Дание́лё 8:25 - Библия - Пэ Балтитко Романи чиб (Романэс) 2019

²⁵ и пал-дова́ со ёв явэ́ла годо́ ваш хохаибэ́н пэ́скирэ фрэнтыматыр, ёв явэ́ла тэ рикирэ́л лофо дро пэ́скиро васт, и ёв пэ́скрэ илэ́са ґаздэ́лапэ вучэ́с, и ёв хасякирэ́ла бутэн, кон явэ́ла дро рама́нё, и проти Тхагаристэ-тхагарьенгирэндэ уштэ́ла, нэ явэ́ла пхагирдо́ на манушытконэ́ вастэ́са.

Biblija - Pe Baltitko Romani čib (Romanes) 2019

²⁵ i pal-dová so jov javéla godó vaš xohaibén péskire frentymatyr, jov javéla te rikirél lofo dro péskiro vast, i jov péskre ilésa ĥazdélape vučés, i jov xasiakiréla buten, kon javéla dro ramánjo, i proti Thagariste-thagar'jengirende uštéla, ne javéla phagirdó na manušytkoné vastésa.

Дание́лё 8:25 Referans Kwoze

Дание́лё 8:11

и ґаздыя́пэ, хачи, пэ Тхагаристэ [Князёстэ-ю.о.] пэ дава́ болыбнытко халадыбэ́н, и отлыно сыс Лэ́стыр свэ́нто яныбэ́н пэ кажно дывэ́с, и магирдо́ сыс штэ́то, кай свэнтыма сыс Лэ́скири.

Sykadyipén 17:14

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

Ióvo 34:20

Ѓа́да, ёнэ мэрэ́на и дрэ паш-рат, и мануша́ издрана и хасёна, и зоралыпнаскирэ мурша́ пириячэна тэ явэ́н дро свэ́то биманушэскирэ-вастэскиро.

Дание́лё 11:45

И чхувэ́ла ёв кралитка ша́тры пэ́скирэ фелатинятыр машки́р мо́рё (дэрья́в) и славу́тно свэ́нто бэ́рга; явэ́ла ёв кэ пэ́скиро ко́нцо (яго́ро) и нико́н на подэла васт лэ́скэ.

Дание́лё 7:26

Пало́ (после) дова́ бэшэна э сэнда́рья и отлэна лэ́стыр право тэ хасякирэ́л и тэ мулякирэ́л кэ ко́нцо.

Дание́лё 7:8

Мэ дыкха́вас пэ долэ́ шынга́, и, акэ, выгия́ машки́р лэ́ндэ ишчо (инкэ́) набаро́ шынг, и трин кодолэндыр англунэ шынгэндыр сыс корне́нца вырискирдэ анги́л лэ́стэ, акэ, дро дова́ шынг сыс якха́, сыр манушы́тка якха́, и вушта, савэ́ ракирэ́нас пхутькирдэс.

Roiben 4:6

Пхаро́-сэндякирибэн пал чорипэ́н, со кэрдэ́ мирэ́-манушэ́нгирэ чхая́, исын зоралэды́р пхарэ́-сэндякирибнастыр, со дорэснэ́ пал Содомоскиро грэ́хо. Дова́ фо́ро сыс радо тэлэ́ пал екх мэнта (минута) адя́кэ, со ние́кх на дыя́ ра́да тэ подэл васт.

Ереме́ё 48:26

“Матякирэн лэс, пал-дова́ со ёв ґаздыя́ пэс пэ Растэ-Дэвлэ́стэ; и Моа́во явэ́ла тэ равэлпэ дрэ пэ́скиро чхадыпэн и мануша́ лэ́на дава́ штэ́то пэ данд тэ санпэ (кокоро́ явэ́ла просандло).’

Apostolengiri Butý 12:23

Нэ дро дова́-паць моменто Дэвлэ́скиро Янго́ло мулякирдя́ Иродос, пал-дова́ со Иродо на славиндя Дэвлэ́с, лэс джидэс ханэ́ кирмэ, и ёв мыя́.

Sykadyipén 19:16

Пэ Лэ́скиро урибэ́н и пэ Лэ́скири статя (стёгны) сыс зачхиндло́ титуло: “Кра́ли кралье́нгиро, Рай рае́нгиро.”

2 Фесалоникийцэнгэ 2:3

Дыкхэ́н, соб (кай) ние́кх тэ на хохавэ́л тумэн: пал-дова́ со кадава́ дывэ́с на явэ́ла кэ / жы́ко дова́ часо, пака явэ́ла отгиибэн Дэвлэ́стыр и явэ́ла сыкадо грэхэнгиро ману́ш, савэ́скэ трэй тэ хасёл;

2 Фесалоникийцэнгэ 2:8

И тэды би законоскиро грэхэнгиро ману́ш сыкавэ́ла пэс, савэ́с Рай Дэвэ́л Ису́со замарэла (мулякирэ́ла) Пэ́скирэ уштэ́нца, ке́ли явэ́ла.

Дание́лё 9:25

Адя́кэ джин и ґалёв: со долэ́ дывэсэ́ндыр, ке́ли выджа́ла припхэныбэ́н тэ ґаздэ́н нэвэ́с Ерусалимо, кэ/жы́ко о Помакхно (Меси́я) [Христо́со, Баро́ Рай-р.с.] исын эфта́ эфтытка (седьмины) и шовдэша́ дуй эфтытка, и ґаздэ́на нэвэ́стыр вули́цы (га́сы) и ва́нты, нэ дрэ пхарэ́ часы.

Дание́лё 11:12

И ке́ли лыджа́на халадыбэ́н, то крали́скиро ило́ ґаздэ́лапэ; ёв тэлякирэла бут тысёнцы, нэ ёв зоралэды́р кодолэстыр на явэ́ла.