Дание́лё 8:11 - Библия - Пэ Балтитко Романи чиб (Романэс) 2019

¹¹ и ґаздыя́пэ, хачи, пэ Тхагаристэ [Князёстэ-ю.о.] пэ дава́ болыбнытко халадыбэ́н, и отлыно сыс Лэ́стыр свэ́нто яныбэ́н пэ кажно дывэ́с, и магирдо́ сыс штэ́то, кай свэнтыма сыс Лэ́скири.

Biblija - Pe Baltitko Romani čib (Romanes) 2019

¹¹ i ĥazdyjápe, xači, pe Thagariste [Kniazjoste-ju.o.] pe davá bolybnytko xaladybén, i otlyno sys Léstyr svénto janybén pe kažno dyvés, i magirdó sys štéto, kaj sventyma sys Léskiri.

Дание́лё 8:11 Referans Kwoze

Дание́лё 12:11

Кодолэ́ часостыр, сыр пириячэна кажнонэ́-дывэсытка свэ́нта дыибэна́, и сыр явэ́ла чхудо джунгалыпэ́н чхучипнаскиро, проджа́ла (накхэла) тысёнцо тэ дуйшэла́ енядэша дывэса́.

Дание́лё 11:31

И халадыбэна, со ёв бичхавэ́ла, магирэна Свэ́нто Штэ́то дрэ Кхангири́ и тва́рдыма, и тэрдякирэна кажнонэ́-дывэсытка свэ́нта дыибэна́ (жэртвы), и янэ́на далэ́са джунгалыпэ́н чхучипнастыр (пустотатыр).

Дание́лё 8:25

и пал-дова́ со ёв явэ́ла годо́ ваш хохаибэ́н пэ́скирэ фрэнтыматыр, ёв явэ́ла тэ рикирэ́л лофо дро пэ́скиро васт, и ёв пэ́скрэ илэ́са ґаздэ́лапэ вучэ́с, и ёв хасякирэ́ла бутэн, кон явэ́ла дро рама́нё, и проти Тхагаристэ-тхагарьенгирэндэ уштэ́ла, нэ явэ́ла пхагирдо́ на манушытконэ́ вастэ́са.

Езэкилё 46:14

А марунэ яныбнастыр причхувэ́н кэ ёв кажно зло́ко шо́вто ме́ра эфатыр оливи́тко дзэт три́то ме́ра гиностыр, соб (кай) тэ явэ́л дава́ кхэтанэ́ яржэса; кадасаво́ исын ве́чно припхэныбэ́н пал маруно́ яныбэ́н Ра́скэ-Дэвлэ́скэ пэ сарэ́ бэрша́.

Sykadyipén 17:14

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

Isajos 37:23

Конэ́с ту кошэсас и калякирэсас? Пэ конэ́стэ годлэсас и пэ конэ́стэ ґаздыян тырэ́ якха́ адя́кэ вучэ́с? Пэ Свэнтонэ́ Израилёскирэ Дэвлэ́стэ.

Юдэ́нгэ 2:10

Пал-дова́ со, чачэс, трэиндя́, соб (кай) Дэвэ́л, Саво́ создыя́ саро́ и дурэды́р ракхэ́ла, тэ сполнинэл саро́ пир Лэ́стэ пир Лэ́скирэ мэ́ньки, Саво́ исын Лыджаибнаскиро, соб (кай) тэ янэл сарэ́н тэ зракхэнпэ.

Luka 21:24

И ёнэ пэрэ́на куртала́тыр и вари-савэ́н лэ́ндыр лыджа́на дро пле́но кэ яви́р на́цыи; и На́юды явэ́на тэ штакирэн Ерусалимо, пака ёнэ явэ́на тэ рикирэ́н зор.

Дание́лё 8:12

И дава́ болыбнытко халадыбэ́н пиридыно сыс кхэтанэ́ кажнонэ́-дывэсэнгирэ свэнтонэ́ яныбнаса пал чорипэ́н, и ёв, кадава́ шынг, пэрадой чачипэ́н пэ пхув, кэрдя́ дава́ и удэласкэ лэ́скэ.

Дание́лё 7:25

и пэ Най Вучэдырэскирэстэ (Дэвлэ́стэ) ёв явэ́ла тэ пхэнэ́л шардытка лава́ и тэ пхарьякирэл свэнтонэн манушэ́н Най Вучэдырэскирэн, и ёв придуминэла тэ отпхэнэл лэ́ндэ свэнкитка часы и Зако́но, и явэ́на ёнэ отдынэ́ дро лэ́скиро васт кэ / жы́ко часо, и кэ часы, и кэ паш часо.

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

Ереме́ё 48:42

И явэ́ла Моа́во вымардо сыр нацыя пир дова́, со ёв барьякирдя пэс [гия́-р.с.] проти Растэ-Дэвлэ́стэ.

Ереме́ё 48:26

“Матякирэн лэс, пал-дова́ со ёв ґаздыя́ пэс пэ Растэ-Дэвлэ́стэ; и Моа́во явэ́ла тэ равэлпэ дрэ пэ́скиро чхадыпэн и мануша́ лэ́на дава́ штэ́то пэ данд тэ санпэ (кокоро́ явэ́ла просандло).’

Isajos 37:29

Пал-дова́ со ту пэ Ма́ндэ ґаздыянпэ холямипнаса, пал-дова́ со тумэ́ шундлэ́ Мирэ́ кана́, сыр ту пхутёса, Мэ чхува́ва Мири́ ангрусты дро Тыро́ накх и Миро савари дро Тыро́ муй и рискира́ва тут палэ долэ́ дромэ́са, савэ́са ту явдя́н.

Čysly 28:3

И пхэн лэ́нгэ: “Дава́ исын свэ́нто яныбэ́н ваш яг, сави́ тумэ́ сан бангэ́ тэ янэ́н Ра́скэ Дэвлэ́скэ: дуй бакрэ́ екхэ-бэршы́тка би дошакирэ пэ дывэ́с, дро цэ́ло схачкирибэ́н кажно дывэ́с.

2 Фесалоникийцэнгэ 2:4

ёв явэ́ла тэ джал проти саро́ свэ́нто, со кхарэ́на Дэвлэ́са ци свэнтымаса, адя́кэ, со ёв бэшэ́ла дрэ Дэвлэ́скири Кхангири́ сы́рбы Дэвэ́л и явэ́ла тэ выдэл пэс пал Дэвлэ́стэ.

Дание́лё 8:24

и ёв зорьякирэлапэ пэ бут, мэк и на лэ́скирэ зорья́са, и ёв явэ́ла тэ хасякирэ́л саро́ кэ ди́во и сы́гэс явэ́ла тэ удэлпэ лэ́скэ и тэ хасякирэ́л зоралэн и манушы́тко нацыя (народо) свэнтонэнгиро,

Дание́лё 9:25

Адя́кэ джин и ґалёв: со долэ́ дывэсэ́ндыр, ке́ли выджа́ла припхэныбэ́н тэ ґаздэ́н нэвэ́с Ерусалимо, кэ/жы́ко о Помакхно (Меси́я) [Христо́со, Баро́ Рай-р.с.] исын эфта́ эфтытка (седьмины) и шовдэша́ дуй эфтытка, и ґаздэ́на нэвэ́стыр вули́цы (га́сы) и ва́нты, нэ дрэ пхарэ́ часы.

Дание́лё 11:22

Халадыбэна явэ́на тасадэ сы́рбы потопоса и пхарадэ анги́л лэ́стэ, и о кокоро́ тхага́ри завето́скиро, явэ́ла ростасадо.