Дание́лё 8:12 - Библия - Пэ Балтитко Романи чиб (Романэс) 2019

¹² И дава́ болыбнытко халадыбэ́н пиридыно сыс кхэтанэ́ кажнонэ́-дывэсэнгирэ свэнтонэ́ яныбнаса пал чорипэ́н, и ёв, кадава́ шынг, пэрадой чачипэ́н пэ пхув, кэрдя́ дава́ и удэласкэ лэ́скэ.

Biblija - Pe Baltitko Romani čib (Romanes) 2019

¹² I davá bolybnytko xaladybén piridyno sys khetané kažnoné-dyvesengire sventoné janybnasa pal čoripén, i jov, kadavá šyng, peradoj čačipén pe phuv, kerdiá davá i udelaske léske.

Дание́лё 8:12 Referans Kwoze

Ереме́ё 12:1

Чачуно́ сан Ту, Рай Дэвэ́л, ко́ли мэ ява́ва тэ лыджав миро рэ́ндо Ту́са, мэк мэ тэ ракира́в пал Тыро́ чачипэ́н. Со́скэ да злыднитконэ манушэ́нгэ удэлапэ кэ миштыпэ́н? Со́скэ исын куч одолэ́нгэ, савэ́ исын бикиибнарья [нахрата-р.с.]?

Isajos 59:14

И сэ́ндо гия́ палэ, чачипэ́н дур тэрдия́, пал-дова́, со чачипэ́н пыя́ пэ га́са [форуны́/пло́шча.-р.с.], и паты́в нисыр на заджа́ла.

Sykadyipén 13:7

И лэ́скэ сыс дыно́ тэ джал марибна́са пэ свэнтонэндэ и тэ лэл упралыпэ́н пэ лэ́ндэ, и лэ́скэ сыс дыно́ право пэ кажно ро́дыцо (колено) и пэ манушы́тко нацыя (народо), и пэ кажно екхэ́-чиба́кири ири́/сэ́м΄я (чиб), и пэ кажно кхэри́тко ро́до (племё).

Дание́лё 11:28

И дэ́лапэ ёв (кра́ли) пэ пэ́скири пхув (паш-рати́тко) барэ́ барвалыпнаса и лэ́скирэ илэ́са проти свэ́нто завето, и ёв кэрэ́ла дош, сыр ёв выкэдыя́, и ёв рисёла, кай исын лэ́скири пхув.

Дание́лё 8:4

Дыкха́вас мэ, сыр кодова́ бакро пхаравэлас шэрэ́са кэ за́падно (пал-панитко) риг и кэ паш-рати́тко (северно) риг, и кэ паш-дывэсы́тко (южно), со нисаво́ рискирибна́скиро мурда́л (зверё) на сыс тэ тэрдёл проти лэ́стэ, и нико́н на могиндя́ тэ зракхэлпэ лэ́стыр; ёв кэрдя́, со сыс пэ годы́ лэ́скэ, и пхутёлас.

Psalmy 119:142

Тыро́ чачипэ́н явэ́ла ўса́ды (сак) чачипна́скиро, и Тыро́ Зако́но исын чачуно́.

Psalmy 119:43

На отлэ сарэ́са чачипна́скиро лав мирэ́ мо́стыр, пал-дова́ со мэ древа́н ужакирдём лачхипэ́н Тырэ́ сэндостыр.

Ióvo 12:6

Розмарибнытконэнгирэ ша́тры зяинэна миштыпнаса, и кодолэ́, савэ́ прэзэнтынэна Дэвлэ́с, дживэ́на бидаракиро, – дава́ дэ́ла лэ́нгэ Дэвэ́л Пэ́скирэ вастэ́са.

1 Kralip 23:9

Ке́ли уджиндя́ Дави́до, со Са́уло задуминдя проти лэ́стэ фуипэ́н, то пхэндя́ раша́скэ Авиафароскэ: “Ян эфо́до.”

Psalmy 28:5

Пал-дова́ со ёнэ на дынэ́ паты́в Ра́скирэ-Дэвлэ́скирэ бутенгэ и одолэ́скэ, со кэрдэ́ Лэ́скирэ васта́, Ёв хасякирэ́ла лэн и буты́р на дэ́ла зор лэ́нгэ.

Дание́лё 7:21

Мэ дыкха́вас, сыр дова́ шынг мардя́пэ свэнтонэнца и пиризорьякирэлас лэн,