Дание́лё 8:3 - Библия - Пэ Балтитко Романи чиб (Романэс) 2019

³ ‘Газдыём Мэ якха́ мирэ́, и дыкхцём: акэ, екх бакро тэрдо́ пашы́л рэка (лэнь); лэ́стэ сыс дуй шынга́ (ро́ги), и шынга́ сыс вучэ́, нэ екх сыс вучэды́р явирэстыр, и дова́, со сыс вучэды́р, ґаздыя́пэ коригэды́р (позжэ).

Biblija - Pe Baltitko Romani čib (Romanes) 2019

³ ‘Gazdyjom Me jakhá miré, i dykhcjom: ake, jekh bakro terdó pašýl reka (len'); léste sys duj šyngá (rógi), i šyngá sys vučé, ne jekh sys vučedýr javirestyr, i dová, so sys vučedýr, ĥazdyjápe korigedýr (pozže).

Дание́лё 8:3 Referans Kwoze

Дание́лё 8:20

О бакро, савэ́с ту дыкхця́н дуе шынгэнца, дава́ исын кра́лья Мидянытка и Персытка.

Дание́лё 10:5

и ґаздыём мэ мирэ́ якха́, и дыкхцём: акэ, екх мурш, уридо́ дро ґандладытко (лёнытко) урибэ́н, и кусты́к пэ лэ́стэ сыс сувнака́стыр Уфазостыр.

Заха́рия 6:1

И нэвэ́стыр (нэвэ́с) ґаздыём мэ якха́ мирэ́ и дыкха́ва: акэ, штар марибны́тка вурдэна́ (колесницы) выджа́нас машки́р дуй бэ́рги; нэ бэ́рги долэ́ исыс бэ́рги харкунэ́ (меди́тка).

Заха́рия 5:9

И газдыём мэ якха́ мирэ́, и задыкхцём: акэ, явнэ́ дуй джувля́, балва́л пхурдэлас дрэ лэ́нгирэ пхака́ (крылы), и пхака́ лэ́ндэ – сыр пхака́ боц(т)яноскирэ; и ґаздынэ́ ёнэ эфа и лыджинэ́ ла машки́р пхув и болыбэ́н.

Заха́рия 5:5

И выгия́ Янго́ло, саво́ ракирдя́ ма́нца, и пхэндя́ ма́нгэ: “Ѓаздэ ишчо (инкэ́) якха́ тырэ́ и дыкх, со да выджа́ла?”

Заха́рия 5:1

И нэвэ́стыр (нэвэ́с) газдыём мэ якха́ мирэ́ и дыкцём: акэ, вурняла сви́тко (скрэнцлы папира).

Заха́рия 2:1

И нэвэ́стыр (нэвэ́с) ґаздыём мэ якха́ мирэ́ и дыкхцём: акэ, мурш, дрэ савэскиро васт сыс шэло, савэ́са меринэлапэ пхув.

Заха́рия 1:18

И ґаздыём мэ якха́ мирэ́ и дыкхцём: акэ, штар шынга́.

Дание́лё 7:5

И екха́тыр (сра́зу) яви́р рискирибна́скиро мурда́л, саво́ здэлас пэ ричэстэ, тэрдия́ екхэ рига́тыр, и сыс трин пашварэ [клыки-р.с.] лэ́стэ, машки́р данда́ лэ́стэ, лэ́скэ сыс адя́кэ пхэндло́: “Ушты́, ха бут мас!”

Дание́лё 6:28

И сыс Даниелёскэ древа́н мишто́ и дро кралипэ́н Дариёскиро, и дро кралипэ́н Кираскиро, Персоскиро.

Дание́лё 5:31

и о Дариё Мидянэнгиро, прилыя́ кралипэ́н, и сыс лэ́скэ шовдэша́ дуй бэрш.

Дание́лё 2:39

Нэ пало́ ту́тэ ґаздэ́лапэ яви́р кралипэ́н, тэлэды́р тырэстыр, и ишчо (инкэ́) три́то кралипэ́н, харкуно, саво́ лэ́ла тэ раинэл пэ сари́ пхув.

Ереме́ё 51:11

Войстринэн (дэн чол) марибны́тка бустя́ (стре́лы) тэ зяинэн, О Рай Дэвэ́л ґаздыя́ ду́хо (фа́но) Мидиякирэ кралье́нгэ. Пал-дова́ со Ёв придуминдя тэ хасякирэ́л Вавило́но. О Рай Дэвэ́л дукхавэла палэ, Ёв отдэ́ла палэ пал Лэ́скири Кхангири́.

Isajos 44:28

Саво́ ракирэ́ла пал Кирастэ: “Миро чхупна́ри; ёв кэрэ́ла саро́ пир Мири́ во́ля, ёв пхэнэ́ла кэ Ерусалимо. “Ту на явэ́са буты́р роспхагирдо, пхэнэ́ла кэ Кхангири́: “Ту явэ́са чхуды́ пэ штэ́то!”

Isajos 21:2

Дарано дыкхибэ́н сыкадэ ма́нгэ: о чор чорэла, о прахари отлэла; заджа́, Еламо, ґаздэпэ, Мидо, сарэ́ ясва мэ залава.

Isajos 13:17

Акэ, Мэ ґазда́ва пэ лэ́ндэ Мидянэн, конэ́скэ на трэй руп, и кон исын на скэмпо (кон наґалко кэ сувнака́й).

Ester 1:3

То дро три́то бэрш лэ́скирэ-кралипнаскиро ёв кэрдя́ свэ́нко ваш сарэ́нгэ пэ́скирэ тхэмэ́скирэ барыдырэ́нгэ и ваш манушэ́нгэ, савэ́ сыс дына́рья пашы́л лэ́стэ, ваш барэ́ Персиякирэ и Мидиякирэ – халадэ́нгирэ барыдырэ́нгэ, ваш пэ́скирэ тхэмэ́скирэ рангэ, и тхагарье́нгэ.

Е́здра 4:5

и ёнэ кинэнас советникэн (юнкарэн) проти лэ́ндэ, соб (кай) тэ розмарэн лэ́нгэ лэ́нгиро плано дрэ сарэ́ Кираскирэ дывэса́ Персиякирэ крали́скирэ аж кэ Дариёскирэ дывэса́, сыр ёв лыя́ тэ раинэл пэ Пе́рсия.

Е́здра 1:2

“Адя́кэ ракирэ́ла Кира, кра́ли Персиякиро: ‘О Рай Дэвэ́л, Дэвэ́л болыбна́скиро, дыя́ ма́нгэ сарэ́ кралипэна́ пэ пхув. И Ёв припхэндя́ ма́нгэ тэ чхував Кхэр (Кхангири́) Лэ́скэ дро Ерусалимо, пэ Юдэ́я.

1 Паралипоменоно 21:16

И ґаздыя́ Дави́до пэ́скирэ якха́, и дыкхця́ Янголо́с Ра́скирэ-Дэвлэскирэс, Саво́ сыс тэрдо́ машки́р пхув и болыбэ́н, вытырдынэса куртала́са дро лэ́скиро васт, протырдыи курта́ла пэ Ерусалимо; и пыя́ Дави́до и пхурыдыра́, учхакирдэ балытконэ гонэнца пэ пэ́скирэ муя́.

Isúso 5:13

О Ису́со, сыс на́дур Ерихоностыр, дыкхця́ упрэ́ и дыкхэ́ла, и, ґа́да, сыс тэрдо́ анги́л лэ́стэ ману́ш, и дрэ лэ́скиро васт сыс вытырдыны курта́ла. Ису́со подги́я кэ ёв и пхэндя́ лэ́скэ: “Ци амаро́ ту, ци вэргэ́ндыр амарэндыр?”

Čysly 24:2

И подыкхця́ Валаа́мо, и дыкхця́ Израилё, саво́ сыс тэрдо́ пир пэ́скирэ ро́дыцы (чанга́), и сыс пэ лэ́стэ Дэвлэ́скиро Ду́хо (Фа́но).

Sykadyipén 5:6

И мэ дыкхцём Свэнтонэ́ Бакрорэс, Саво́ сыс сы́рбы нагара зачхиндло́ машки́р троно и штар джидалэндэ и годэпхурэндэ. Свэнтонэ́ Бакрорэстэ сыс эфта́ шынга́ (ро́ги) и эфта́ якха́, савэ́ исын эфта́ Дэвлэ́скирэ Ду́хи и сыс бичхадэ́ пир сари́ пхув.

Sykadyipén 13:11

И мэ дыкхцём явирэ рискирибна́скирэ мурдалэ́с, саво́ джа́лас яври́ пхувья́тыр. Лэ́стэ сыс дуй шынга́ сыр бакрорэстэ и ёв ракирдя́ сыр драконо.

Дание́лё 8:2

И дыкха́вас мэ дова́ дыкхибэ́н, и ке́ли дыкха́вас, мэ со́мас дрэ Суза, шэрутно фо́ро кай сыс тва́рдыма/диз [крепость-ю.о.], кай исын Эламоскири округа, и дыкха́вас мэ дро дыкхибэ́н, сы́рбы мэ со́мас пашы́л рэка (лэнь) Улай.