхув тэл ґэра́ и ростасадя лэс, и на сыс никонэ́с, кон дэ́лас ра́да тэ зракхэ́л бакрэ́с.