Дание́лё 8:2 - Библия - Пэ Балтитко Романи чиб (Романэс) 2019

² И дыкха́вас мэ дова́ дыкхибэ́н, и ке́ли дыкха́вас, мэ со́мас дрэ Суза, шэрутно фо́ро кай сыс тва́рдыма/диз [крепость-ю.о.], кай исын Эламоскири округа, и дыкха́вас мэ дро дыкхибэ́н, сы́рбы мэ со́мас пашы́л рэка (лэнь) Улай.

Biblija - Pe Baltitko Romani čib (Romanes) 2019

² I dykhávas me dová dykhibén, i kiéli dykhávas, me sómas dre Suza, šerutno fóro kaj sys tvárdyma/diz [kriepost'-ju.o.], kaj isyn Elamoskiri okruga, i dykhávas me dro dykhibén, sýrby me sómas pašýl reka (len') Ulaj.

Дание́лё 8:2 Referans Kwoze

Ester 1:2

Дрэ долэ́ дывэса́, сыр кра́ли Артаксе́рксо бэстя́ пэ пэ́скиро крали́тко троно, со сыс дрэ Сузы [Шушан-ю.о.], дрэ лэ́скири крали́скири фэлатин [шэрутно фо́ро-р.с.].

Ниеми́я 1:1

Лава́ Ниемияскирэ, Ахалииноскирэ чхавэ́скирэ. Дро чхон Кислев, дро бишто бэрш, со́мас мэ кэ Сузы, дро шэрутно фо́ро [крали́скири фэлатин-ю.о.].

Езэкилё 32:24

Еламо сарэ́ пэ́скирэ бутыпнаса исын пашы́л лэ́скири копли́ца, сарэ́ ёнэ исын домардэ́, сарэ́ пынэ́ куртала́тыр, сарэ́ на сыс обчхиндлэ́ и адя́кэ гинэ́ пэ дова́ свэ́то; одолэ́ сыс мануша́, савэ́ янэ́нас дар пэ джидэ́-манушэ́нгири пхув и лыджа́на пэ́скири ладж кхэтанэ́ манушэ́нца, савэ́ мынэ́.

Ереме́ё 25:25

и сарэ́ кралье́н Зимриятыр, и кэ сарэ́ кра́лья Эламостыр, и кэ сарэ́ кра́лья Мидиятыр;

Ester 2:8

Ке́ли сыс пхэндло́ сарэ́нгэ крали́скиро припхэныбэ́н и лэ́скиро упхэныбэ́н, и ке́ли сыс скэдынэ́ бут тэрнэ́ патывалэ́ джувля́ кэ крали́скири фэлатин дрэ Сузы тэл Гегаёскиро ракхибэн, то тэды сыс лыны и Эстэ́ра дро крали́скиро кхэр тэл Гегаёскиро ракхибэн, кон сыс джувле́нгиро ракхибнари.

Džiibén 14:1

Дава́ сыс адя́кэ: ке́ли дживдя́ Амрафело, Сенаароскиро (Шиноароскиро) кра́ли, о Ариохо, Еласароскиро кра́ли, Кедорлаомеро, Еламоскиро кра́ли, и Тидало, Гоимэнгиро кра́ли,

Džiibén 10:22

Симаскирэ чхавэ́ сыс: Еламо, Асуро, Арфаксадо, Лудо, Ара́мо.

Дание́лё 8:3

‘Газдыём Мэ якха́ мирэ́, и дыкхцём: акэ, екх бакро тэрдо́ пашы́л рэка (лэнь); лэ́стэ сыс дуй шынга́ (ро́ги), и шынга́ сыс вучэ́, нэ екх сыс вучэды́р явирэстыр, и дова́, со сыс вучэды́р, ґаздыя́пэ коригэды́р (позжэ).

Дание́лё 7:15

Лыя́ тэ пхарьёл миро ду́хо (фа́но) андра́л ма́ндэ, Даниелёстэ, дро мирэ́ маса́, и дыкхибэ́н мирэ́ шэрэскиро кэрдя́ ма́нгэ пхарипэ́н.

Дание́лё 7:2

Лыи тэ пхэнэ́л, о Дание́лё ракирдя́: “Дыкха́вас мэ дро миро суно́, акэ, штар болыбны́тка балваля мардэ́пэ пэ баро́ мо́рё (дэрья́в),

Isajos 21:2

Дарано дыкхибэ́н сыкадэ ма́нгэ: о чор чорэла, о прахари отлэла; заджа́, Еламо, ґаздэпэ, Мидо, сарэ́ ясва мэ залава.

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Ester 9:15

И скэдынэ́пэ Юды, савэ́ сыс дрэ Сузы, адя́кэ и пэ дэшуштарто дывэ́с чхонэ́скиро Адароскиро, и замардэ́ дрэ Сузы триншэла́ манушэ́н, а пэ чорибэн на чхудэ́ пэ́скиро васт.

Ester 9:11

Дрэ дова́-паць дывэ́с роспхэндлэ́ крали́скэ, кицы́ манушэ́н замардэ́ дрэ крали́скири фэлатин Сузы.

Ester 8:15

И, акэ, Мардохе́ё выгия́ крали́стыр дрэ крали́скиро урибэ́н яхонтовонэ и парнэ́ цвятоса, и барэ́ сувнакунэ́ коронаса, и дрэ мантия, висонытко и пурпурытко. И фо́ро Сузы отджидыя́ и зоралэ́с обрадындяпэ.

Čysly 12:6

И пхэндя́: “Шунэ́н Мирэ́ лава́: ко́ли тэ явэ́л тумэ́ндэ Ра́скирэ-Дэвлэ́скиро проро́ко, тэды Мэ отчхакиравапэ лэ́скэ дрэ дыкхибэ́н, и дро суно́ Мэ ракиравас лэ́са;

Юдэ́нгэ 1:1

Дэвэ́л на е́кхвар и пир саро́ ґары́м-ґара́ (ва́го) ракирдя́ амарэ́ прададэнгэ пир пророкэ́ндэ,

Ester 7:6

И отпхэндя́ Эстэ́ра: “Вэ́рго и на́лачхо ману́ш – кадава́ исын захало Ама́но!” И Ама́но страхадыя анги́л крали́стэ и кралицатэ.

Ester 3:15

Мануша́, савэ́н бичхадэ́, сы́гэс гинэ́ крали́скирэ припхэныбнаса, и упхэныбэ́н сыс пхэндло́ и дрэ крали́скири фэлатин Сузы. И кра́ли и Ама́но сыс бэштэ́ и пинэ́, а фо́ро Сузы сыс дрэ баро́ пиридживипэн.

Sykadyipén 9:17

И, ґа́да, мэ дыкхцём грэн сы́рбы дрэ сунэ́ и одолэ́н, савэ́ сыс бэштэ́ уклистэ́ пэ лэ́ндэ; лэ́ндэ сыс саструнэ́ панцыри, лолэ́ сыр яг, цёмна-синэ сыр гиацынто, жылта сыр се́ра (дзэвэ́ля). Грэнгирэ шэрэ́ сыс сыр шчэрэнгирэ (левэнгирэ) шэрэ́, и лэ́нгирэ мо́стыр джа́лас яг, тхув и се́ра (дзэвэ́ля).

Езэкилё 1:1

И сыс: дро (дэшутрито) бэрш, дро шта́рто чхон пэ па́нджто чхонытко дывэ́с, ко́ли мэ со́мас машки́р одолэ́ндэ, конэ́с традынэ дро пле́но, пашы́л рэка (лэнь) Ховар – откэрдяпэ болыбэ́н, и мэ дыкхцём дыкхибэна Дэвлэ́стыр.

Дание́лё 8:1

Пэ три́то бэрш кралипнаскиро, сыр Валтасаро яця́ крали́са, то явдя́ ма́нгэ, Даниелёскэ, дыкхибэ́н пало́ дова́, саво́ явдя́ ма́нгэ пэ́рво мо́ло.

Дание́лё 10:4

Пэ биш тэ шта́рто дывэ́с пэрвонэ́-чхонэ́скиро со́мас мэ пэ брэ́го барэ́-рэкакиро (лэнякиро) пашы́л Тигро,